اتحمل والا اتطلق والا اموت نفسي وارتاح

[وصااايف]

السلام عليكم
اخواتي انا في امس الحاجه لمساعدتكم ونصايحكم ارجووكم لاتبخلون علي بالردود

قصتي طويله شوي بس تحملوني
انا عمري 20 يتيمه وكنت عايشه مع جدي وكان مدلعني لابعد درجه كنت عايشه بترف شغالتين واللي اطلب واتمنى يجيني لو ابي لبن العصفور..
انخطبت من شخص جداً ممتاز مبدئياً وعرف كل ظروفي واهلي قالوا له قبل ما اتزوجه اني مدلعه وماقدر اقوم بمسؤلية بيت لحالي وشرط جدي انه يجيب لي شغاله والعريس وافق وتزوجنا وعشنا احلى ايام عمرنا واستغنيت عن الشغاله واستغنيت عن كل شي لعيونه كنا نتعاون بكل شي مدة اربع شهور وبعد كذا انقلب زوجي 180 درجه صار مايعجبه شي وينتقدني بشده ويجرحني بكلامه تغاضيت اكثر من مره مع انه شي اساسي بالنسبه لي الاحترام وهو ماكان يحترمني..
صار يبخل علي بأتفه واقل الاشياء صرت اخذ من اهلي فلوس ويمد يده على شنطتي وياخذها وتغاضيت صار يبيع من ذهبي علشان يعطي اهله وتغاضيت صار يمد يده على عطوري وساعاتي ويعطيها خواته وتغاضيت صار يمن علي الطلعه من البيت مع انه مايجلس معاي اجبرني اصير زي الخدامه عنده بالبيت وتغاضيت يسمعني كلام كل يوم زي السم وتغاضيت ماصار يقدرني مهما سويت اكون مقصره..
صار يهددني بالضرب ويهددني انه رح يمنعني من اهلي وصار يعصب علي وانا ساكته لدرجة انه يدخل البيت اقعد ارتجف مايمديني افاتحه باي موضوع الا ويصرخ علي ويكسر الاشياء ويهددني انه يضربني
ماصرت اقدر اتكلم معاه ولا اطلب منه شي
ولما اقول له انا خلاص معد ابيك يقول لي احمدي ربك اني متحملك لو غيري ماقعدتي معاه ولادقيقه وانتي ماتعرفين تسوين شي
تعلمت الطبخ علشانه وصرت فنانه بالمطبخ وخليته يسوي عزايم كبيره انا اللي كنت اطبخ بس كنت اخذ شغالة اختي بس تغسل المواعين وماعجبه اخرتها يوم الخميس اللي راح سويت عزيمه كبييره وجمعت كل اهله وسويت سفره خياليه وش تتوقعون سوى بعدها....؟
تكلم علي وكسر الااب توب وهو يصارخ خلاني اخاف منه واكرهه بس اناظر وجهه وهو نايم وابكي والبارح صارت الطامه الكبرى قال لي انا معد ابيك بريال بس مارح اخليك تروحين لاهلك وقتها مادريت وش اسوي فكرت اموت نفسي بس حرام اللي ببطني يموت وماله ذنب
لو كلمت اهلي بيجبروني اتطلق ولو قعدت معاه بجلس بذل واهانه طول عمري دلوووني وش اسوي
على فكره انا متزوجه من سنه تقريباً وحامل بالشهر الخامس

 

[ثلج لؤلؤي]

السلام عليكم ورحمة الله وبركاته
هلا عزيزتي
انتي غلطانه اسمحيلي تتغاضين ليش ؟
الوحدهـ في تعاملها مع زوجها تكون حذرهـ
لا تعودينه على شيء وبعدين تقولين شو اسوي !
لانه شافك مستسلمه له زاد من سلوكه السلبي معاكي
ودام هاذي سواته ليش جبتي منه عيال
اللي صار صار والحمدلله قضاء رب العباد محدن برادهـ
انتي قرري وهالمرهـ وريه انك كفو
يا انك تواجهينه قدام اهلك واهله
يا انه يصطلب ويصير رجال كفو
والا الباب يوسع جمل
ولا تحمليـه ابحلوهـ وبمرهـ
غلط واكبر غلط تتنازلين عن اشياء تعتقدين انها بتقربك من زوجك
وهي تزيد من الفجوهـ بينكم
مفروض عرفتي طبعه وعرفتي كيف تتعاملين معاهـ
الله يسهل امرك و يستر عليك و تقومين بالسلامه ويقر عينك باللي ابطنك
اختك في الله​

