ابي مشووورتكم ياابناااااااات لاتبخلوون علي

[مسك الكويت]

السلااام عليكم ورحمه الله وبركااته

خوواتي مشكلتي ببساطة ان زوجي طاالب مني احط بصندوق 100دك
تقريبا الف ريال واشوي معاه يعني نتشاارك وانا ماابي يتكل علي
علا حسب كلامه انه يبي نجمع فلووس
الصرااحه ياابنات انا ماالي شغل بالتجميع انا معااشي قوي واسوي استقطااع واهو معاشه بعد قوي بس ماايستفيد منه كلش بس يصرفه علا اشياء تاافه وياما جاه فلووس وماااستفاد سبحان الله الفلووس عنده ماتتبارك واهو حاليا يعايرني بغيري من الحريم اللي يساعدون ازواجهم
ويقول باخذ لي زوجه ثاانية احسن عشان تساعدني

يابناااات اهو ماايشبع بس يبي فلووس باي طريقه دش تجارة ومامشت ودش بورصه والسوق طاايح ودش جمعيات خلااااص اللحين يبي نجمع ؟؟؟؟؟؟؟؟؟؟؟؟؟؟ انا ابي يجمع اهو مو انا
انا قلت انا اساعدك بالبيت بعدين بس البيت الجديد ماايطلع لنا الا بعد 15 سنه
ليش اجمع بالصندوووووووووق

يابنات تكفووون ابي مشورتكم

اهو زعلاااان علي يقول ليش ماتحطين معااي وانا اعرفه انسان ماايمسك الفلووس اي احد يبي من الناس يعطيهم وانا اللي شاايله نفسي بالمصاريف من جميع الجهاات

شسووووي اشلوون اشيل شبح الصندوق من رااسه لانه مصر وزعلاااان من رفضي


سااعدووني

 

[*الصمت*]

انتي عارفته خلاص كل واحد يحط 100 دينار بحسابه الخاص ويشوف من اللي يصبر ويجمع اكثر
واذا نجح افتحي معه حساااب مشثرك؟.....
الله يعيننا على الرجال المتسلطين.......

 

[سنديان]

تبين نصيحتي طيعي شوري وسوي اللي يبيه الرجال اذا حط عينه على شي من فلوس زوجته اخذه بالقوه والا بالمروؤه
لاتحاولين تجادلينه ترى بعدين بينكد عيشتك والفلوس ماخذهم ماخذهم وانت الخسرانه اولاواخيرا يعني طيحي اللي براسك واستخلفي الله في اللي بتدفعينه واعتبريه مسروق
اعرف لك واحد نكد عيشة زوجته كله طمعان في طفسه وارثتها من ابوها لحد ما اخذها منها مع انه غني وراتبه عالي

 

[مسك الكويت]

مشكوووريين خوواتي فديتكم
اهوو راافض اني احط بحساابي يقول لا الصندووق احسن
وقبل هالمرة حطينا بالصندوق وبعدين ماقدر يكمل واخذ الفلوس وكان محتاجهم بشي وانا كنت حاطه اقل منه حتى قلت له ماتفرق عندي اخذهم
اللحين كررها ويقول لا هالمرة غير اللي طاافت ان شااءالله بنكمل علاا طول

واما سالفة ياخذ فلوسي بالقوة موووبكيفه صح انه حاليا جااف معاي بس انا بصبر وبشووف

الرياايل ياابنات مالهم امااااااااااااااااااااااان

 

[القلب المهجور]

والله مدري وش أقول بس أنا ماأفضل أن الحرمه تعطي زوجها من فلوسها وياما سمعنا عن حريم ساعدوا رجاجيلهم وبالأخير تزوجوا عليهم أو نكروا أنهم عطوهم شي
بس تدرين خذي قرض وحطيه بمشروع عشان تقولين له أن راتبك مايصفى منه شي
لازم تلاقين لك طريقه ..... بس لاتعطينه
هذا رايي وأنتِ فكري
الله يعينكِ ويهديكِ للطريقه الصحيحه للتعامل معه

 

[محرومه من زوجي]

حبيبتي بالامس وحده من الاخوات كتبت مشكلتها هنا تقول تزوجت وماحملت وتبين ان زوجي عقيم تقول ضحيت

 

[محرومه من زوجي]

معليش ولدي نزلها وانا ماكملت
المهم تقول ضحيت ولما وصلت العمر اني مااحمل
صار على الطالعه والنازله يهددني بالزواج من ثانيه ونسى تضحيتي..
فلذلك اقولك الرجال ماعندهم امان
فانتي قولي انا اشتري الارض واكتبها باسمي..
ولا تعطينه الا اذا انتي ماراح تحاسبينه بعدين ...

 

[جوجو فني]

صديقتي مافي فايده من زوجج خلاص لزم تغيرين معاه لزم تخشين حق نفسج من وراه افلوس وبس في حريم وايدد مشالله عليهم شي شي --تدرين حتى مايشتغلون من المال الي يعطونهم ازواجهم يخشونه ييعني احسن منا احنا الموضفات 00000

 

[rsrs]

جربي معاة شهر اخر.وقولي اخر مرة. بشرط ان الصندوق عيكون عندك ان نفع الحمدللة اما نفع لا تدفعين الشهر الي بعدة

 

[غنوجة بابا]

طبعا لاتعطينه ولا فلللللللللللللس واحد...وشوفيك تعرفين وضعه انه لعّاب بس...ليه متردده؟؟؟
اصلا لمجرد كلامه يوم يقول اعطيني والا بتزوج وحده تعطيني المفروض تغسلين ايدك منه مرررره وحده
بعدين البنات اللي يقولون اعطيه وبياخذ بالغصب وماادري ايش؟؟؟!!!!!ليه وين عايشين؟؟ في غابه
كم من واحد اخذ من زوجته واخذ واخذ واخذ>>>>>>وفي النهايه راح تزوج عليها بفلوسهااااااا

 

[آه يازمن]

طبعا لاتعطينه ولا فلللللللللللللس واحد...وشوفيك تعرفين وضعه انه لعّاب بس...ليه متردده؟؟؟
اصلا لمجرد كلامه يوم يقول اعطيني والا بتزوج وحده تعطيني المفروض تغسلين ايدك منه مرررره وحده
بعدين البنات اللي يقولون اعطيه وبياخذ بالغصب وماادري ايش؟؟؟!!!!!ليه وين عايشين؟؟ في غابه
كم من واحد اخذ من زوجته واخذ واخذ واخذ>>>>>>وفي النهايه راح تزوج عليها بفلوسهااااااا

اي والله كلامك عين العقل والرجاااال مالهم أمااااان :no:

 

[كتلة احاسيس@]

اقول لاتعطينه ولا فلس لان الرجال مالهم امان ولو حلفوا بالله انهم مارح يتزوجون بيتزوجون اذا كثرت فلوسهم المهم دوري اي حجة علشان ماتدفعين قولي اهلي محتاجين امي متسلفة وان اسدد دينها اواختي او انا داخلة جمعيه ومن اول السنة الدراسية قولي داخلة براتبي جمعية واذا جا وقتها قولي سلفتها وحده من زميلاتي بتسوي عملية وهكذا حتى يفهم انك مارح تعطينه وبيمل ولوزعل خليه يزعل ياما زعلنا عليهم ورضيناونسينا الزعل وبتوفيق

 

[تكن]

اخواتى انا لاحظت شى مهم وارجو ان تكونو معى الخت الكريمة قالت انها مسؤله عن احتياجاتها كاملة لذلك اين موقع الزوج من الاعراب انا اجزم ع كلامى ان الرجل الحق النشمى لا ياخذ من مال زوجته كراهيه فاين هو من ان يكون مسؤل عنها الشريعة الاسلاميه تقول ان الزوجمولماذانسؤل ع ان ينفق ع زوجته ولو كان مالها مثل مال قارون لماذا هذا الضعف من النساء امام الرجل ولماذا لاتقف امامه بكل احترام ف النقاش وتقول انا لم احملك عبئ مصاريفى لذلك اترك مالى لى وخصوصا اذا كان الزوج من النوع المسرف

 

[حلوه وكتكوته]

والله مدري وش أقول بس أنا ماأفضل أن الحرمه تعطي زوجها من فلوسها وياما سمعنا عن حريم ساعدوا رجاجيلهم وبالأخير تزوجوا عليهم أو نكروا أنهم عطوهم شي

 

[حور الكويت]

نصيحه لوجه الله. قولي له الشرع يقولك انت قوام علي . واذا بعطيك بيكون صدقه ولي الاجر فيك. بس انت ما فيك صدقه لان معاشك قوي.
لاتعطينه من معاشج. يكفينا يالكويتيات كل شي نسويه من معاشاتنا. ومعاشاتهم يسافرون هم فيها.
اختي وفرت لزوجها راح تزوج عليها ولاقالها مشكوره.اذا بيتزوج خليه يتزوج بس مو من معاشج. لان لو الفكره في باله بيسويها حتى لو عطيتيه.

