ابي حل لاختي

[i am moon]

مرحبا

انا راح اطرح لكم مشكلة اختي واتمنى تساعدوها

اختي متزوجه من 6 شهور تحب زوجها كثير و زوجها يحبها بس هي تبي تكون معه 24 ساعه والرجال مضايق يقول لها انا احس اني مختنق ابي اعيش بحريه انا احبك لكن مااقدر كذا طول الوقت لاصقين ف بعض اشتقت لحياتي قبل زواج
وهي تزعل وتبكي اذا راح مع اصحابه
وكمان تغار من حبه لاهله
وحتى بيتنا ماتحب تجي
بس تبي تكون مع زوجها لحالهم

حتى اذا زوجها جلس يدلل عيال اخوه الصغار تغار
انا ارحمها ودي اساعدها انها تتخلص من شعور حب التملك بس كيف ؟ شو اقول لها

يعني متعلقه فيه لدرجة الزوج تعب اختنق من هذا الحب مايقدر يطلع مع اصحابه يحصلها تبكي وضايجه فيها الدنيا


طبعا علاقتي فيها وايد قويه وتخبرني عن كل شي

 

[ريتاج 191]

نصيحتي لها تدش المنتدى وتثقف منه وتشغل نفسها 
قسم الانماط فيه دورات لام شبيب ربي يسعدها 
مفيده وايد وذكرت نقاط تتكلم عن مشكله اختك
لانه اذا بتظل كذا بمل منها وما بيحسب لها حساب 

 

[رورو الراكزة]

حبيبتي لازم اختك تلتهي بشيء اخر مثلا تدرس تقرا كتاب تاخد دورات  تقابل صديقاتها او تعمل شوبينج او عالكوافير علمك قصص النسوان كثيرة.....المهم تبعد عن زوجها وتحس بالاستقلاليه وقتها بس رح تخف غيرتها ورح ترتاح نفسيا .... مشكلتنا انو بنربط حياتنا بالزوج دايما وبننسى انو لكل شخص حياة ومستقبل لازم يبحث عنو ... لما يصيرلها استقلاليه رح تخف حدتها من وجود زوجها باستمرار معاها....تحياتي الك والها 

 

[geigoooo20014]

يب ممثل ما قالو لازم تتشغل نفسها وترا الصبر له حدود صح تحبه وما تقدر ع بعده بس بعدين بيخرج غصبا عنها ويسوي اشياء هي كانت تتضايق منه وهو خلاص متعود انها تتضايق اذ سوا هالاشياء ويطنشها ويكون عنده يقين انها مراح تترككه مهما سوا لانها تححبه فانصحها تشغل نفسها وربي يسعدها ويصلح بالها ..

 

[ريماس الحزن]

سبحان الله انه عكس اختك تماما اتمنى يساااااااااااااااااااااافر ومن يرجع هم يسااااااااااااااااااافر هههه مافي مشكلة في زوجي بس طبعي مو حلو انعزالية واحب اضل لوحدي كل يومي انعم بلهدؤ والتامل واعيش بعالم خاص فيني عبارة عن طبخ في طبخ :34:

 

[سيدة الكلمات]

لشو حتى تكره زوجها انصحيها لاتكو هيك وتترك زوجها ع راحته لكى يشتاق اليها الرجال مايحبون هيك

 

[وردة الرحى]

كل شي إذا زاد عن حده إنقلب ضده أختك بتصرفاتها هاذي راح تبعد زوجها عنها وراح يمل منها ...ما يصير جذي يا قلبي لازم الرجال يطّلع وَيَا أصحابه مو يومياً بس لازم مره بالأسبوع أو مرتين يلتقي فيهم يرفه عن نفسه ...وهي بعد لازم تطلع وَيَا رفيجاتها او تخلي لها يوم تعتني فيه بنفسها ...تمارس هواياتها والخ اذا ضلت على هالحاله راح يطفش الرجال منها...مو معناتها إنها تزوجت خلاص تعزل روحها عن الناس ...لا بالعكس تمارس حياتها مثل قبل فقط الزوج هو إضافه لحياتها أصبح شريكها في كل شي بس إنها تعزل نفسها عن العالم وهم تطلب من زوجها يعزل نفسه عن أصحابه واهله جذي راح تخرب حياتها ...
تقبلي مروري ودمتي بود غاليتي ?

 

[ريمة 2]

قولي لاختك الاستقلال العاطفي هو الطريق الى السعادة الزوجية و الزوج مسؤول فقط على 10 /100 من سعادتها و الباقي هي المسؤولة الوحيدة على اسعاد نفسها
هذا كلام العلماء

 

[متفأله جدا"]

كل شي إذا زاد عن حده إنقلب ضده أختك بتصرفاتها هاذي راح تبعد زوجها عنها وراح يمل منها ...ما يصير جذي يا قلبي لازم الرجال يطّلع وَيَا أصحابه مو يومياً بس لازم مره بالأسبوع أو مرتين يلتقي فيهم يرفه عن نفسه ...وهي بعد لازم تطلع وَيَا رفيجاتها او تخلي لها يوم تعتني فيه بنفسها ...تمارس هواياتها والخ اذا ضلت على هالحاله راح يطفش الرجال منها...مو معناتها إنها تزوجت خلاص تعزل روحها عن الناس ...لا بالعكس تمارس حياتها مثل قبل فقط الزوج هو إضافه لحياتها أصبح شريكها في كل شي بس إنها تعزل نفسها عن العالم وهم تطلب من زوجها يعزل نفسه عن أصحابه واهله جذي راح تخرب حياتها ...
تقبلي مروري ودمتي بود غاليتي ?

وهاذا رائي انا كذالك موفقه

 

[i am moon]

مشكورات الغاليات على المرور الطيب
ان شاءالله اخذ بارائكن واطرحهن على اختي