ابي انتـــــــــــــــقم من خطيبي

[معاندة الحزن]

السلام عليكم

مثل ماكتبت في العنوان ابي منكم خطة تخليني انتقم من خطيبي واكسر قلبه مثل ماكسر قلبي
من فترة كانت بيننا مشاكل وصار يبعد عني حييييل وانا من حرقة قلبي قلتله طلقني وماخليت كلمة ماقلتها عليه وهو بعد ماقصر فيني غلط علي
وبعدها طلبت منه الطلاق بس ماطلقني لكنه ماطلقني بس صد عني وصار يقفل جواله واقول لابوي كلمه خله يطلقني ومااحد سامعني معتبرينها مشاكل بيننا واحنا نحلها
وظليت ارسلله واسبه وادق على جواله عشان ازعجه عناااد عشان اطلع حرة قلبي
وهو يحرق قلبي بانه يقفل الجوال ومايعبرني
ومرة رسللي " لاتزعجيني برسايلك ورناتك تعبت وانا اقفل الجوال "
والحين عقب فترة طوييييله يمكن 3 اسابيع او شهر وانا اترجى فيه لو كلمة دقيت عليه وكلمني
قال انتي جرحتيني بكلامك وماادري ايش ونسى ليش انا قلت هالكلام ..
المهم قلتله اني احبه ومااتخيل حياتي بدونه وطلبت نفتح صفحه جديده
لكني ماكنت ابي ارجع عشان افتح صفحااات لكن عشان استرد كرامتي واجرحه مثل ماجرحني واذذذذله مثل ماذلني

بس ابيكم تساعدوني
ابيه يتعلق فيني حييييييييييل ومايقدر يعيش من دوني وبذاك الوقت ادوسه

هو شمالي ساعدوووني الله ينولكم اللي ببالكم

 

[najw2]

حبيت اقولك
ان الله سبحانه وتعالى يعامل الناس بالنيات وانصحك زيني نيتك تزين لك دنيتك
دمتي بود

 

[*999*]

اف ليش طيب تخربي على نفسك ترا الطلاق مو بالسااهل اقول تعوذي من ابلس وخليك ثقيلة وعاقلة

 

[كنت زوجته]

انتبهي الملائكة لم تضع أقلامها بعد

 

[قشوووطه]

الله يهديك ويهدينا
خلاص دامكم تراضيتو ليه الانتقام؟
اذا على كل موقف بتنتقمين عوة الله ماعشتي
يابنت الحلال دامك دخلتي قفص الزوجيه خذي وخلي ولا تتعبين نفسك
بالعكس اكسبيه بس لاتنتقمين
واخاف اذا انتقمتي ماراح يحبك بالعكس بيقول هاذي حقوده ومانست اللي سويته لها والحين بترد الصاع صاعين وبالحاله هاذي بعدتيه عنك ماقربتيه
عسى الله يهدي اللي في النفوس

 

[حلم متناثر]

نصيحه لاتنتقمي


ابدي صفحه جديده


لاتجيك صفعه من الدنيا تفوقك صح...

الحين الوحده تدور الستر والراحه والاستقرار

دوري االلي يريحك لاتنتقمي

وخلاص يابنت الحلال انسي ولا تنتقمي

قولي لا اله الا الله

واستهدي

 

[ألحان نازفة]

يا ساتر بكل بساطة تحكين هالكلام.. وعادي عندك الطلاق.. ولو ما طلقك عادي عندك تجرحينه وتدلينه..
يا اختي معاملة بالمعروف والا تسريح بإحسان..
ترى لو طولتيها واسأت النية محد بيخسر الا انت..
الله يهديكم ويصلح ما بينكم..

 

[** الحنوونهـ**]

الشمالي افضل الشخصيات واصعبها لوقلتي بحاول اكسبه
اسهل لكـ الانتقام يذلكـ زياده ...
كان المفروض اذا زعل انسحبتي بهدوء الين يهداء وترجعون احسن من اول المشكله تعرفين انه شمالي وسويتي الشى الي ينفره منكـ استعيديه وحاولي اصلاح لامر بالحكمه ولا يوجد انتقام بالحياة الزوجيه ..
اذا كان رجل صالح فتمسكي به وتعوذي من الشيطان..​

 

[معاندة الحزن]

بس انا خلاص عافته نفسي مااقدر اعيش مع انسان مغرور زيه
انتوا ماحسيتوا بذله لي عشان كذا تقولوا انسي
لكني ابي انتقم
عشان يحس بالمراره اللي ذقتها
وبعدها افكر اذا استمر وياه او اتطلق

بليييييييييييز ساعدوني

 

[معاندة الحزن]

وبعدين انا مو نيتي شينه ناحيته بالعكس للحين احبه
لكن لما يحس بالجرح اللي جرحني اياه رح يفوق ويعرف قيمتي
لكن اسامحه كذا بكل بساطه وهو يرجع لتصرفاته اللي تقهرر
يخسسسسسسسسسسسسى