 

[سينبون]

لا يا قلبي ما عليج منه هذا طماع وما راح يرتاح لين يفقريج
زين منج اللي شايله نفسج منه
والله يا بنات زمن يلوع الجبد الرياييل صاروا اشباه رجال
وين قبل الواحد يتسلف ولا يمد ايده على فلوس زوجته
الله المستعان
اصري على موقفج ورفضي ومصيره بيطخ

 

[جمــــنة]

شوفي وانا اختك اول شي صلي صلاة الاستخارة وبعدين قرري



الدعاء :​

عَنْ جَابِرٍ رضي الله عنه قَالَ : كَانَ رَسُولُ اللَّهِ صلى الله عليه وسلم يُعَلِّمُنَا الاسْتِخَارَةَ فِي الأُمُورِ كُلِّهَا كَمَا يُعَلِّمُنَا السُّورَةَ مِنْ الْقُرْآنِ يَقُولُ : إذَا هَمَّ أَحَدُكُمْ بِالأَمْرِ فَلْيَرْكَعْ رَكْعَتَيْنِ مِنْ غَيْرِ الْفَرِيضَةِ ثُمَّ لِيَقُلْ : ( اللَّهُمَّ إنِّي أَسْتَخِيرُكَ بِعِلْمِكَ , وَأَسْتَقْدِرُكَ بِقُدْرَتِكَ , وَأَسْأَلُكَ مِنْ فَضْلِكَ الْعَظِيمِ فَإِنَّكَ تَقْدِرُ وَلا أَقْدِرُ , وَتَعْلَمُ وَلا أَعْلَمُ , وَأَنْتَ عَلامُ الْغُيُوبِ , اللَّهُمَّ إنْ كُنْتَ تَعْلَمُ أَنَّ هَذَا الأَمْرَ (هنا تسمي حاجتك ) خَيْرٌ لِي فِي دِينِي وَمَعَاشِي وَعَاقِبَةِ أَمْرِي أَوْ قَالَ : عَاجِلِ أَمْرِي وَآجِلِهِ , فَاقْدُرْهُ لِي وَيَسِّرْهُ لِي ثُمَّ بَارِكْ لِي فِيهِ , اللَّهُمَّ وَإِنْ كُنْتَ تَعْلَمُ أَنَّ هَذَا الأَمْرَ (هنا تسمي حاجتك ) شَرٌّ لِي فِي دِينِي وَمَعَاشِي وَعَاقِبَةِ أَمْرِي أَوْ قَالَ : عَاجِلِ أَمْرِي وَآجِلِهِ , فَاصْرِفْهُ عَنِّي وَاصْرِفْنِي عَنْهُ وَاقْدُرْ لِي الْخَيْرَ حَيْثُ كَانَ ثُمَّ ارْضِنِي بِهِ . وَيُسَمِّي حَاجَتَهُ ) وَفِي رواية ( ثُمَّ رَضِّنِي بِهِ( رَوَاهُ الْبُخَارِيُّ (1166) ​

وانا من وجهة نظري الرجال ناوي الزواج لكن بيجمع هذا اذا ما كان ناوي ياخذ فلوسك ويتزوج فيها , بالطقاق وانا اختك خليه يتزوج على الأقل ماتتحسرين على فلوسك اللي بتروح للضره ولا تتمنين له الغنى بالعكس افضل شي الرجال يفقر لأنه سبحان الله من يجيه لو ريال زود على راتبه فكر في الزواج واحد اعرفه تزوج ثانية وهو عمره 30 سنه وذاق الفقر لكن بمجرد ما جته زياده 2500 على راتبه تزوج الثالثة شفتي مع ان والله زوجته الاولى ملكة ملكة جمال لكن رجال مالهم امان لكن على الاقل بالحلال اشوى من انه يخاوي فاجرات ..​

 

[أم الأقمـــــار]

مجنونه مجنونه مجنونه مجنونه ان اطعتي شووووووووره

ترى نصابين الرجال قسم بالله

واذا يبي يوفر يوفر بروحه مو لازم انتي معاه

انتي افتحي حساب توفير لك وخلي دايركت ينزل شهريا فيه 100 دينار وقولي له بس انتبهي تسحبينها علشانه

صدقيني باين من زوجك ماراح يوفر مثل ماوصفتيه

.
.

انتبهي علشان ماتندمي بكرى وتجين تقولين وفرت معاه واكتشفت انه سحبهم وتزوج فيهم خخخخخخخخخخخخ

اختي والله من تجارب اللي حولي ومن اللي اقرا في المنتدى ومن خلال تعاملي لاتعطينه شي من راتبك

ولما يناقشك قولي انسى ان عندي راتب المفروض كل مصاريفنا عليك يكفي اني شايله نفسي منك

.
.


سندياااااااان ردودك دايما غريبه صراحه وتنرفز​

 

[مسك الكويت]

فديتككم حبايبي والله
نفس تفكيري انااا معااااكم وانا داايما انصح البنات بكل اللي قلتووه مااكنت اتوقع ان بيجي اليووم اللي انحط بهالموقف

انا ماراح اعطيه كفااايه ان لبسي واغراضي وحتى اواني المطبخ مني بس انا مااقوله اني شريت اسكت عشان ماينتبه
بس المششششششششكله

ابي حل

حلف انه ماايلمسني الا اذا حطيت معه بالصندووووووووق؟؟؟؟؟؟؟؟؟؟؟؟
قلت بحسابي اجمع قالي لا ؟؟؟؟؟؟؟؟؟

ماتوقعت يطلع تفكيره جذي

 

[Buthaynah2]

حسبنا الله ونعم الوكيل