ابي حل .. لأني تعبت..

ل

لمااارعبدالله

New member
إنضم
2011/07/29
المشاركات
12
بسم الله الرحمن الرحيم
السلام عليكم

كيفك ياحلوااات..
انا عضوه جديده , بس من زمان اتابعكم واستفدت كثير الله يجزى القائمين على هالمنتدى كل خييير...

بدخل بموضوعي وابغااكم تساعدوني بالحلول,,

طبعا انا متزوجه وزوجي جنوبي ,,وبيتي ماكأنه بيتي:icon1366:,,دايم يجون ضيوف وعادي الضيوف على عيني وراسي ودايم اقوم بالواجب وهو يجي وهو مبسوط يقول ماقصرت كل شي طلع حلو..
بس اللحين بيتي متروووووس رجال اخوانه واولاد اقاربه..وانا يلا اجهز القهوه والشاي والوجبات ,,
ويقعدون بالاسابيع في الصيفيات رغم انهم موجايين من سفر..
واوقات الدراسه يجون عطلة الاسبوع دائما,,
طلعنا مكان لازم يركبون معانا( لأنه شكلهم مفكرين حرام اركب انا وزوجي لحالنا لازم هم معانا)
لما اروح السوبر ماركت مانشتري لأثنين لا نشتري لقبيله,:30:
وكل انواع التسليه عندهم وانا محكوره جوا بالغرفه,..ولا يطلبون الاب توب كمان ..ماصرت افرح بعطلة الاسبوع عشان اطلع ..
والوجبات اكلها لحالي :icon1366:

تقولون لي اروح عند اهلي ..بس انا مابي لأني اكثر من مره اروح وياخذون راحتهم اكثر يدخلون البيت كامل ويطبخون ووو..

حتى لما يشتري جهاز ولا شي وندخله غرفة الجلوس يقولون جيبه هنا احسن(مجلس الرجال)

كأن قسم الرجال صار ملكهم ماصرت احب هذاك القسم ولاابي احط فيه شي ولا اجدده ولو الود ودي اشيل الكنب عشان يحسون ومايجوون..
اوكي يجون على العين والراس بس يحسون ,,
ابغى جو اسري عائلي تعبببببببت..
احس ان مشكلتي نااادرة ..
لاتقولون لي كلمي ززوجك لأنه جنوبي وكل شي عند عاادي يمكن بقلبه مو راضي بس وش يسوي اذا هم كذا مايستحوون .وكلمته مرتين بس ساكت مايقول شي,,

اليوم عصبت منهم وماسويت لهم غدا قلت ان شالله يحسون طلع غداهم برا,,,


باختصار شديد احس انهم حاسيني شغالتهم وووش اسوي:frown:...
بليييييز عطوني حل احسسهم انه عيب اللي تسوونه بدون ماحرج نفسي وزوجي..وهل في ناس زي حالتي:4:
 
أنا كنت مثل حالتك ,, لكني أدبت زوجي بيني بينه , وصارحته انه من حقي امتلك بيت شرعي لي مستقل محد يشاركني فيه أبدا أبدا ..

كل واحد من الي ذكرتيهم عندهم اخوات او زوجات وبيوت ليش ما يستقرون في بيوتهم ,

انتي خليك صاارمه في كلامك مع زوجك وفهميه بأدب انه من حقك ومن ابسط حقوقك انك تعيشين براحه وبجو عائلي مرريح ,

واذا ما نفع وصلي كلام لزوجات الي يجونك او اخواتهم .. فهميهم بكيد النساء لكن من الافضل تتلكمين مع زوجك نفسسه .. او خلي والدك يتكلم معه ..

الله ييسر أمرك ​
 
اختي الحبيبة
انا مش عارفة اساعدك بس رح ادعيلك الله يفرج همك
عفكرة انا عضوة جديدة من اكم يوم مش فاهمة قصة زوجي جنوبي/شمالى والخ انا من بلاد الشام ومش عارفة ايش قصدكم بس الي بفهمه انك بحاجة دعاء الله يرزقك السعادة والطمائنينة يارب
 
مشكورات حبيباتي عالردود
,,,
انا كلمت زوجي وقلت نفس اللي قلتيه .. قاعد ساكت فهمت منه انه مابيده حيله.وعلى فكره هو مايدق عليهم هم اللي يجون وبدون ميعاد يدق الجرس فجاءه..
وانا لمحت لأمه وخواته لين ماتعبت لكن لا حياة لمن تنادي..
 