 

[قشوووطه]

وبعدين انا مو نيتي شينه ناحيته بالعكس للحين احبه
لكن لما يحس بالجرح اللي جرحني اياه رح يفوق ويعرف قيمتي
لكن اسامحه كذا بكل بساطه وهو يرجع لتصرفاته اللي تقهرر
يخسسسسسسسسسسسسى

تقولي انك تحبيه وتقولي نيتك ماهي شينه
بالله عليك اللي يحب يقول يخسى؟
اصلا كيف تحبينه وانتي ناوييه تنتقمي وتطلقي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وتذكري ان اللي يحب يسامح

 

[كــبرياء أنثى]

حبيبتي اذا تبين تفتحين معه صفحه جديده عشان تنتقمين ليش؟؟
يعني لو انك واصله حدك وكارهته خلاص قولي له ماابيك وخلاص ماله داعي الانتقام لاترجع عليك بعدين وينتقم انتقام اكبر من انتقامك ياليت تفهمين قصدي .

 

[** الحنوونهـ**]

بصراحه انتي متناقضه .. تحبينه.. وبتنتقمين ..وبتعلقينه فيكـ.. ونيتكـ مهيب شينه ..
مدري .. تحيرين وخوذيها من الاخر ماراح يساعدك احد على الانتقام ..نساعدك ..بنسيان الامر وتخلينه يستحي من تصرفه ويندم عليه بنية صلاح حياتكم وكثير نواجه مشاكل تشيب الراس بس .. الدعاء اقوى سلااااااح ودائمآ المراءه بحكمتها تخجل الرجل لكن ..بتفكيركـ هذا بتتعبين كثير بالمستقبل ..الله يسخركم لبعض ويهدي سركم..​

 

[معاندة الحزن]

اي احبه ولو مااحبه ماترجيته وذليت نفسي له طول هالشهر
وهو ماعبرني
لو يكن لي ذره احترام كان طلقني وماخلاني معلقة فيه متى مااحب يرجع لي
خلينا نقول مو انتقام لكن ابيه يعرف قيمتي واني انسانه بكرامه مو وقت مايجي ووقت مايبي يروح

 

[كلبسه كرستال]

هههههههه ياحبي لك مررررره متحمسه
اولا تعوذي من بليس
ثانيا والله العظيم حاسه فيك صدقيني انتي ساعدتي في انو يذلك لانو ظليتي تدقين عليه وترسلين وهو منطنشك
هو مو بس اللي ذلك انتي اللي عطيتيه فرصه المفروض طنشتيـــــــــــــــــــه وخليتيه هو اللي يدورك ويتمنى تدقين عليه صدقيني اذا نسيتيه ولا عاد فكرتي بالانتقام وخليتيه هو اللي يمشي وراك طبعا بذكاء وشطارتك بيكون هذا اكبر انتقام لانك خليتيه يخضع لك ويحبك ويتعلق بك

 

[أنا كدا]

ايش السلبيه هدي..انتقااام؟؟
مابين الحبايب انتقام ومدري ايش..مايفكر بالانتقام الا الناس الغير سويه..
وبعدين قفل جواله يعني افهميها لاتدقين وتزعجين..لكن مافهمتي انتي لدرجه قالها بوجهك..

 

[كــبرياء أنثى]

هو لانه يحبك ويبيك ماطلقت انتي لسه في بداية حياتك لا تبدينها بانتقام وكره .
اجل كيف بعدين لو تزوجتي ؟؟؟؟

 

[ام الغالي~]

ههههههههههههه الله يسعدك يارب ويهديك طيب طنشيه خليه اهو يدورك ويكلمك اثقلي عليه

 

[نعومه كول]

وي وي إذ الحياه بينكم من بدري كذا ؤش بتسون بعدين هو شمالي عنيد وجاف وأنتي الظاهر شماليه صدقيني الحياه مو كذا تمشي واذ من ذحين تتعاندون وأنتي من النوع اللي ماينشئ عز الله خربت حياتكم صدقيني نصيحه لوجه الله يأتتغيرين وتغيري شخصيتك يأتتركيه طول مانتي عالبر ولا ترجعين مطلقه بعدين لأنه الرجال مايتغير أبدن

 

[الوفيه لكن]

ياخوفي ياحبيبتي تجني على نفسك والرجال يطير منك ومعد تشوفيه لا هوه ولا غيره ابدا
لان الناس راح تتكلم وتتضحك فيك ويمكن ينتقم منك ويقول صعب ارتبط بوحده ......

ارجوا تفكري اكثر من مره وحاولي تكسبي ثقته فيك احسن من انك تخسريها خليه يستحي انه جرحك وبالتي هي احسن عالجي الموضوع الي كذا من اولها ينعرف تاليها انتبهي

هل هذي خطتك لحياتك الجديده؟؟؟؟؟؟؟؟؟؟؟؟؟؟