ابي جووواب يطمن

[دلوعه زوجي...]

السلام عليكم ورحمه الله وبركاته

حبيباتي.....

دامني ملكه جديده ابي ادلع شوووي

عندي سوأل ابيكم تجاوبوني عليه اله لا يهينكم

ويرزقكم سعاده الدارين...........


انا حامل بالشهر الثالث عسى ربي يتممه لي ولكل حامل

بس الجنين نازل والمشيمه ضاغطه عليه

رحت لدكتورة بس ما طمنتني..

ابي اعرف يشكل خطر على الجنين او لا


وجزاء الله خيرااللي ترد علي

 

[بنت المملكة88]

والله ماعندي خلفيه يا أختي
بس الله يتمم لك على خير ويثبته لك ان شاء الله

 

[محرومه من زوجي]

اللي اعرفه ياقلبي
اذا كانت المشيمه نازله يتطلب الراحه التامه او حتى الجنين

 

[عيون حورية]

ارتاااااااااااااااااااااحي حبيبتي وارفع رجولك فوق مخده والله يتمم عليك

 

[عصفورة الشرقيه]

مثل ماقالوا الاخوات ارتارحي قد ماتقدرين
وتابعي عند الدكتوره اول باول
والله يتمم لك ولي على خير

 

[سمراوية حلوة]

ما عندي خلفيه بس حبيت ادعيلج الله يحفظ لج الجنين وان شاء الله تولدين بسلامه وتفرحين بشوفته

 

[nla]

فقط ارتاحي حبيبتي وربي يتمم على خير

 

[الملكه هاجر]

الله يتمم لج على خير ويرزقج الذرية الصالحة السليمة والمعافاة من كل سوء​

أول شيء حبيبتي روحي عند طبيبة ثقة وتكون معروفه لأنه انا بأول حمل لي كنت بالشهر الثالث ورحت عند استشاري موجات فوق صوتية وحطي عشرين خط تحت استشاري :sad_1: وشخص حالتي على انه المشيمة نازلة وعندي ألياف في الرحم وللعلم أنا ما كنت أعاني من أي شيء بس خبرج أول حمل وأبغي أطمئن على جنيني
عاد مابي أقولج كيف أخذ الخوف والهم والتفكير كل مأخذ مني لحد ما الله سبحانه وتعالى هداني إلى طبيبة معروفة وممتازة ولما راويتها التقرير فطست من الضحك تقول وين النزول :surrender: أول حمل وبالبداية وقال لج المشيمة نازلة :sly: أجل بالتاسع وش بيقول البيبي زلق :crazy:
وبعد ما كشفت علي الحمدلله كان كل شيء طبيعي الرحم والجنين والمشيمة والماي والوزن ولا في ألياف ولا هم يحزنون :no:​

السموحة طولت عليج بالكلام بس حبيت أنقل لج تجربتي وربي يحفظج ويحفظ لج اللي في بطنج :blushing:​

 

[love4life]

ما عندي خلفيه بس حبيت ادعيلج الله يحفظ لج الجنين وان شاء الله تولدين بسلامه وتفرحين بشوفته ​

والأخوات ما قصروا

 

[♥حنـيـن إمـرأة♥]

الف مبروك الزواج والحمل وربي يتمملك على خير
الي اعرفه انه المشيمه لو ظلت نازله تحت احتمال تصير عندج ولادة مبكرة عالسابع او الثامن
فحاولي انه ترتاحي الحين وماتجهدي نفسج والله كريم

 

[(أم راكان)]

ألف مبروك الحمل
وزي ماقالوا الاخوات أهم شيء الراحه والله يتمم لك على خير

 

[الخمائل 1]

الله يتمم لك على خير ارتاحي وحطي مخدة صغيره تحت ظهرك

 

[هند بنت عتبة]

حبيبتي اهم شي الراحة التامة لا تتحكرين من فرشتك ابد الا للضرورة ودايم حطي مخدة تحت الحوض وارفي رجولك شوي
ووالله يسر لك امورك

 

[قوة وضعف]

الله ييسر امورك

 

[أمل سالم]

حبيبتي تلزمك راحه وان شاءالله ماقدامك الا العافيه انتي والجنين