ابي مشورتكم سالفتي سالفه

[اتعبني غرورك]

حبيباتي ومليكاتي الفاضلات انا سالفتي سالفتي سالفه
بصراحه ومرح اطول عليكم انا متزوجه من رجل طيييييييييب مره وراتبه زوين يعني يصرفنا في الاشياء اضروريه لان عندنا اطفال وقروض وسيارات المهم انا تجيني فلوس ومو شهريا يعني مره بعد شهرين او مره بعد اربعه بس دخلها طيب وبصراحه اهل زوجي عائله كبيره بعض الشي ودخلها بسيط وانا بصراحه احبهم واحترمهم جدا لان زوجي يستاهل ذلك المهم اذا رحت لاهل زوجي ومعي فلوس والله ما اقصر اشتري الناقص بلبيت واخذ هدايا لهم الي نفسهم فيه وازين بيتهم قبل العيد واشتري الحلاوى الفخمه طبعا ابي ارفع براسي وروسهم قدام اهلي واخذت لخالتي ام زوجي هديه والله بالفين ريال كلها على بعضها
واشتريت لاخته الصغيره قيم بوي من تويز ار اص ابي ادلعها وجت اخته زياره لاهلها وعزمت البنات وخالتي وتعشينا ب800 ريال وانا اعطي اي احد محتاج منهم والله من غير منه او حسبان واقسم لكم يمين بلله اني خسرت في الاجازه الي راحت حول الخمسه الاف ريال وانا اقول بلعافيه بس تدرون وش القهر كله
تخيلو بنته الي جت تزورها اعطت امها  ريال بغت تموت من الفرحه إلآوهيه تقول محد اعطاني عيديه غيرك انتي وابوك واخوك وانا جالسه وانالي معطيتها العيديه الزينه ولبس العيد وتحف للمجلس والثلاجه مليانه قبل العيد والهدايا لها ولعيالها وكله ابي انفخ براسي وراس زوجي بس بصراحه انقهرت منها مع انها طيبه فيني بس ردت فعلها قهرتني
واناكنت متردده اني انزل الموضوع عشان محد يفهمني غلط او يقول انتي تعطين وتمنين انا كنت استنا شكر او الله يعطيك العافيه مع العلم ان الفلوس ال تجيني عن طريق اهلي ع شان ابوي متوفي الله يرحمه
ابي النصيحه واش اسوي !!!!!!!!!

 

[سحابه ماطره]

بصراحه انتي غلطانه اهديهم واعطيهم بس بحدود وبعدين بيتك وعيالك لهم الاولويه وانتي تقولين انه عليكم قرووض وديون ساعدي زوجك طيب هو الي بينفعك ويحطك فوق راسه المره ماله غير بيتها وعيالها هذاالس عتدي واكيد الام بتحب بنتها وتشوف هدية بنتها كنها مهديتها كنوز العالم بالتوفيق اختي

 

[موجة صدق]

حبيبتي حطي في بالك ان الله ماراح يضيعك لانو نيتك صافيه ويمكن هي تقصد حريم عيالها الثانين لانو انتي فضلك كبير ومايحتاج ابراز و\كر الله

 

[بقعة ضوء]

حبيبتي سوي اللي يرضي ضميرك .. إن عطيتيها فهو عشانك طيبة وكريمة وان بطلتي فلنكرانها ....

نصيحتي لك .. لا تعطيهم بزيادة خلك وسط يعني مبلغ زي اللي صرفتيه علشانهم ولا قدرو انتي وزوجك أولى فيه ....

ممكن تدخريه عشان اليوم الأسود على قولة المصريين ..

 

[سـمــر]

شوفي ياعسل من غير ما تزعلين..انتي قلتي اني صرفت عليهم علشان انفخ براسي وراس زوجي..
كنت تنتظرين هالنفخة جزاء لك..وما حصلت لك بعدين حسيتي انك مظلومة ومسلوب حقك
انا ما اخالفك الرأي كلنا نسوي اشياء بعض الاوقات نبغى شكر الناس وهذا غلط بس مانحس بهذا الشي..
لكن قبل ما تتصرفين زي هذا التصرف خاطبي نفسك..قولي انا سويت هذا الشي لأن هذا الشخص أرى انه يستاهل
الشي الثاني انه انا ودي اسويه..عندي فلوس زايدة مثلا أو ودي افرحه
أو مثلا اني فاضية وسويت هذا الشي..
الشي الثالث:اشهد يارب اني سويته ابتغاء لمرضاتك
بعدها ياحلوة انه ان شاء الله بتحصلين الاجر,اذا شكروك بتنبسطييين لأنك بتكونين ماتوقعتي هذا الشكر
,انك بتنسين هذا المعروف لللأبد وهو اهم شي ..مايجلس على قلبك وكل ما جا شي قارنتي فيه

فاهمتك انه مو قصدك انك منتظرة شكرهم..كنتي منتظرة الاحساس باللي سويتيه

الشي الثاني اني اتوقع انه ام زوجك هي معتبره هديتك لكن ماعدتها عيديه..يمكن انتي قدمتيها وبس..فـ ما انتبهت او ربطت بينها وبين العيد..
ويمكن هي تقصد احد في المجلس ما اهداها .. وعدت الي اهدوها ع السريع مو مقصدها انها تتذكرهم أو تشكرهم اساسا بس حبت ما تفوت الفرصة وتنبه شخص ما

وو بس .,اسفة ع التطويل بس مابيك تتحسرين .,

 

[دهن عووووود]

تصدقين هي تتعتبرها من عند ولدها وهذا واجب عليك ماتدري انك تعطينها من مالك الخاص

صراحه ماله داعي ولا واجب واصلاً ماهي حاسه فيك خليك وسط فيه مناسبه اهدي زي كل الناس

مافيه ماله داعي ولازم ولدها يقول لها نرى الهدايا اللي من فلانه مو من عندي هذي من الفلوس اللي تجييها من عند اهلها بينه وبينها احسن


وبعدين بيتك اولى واولادك ونفسك

 

[مون الليل]

شوفي يا حلوة تصرفك هذا واضح منه انك تبين تتظاهرين بالاكراميه قدامهم وتعززين من منزلتك بينهم وبين زوجك .. والدليل لما ام زوجك ماذكرت عيديتك انجرحتي...

حبيبتي . في هذا الزمن لا تنتظري كلمه شكر او اعتراف بالجميل ,, فقط اهدي من تحبينهم واحمدي ربك على كل حال
يعني مثل المثل الي يقول (اعمل خير وقطه بحر)

وبصراحه اني اشوف انك وااااااااااايد بالغتي في اكرامهم وهدايه لهم ... نصيحه في هالزمن محد لاحد ,, والله يعلم وش يصير ,, بكره يتغير اي شي او تصير مشكله وتعضين ايدك ندم...
انا اقولك احفظي فلوسك لك ولعيالك ودللي فيهم اولادك اولى من غيرهم .. وبكره يدور الزمان وتحتاجين فلوس وما تلقين من يسال عليج .. الزمن غدار ... ولا تلعبين بالنعمه

واذا هم يقدرونك ويحبونك بحبونك لنفسك ولذاتك وبيحترمونك وبعزونك ... مو لفلوسك

فكره ان كلما زدتي في هدايا لهم بزيد حبهم هذا خاطئ

خليك طبيعيه وخلهم يعاملونك على طبيعتهم ولا على اساس معروف او جميل ويحبونك من قلبهم صدقا وليس لاجل مصلحه مثلا

 

[ياربي انصرني]

انا فاهمت من كلامك انك كنتي تتوقعين تقدير لبذلك لهم مقارنه بما اعطيتيهم وبين مااعطتها بنتها000

واحدت عندك ردة فعل 000

ومن وجهة نظري اي شي تعطينه احد سواء اهل زوجك او غيرهم لاتنتظرين جزاء ولاشكور


اجعلي نيتك في ذلك خالصه لوجه الله 00ثم ادعي ربك ان يكون هذا فيه سخره لزوجك لك ودفع البلا ء عنك وعن زوجك وعيالك 000

وان شاء الله ربي مايضيع ذلك بتشوفين عزا لك في الدنيا والاخره ولكن بشرط اجعليه خالص لله


لان الواضح انك انسانه كريمه وما فيك انانييه والشيطان متربص لك تلك اللحظه ودخل عليك ليفسد عملك فانتبهي 000

 

[ANGE]

سو خير وقطه بحر

 

[زوجة نوني]

حبيبتي جزاك الله خير .ولكن نصيحه ومن تجربه نفس تجربتك اعتبريها صدقه لدفع البلاء عنك وعن اولادك والي يضيع عند الناس مايضيع عند الله .ونصيحتي لك لاتبالغين في الصرف يعني حددي مبلغ معين ولاتزيدين وخلي زوجك يصرفه لانهم بيقدرون عطاء ابنهم اكثر منك .وقتها اذاكنتي خسرت مدح اهله فعلى الاقل تكسبين زوجك وهو الاهم.وارجع اقولك لاتتبعين صدقتك باالمن والاذى.

 

[روح القلوب]

حبيبتي انتي صح اكرمتيهم
بس نصيحه لوجه الله فهالزمن ماحد لحد ومثل ماقالن الاخوات ماتتنتظري كلمه شكر ع عمل سويتيه
الفلوس هذه اولى فيها عيالج وانج تحطيهن للايام السوده فاذا لا سمح الله حصل لج شي فصدقين ماحد بينتبه لج ولا بيعطيج فاحسن لج تخلي اولياتج الاهم والناس الثانيه عطيهم بالحد المعقول اللي تشوفيه مناسب بس مب اكثر من نفسج وعيالج
هذه نصيحه وانتي سوي اللي يريحج
سمحيلي

 

[نجوم الابداع]

هلا حبيبة قلبي


رضي الناس غاية لاتدرك


ارضي زوجك يالغالية وتركي عنك الهدايا هالفترة بس وسددي ديون زوجك



وحسبي حساب باكر


باين عليكي قلبك ابيض ودك برضي كل الناس


لكن بيتك وزوجك لهم حق عليكي

 

[*شمووع*]

حبيبتي انتي سويتي الخير ابتغاء لمرضات الله فلاتزعلي نفسك وخلي صرفك لهم بحدود المعقول ....
وبعدين قلتي ان الحرمه طيبه يمكن هي مقدره اللي تسويه بس البنت اول مره تعطيها فحبت تمدحها وتحمسها عادي انا ماشوف فيها شي ترى الحموات الطيبات ناره هالايام .....وبعدين هي بمثابة الوالده لاتحاسب على تصرفها .