أنا أقول أفضل حل لهم التطنيششششششششش
يعني دقو عليكم بيتكم لاتفتحووون لو يكسرون الباب وحتى لو شافو سيارة زوجك برى ماعليك منهم
إذا دقو على الجواال طنشووووو ولاتردووو ترى ماينفع معاهم الا كذا وبعدين بيفهمونها خلاااص بس لازم تستمروون بموقفكم فتره ألين مايملووون ههههههههه
 
صعبي عليهم الامر
طبخ لا تطبخين الا لج انتي.. حتى زوجج لا تطبخين له
و ما يقدرون كل يوم ياخذون اكل من برا
النتظيف لا تنظيف
و اذا طلب منج زوجج تنظيف خليهم هم ينظفون
عيييب عليهم
بس نظفي باقي البيت اما مكانهم لااااا تجيسيينه بالمرة
زوجج جنوبي العبي عليه بالعاطفة صيحي بدله و ضعف ترااا يدووخ و ما يرد لج طلب
و الله يهديه يا رب
و كل عام وانتي بخير
 
نوتيلا لماار

زوجي مستحيل يطنش يقول فشله واهلي,,

نظرة عيوني ذلتني

موهذا اللي مصبرني زوجي واحيانا ادلع عليه وابكي ويطلعني ويشتري لي اي شي ابيه يعني تعويض
بس انا ماابغى اللا حريتي...

مشكورات ع التفاعل الله لايحرمني منكم ..
 
اصبري ولا تحرجي زوجك مع اقاربه ..واحتسبي الاجر
والله لايضيع اجر الصابرين
تخيلي لو كانوا اخوانك واولاد اخواتك هم اللي يصيفوا عندك..وزوجك تضايق منهم كيف تكون ردة فعلك؟؟
اخرجي زوري اهلك وارجعي لبيتك ..اشغلي نفسك وقضي اجازتك...
وهم مو طووول الايام جالسين عندك ..كلها كم يوم وراجعين
واذا كانوا صغار مصيرهم يتوظفوا ويتزوجوا..وبصبرك وتحملك
يكون ذكركم طيب بين الناس وهم يتذكروكم بالخير..
وزوجك مقدر وقوفك معاه وحاسس فيك ..فكوني صبوره
وربي يوفقك..
 
بس هم عندهم اقارب هنا
ومو بالصيفيه بس .الايام العاديه يجون عطلة الاسبوع..

والله يجزاك خير نفس كلام الوالده
 
اسمعي كلام الوالده ..وهم من زووود المحبه وطيبة زوجك
ويرتاحوا عندكم غير عن اقاربهم....وسمعتكم الطيبه هي اللي تجذبهم لكم ..
والجنوبي يكون محبوب من الجميع ..
واتحملي والله يجزاك خير..
 
الله يسهل امرك خلي زوجك يجيب خدامه تساعدك او هندي يضيفهم برا بالملحق يكون كل شيء..
بعدين اغراضك ليه يطلبونها؟
اذا قالوا نبي اللاب توب قولي احتاجه مره مرتين يبطلوا،،
 
بصراحه انا ببيتي ملحق وزوجي اول ماتزوجت متعود على العزوبيه وكان كل يوم يجون يتقهوون ويتعشون ويشربون الشاهي ويمشون اول الوقت اسكت بعدين زنيت عليه يخليها يومين بالاسبوع
بعدها خليتها شاهي وقهووه اقوله اشتروا من برى بعدها قلت له كلهم عندهم بيوت ولا قد نادوك ولا على فنجان قهوه
سكت مارد علي بعدين خلاها كل اثنين بعدين خلاها كل شهر وتصير دوريه
وهم انسحبوا واستأجروا استراحه كل نهايه اسبوع يجلسوا فيها
,,,
الزبده حاولي تقولي له خلها كل اسبوعين بدال كل اسبوع يجوننا ابي اسبوع لي واسبوع معهم
وخلي اغراضك واجهزتك لك ارفضي تعطينهم
وخليها قهوه وشاي بس
ومره نادي اهلك نهايه الاسبوع مو دايم لهم,,, اتمنى افدتك
 
الله يعينك ,,,
حاولي انك تطلعين انتي وزوجك من بدري قبل ما يدقون جرس بيتكم وا
 
واذا اتصلو خلي زوجك يرد عليهم ويقول طالع مع الاهل ممكن انهم ناسين انه متزوج ولا شي
 
حبيبتي الله يعينك والله لو زوجك ماهو معطيهم وجه ماكان هذا حالهم اكل وشرب ونوم ونت وشاي وقهوه والله ان زوجك هو السبب مكرمهم زياده عن الزوم حبيبتي سوي نفسك تعبانه وخليه يجيب من برى واذا دفع اول مره وثاني وعاشر يعرف كيف يخليهم ماعاد يجون
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل