ابي رايكم في موضوعي ؟؟؟؟؟؟ لا تطنوشي الله يجزاكم خير

[كتكوتة رومانسية]

اهلين اخواتي ..............................

الله يجزى كل وحده" ردت علي وبردت على قلبي "الف خير

انا زوجي جنوبي شرقي وانا جنوبيه غربيه

احنا الاثنين متفاهمين والحمد الله

بس مشكلتي الوحيده انه اذا تزاعلنا على اتفهى موضوووع يزعل ويقلب وجه ولازم انا الا اراضيه

والحين انا وياه زعلانين المشكله انه هو الي غلط وهو الي قلي كلمه ضايقتني وهو الي زعلان انا اكلمه عادي يعني اذا يبي شي وا انا اذا ابي شي مثل اكل او شرب

وهو الحين طلع من البيت وقلته ابي اروح عند اهلي قلي لا وانا طفشت من جلست البيت

تقريبا لنا ثلاث او اربع ايام متخاصمين

وهو ينتظر مني اني اروووح اعتذر منه مع اني ماغلطت



سؤالي لكم ::: كيف اتعامل مع الزوج الجنوبي الشرقي اذا زعل وهل لازم انا الي اراضيه

وهل اذا طنشته ينفع معه اسلوب التطنيش؟؟؟؟؟؟؟؟؟؟؟؟؟؟؟؟

ردوووا على الله يجزاكم الف خير

مع اني والله بالبيت البس واتشيك وابخر البيت بس اشوفه عادي عنده

نفس اعرف هو في ايش في يفكر او اذا طلع بر البيت يفكر في ولا ماهمه

نفسي اي وحده زوجها جنوبي شرقي تقولي وش اسوي معاه وهو الحين زعلان ....

 

[تحيه للعلم]

زوجي مثل زوجج بالضبط وليش كنت في البدايه ما افهم وصغيره ومالي خبره واول وحده متزوجه من خواتي

ماعندي اللي يفهمني واذا صار معاي نفس اللي صار معاج احس بخوف واحس اني مقصره واحس اجباري لازم

انا اللي اراضيه بحكم الحديث الشريف اياه اذا تعرفينه وهي ان الملائكه تلعنج اذا اغضبتيه وانا مصدقه كل مازعل

مع انه يكون هو اللي غلطان اروح اراضي من غير نفس بس عشان ماتلعني الملائكه لكن عقب فتره قمت اطنشششششش

خليته يزعل بالآخر تلقينه هو يفتح معاج موضوع عشان يكلمج ويتقرب ويرجع المياه لمجاريها واذا تبين نصيحتي

طنشي اذا كان هو الغلط حقرييييييييييييييييييه لين يلين من نفسه بس انتي خلج طبيعيه معاه بس لا تراضينه كيفه

اسفهيه لانج راح تعودينه وابنك على ماتربيه وزوجج على ماتعوديه

والله يسخره لج يارب

تقبلي مروري

 

[لحن حياة]

بصراحة ما اعرف مزبوط لتحليل البوصلة

غير كدا انا جنوبيةغربيةوزوجي شمالي شرقي

بس اللى لا حظته انه لمن يغلط علي ما استناه يعتذر

ولا اروح اراضيه>>> كنت كدا

اطنننننننننننش

و اتعامل معاه عايدي >>>بس الحق مودايما

... ربي يوفقك و يعينك ...

 

[تلميذة ناعمة]

إذا هو غلطان وأنت ماغلطت عليه لا تعتذرين بس لاتقصرين في شي أكله ملابسه إستقباله بس على خفيف يعني لاتكوني طبيعيه لاتكلمين الا بقدر الحاجة وإذا طول الموضوع وحبيت تروحي لهلك قولي له روحت أهلي مالها دخل بزعلنا يعني تبين إذا أرضيك عن إقتناع ولاعلشان أهلي
بعدين أن ماقصرت بواجباتك علشان تقصر بحقوقي عليك

 

[كتكوتة رومانسية]

الموضوع ومافيه

ان الموضوع مايستاهل كل هذا يعني انا ماراتكبت جريمه بحقه ليش يعاملني كذا مع اني والله العظيم اني دايما احاول ارضيه ولا قد تعمدت اني ازعله ولا اجرحه واني والله احبه حيل بس هو ليش يسوي معي كذا يتجاهلني ولا يكلمني

مع اني اتمنى يجي يكلمني والله ماراح ازعل الا راح انبسط ونحل الموضوع بهدوء وانا انسانه بطبعي احب النقاش والتفاهم

بس هو الله يهديه هو حاط مسالة العناد في باله يعني هي الي تجي مو انا وني انا المفروووض اروح له
وحاط بباله انه هو لو جاء وسولف معاي ببتوعد على كذا


مع اني والله العظيم ماقد فكرت في هذا الشي في حياتي الا بالعكس

احب يبادلني نفس الشي لو زعل على ولا انا زعلته اروح انا مره ويجيني هو مره يعني نتبادل

لاكن هو ناشف معاي مع اني والله احبه وماتمنى انه يزعل ماحد يضمن يمكن الموت يكون اقرب لي منه

انا افكر تقكير انساني وهو يفكر تفكير عنادي

والله يابنات اني اروووح اعتذر واسامح احيانا وانا مغصوبه وما اكون راضيه على الروووحه

بس غصب عني لازم اسوي كذا لانه ماعندي احد في البيت اسولف معاه بنتي باقي صغير توه مخلص سنتين

واذا ما اسويت كذا راح اندم مع اني في مره ترجيته يسامحني وغير كذا اخاف الملائكه تلعنيحتى لو ما سويت شي واخاف ربي مايرضي علي واخسر زوجي وديني
هذا تفكير صح ولا غلط حتى مرات روح بس ماودي وش اسوي اخاف على نفسي من الوحده واخااااف من ربي حيييييل

احس اني لازم اذل نفسي له مع اني ما احب افكر بالاسلوب هذا بس هو الي اجبرني على كذا
ربك مايرضى بالظلم وساعات اقول ما بقي بالعمر شي نتحمل وربك عنده الجزاء والخير
بس والله احب ارضي ربي في كل شي بحياتي حتي فيه اهوووو
يعني لما اسوي شي عشان ربي يكووون راضي لي وابتغي الاجر
اتمنى يفكر مثلي كان مشاكلنا انحلت..................................الله يهدي الجميع
معاملته ناشفه لي وجفاءه لي مع انه كلمته اكثر من مره بس مافي اي نتيجه

انا انسانه حساسه جدا ومااحب اجرح احد لانه ما احب اي احد يجرحني واحب ارضي الكل ولا ازعل احد مني

نفسي مره يفكر زي ما انا افكر فيه نفسي يجيني ويقولي ننسى الي صار

لاكن ايش اسوي انا تفكيري غير تفكيره

مادري وش اسوي

نفس يحس انه مني وانا منه بس اشوفه صعبه انا حاولت بس ماحسيت بنتيجه

تعبت وقلت هذي الحياة ماراح تتوقف

استنى بنتى تكبر عشان تحس فيني ولا فكر انها تجرحني

الله يشهد اني حاولت وبذلت كل مافيني من جهد ودعاء وصلاة ونقاش بس احس اني تعبت

نحن اذا كنا متراضين مافي احلى منا ضحك ومزح ووناسه

بس اذا زعل وعصب يقلب كانه عدوي على عكس انا احب اتقرب لها بقد مااقدر بس احس يقفلها بوجهي

وما املك غير اقول حسبي الله ونعم الوكيل اذا ظلمني

واعذروني اذا طولت عليكم بس ما عندي احد اقوله او اشكي له وانا ماني من النوع الي احب اشكي بس انتو ماتعرفوني قلت اسولف معاكم

حتى زوجي ما احب اشكي له اخاف اقووول او اشكي تنقلب علي بعدين اسكت احسلي


الله يهديه ويصلح حاله ويفكر زي ما انا افكر فيه بكل حسن نيه وحب وداد

 

