ابي رايكم ياليت ماتقصرون معي

[برنسيسه9]

الله يسخر لكم ازواجكم يارب ماقصرتو هو جاء اليوم وخذا بنته وراح يمشيها ولما امي قالت له تعال اجلس معانا جواء مارضى لي انه كان عارف ان خواتي مو في البيت وانا جالسه مع امي قلت لها ماراح يجي وانا موجوده اذا طلعت رحت لدوام راح يجي يجلس معك
انا عارفه هو وش يبي يبيني انا الي ارجع له واقوله اني انا الغلطانه مع اني ماغلطت وش رايكم فيه اسحب عليه ولا اكلمه ولا ارجع له ولا اقول انا غلطانه مع اني ماغلطت ولا قصرت معه بشي اه بس

 

[جنينة امها]

اختي لاتكلمينه ولا ترسلين له مسج اتركيه لين ينطحن الحب اللي براسه

تبين احلف لتس حلفت اذا رجعتي بيذلتس وبياخذ راتبس وغير كذا بيطالب باكثر من اللي عطيتيه واذا رفضتي بيزعل

انا ماني ضد ان الزوجه تتعاون مع زوجها وصدقيني الحياة الزوجيه ماتمشي الا على التعاون والتفاهم واذا حس ان قلبتس عليه حبتس وتعلق فيكتس اكثر بس اللي اكره ان الزوج يسيطر على راتبتس وياخذ البطاقه انتي تعطينه من طيب نفس ليه لاكن ياخذه بالقوه لالالالالا وبعدين شكلتس كريمه وماقصرتي عليه والدليل السياره اللي شريتي

اثقلي وصدقيني هو اللي بيدور عليتس

 

[ارومااا]

المفروض انك ما تعطينه الصرافه من البدايه هذا اولا ثانيا انا اشوف بما انك وعدتيه بهديه وجبتيها له لا تذلينه فيها مهما كان سعرها لانه شي خارج من ذمتك له انتبهي في يوم من الايام تقوليله انا عطيتك او انا جبتلك كذا وكذا لانك كذا تنقصين منه وبيحقد عليك ومو بعيده يخليك تقعدين في البيت عشان لا تشوفين نفسك عله وخليك حريصه على بطاقتك وقروشك واذا احتاج لا تقصرين اذا كنت حابه تساعدينه
ونصيحتي لا تتركين بيتك عشان وصخ دنيا وروقي وإهدي...الله يفرجها عليك ياقلبي.....

 

[برنسيسه9]

اه ياقصتي الي عيت اتخلص اليوم زوجي قال لوخي اذا جيت اتودي اختك لي مكان دق علي علمني يعني يبي يخليه جاسوس علي قالي اخوي انه يقول اذا جيتي تطلعين تروحين لدوام دقي علي رحت انا يوم طلعت دقيت عليه ولا رد وكانت امي معي ودقيت من جوال امي ولا رد جلست ربع ساعه وودق على امي وقالت له انك كنت تبيها تدق عليك
قال لا انا ما ابيها هي اصلن موب مراه لاصارت مره رديت عليها ورجعتها البيت المشكله اني ماسويت شي غلط غير اني ماعطيته الصرافه بعدين انا ماقد قلت له اني عطيتك ولا شريت لك ابدان