ابي حل ضروري من خواتي محتاجه رايكم

[الحااالمه]

السلام عليكم ورحمة الله وبركاته
هذي اول مشاركه لي في هذا المنتدى الاكثر من رائع واتمنى اجد اجابه للي يحدث معي لاني موفاهمه شي واتمنى اجدها عندكم
اللي صاير معاي ان من فترة3شهور تقريبا قمت افكر بشاب(مومتزوج) اهو ماشاءالله عليه محترم معاي بالدوام انا ذبحني التفكير فيه وحاسه اني بديت احبه فمآدري اذا اهو يحبني اولأ وشلون اعرف اذا اهو يفكر فيني؟؟؟؟
لان ماكلمته إلا مرة وحده بخصوص الشغل ومايطالعني ويطالع الجهه الثانيه بس مرات احس نظراته لي خصوصا اذا مافي احد يطالعه انا حبيته بصرآآآآحه وابي اتقرب منه لان شخصيته خجول حيل شلون اتعامل معاه واكسب وده واخليه يهتم لي وشلون اتعامل مع هذي الشخصيه لان فيها غموض ؟؟
مع العلم له صديق بالدوام كله يطالعني كان احد مسلطه علي مره تكلمت بالتلفون بمكتبي واشوف اللي احبه طالع من المدير رايح مكتبه وصديقه كان بمكتبه وفجأه لما طلعت من مكتبي واذ اشوف صديقه واقف وراا الباب يتسمع لي غير المواقف الكثيره
انا اعتبركم مثل خواتي وابي رااااايكم بهالموضوع عاجل تكفووووووون فديتكم
اللـــــــــــــــــــــــه يرزقكم الجنه آمييييييييييييييييين​

 

[عيوون الحب]

مقدر افيدك كان ربي كاتبه لك بيصير

 

[هيفا ء]

الله يكتبلك ما فيه الخير

 

[غنج العالم]

مادري وش اقول بس اصبري راح تتاكدين منم نظراته

 

[جرح الشوق]

ما اعرف وش اقولك بس جسي النبض زين عن تتوهقي ويطلع خاطب او يحب وحده ثانيه
حاولي تاخذي ايميله وتراسيه دون ما يدري وجرجريه بالحكي وشوفي من خلال الكلام اذا يحبك او لا
وبالتوفيق

 

[مصاصه بالفراوله]

انتبهي لا تكون لعبه عليك و احد يراقبك و الثاني يعمل مؤدب عشان متراهنين عليك انه يجيبو راسك
خليك ناصحه

و لا تفتحي باب انهم يلعبو في حسبتك و يخلوك فريسه

حطي 100 حاجز عشان اللي يبغاك في الحلال رح يكسرهم​

 

[Sقلبي كبيرS]

حبيبتي انت مو محجبة بعدين الشيطان لا يلعب عليك اللي يبغاك يجي لابوك يخطبك مو انت تروحي
وانتبهي لايكون يلعبوا عليك زي ما قالت الاخت
واخت انتبهي تتقربي منه لانه يمكن لو حبك بتنزلي من عينه
واسفة لو قسيت عليك والله من خوفي عليك

 

[حناااان الكون]

باب ابوك مفتوح اللي يبيك يدق بابك وبس ... تقربي من الله وادعيه دائما ان يكتب لك الخير والصلاح ويحفظك من شياطين الانس والجن ... الموضوع ماهو مريح واحد مؤدب والثاني وقح واثنينهم بنفس المكتب لا ترخصين بحالك ولا تجعلين الشيطان يكون بينكم كوني اقوى واحفظي نفسك (( أعبد الله كأنك تراه وأن لم تكن تراه فأنه يراك )) حفظك وصونك لنفسك عباده لله​

 

[الحااالمه]

اشكركم على ردودكم اللي اثلجت صدري وحرصكم علي بس احس انه يضيط حق صديقه لا ومكلم واحد معاه لمايصير نهاية الدوام يطلعون معاي وهمن واقفين بالمصافط يمي انا يابنات والله ماعندي خرابيط بس جذبني هذا الشاب حسيته الرجل اللي اتمناه رجل بمعنى الكلمه والله محتاره حدي شدبره انا بعرف مفتاح شخصيته وشلون اخليه ينهبل علي ويجي يخطبني بكل ادب مومن البلكونه انا ابي علاقة زواج موشي ثاني
وانا ماشكيت الا من قهر موعارفه اللي يصير معاي ومعتبرتكم مثل خواتي واي شي راح يشير جديد راح اكتبه لكم فلاتقطعوني من ردوووووودكم الطيبه