 

[هيدروجين]

انصحك انك ماتسكتين له حتى مايتمادى اكثر
حاولي انك تجليس معاه جلسه وديه
وكل واحد يشوف الاخطاء ويوعد الثاني انه راح يتغير
يمكن يدردش معاك وتعرفين هو وش يبي
والله يعينك

 

[سعودية ماركة]

حبيبتي كونك تخدمينه وتطبخين له هذا حق من حقوقه

خذاها منّك بالكامل

طيّب ليش سمحتي له ياخذ من دون مايعطي بالمقابل؟؟؟؟

يااختي ليش تتغاضين عنه وتسكتين؟؟؟؟

ليش تسمحين له يمد يده على شنطتك وياخذ فلوسك؟؟؟

ليش تسمحين له يبيع ذهبك؟؟؟

ليش تسمحين له ياخذ حاجاتك ويعطيها خواته؟؟؟؟

ترى الانصياع لهالدرجة هذي والتنازل عن عن الحقوق

هو اللي يخرّب الرجال ويخليه يتمادى

كل ماشافك سكتّي عن حق قال ابي اجرب معها مشكلة اكبر

زوجك زي ماوصفتي شكله ( شمالي شرقي )

وهالنوع من الرجال ماتنفع معه الا القوة بالسياسه

يعني ماتنفع معه طريقتك هذي مرررررررررررررررررررررررررررره

اقصد طريقة اللين والتغاضي

وانصحك اختي دامك في اول زواجك

تتطلعين على بوصلة الشخصيات وتتأكدين

زوجك من اي نوع حتى تعرفين تعاملينه صح

الله يسخره لك ويصلح حالكم

 

[البنت وامها]

حبيبتي الله يعينج
حرام الحين تخربين بيتج وانتي تنتظرين مولود يديد
ليش ما تقولين حق يدج كل اللي صار وكيد يدج بحسبة ابوج واهو اللي مربيج ما يبي يخرب بيتج
بس تهديد ان لو ما عدل اخلاقه ما راح يردج له
والشروط اللي تنازلتي عنها في البدايه اخذيها الحين ولا تتنازلين حتى عن ابسطها
عشان يعرف يقدر المسئوليه وان انتي مو طايحه بكبد نفسج او بايره محد يبيج
وما في رياييل على راسج

 

[دلوعة هانم]

يالغاليه ولله مو عارفه ايش اقلك بس اعتقد انك ممكن تتكلمي مع جدك بطريقه تخليه ينصحه او يتدخل لمعرفه اسباب الخلافات ولازم يكون الكلام مع الرجال بطريقه وديه بدون مشاكل لسلامة بيتك
وانا بقلك شيء ترى الخوف الزياده من الزوج يبان على طول وهو يعرف انك تخافين منه وبيتمادى
والحق لازم الوقوف عنده ............ وانتى لازم تغيري شخصيتك وتفهمي شخصية زوجك
وهذا ترى ياخذ وقت وانتى لازم تكوني قويه ومصره على التغيير
والجئ لله بالدعاء والتقرب بالطاعات والزمي الاستغفار بنيه القرب من الله ومحو الذنوب اولا واخيرا
وتقبلي نصحي
فان اخطأت فمن نفسي والشيطان وان اصبت فمن الله

 

[ورده على الشاطئ]

الله يكون بعونك

 

[وصااايف]

الله يجزاكم الف الف الف خير ويفتح عليكم يااارب ويرزقكم من اوسع ابواب رزقه ماقصرتوا معي والله بس ابي اضيف شويه معلومات علشان توضح لكم الصوره اكثر زوجي عمره مايشوف نفسه غلطان وعمره ما اعتذر مني او اعترف بغلطه من ايام الملكه وهو كذا وعنده اعتقادات غريبه مثلاً لو قلت له تاخذ من شنطتي او من حسابي بدون علمي يقول انتي زوجه غير متعاونه ولو قلت له ليش تاخذ من اغراضي وتعطيها خواتك قال انتي تكرهين اهلي وغير كذا مايعرف يتناقش ابداً ولاجلسه وديه بتنفع معه لو جلست معه وكلمته اعرف وش رده يااما يخليني اخضع له بكل مايريد او يصرخ ويكسر هذا اسلوب التفاهم عنده
وعلى فكره انا مقدر اصرف ولاريال من حسابي بدون علمه وفي ايش صرفته بالظبط
وبالنسبه لجدي فهو كبير بالعمر ومارح يفهم الامور هذي والحل الوحيد عنده الطلاق انا اعرفه زين مايرضى علي وهو مايدري كيف انا عايشه

 

[ليه الجفآ]

حبيبتي كل سواياه هذي سببها تغاضيك من البدايه ماوقفتيه عند حده
والحين صار الي صار مانقدر نقول ليه سويتي وليه
بس لازم توقفين له وقفه حازمه ويعرف من انتي
اتوقع هو يسوي كذ1 معاك وماعليه فيك لانه حاط في باله ان مردك له وانك ماتستغنين عنه
بما ان هذا اسلوبه وكل شوي يطلع عيب
لا تستغربين منه لا سوى اشياء اكبر من كذ1
اوقفي وقفه امرأه حازمه وقويه ولا تخافين الا من ربك الي خلقك
روحي لجدك الله يحفظه لك وخبريه باسالفه وماعليك في زوجك
ولو فعلا يحبك وشااريك ماراح يتنازل عنك ابداا
وانسي تحسسينه انك ما تستغنين عنه وانه هو كل شي بدنيااك
ترا هذا الشي راح يزيد من جبروته عليك
خليك واثقه من نفسسك وماعليك بكلامه
الله يهديه لك ويقومك بالسلامه يارب


​

 

[للحياة معنى]

هالحين عندك جد زي الملاك وماتخبريه ايش اللي صار معك ؟؟قوليله كل شي وبسرعه انقذي حياتك لايصير زوجك مريض او يتعاطى مخدرات انتبهي منه وبسرعه تصرفي 00الله يعينك

 

[احب الخيرع]

اختي احبيبه الله يعينك ويفرج همك انتي غلطتي يوم خليته يمد يده على اغراضك وبعد مديده عليك وتقولين ماابي اطلق يااختي هذاماعرف قيمتك ولاقدرانك حامل انتي لازم تقولي الجدك ماتدرين يمكن يطرح البطنك زلام وضروري تقولي الجدك يوقفه عند حده وانتي اذ تبين تعيش لازم تكوني قويه بتصير ام لازم تخذي حقك منه والله ماعرف قدرك هذا الانسان يابي له امراه قويه يعني تربيه الله ويوفقك

 

[جنة أمل]

شو تترين؟ إلين ما يموتك؟ ياختي الوحده إذا ما سوت لها كرامه لا تتوقع الثانيين يسوون لها كرامه، وبعدين عندك جدك ما مقصر معاكي، ليش ما كلمتيه، ومش من حق أي حد أنه يحبس حريتك، إنتي إنسانه مش بهيمه، فاهمه؟ إنسانه. والله لو كنت مكانك بقلب الدنيا فوق تحت وباخذ كل حقوقي كامله غير منقوصه. يحمد ربه أنك رضيتي به وهو ولا شيء.

 

[طيبة البشر]

ياعمري عليك انتي من البدايه غلطتي ليش تسكتين له ياخذ فلو سك وعطوراتك وساعاتك وذهبك ليش هذا مو رجال بصراحه او يمكن بينكم عمل انصحك بالرقيه الشرعيه او اذا انتي متاكده ان مافي عمل خلاص حبيبتي لا تسكتين قولي لاهلك وافتكي كل هذا صار لك بظرف سنه الله يكون بعونك وبعون بنات المسلمين انصحك انتبهي لنفسك ولصحتك طنشيه وريحي بالك يقول البيت((ماتوقف الدنيا على شان رجال لاصار هو والغدر توم ولا يف من خان عهد الحب خاين ومحتال ماتلحقه **بــــــــــــنــــــــــت الحمـــــــــــــايــــــــــــل **حسايف)) انا بهالبيت مااحثك على شي بس اقولك شوفي ان الدنيا ماتوقف على شان احد ياعمري قولي للاهلك يحلون الموضوع خوالك عمامك علميه ان وراك سند واذا مافي فايده الله يعينك ويفرج همك

 

[ليه الجفآ]

اذا هذي حياتك من البدايه كذ1 صدقيني راح تتعبين كثير واذ على كلامك ماتقدرين تقولين لجدك شي
ماعندك الا انك تغيرين من شخصيتك
غيري فيها تغيير جذرري
اذا على اغراضك يعطيها خواته وانتي رفضتي ويقولك هذول اهلي وانتي ماتحبينهم
قولي اهلك على عيني وراسي بس ماسمح لا احد ياخذ شي من خصوصياتي حتى لو اقرب الناس لي
لازم يعرف ان عندك امور خاصه فيك ومحد له دخل فيها حتى هو المفروض مايتدخل بخصوصياتك
غيري من اسلوبك راح تكون الايام الجايه صعبه شوي من بدايه تغيير اسلوبك معاه بس مو مشكله الصبر الصبر واكيــــد بعد الصبر ربي يعوضك على صبرك خير
لاااازم تغيرين من شخصيتك لا تسولفين معه كثير وحاولي تتحاشينه الايام الجايه وخلي كلامك معه قليل
وفي الشي المفيد
واذا جا يدور هواش اختصري الكلام معه
وحطي حدود لغراضك الشخصيه ماله حق يمد يده عليها وشدي عليه وخلي نظرتك حازمه معه
مدرري بس حسيت من كلامك انك مرره طيوووبه
الله يوفقك



​

 

[جنة أمل]

صراحه وايد يفور دمي من الوحده اللي تشوف زوجها خسيس ويكفخ فيها ويسب فيها وهاجرنها ويخونها ومخلنها مثل الشحاته، وفوق هذا تركض وراه تبى رضاه!!! مرت علي حاله من هالحالات اللي أسميها "حماره"، ويوم قلت لها وليش راضيه بكل هذا الذل والإهانه، قالت لي بكل غباء: شو تبين الناس يقولون عني مطلقه؟
صراحه مثل ذيك الحاله أقل شيء ينقال فيها: اللي يسكت برضاه، يستاهل الضرب على قفاه.

 

[وصااايف]

الله يسعدكم ويجزاكم الف الف خير اعطيتوني ثقه بنفسي وريحتوا بالي ماقصرتوا معاي الله يرزقكم من اوسع ابواب رزقه
احس اني ارتحت نفسياً بعد ماشفت ردودكم لاني كل ماشكيت لاحد قال تحملي هذي نتيجه اختيارك وخلوني الناس احس ان الطلاق كااارثه خصوصاً اني يتيمه وماعندي اخوان اولاد انا ما انكر اني كرهته وماعاد اطيق العيشه معه بس كنت متردده وصابره خايفه من الطلاق وخايفه ياخذ ضناي مني..
بس كلامكم صح لو ماوقفته عند حده رح اظل طول عمري كذا ومارح اتحمل
رح اوقفه عند حده حتى لو وصلت للطلاق
اسأل الله العلي العظيم ان يجزاكم الف الف خير على نصايحكم صدقوني كنت محتاجتكم مشكوووورين الف شكر

 

[فتون المالكي]

عادي تطلقي ايش المشكله