مرحبآ !

من خلال التسجيل في صفحات نسوة يمكنك ذلك من المشاركه وتبادل الآفكار الأيحابيه مع زميلاتك

آشتركي معنا الآن !

ابي انساه

الحالة
مغلق و غير مفتوح للمزيد من الردود.

first_girl

New member
إنضم
3 نوفمبر 2007
المشاركات
7
بكتب مشكلتي باختصار

انا كنت متزوجه واحد يقرب لي من بعيد وعندي منه 3 اطفال

وصراحه كنت احبه وايد

وصارت مشاكل بيني وبينه

وحاولت ارجع الامور لكنه كان سلبي جدا ويتهرب من المواجه وقعدت بيت هلي حوالي سنه

وصار الطلاق

والحين انا في العده لكن الشي الي متعبني اني احاول انسى ومرات احس اني نسيت شوي لكن من اسمع عنه شي تصيدني دوره واحس بيغمى علي

والحين سمعت انه بيتزوج

الي ابيه اني انساه ساعدوني علموني بنات محتاجه وقفتكم وياي
 

بنت حزينة

New member
إنضم
26 يونيو 2008
المشاركات
68
اذا فيه امكانيه انه يرجعك يعني ماطلقك 3 وبما انه بينكم اطفال وتحبينه حاولت ترسلين مسجات على جواله يمكن يحن قلبه عليك
 

first_girl

New member
إنضم
3 نوفمبر 2007
المشاركات
7
مشكوره اختي على ردج

خلاص وصلنا لطريق مسدود

ابي انساه مابي اتأثر من اسمع شي عنه
 

المنقبة

New member
إنضم
17 يونيو 2008
المشاركات
823
الله يعوضج حبيبتي وما عليج طالما حياتج ما كانت مستقرة معاه الطلاق انسب حل
 

ريم 666

New member
إنضم
28 مارس 2007
المشاركات
99
ما ادري وش اقول لك سوى الله يكتب لك الي فيه خير

اذا فيه مجال يرجعك ياليت عشان الاطفال

يعني احنا مانقدر نحكم عليكم من الغلطان او ليش طلقك

بس نصيحه لكل اخت متزوجه احسني معاملتك زوج كوني له انثى وليس ند

لا تكثرين من نقده وتبيين عيوبه


لاتسبي اهله او تستنقصي من شأنهم


غضي الطرف عن صغائر الامور

والله يستر على بنات المسلمين
 
إنضم
30 يونيو 2008
المشاركات
22
اختي مالج الا الدعاءو قراءة القرآن و عليج بدعاء الكرب و الله انج بترتاحين بعد قراءته واتركي عنج التفكير وشوي شوي بتنسين
الله يكون بعونج و يصبرج
 

سارونه 33

New member
إنضم
11 يونيو 2008
المشاركات
313
الله يكون في عونك حبيبتي
والمثل يقول الي يبيعك بيعه كل ماتذكرتيه تذكري هالمثل ورح تكرهينه وتنسينه
 
إنضم
27 مايو 2008
المشاركات
174
اصلا من سمعتي انه بيتزوج االمفروض تكونين ساحبه عليه

شمعنى هو نساج وفكر على طول بالثانيه

شمعنى احنا الي نعاني

شمعنى احنا الي نصبر على الظلم

والله البعض منا يعيشش بظلم

خلاص بالطقاق كاااااااان صفحه سيئه بحياتج واللحين شقيها

ابدي حياه جديده اهتمي بوظيفتج وعيالج

عسى ربي ينسيج اياه
 

لاهنت

New member
إنضم
8 يونيو 2008
المشاركات
18
اذا كانفعلا مافي مجال للرجعه...اشغلي نفسج ب:
1-الذكر والدعاء
2-تربيه ابنائج والتقرب منهم
3-اهتمي بالوظيفه واخذي دورات لغه او كمبيوتر او.....
4-مارسي الرياضه بانتظام
5- جددي علاقاتج وصداقاتج (اكيد انشغلتي عنهم وقت المشاكل)
6-حاولي بين فتره وفتره تحضرين مناسبات اجتماعيه -لان الوحده يوم تكشخ وتروح الصالون وتكون على سنكه عشره تشحن طاقه عجيبه
والله يفرجها عليج يارب
 