[كتكوتة رومانسية]

اهلين حبيبيتي تحيه للعلم توني قريت كلامك حبيبيتي

بس اخاف ياحلوه اذا كبرت وصار عند عيالي حولي اذا زعلنا اخاف بعدين يصير الوضع مايهمني وتنقلب الايه

واخاف اكون قاسيه بعدين عليه وانا والله مااحب هذي المعامله

بس اخاف اعامله زي ما يعاملني بعدين

تعبت من التفكير والحيره

امنيتي نكون نفهم بعض بدون مانجرح مابعض

حتى نكبر على كذا والواحد منا يفهم الثاني

الله كرييييييييييييييييييييييييييييم

 

[كتكوتة رومانسية]

لللرفع ..................................

 

[انا جنوبيه غربي]

هلا اختي

 

[انا جنوبيه غربي]

:icon28:وش دعوى ياحلووووه ولاتزعلين نفسك انا متفاعله معاك

حبيبتي انتي طيبه مره ورومنسيه حيل واذا حبيبتي تحبين من قلب

بس المشكله صعب في الزمن هذا تحصلين الزووووج الي يقدرك ويفهم مشاعرك انتي تبين واحد حس فيك

المشكله انه مافي زمننا هذا رجال بمعنى الكلمه يعني اغسلي يدك

سوي مثلي انا مع زوجي البي طلباته كلها واحيانا اكون مغصوبه بس عشان مصلحتي

ابي اطلع اروح اجي ماابي اكدر على نفسي وانا من داخل قلبي بس ادعي عليه حسبي الله عليه

يوم القيامه يوم الحساب وكلنا راح نتحاسب خليه بالدنيا ياخذ الي يبيه بس صدقني بالاخره انتي الكسبانه

الواحد يطالع مرته كانه عدوه مو حبيبيه ويحن عليه ماعليك طنشي ياقلبي

حسبنا الله ونعم الوكيل .................

 

[كتكوتة رومانسية]

هلا اختي جنوبيه

المشكله اني رحت عنده مو عشان مافي صبر بس قلت التفاهم احسن ودخلته غرفة النوم وياليتني مافعلت
توقعت جوء الغرفه بيساعده بهدى الجوء بيكون جوء نتفاهم فيه كنت ابيه يبدا بالكلام بس طلع يكابر
وكان يبيني انام معاه وبس ولما قلته شكلك ماصدقت اناديك قال ايوا

بس والله ماقدرت اخليه حسيت اني بس حقت نوم وانه يبيني عشان كذا

ما احسسني اني زوجه لي احترامي وتقدري وانطعت بقلبي وندمت وتقفلت علي بوجهي وهو وكان ماصار شي

والله ياني دعيت عليه وقلت الله ينتقم منك لهدرجه ما اثرت فيه غير النوم معقوله يعني

ماقدرت اتصور وماقدرت اتخيل نفسي

لاكن مو مشكله الصبر مفتاح الفرج

راح اعامله عادي والوضع عادي والي بالقلب بالقلب الين ياتنحل من كيفها او تجلس انا تعبت

بغيت اقربه لي واخليه يتغير الظاهر ماقدرت هوالي قدر يغيريني

انا احس اني جالسه احلم وتعبت نفسي على الفاضي راح اخلي تفكيري مثل تفكيره

وش رايكم ابي حتى الدكاتره يردوا علي

 

[انا جنوبيه غربي]

عاااد معقوله
زوجك مايحن عليك ولا شوي ومايفكر غير بالنوم

والله انك مسكينه والله ماقدرك حق قدرك مسكينه انتي طيبه وماتفكرين بشي وهو قاسي عليك

لاحول ولا قوة الا بالله

لاكن احتسبي الاجر ولاتندمي على روحتك وخيركم من يبدا بالسلام

الله يعوضك بالخير

على قولتك الواحد اذا كان مبسوط وهو زوجته مافي احسن منه

بس اذا زعل يقلب 180 درجه

ماعليك فيه وعيشي حياتك وش باقي يعني من العمر كثر ماراح

ولا تاخفين ربك يمهل ولا يهمل

ولازم يجي اليوم الي ربك يحاسبه
وعامليه عادي ومشي وضعك وربك مايخلي احد واحن عليك من زوجك

الله يفتحها بوجهك ياقلبي

 

[كتكوتة رومانسية]

يالله ماعلينا على قولتك

لا الحمدالله انا راح امشي الوضع وراح اعطيه الي يبيه وربك كريم

والي بالقلب بالقلب..........



