ابي مساعدتكم شخصيتي متعبتني

همس الغلآ

همس الغلآ

New member
إنضم
2011/06/28
المشاركات
31
السلااام عليكم ورحمة الله


هذااا اول موضوع لي ... ابصراااحه انا محتجتكم :8:


وبي منكم تساعدوني .. مشكلتي حبيباتي .. ااام شخصيتي يعني انا ما اتحمل اي كلمه اي حركه تجرحني


ما اعرف ارد على احد حتى لو اصغر مني لساني ما تعود .. ما اعرف :8:


او المشكله من اهلي لما كنت صغيره كانو يقولون عيب تردين على احد ياويلك وكبرت على هذا الاساس


ولين الحين انجرح كثير ابي اغير شخصيتي البايخه وطيبتي اللي يضحكون عليهاا


يقولون الكل يضحك عليك واي واحد يلعب عليك ... ازهق من الكلمه وتوهم اليوم يذكرون السالفه



اجماع على شخصيتي اللي تعبتني .. حاولت كثير بس ما قدرت دموعي مشاء الله سريعه وشكل وجهي ينقلب بسرعه


اذا زعلت مو عرفه الحال
 
ياقلبي انتي حساسه مرررررررره

بس ما عندي طريقه لحل مشكلتك بختصار لأني مثل حالتك بس بشوية اختلاف صرت احاول ارد على اللي يغلط بحقي
احاول قد مااقدر اتغلب على طيبتي البايخه اللي فيني
 
انا كنت زيك بس صرت اطنش الكلام اللي يجيني -وبعدين فكرت قلت هي تقط علي كلام وتجرحني ولا هميتها ليه ماسوي زيها -وتصير ماتهمني وفعلا صرت ارد عليها واسكتها -
 
الحب الاجمل

الله يعطيك العااافيه والله يكون في عونا

ونقدر نغير من شخصيتنا شوي

لكي ودي
 
كده تضمني انك تكوني رشيقه طول العمر ههههههههههههه
 
شوفي حبيبتي شخصيتك مو بايخه أبدآ بالعكس هذي طيبة أصلك يمكن تكوني حساسه علشان كذا ما تردين على أحد علشان ما يجرحك بكلمه حتى لو كنتي تربيتي على كذا بأمكانك تغيرين من شخصيتك يعني الكلام اللي يجيك من الناس وما يهمك ترفعي عنه مو لازم تردين لأنهم ناس ما يستحقون تعطينهم وجه
بس لما يكون الكلام يأثر فيك حاولي تردين عليهم بحكمه
أو على قولتهم مزحه برزحه بدون ما تجرحين أحد علشان تضمنين أنه ما يرد عليك وبأمكانك تسوين دورات بينك وبين نفسك يعني تخيلي أن أحد ممكن يقولك كلمه تجرحك وكيف ممكن تردين عليه وحطي في راسك أكثر من موقف من اللي مرت عليك وحليها بينك وبين نفسك وأستمري على كذا ورح تلاقين نفسك تردين على كل واحد يجرحك بس بطريقه راقيه ومؤدبه وداومي على الأستغفار لأنه يحلي اللسان ويقومه . ​
 
الشخصيه الحساسه تدمررررررررررررر نفسها بنفسها كيف؟يعني لما تغلط عليك وحده ومتردي عليها تجلسي بساعات ليش مارديت وليش هي تخطي علي انا طيبه وهم اشرار صح !!الحل انك تفريق بين اللي قاصده تغلط فيك وتحرجك وبين اللي لها وجة نظراخرى اللي قاصده تحرجك عاااااااااااااادي ولاهمك اكتفي ببتسامه ثقه وخليه تموت حره هي مو انتي والحقران على قولتهم يقطع المصران ههه والله مدري من وين جايبين هل المثل بس هوكذا والي لها وجهة نظر مخالفه لك عاااااااااااادي فوجهة النظر لاتفسد للود قضيه اهمي شي يلغلا طنشي وعيشي حياتك
 
غاليتي
انتي في هالدنيا بتواجهين ناس اشكال ونفسيات واطباع
الطيب والخبيث والعصبي والقاسي والمريض

صعب جداااااااا كل مااحد جرحك بتتحسسين وتعيشين في هم وطبعا هو ولا دااااااااري صح ؟

قوي شخصيتك اقرأي كتب حاولي تطوري من اسلوبك والله راح تستفيدين مررررررة
واذا احد جرحك وعندك رد ردي عليه ووقفيه عند حده لان من موقف واحد خلاااص بتنحل عقدتك وتحسين بالانتصار

واذا ماعندك رد
لاتوضحين له انك تأثرتي واصعب شي الحقران اذا حس الشخص انك ماتبين تردين عليه محتقرته مو منجرحه ومكسورة

وأخيرا
تذكري
فوق العباد رب العباد

اذا احد جرحك تذكري ربي اللي بيحاسبهم وبياخذ حقك منهم والله تعيشين مرتاحة وتوكلين امرك له
​
 
الله يعطيكم العااافيه


اسعدني انكم تفاااعلتو مع مشكلتي ..

الله ينور دربك ويسعدك يارب لكل من رد علي
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل