&& لمياء &&
New member
- إنضم
- 2009/03/20
- المشاركات
- 31
السلام عليكم ورحمة الله وبركاته
انا متزوجة من سنوااااااااااااااااااات طواااااااااااااااااااااااال وعمري صغير مو كبيرة لأني في الأساس متزوجة صغيرة وماعندي اطفال والأسباب عند زوجي وانا والحمد لله سليمة ، والحمدلله لكل انسان رزقه وصبرت مع زوجي لأني احببببببببببه وما استغني عنه ابداااااااااااا ووكلت أمري لله وكنا عايشين سعيدين رغم المشاكل والمتاعب اللي مرينا فيها لأن الحياة ما تخلو إلا أننا كنا نحب بعض وحسيت انه لا يمكن يتخلى عني او يتركني مهما صار ولا يمكن حريم العالم تملأ عينه غيري ............. اجل وين المشكلة ؟؟؟؟؟؟؟ انا اقولكم
زوجي تزووووووووووووووووووووووووج علي يبي يتأكد ان كان يجيه عيال من غيري او لا ، مع ان كل المستشفيات والدكاتره قالوا له كل المشاكل عندك وزوجتك ما فيها شي وفي البداية رضى وسكت ولكن مع تقدم السنوات وضغوط اللي حوالينه عليه بدأ يفكر بالزواج وفعلا تزوج علي وكانت هذي صدمة عمرررري وعلى كثر ما مريت فيه من متاعب في حياتي إلا إن ربي يشهد مثل هالأزمة ما مر علي ما تخيلت في يوم ابدااا ان ممكن زوجي يتزوج علي كنت احسب اني مليت يدي منه احسب انه اذا كانت عنده المشاكل في الإنجاب راح يتمسك فيني ،، والحين انا اعيش وضع نفسي صعب مررررره منهااااااااااااره لا انا اللي قادره اتأقلم على الوضع واعيش حياتي معاه ولا انا اللي قادره اتركه واروح واخليه والله والله والله تعبت اعيش صرااااع ماحد حاس فيني الناس تنام وانا نومي كله هواجيس تعبت من التفكير وتعبت من الحياة وتعبت وتعبت وتعبت وتعبت وتعبت ، قسم بالله كل ماراح عندها احس نااااار في صدري مو قادره اتنفس ولا شي ابكي وابكي وابكي ولا احد داري عني ... خلاص كل انسان نفسي نفسي
صارت المشاكل بيني وبينه كثيرة بعد ما كنت اهدأ ما يكون معاه ، ما اقدر اتقبل منه اي شي ، خلاص احس حياتي بدأت تنهار
تكفون اللي الله اعطاها الحكمة وحسن تصرف تدلني كيف اتعامل مع زوجي هالفترة بحيث انه يرجع لي ويطلق هالحرمه << لا تقولون لي ليش تبينه يطلقها لأن اللي يده في الماء مو مثل اللي يده النار لأني انا صبرت معاه وراحت سنين عمري وتخليت عن العيال لعيونه وبكل سهوله وبعد شقاء العمر تجي وحده تشاركني فيه وتتدمر كل حياتي اللي بنيتها بسنين ويا ليت ان زواجه كان حل لالالا علشان كذا دام انه ما حملت الثانية وعرف وضعه خلااااص اجل يطلق الثانيه ويرجع لحرمته اللي ضحت وصبرت ويفكر كيف نتعالج علشان يجينا اطفال هذا اللي ابغاه ، يعني لا انا اللي عندي عيال واتونس معاهم ولا انا اللي زوجي بقى معاي ، صدقوني انا اعيش وضع نفسي سيء مررررره ما اقدر اتحمل وجود حرمه ثانية في حياة زوجي والله هو الموت بعينه ، ولا اقدر ابعد عنه ، تكفون دلوني هل الطريقة الصحيحة اني ازعل عليه واطنشه او اقل شي لو ما زعلت اقل اهتمامي فيه او الصح اني اهتم فيه وما اناقشه ابدا مع اني ما اقدر على كذا بس احاول لو كان هو الحل الصح علشان يرجع لي ونعيش حياتنا زي ما كانت
والله اني ما قصرت معاه بشي ابداااااا بالعكس صبرت معاه صبر الله العالم فيه
اعطوني حل يا اهل الحكمة تكفووووون
