ابي رايكم ياليت ماتقصرون معي

ب

برنسيسه9

New member
إنضم
2010/06/23
المشاركات
19
السلام عليكم ورحمة الله
اليوم اكتب لكم قصتي مع زوجي وابي رايكم
انا لي ثلاث سنوات متزوجه عندي بنت
لي سته شهور متوظفه
مشكلتي بدات من اول ماتوظفت
طبعن الي متوظف جديد يجلس 3شهور مايخذ راتبه

المهم
اخذت الراتب
ومادخل في جيبي منه ولا ريال استاجرنا بيت جديد
واثاث جديده ومكيفات جديده
تمام
كل شهر احط من راتبي احط مبلغ للأجر انا وياه
وراتب شغاله وراتب سواق
انا وظيفتي في القطاع الصحي تمريض
واول ماقدم اوراقي غلطت غلطه
قلت لها اذا توظفت ابي اشتريلك هديه سياره
وقبل اسبوعين طلعت له سياره قيمتها ميةوتسعه الف
تمام المشكله اذا جيت اشتري لنفسي شي
يقولي اجمعي افلوسك
اليوم تهاوشت معه هوشه كبيره وقلت له ود
ني بيت اهلي
سألني كم بقى في احسابك وقلت له وكان باقي مبلغ كبير
قالي وين راحت باقي افلوسك انا بسحب صرافتك منك
واذا بغيتي شي قولي لي وانا اسحب لك
ورفعت صوتي عليه وقلت له مالك حق تاخذ صرافتي وصار بينا مشادات
وقالي حرام بالله انك تعطيني الصرافه فارميت عليه الصرافه وقلت له ودني بيت اهلي
وجيت بيت اهلي بس عي يعطني بطاقتي مو شير يقهر انا اكرف9ساعات وهو ياخذها وش تنصحوني انا صح ولا خطأ


​
 
صراحه ماله حق ياخذ شي من تعبك الا برضاكي
خلاص وعدتيه بسياره وجبتيها ==> يخلي في عينه حصوة ملح ويسكت
ما اتوقع لو على راتبه بيجيب سياره بهالمبلغ
طبعا الله يعطيكم خيرها ويكفيكم شرها

بس ترا التفاهم بالهداوه مطلوب
يعني انتي اول كنتي فرحانه بالوظيفه وقمتي بكل شي
ماله حجـــــــــــــه
ممكن تتفقي معاه انك تعطيه جزء من راتيك مقابل طلعتك للدوام
ولا يتدخل في اي شي ثاني بعد كذا
<=== بس ترا والله احسها قويه وش رجال هالزمن
بصراحه احسهم انانيين واذا ما سووا اللي يبغوه صاروا حقودين

لا حول ولا قوه الا بالله
الله يكون في عونك ​
 
الرجال كلهم كذا بس ليتك ماعطيه اياها لانة صعبة ترجعينها لك مرة ثانية اللة يعينك على وش يتبع السيارة
 
ماكان له داعي تروحي عند اهلك ومعه صرافتك اسمعي يالغاليه افتحي حساب مايدري عنه ويوم تستلميين راتبك حولي على الحساب الجديد مبلغ مايدري عنه واذا سئلك عن فلوسك قولي شريت اغراض دخلت جمعيه اتعذري باي شي وجمعي في حسابك الجديد ابرك لك انتي ماقصرتي معاه من الاول سويتي اللي عليك وزود الله يهديه ويصلحه ويسخره لك
 
هالموضوع لو بدايته زعله وهوشه كبيره مو مشكله اهم شي خليك متمسكه بموقفك عشان تنحل المشكله وماعاد تنعاد وكل شي تفتحون نفس السيره لازم يفهم راتبك ماله علاقه فيه الحين خلي رجال يتفاهم معه بجديه ويقوله ماعاد يفتح معك هالسالفه ولا ينكد عليك لازم تكونين حازمه وجديه ولا تتهاونين عشان مايضيع حقك بكره بيتزوج عليك من فلوسك اصلا انتي ماانتي مجبره تطلعين له سياره بس زي ماقلتي غلطه والرجال مايحب الأنثى اللي تاخذ مكانه راتبك خليه لك ينفعك للزمن وخذي شي منه كل شهر تمتعين نفسك فيه ولا تقصرين على نفسك
 
ليه تعطينه الصرافه ؟؟
حرام ياخذ كل شي باردة مبردة ،،
سوي مثل ما قالت اختي حزينه،،
وخليه لا ياخذ منك شي ،،
واذا قدرتوا تتصالحون يكون افضل ،،بس فلوسك لك ،،
كل شي له حدة
موووفقه اختي​
 
اشكر كل وحده دخلت وردات على موضوعي
أبشركم اليوم العصر جاب بطاقتي
بس مايبي يكلمني وانا ماكلمته
ورحت للبيت وجبت اغراضي
وخليت له البيت
انا والله انقهرت كل ماجيت اشتري لي شي
يقولي غالي
ولا خلي افلوسك لك لاتبذرينها
وفي الاخير هو الي ياخذ منها
مشكلتي اني احبه وماقصرت معه في شي ابد
لو انه طالب مني مبلغ كان قلت عادي
بس يطلب بطاقتي حسيت اني مسلوبه من كل شي
 
الزوجة الذكية ما تترك البيت حتى لو هو طردها ياليت تراجعي حساباتك وتستشيري حد عاقل في مشكلتك ولا تنكدي على حالك الدنيا ما تسوى واذا كان زوجك يستاهل وطيب وابن حلال ويساعدك مو مشكلة تنازلي وارجعي بيتك بيتك اولى فيكي من اي احد ثاني
ولو اني عتبانة عليكي كيف اخذتي له سيارة بمئة الف ما خفتي منه انه يغدر فيكي على الاقل كان كتبتيه اوراق وايصالات انه استلم السيارة حتى لو هدية
مو من صالحك تزعلي وتتركي البيت انصحك ارجعي بسرعة ولا تتركي له الجمل بما حمل وخذيها نصيحة مني الزوج ما ينترك لحاله ابدا لانه الشيطان حي ما مات
تحياتي لك
 
تسلمي ياعمري على ردك
بس لو سكت له وجلست في البيت يمكن ياخذ بطاقتي مني غصب
انا عندي لو طلب مني افلوس اهون
من انه يطلب صرافتي
انا حالين دوامي من الساعه11بليل لحد8الصبح
بس يخلص الشفت هذا باقي له خمسه ايام وبشوف :37:اذا ماكلمني رجعت البيت
​
 
الله بفرج همج ويساعدج حبيبتي
 
رايي انه غلطان من ساسه لراسه
لكن الحرمه تسايس الرجال وتسوي الي
تبيه يعني ماتعطينه بطاقتك ابداولاتعفينه من
الصرف عليك ولاتخلين نه يدري عن فلوسك بالضبط
الرجال يعتقدون ان المره المفروض ماتلمس لفلوس بيدها ولايحق لها التملك الفلوس تبعهم

الله يهدي من خلق
 
يمكن زوجك من النوع اللي مايحب الزوجه يكون عندها راتب خاصه اذا كان اكثر من راتبه يحس بالنقص الحل انك تناقشينه وانتبهي لاتتركين بيتك مهما كان الدنيا تخوف
 
والله انا جالسه افكر اني ارجع للبيت
بس ما ودي انا الي اروح ودي هو يجي ياخذني احس اني لو رحت انا بحس اني منكسره
​
 
المفروض الموضوع يكون فيه تفاهم من الاول
يعني تتفاهمون من قبل لا تبداين بالوظيفه شكلكم مو متفاهمين بالمرة
مايصير ياخذ كل مصروفك ليش سمحتيله من الاول اصلا انه ياخذه كله انتي الي تساهلتي معاه وهذه النتيجه
لازم يعرف انه هذه الفلوس من حقك انتي قبل لا تكون من حقه انتي الي تعبانه فيهم
قوليله يرضيك انك تشتغل وتكرف طول النهار وانا اخر الشهر اقولك عطيني الفلوس كلها
لازم يعرف قدرك وقيمتك خلك عند اهلك الحين بس كلمي ابوج بهالسالفه
و هو اكيد راح يجي و خلي يتعهد انه راتبج الشهري لج و انتي ساعتها لو بغيتي تعطيه وتساعديه عادي
اما انه ياخذه بالغصب لا​
 
أنا من راي الأخت رزايا الله يتمم عليها حكمتها بس حبيبتي نصيحه ترا أحنا الحريم مبذرات لأبعد الحدود لا للتبذير وخلي شوي كل شهر من راتبك ترا ماتدرين الزمن شمخبي بحناياه
 
حبيبتي ام رامي اهو ماياخذ راتبي كله واحنا متفاهمين
بس هذاك اليوم مدري وش قالب مخه علي ويبي ياخذ بطاقتي ويصرف علي منها
 
حبيباتي اليوم زوجي بيكون مع المداهمه عشان المظاهرات قلبي عورني و حن كثير عليه ودقيت ابي اكلمه قلت الدنيا ماتنضمن يمكن يصير شي بس مارد علي وارسلت له مسج ولا رد علي وانا قلبي حيل مو مرتاح
مدري وش اسوي عشان يرد علي
لا تقولين روحي البيت لانه مو في البيت
 
ارجعي ولاكانه صار شي واصرفي بكيفك عيوني ولاتعطيه شي واش اللي تجيله سيارة قوليله جيبلي طقم ذهب انا اهديتك وانت مااهديتني رضوة عشان زعلك

والمساعدة حلوة بس مو ياخد البطاقة مو من حقه ولازم الصرف بالنص بينكم مو انتي اكتر هو الرجل وهو اللي له القوامة

الله يهديه لك ويسخره ويرزقك​
 
تفاهمي وياه قولي له كل واحد له راتبه وحر فييه
كل شهر تجيبون صندووق وتحطون فيه نفس المبلغ
وهذا راح يكون للايجار والبيت بشكل عام والباقي من معاشاتكم
انتوا احرار فيه وانا انصحج تدخلين بمبلغ من معاشج جمعيه وتستلمينها اخر الناس
وتفتحين حساب توفير وماتسوين له بطاقه صرافه اذا قال ليش وكيف قولي له
للمستقبل لان محد يضمن الظروف وهيك

الحين انتي لاترسلين ولاتتصلين انتي سويتي اللي عليج خليه هو برحاته
انا متاكده هالفتره محتاج يهدا ويفكر ع راحته لاتضغطين علييه ولاتحنين
وهو لو ماحس بغلطته كان مارجع لك البطاقه
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل