ابي شعري يطول تكفون

[2311jojo]

حبيباتي الي تعرف شي يكثف الشعر ويططططططططططططوله لاني تعبت منه وزهقني باهت ابي يكونفيه لمعه اكيد بتضحكون علي بتقولون شعندها داخله بقوه بس والله كل جماعتي وحريم اخواني شعورهم للركبه واسالهم مايقولون ليه الحسد مادري وانا اي شي يسالوني اقولهم بس انشاءلله يبعثلي ناس طيبين ويقولون

 

[طلة القمر]

ياقلبي إستخدمي زيت هنتر من عند الصيدليه أو العطار

بس أنا لاقيته عند العطااار


يكثف ويطوول الشعر

وإن شاء الله مارح تندمي


دعوااتك لي بالستررررر​

 

[ثقتي عاليه]

قصي شعرج كل 3 شهور في نصف الشهر الهجري ايام البيض .. عشان يطول شعرج

وعمليله مسااج كل يوم وحطي زيووت مثل زيت الصبار

وموفقه

 

[أسيرة حزن]

يا عمري لا تضيقين خلقج الخلطات كثيره بس خلي عندج عزيمه واصرار واستمراريه
انا عن نفسي أمدح لج الحلبة المطحونه مع الزيت اللي تبين... صبار أو عافيه أو سدر أو دابر املا بكيفج لج حرية الاختيار بس المهم تنقعين معه حلبة مطحونه لمده لا تقل عنى عشر ايام والله بتشوفين طول مو طبيعي ....
أنا مجربته بنفسي والله ....
بعد فتره بتشوفين الشعر اللي توه طالع طول الاصبع تقريبا ....
وانا متأكده ان البنات بيفيدونج بتجاربهم ...

تقبلي تحياتي

 

[2311jojo]

مشكورين علا الردود انقع الحلبه مع زيت النارجين ينفع

 

[smy]

استخدمي زيت فاتيكا بزيت الزيتون من الصيدليه

انا متاكده انك اذا استخدمتيه بتدعين لي

 

[********@hotmai]

استخدمي زيت الثوم أنا مجربتة بنفسي

 

[جسدبلاروح]

فيه بخاخ في الصيدليه اسمه هيروجرو لون العلبه خضراء روعه بس اسالي دكتور او الصيدلي لان الحامل ما تستخدمه ولا المرضع روعه الكل ادحه حتى دكتور كلمته مدحه
دعواتك لي ان الله يرد لي زوجي

 

[اسيــــرة همومي]

زيت كيشور دهني وزيت نارجين

الكميه:
علبه من كيشور دهني

وعبي العلبه اربع مرات من النارجين

انا مااستخدمتها بس في بنات كثير يمدحونها



و انا ان شاءالله بسوي لي جدول واذا شفت نتيجه انزله لكم

ادعولي انو جدولي يفيد شعري علشان افيدوكم فيه​

 

[2311jojo]

مشكورين علا الردود والله يرد لك زوجك ياجسد بلاروح تاثرت بلقبج وشعررت بالحزن وبادعيلج وكل الحلوين الي ردوا علي