 

[زمان الوصل]

إن كان هذا الذي تحبينه مؤدب ومحترم

فتأكدي بأنه يريد مؤدبة ومحترمه

فإبتعدي عن أي تصرف في محاولة لفت نظره إليك أو جعله ينهبل عليك

ومن ذلك ما تفعلينه من إستراق النظرات إليه

ألا تعتقدي بأنه شعر بذلك

وهذا الشيء يسيء لصورتك أمامه..... فخليك في حالك وتجاهلي الموجودين

بعدين توقعي إن حصل بينكما نصيب

فأول ماسيقوم به هذا الزوج ...هو جعلك تقدمين إستقالتك أو تغيير مكان عملك...والله أعلم

 

[حناااان الكون]

حبيبتي لا تشغلين حالك بالأمور ذي وتنشغلين بدنياك عن أخرتك ... كوني قريبة من الله وأكثري من دعاء تيسير الزواج (( اللهم أني أسألك بأني أشهد أنك أنت الذي لا أله إلا أنت الأحد الصمد الذي لم يلد ولم يولد ولم يكن له كفوآ أحد .. أقضي حاجتي , أنس وحدتي , فرج كربتي , أجعلي رفيقآ صالحآ كي نسبحك كثيرآ ونستغفرك كثيرآ فأنت بي بصير يا مجيب المضطر إذا دعاك , أحلل عقدتي , آمن روعتي .. يا ألهي من لي ألجأ إليه إذا لم ألجأ إلى الركن الشديد الذي إذا دعي أجاب . هب لي من لدنك زوجآ صالحآ , أجعل بيننا المودة والرحمة والسكن , فأنت ع كل شيء قدير . يا من قلت لشيء كن فيكون .. ربنا آتنا في الدنيا حسنه وفي الآخرة حسنه وقنا عذاب النار .. وصلى الله اللهم وسلم ع سيدنا محمد وعلى آله وصحبه وسلم ............. اللهم آآآمين )) في كل فرض تركعينه لله أخر ركعه لا رفعتي من الركوع أرفعي يدينك لله وأدعي بذا الدعاء .. وأحرصي ع قيام الليل حتى لو تقومين تصلين ركعتين وتدعين بذا الدعاء ....... بأذن الله فرج ربي عليك قريب , بيرسلك ربي نصيبك سواء من ذا الشخص أو من اللي أخير منه وكلي أمرك لربك وخلي قلبك خالي ما يسوى عليك تحطين أحد ببالك وهو مب داري عن هواك أو تحطينه ببالك وربي يجعل نصيبك مع غيره ......... من ترك شيئآ لله عوضه خلي كل أمورك ع ميسر الأمور​

 

[الحااالمه]

واللـــــــــــــه إن كل كلامكم صح و يثلج الصدر وصج صج نصيحه بجمل يابنات انا ماكنت افكر اصلا فيه ولكنسبحان الله طلعلي بالحلم وهذا اللي شوش علي ولما فسرتهطلع انه يفكر فيني واهويستحي هذا على حسب تفسيره مومن عندي الكلام فقمت اتتبع النظرات عقبها والحركات ليما ثبتها عدل بس مره اشوفه يطالع ومراااااات لأ اشوف صديقه اهو اللي يطااااالع فماني عارفه شي لاني والله ماعمري كلمت شاب ولافهم لهم اصلااااااااا
وعالعموم مشكورين على ردودكم الطيبه

 

[الحااالمه]

انا قاعده احط احتمالات كثيره يمكن لعبه بيشوفون انا مضبوطه اولأ
اوانه يمكن يحاول يكلمني بس انا مومعطيته فرصه بس صرااااحه رجل وعاجبتني شخصيته حيل موشويه فكيف اتعامل معه لان ماكلمته الا مره بخصوص الدوام اهو اتصل عالمكتب وحسيت اني كنت ناشفه معاه حيل حشه موبنت اتكلم ولدلاتحرموووني من ردودكم فانا محتاجتها