الحمدالله ان اسنغفرت ربي وصليت واحس نفسي مرتاحه ماغلطت عليه

بس خفت من غضب ربي والملائكه تلعني ورحت وكلمته

والحمد لله احس ربي راضي علي
والله الصلاه تريح وتقربك لربك اكثر واحس اجري كبير عنده

وانتي كمان عاملي زوجك عادي وهدى امورك وتقربي لربك

وانتي بتحسين بشي عمره زوجك ماراح يحس فيه وراح تكونين باذن الله عند ربك احسن منه وافضل منه

الوحده منا ماهما تمنت ماراح تحصل على الشي الي بباله هذي الدنيا سايره وخذي الي تبينه

والباقي ارتكيه لربك هو ارحم واكبر

والله يهدينا الى الطريق المستقيم




وانا اشكر كل وحده ردت على والله كلكم ماقصرتو والواحد يتعلم من تجارب الاخرين
والله يجزاكم الف خير افدتوني ونصحتوني

الله يجهل الجنه داركم جمعيا

والله من كلامكم ::: اشهد انكم ماقصرتوا ماع ازواجكم الواحد يحاول ويسوي الي ربي يقدره واذا ماقدرنا ربكم ارحم بعباده

والحين توضح لي كل شي طاعة ربي ورضاءه اولا

واعمل الشي الي يرضي ربي بعدين ارضي فيه غيره

والحمدالله احس اني خلصت ضميري اتجاه ربي وسويت اكثر مما عليه والحمدالله

الله يجزاني وياكم الجنه قولو آآآآآمين:blush-anim-cl:

والله ماقصرت كزوجه بيبيتي اتجاه زوجي واتجه بيتي
حتى وهو زعلان وراضي ومريض وسفر مرضي ربي فيه
والحمدالله

والله يعوضني خير على صبري وطاعتي وحبي واخلاصي ............

 

[تفاحه حمرا]

السلام عليكم كيف حالك
اتمنى انه ماتشوفي الا الخير
بس يااختي اول شي ابغاكي تقوليلي يعني من فين زوجك انا مااعرف شمالي شرقي ولا شمالي جنوبي
وبعدين ترى مشكلتك سهله لان كل الرجال العرب يزعلو حريمهم ويتكبرو عليهن ويخلوها هي الي تجي وتصالحهم
ما فيها شي هذا زوجك يعني زي امك لو امك زعلتك تستني الى ان هي تجي تراضيكي ولا تروحيلها انت بنفسك

الرسول عليه الصلاه والسلام امرنا برضا الزوج ورضاه من رضا الله
وقال كمان بما معنى الحديث انه لو يقدر يامر احد بالسجود كان امرالمراه بالسجود لزوجها
فيااختي كبري عقلك وخلي عقله الصغير وروحي راضيه لمصلحتك اولا واخيرا
ووانت بتصالحيه فهميه بحنيه ودلع انه تتمني مايعيد هالشي مره تانيه وراجعي نفسك صدقيني الا ماتلقي نفسك غلطانه بس اهم شي لا تعاندي لانك ماراح تستفيدي شي
وشكرا اختك تفاحه حمرا

 

[تفاحه حمرا]

ماشالله والله كلامك جدا رزين والله يوفقك ويا زوجتك سواء الحين او بعدين وانشالله تعمل بهاالنصيحه وماتترك زوجتك ولا تحن عليها تفاحه حمرا