إنضم
27 يونيو 2008
المشاركات
4
جد حاولي تنسينه اختي ولا تفكرين فيه على طووول

واذا جاء اسمه في المجلس لايتغير وجهك وتزعلين بالعكس حسسي نفسك ان الموضوع صاار شئ عادي وكرري بنفسك اللي باعنا برخيص بعناااه بتراااب
وراح تنسينه صدقيني
اهم شئ العيال لاتخلينهم يتاثرووون بفرااقك انتي وابوهم
هم الضحيه مالهم ذنب ارحموهم واحسني عليهم
والله يكووون بعوونكـ يارب ويرزقك بغيره ويهنيك بدينك ودنيااااكـ ياارب
 

كويت1234

New member
إنضم
18 يونيو 2008
المشاركات
58
يقولون اذاوقعت المشكلة أن لم تستطع حلها فحاول الخروج باقل الخسائر000وأنتي حاولي تخرجين براحة بالك وبصحتك وبوجود عيالك معاكي00بعون الله المصدر المادي بيتحقق وأحذري تخسرين اي واحد من أهلك لأنك راح تحتاجينهم حببي أهلك في عيالك وعلقيهم فيهم وعلقي عيالك بأهلك بعد000لازم تنسينه ولازم تونسين نفسك لأن زواجه الجديد راح يؤلمك 00لكن عندي لك شي؟قولي وشهو ؟يمكن يطيح بذنبك أنتي وعيالك ويطيح بقشرا تكره بنفسه قولي أمين وساعتها يمكن يرجع لك كاره الحريم وراغب فيك بها الحالة لاتفوتين الفرصة وخليه يشوف الفرق!!!!
 

ام ألياس

New member
إنضم
1 يونيو 2008
المشاركات
3
اختي الغالية ..

الماضي راح .. ضروري تفتحين صفحة جديدة وتغيرين نظرتك للحياة ..
 
إنضم
6 يوليو 2008
المشاركات
10
الله يصبرك اختي...انصحك بترديد هذاالدعاء واحفضيه وحافظي عليه............
الدعاء...إنالله وإنا اليه راجعون اللهم أأجرني في مصيبتي واخلف لي خيرا منها..صدقيني ربي بيعوضك اللي احسن منه ويعطيك ليرضيك...وعلشان تنسينة ..تذكري كل عيوبة ومساوئة راح تقولين الحمدللة..وعسى ان تكرهو شيا وهو خير لكم ..وذا تزوج الله يوفقه وانتي الله يوفقك ويسعدك ..والدنيا ما وقفت عند طلاقك منة حبيبتي ..عيشي حياتك مع عيالك وانسي واحذري ان تتلتفتي للوراء ولو لثانية ابدئ حياة جديدة حافلة بالمسرات...تمنياتي لك بالتوفيق.وترى النسيان اكبر نعمة من الله..الحمدللة
اختك ..انتظار الامل:sadwalk:
 

first_girl

New member
إنضم
3 نوفمبر 2007
المشاركات
7
مشكوره اختي المنقبة على الرد وان شاء الله الله يعوضني خير

اختي ريم 666

مشكوره على النصائح

مليت احزاني مشكوره على النصح بس ياريت انسى بسهوله


اختي حبيبت رشيد1 مشكوره

اختي سارونه 33

مشكوره ودايما اقول هالشي بيني وبين نفسي مرات احس اني كرهته ومرات احن بشده

اختي شموخ الكويت

كلامج مثل كلامي لكن ماتوقعت النسيان صعب لهدرجه

هو نسى بكل سهوله ياحظه

اختي حمده غ

مشكوره على النصائح بس الحين احس نفسي مسدوده عن الطلعه والرياضه وغيره


اختي حرير وحراير مشكوره عزيزتي

بحاول اني ماتأثر وانسى

وبالعكس انا مش مبينه حق عيالي اي شي

اختي كويت 1234

دايما اقول نفس كلامج صدقيني احمد ربي على النعمه وعلى عيالي لانهم عندي الله يحفظهم


اختي joje

مشكوره وادري الماضي راح لكن سنين من عمري عشتها معاه ماراح انساها بسهوله

اختي انتظار الامل

مشكوره على الدعاء وبحاول اني مالتفت للوراء ابد

احبكم بنات مشكورين كلكم
 
الحالة
مغلق و غير مفتوح للمزيد من الردود.
أعلى