ابي شوركم خواتي

[شوووري]

السلام عليكم

اول شي انا جديده بالمنتدى
سجلت فيه لاني شفتكم عندكم خبره و تنصحون بعض و حبيت استفيد منكم


انا بقولكم سالفتي و ابي رايكم

انا كنت نايمه عند اهلي يومين لاني حامل و تعبانه،
دق علي زوجي و قالي بجي اخذج الساعه 9 قلت اوكي
صارت الساعه عشر ما دق علي و لا دزلي شي استغربت مو عادته
دزيتله متى تجي رد علي ( ماني جاي انا متعود اني أنام ألحالي مو لازم اني اجي )
تضايقت من كلامه انا نايمه عند اهلي لاني تعبانه و هو يدري ليش يقول جذي !
بس قلت مابي اكبرها رديت عليه بس انامشتاقه لك ما رد علي
نطرت شوي و بعدها دقيت عليه قلت له بدلع هاا متى تجيني صرخ علي و كلمني
بنفسيه قال ماني جاي سكرت ، تضايقت و قعدت ابجي انا ما سويت شي ليش جذي يعاملني
طرشتله مسج اعاتبه ليش سوا معاي جذي دزلي بكل برود كيفي .


بنات باجر بجي ياخذني من بيت اهلي شنو تنصحوني ازعل و الا اطوفها
انا ما عندي احد استشيره غيركم و الله ما قدرت انام متضايقه
ساعدوني

 

[رندا كووول]

مرحبا شووري
هل كان بينكم خلاف .او ذهبتي الى بيت اهلك وهو غير مقتنع بذهابك ؟؟

 

[أحب حبك]

خيتو باكر اذا جاء يشلك خليك كاشخه ولابسه وكل شي يعني حلوه حلوه حلوه ببساطه لكن بيني زعلك مثلا ردي ع قد سؤاله
ولا تناظري في عيونه وبيني شكلك زعلانوصوتك شوي حزين

مثل البنوتات الصغار لما يزعلن
واذا رحتو للبيت وما راضيك وما حاول يراضيك لبسي لبس تعرفي ان ايجننه وخليك مشغوله عنه وانت زعلانه لين تحسي ان جاي عشان يراضيك

وكيف يعني يراضيك يحاول يفتح اي سالفه ويضحكك ومن هذي الحركات عادانت خليك ذكيه ورضي بسرعه وكلميه بدلع وقولي اسبابك انك تعبانه وكذا وبكل دلع قولي له اممم حبيبي عقاب حالك اتشتري لي ايسكريم بكل دلع ورقه مثل البنوتات الدلوعات
وبإذن الله اتنحل الامور بينكم
ولا تكبريها ولا شي

 

[شوووري]

مرحبا شووري
هل كان بينكم خلاف .او ذهبتي الى بيت اهلك وهو غير مقتنع بذهابك ؟؟

لا عادي وداني بيت اهلي و هو مقتنع و يعرف اني تعبانه

 

[شوووري]

خيتو باكر اذا جاء يشلك خليك كاشخه ولابسه وكل شي يعني حلوه حلوه حلوه ببساطه لكن بيني زعلك مثلا ردي ع قد سؤاله
ولا تناظري في عيونه وبيني شكلك زعلانوصوتك شوي حزين

مثل البنوتات الصغار لما يزعلن
واذا رحتو للبيت وما راضيك وما حاول يراضيك لبسي لبس تعرفي ان ايجننه وخليك مشغوله عنه وانت زعلانه لين تحسي ان جاي عشان يراضيك

وكيف يعني يراضيك يحاول يفتح اي سالفه ويضحكك ومن هذي الحركات عادانت خليك ذكيه ورضي بسرعه وكلميه بدلع وقولي اسبابك انك تعبانه وكذا وبكل دلع قولي له اممم حبيبي عقاب حالك اتشتري لي ايسكريم بكل دلع ورقه مثل البنوتات الدلوعات
وبإذن الله اتنحل الامور بينكم
ولا تكبريها ولا شي

اممم يعني ما اكبرها

 

[الله يفرج علينا]

اختي يمكن متضايق من شئ اهله عمله او اي شئ زوجك ولازم تتحمليه روحي كاشخه بكره وازعلي بدلع وكل شئ بينحل وبيقولك ليه كان معصب

 

[لن أيأس]

لا تكبريها ...................................

 

[rajiyat allah]

اختي زوجك تصرفو نفس تصرفات زوجي وهدا يدل على ان زوجك لايريدك تبتعدين عنو حتى لو كنتي مريضة الحل لما يجي ياخدك تصرفي عادي مع شوية زعل الله يسعدكم

 

[رندا كووول]

لا عادي وداني بيت اهلي و هو مقتنع و يعرف اني تعبانه

عزيزتي انصحك ماتبتعدي عن بيتك كثير ..زوري اهلك لكن لاتنامي الا في بيتك .>>>>عشان مايتعود ع بعدك..ويشعر بألمك عند تعبك .يحس فيك وتحسي فيه.خليه يعرف ان الحمل تعب وانجاب طفل ليس بالساهل >>>اذا كان اول حمل تدللي عليه مافي مشكله.
.....
نجي لمشكلتك الحاليه كيف تستقبليه؟؟
قولي اشكرك عشان سمحتلي ارتاح ليله ثالثه عند اهلي ...لكن ماقدرت انام البارح اشتقتلك .كنت ابجيك بطياره وابتسمي واضحكي وخليك مبسوطه .ولا تقلبي الليله نكد.
لاتجيبي طاري الاتصال والكلام اللي حصل بينكم..
ووضحي له مدى اشتياقك له باللبس والدلع.

يمكن كان مضغوط او تعبان >>>>>>التمسي له الاعذار .ولا تكبري الموضوع.

اعرفي نمطه ونمطك لتفهمي شخصيته وتكتشفي طرق التعامل معه

الله يسعدكم ويقومك بالسلامه .ويرزقكم بالطفل السليم المعافى..