معلومات الحظ المنسدح
- إنضم
- 19 يوليو 2009
- المشاركات
- 5
- مستوى التفاعل
- 0
- النقاط
- 0
ابي الطلاق وامي حالفه ارد لزوجي..ساعدوني احس حاشني اكتئاب
بنات الله يخليكم ابي مساعدتكم
مادري من وين ابدي قصتي التعيسه ودي الزمن يرجع كنت غيرت شغلات كثيره
انا عمري 26 متزوجه من 4 سنوات احس اني ظلمت نفسي بهالزواج طبعا هو زواج تقلييييدي ميه بالميه هو ولدي عمي انا جامعيه بامتياز و هو شهادته متوسط .... يعني جابولي هالعريس ووافقي مالج غيره وطبعا وافقت لانهم مدحوه لي و طبعا ما كان في بينا اتصال خلال فترة الملجه وما كنت اعرف شخصيته كيف ولا افكاره
الاربع سنوات هذي قضيت معظمها زعلانه في بيت اهلي كنت اقعد شهووووووووووووور ( 9 و 8 شهور ) للأسف انصدمت في زوجي انسان دفش لابعد الحدود وسطحي و ما عنده طموحات ... انا كانت لي شخصية وكلمة مسموعه في بيت اهلي وكان الكل يعتمد علي وياخذون بشوري حتى ابوي كان ياخذ رايي ويحب يسمعني ونفس الشي امي واخواني احنا عايله متفتحه و دارسين و مترابطين حيل
اذا ابي اتناقش ويا زوجي كله يتمسخر علي قلت فيه نقس لان شهادتي اعلى منه قلت انزل لمستوى تفكيره بس مافي فايده
الله رزقني منه بطفل طبعا لا يودي ولا يجيب وللحين عايش مراهقته وعلى طول يسافر للشام وكنت ازعل في بداية الزواج خصوصا لما كان يسافر للشام و كنت لما اتصل عليه يقولي انه في بيت اقاربنا في السعوديه مو بالشام وكنت اصدق ودايما يسافر وكنت اقول بالسعوديه طبعا بالصدفه شفت الجواز و زعلت ليش يكذب علي وقعدت عند اهلي 9 شهور طول فترة حملي وهو ما اهتم ولا كلمني طول هالفتره و سافر لبنان وسوريا مليون مره وما جاني الا بعد ما ولدت
سمعت بنصيحة امي كل الشباب يسافرون وردي لبيتك عشان ولدك وخليه يسرح ويمرح ما عليج منه طبعا رديت منكسره و طمست شخصيتي عشان ابي حياتي تستمر قلت احتمال يتغير
و زوجي استمر سفرات و سهر مع ربعه و قليل يقعد بالبيت و ولما اطلب منه شي ما يسويه الا بعد جهد جهيد او يطنش او يقولي انتي سوي هالشي او قولي لامك ... ما عندي خدامة وانا موظفه اودي ولدي كل يوم الصبح لامي كأنها خدامة واذا ولدي قعد يبجي يقولي وديه لامج مالنا خلق عليه !!! وياما نام الولد عند امي وطبعا ما اطلع معاه اي مكان حتى لو مشوار ضروري مافي طول الاسبوع قاعده بين اربع طوف اليوم اللي اطلع فيه يكون يوم زيارتي لاهلي .... ولا مره سافرت معاه وهالشي حتى ما يهمني يعني مو من النوع اللحوح
واذا مرض ولدي اوديه على حسابي للخاص و السوق امي توديني وملابس الولد انا اشتريها من معاشي ونفس الشي اغراضي واذا رحت السوق يدق علي ويزعجني لدرجة يدق عالسايق يتأكد رايحه مع منو واي سوق طبعا اذا دق اتفشل من خواتي وارد البيت لان تنسد نفسي ومايصير لي خلق
الاسبوع اللي فاتقلت ابي خدامة وطبعا قالي من معاشك جيبيها قلت امري لله ما عندي مشكله ابي ارتاح نفس الحريم طبعا اول مره نطلع وفشلني وتهاوش معاي بالطريق و رفع ايده علي وهددني انه يضربني واحنا بالشارع قدام الناس عشان ضحكت وفلت له ساعدني بفلوس الخدامه وبعدين لما شفته عصب قلت له اشفيك انا كنت امزح بس كمل صراخ وقطني عند باب بيت اهلي وقال ذلفي قلت منو قالك ابي بيت اهلي ردني بيتي وطبعا عصب لانه كان يبي فرقاي ووداني الشقه وزفني بالشارع لما و صلنا اتوقع جيرانا شافوا اللي صار
قعد اسبوع ما يكلمني وسكت وامي تقول صبري قلت اوكي مو مشكله بعدين استأذنته بعد كم يوم بروح بيت اهلي لان امي مريضة وما شفتها اسبوع وما رد علي كنت دازتله مسج ومارد الاخ زعلان للحين المهم نزلت تحت لقيته موجود اخذ الولد وشافني بعدين جا سايق اهلي ورحت معاه لما دخلت بيت اهلي قالي وين رايحه ؟ قلت بيت اهلي زياره انا دزيت لك مسج قال ردي الشقه بصراحه احتريت دزيتله مسج قلت شوي ارد وطبعا عصب وانا اخذت بخاطري شلون ما يحشم امي وابوي ... المهم دزيتله مسجات عن كل شي بخاطري وتشرهت عليه وقلت شلون انا صابره لو غيري ما تصبر و مايصير كل ما زعلت تقولي ذلفي لاهلج طبعا رد علي قال العيب فيج ونمت ذاك اليوم عند اهلي ولما صار الصبح رحت الشقه لقيته موجود قلت له انا مو زعلانه انا اتشره عليك ابي حياتنا تمشي ابي ولدي يعيش بحضنك قالي انتي بتضيعين الولد ويللا شيلي كل اغراضج وروحي لاهلج .... وترى قبل جم شهر طردني وحلف انه بيطلقني بس امي وابوي تدخلوا و راضوه للأسف صار شيخ علي بسبتهم
انا بصراحه ما اهتم فيه وما احبه واستغرب من الحريم اللي يشتاقون لازواجهم وكل يوم ليلة وحركات لاني ما احس بهالشغلات
كل البنات بعايلتنا مدلعات وازواجهم متفهمين وكل يوم سفره و فرش وصبغ واثاث جديد وبدل الخدامه خدامتين الا انا والمشكله يقولي الحريم احسن منج انتي لو عند واحد ثاني ما يصبر عليج مو قلت لكم صار فرعون علي واذا بدافع عن نفسي ما يرضى يطلع ويخليني او يصرررخ ويفضحني عند اخوانه وامه
بس ابي الطلاق وامي كل ساعة تردني له وصار فرعون عباله ميته عليه والحين امي يوم قلت لها ابي الطلاق بغت تبجي تقولي ردي له ولا تخربين على خواتج باجر الناس شنو تقول !!! وطبعا تعبت وضغطها ارتفع والله احتريت ليش امي تسوي فيني جذي قلت لها انتي ما تحسين فيني انا وين موقعي من الاعراب انا استانس عندكم اكثر انا عمر ما انطقيت وانهنت في بيت ابوي ليش محد حس فيني ؟؟؟ ليش مالي حق اكون سعيده ...مليييييييييييييييت و حلفت علي اني ارد له !! مو حرامممم صرت مثل الطاوله يشيلونها ويحطونها وين ما يبون وكلساعه لما ارد اللوم والعتب علي وهو محد يفهمه او يقوله ترى انت غلطت على زوجتك احس ما وراي سند
والحين امه كل يوم جايتنا وتسوي مؤتمر هي وامي يبوني ارد وانا مابي الرده والمصيبه قايل حجي كله جذب لامه وطبعا لما عصبت عادي عندهم امه تقول الرجال لو يدوس المره بالنعال عادي تطوف له احنا قبل صبرنا على ضيم الرياجيل قلت انتوا زمانكم غيرررررر الحين الرجال متفهم راح عصر الهمجيه انا موظفة وبخير الله يخليلي ابوي
بس تكفون شنو اسوي الحين انا تعبتتتتت مالي حظ بالدنيا مدري ليش الدنيا تعاندني
والله العظيم يا بنات اني مريت بحاله نفسيه محد يعلم فيها غير الله بجي طول الليل ووسواس واكتئاب وتهيؤات حاشني مرض نفسي وخايفه الحين يردلي المرض والتعب والله اني آكل في نفسي والهم ذبحني حتى ما قمت اركز بالحجي مع احد ...
بذمتكم الطلاق مو نعمه في بعض الاحيان ؟ ليش الله أحل الطلاق مو لراحة الانسان ؟
مادري من وين ابدي قصتي التعيسه ودي الزمن يرجع كنت غيرت شغلات كثيره
انا عمري 26 متزوجه من 4 سنوات احس اني ظلمت نفسي بهالزواج طبعا هو زواج تقلييييدي ميه بالميه هو ولدي عمي انا جامعيه بامتياز و هو شهادته متوسط .... يعني جابولي هالعريس ووافقي مالج غيره وطبعا وافقت لانهم مدحوه لي و طبعا ما كان في بينا اتصال خلال فترة الملجه وما كنت اعرف شخصيته كيف ولا افكاره
الاربع سنوات هذي قضيت معظمها زعلانه في بيت اهلي كنت اقعد شهووووووووووووور ( 9 و 8 شهور ) للأسف انصدمت في زوجي انسان دفش لابعد الحدود وسطحي و ما عنده طموحات ... انا كانت لي شخصية وكلمة مسموعه في بيت اهلي وكان الكل يعتمد علي وياخذون بشوري حتى ابوي كان ياخذ رايي ويحب يسمعني ونفس الشي امي واخواني احنا عايله متفتحه و دارسين و مترابطين حيل
اذا ابي اتناقش ويا زوجي كله يتمسخر علي قلت فيه نقس لان شهادتي اعلى منه قلت انزل لمستوى تفكيره بس مافي فايده
الله رزقني منه بطفل طبعا لا يودي ولا يجيب وللحين عايش مراهقته وعلى طول يسافر للشام وكنت ازعل في بداية الزواج خصوصا لما كان يسافر للشام و كنت لما اتصل عليه يقولي انه في بيت اقاربنا في السعوديه مو بالشام وكنت اصدق ودايما يسافر وكنت اقول بالسعوديه طبعا بالصدفه شفت الجواز و زعلت ليش يكذب علي وقعدت عند اهلي 9 شهور طول فترة حملي وهو ما اهتم ولا كلمني طول هالفتره و سافر لبنان وسوريا مليون مره وما جاني الا بعد ما ولدت
سمعت بنصيحة امي كل الشباب يسافرون وردي لبيتك عشان ولدك وخليه يسرح ويمرح ما عليج منه طبعا رديت منكسره و طمست شخصيتي عشان ابي حياتي تستمر قلت احتمال يتغير
و زوجي استمر سفرات و سهر مع ربعه و قليل يقعد بالبيت و ولما اطلب منه شي ما يسويه الا بعد جهد جهيد او يطنش او يقولي انتي سوي هالشي او قولي لامك ... ما عندي خدامة وانا موظفه اودي ولدي كل يوم الصبح لامي كأنها خدامة واذا ولدي قعد يبجي يقولي وديه لامج مالنا خلق عليه !!! وياما نام الولد عند امي وطبعا ما اطلع معاه اي مكان حتى لو مشوار ضروري مافي طول الاسبوع قاعده بين اربع طوف اليوم اللي اطلع فيه يكون يوم زيارتي لاهلي .... ولا مره سافرت معاه وهالشي حتى ما يهمني يعني مو من النوع اللحوح
واذا مرض ولدي اوديه على حسابي للخاص و السوق امي توديني وملابس الولد انا اشتريها من معاشي ونفس الشي اغراضي واذا رحت السوق يدق علي ويزعجني لدرجة يدق عالسايق يتأكد رايحه مع منو واي سوق طبعا اذا دق اتفشل من خواتي وارد البيت لان تنسد نفسي ومايصير لي خلق
الاسبوع اللي فاتقلت ابي خدامة وطبعا قالي من معاشك جيبيها قلت امري لله ما عندي مشكله ابي ارتاح نفس الحريم طبعا اول مره نطلع وفشلني وتهاوش معاي بالطريق و رفع ايده علي وهددني انه يضربني واحنا بالشارع قدام الناس عشان ضحكت وفلت له ساعدني بفلوس الخدامه وبعدين لما شفته عصب قلت له اشفيك انا كنت امزح بس كمل صراخ وقطني عند باب بيت اهلي وقال ذلفي قلت منو قالك ابي بيت اهلي ردني بيتي وطبعا عصب لانه كان يبي فرقاي ووداني الشقه وزفني بالشارع لما و صلنا اتوقع جيرانا شافوا اللي صار
قعد اسبوع ما يكلمني وسكت وامي تقول صبري قلت اوكي مو مشكله بعدين استأذنته بعد كم يوم بروح بيت اهلي لان امي مريضة وما شفتها اسبوع وما رد علي كنت دازتله مسج ومارد الاخ زعلان للحين المهم نزلت تحت لقيته موجود اخذ الولد وشافني بعدين جا سايق اهلي ورحت معاه لما دخلت بيت اهلي قالي وين رايحه ؟ قلت بيت اهلي زياره انا دزيت لك مسج قال ردي الشقه بصراحه احتريت دزيتله مسج قلت شوي ارد وطبعا عصب وانا اخذت بخاطري شلون ما يحشم امي وابوي ... المهم دزيتله مسجات عن كل شي بخاطري وتشرهت عليه وقلت شلون انا صابره لو غيري ما تصبر و مايصير كل ما زعلت تقولي ذلفي لاهلج طبعا رد علي قال العيب فيج ونمت ذاك اليوم عند اهلي ولما صار الصبح رحت الشقه لقيته موجود قلت له انا مو زعلانه انا اتشره عليك ابي حياتنا تمشي ابي ولدي يعيش بحضنك قالي انتي بتضيعين الولد ويللا شيلي كل اغراضج وروحي لاهلج .... وترى قبل جم شهر طردني وحلف انه بيطلقني بس امي وابوي تدخلوا و راضوه للأسف صار شيخ علي بسبتهم
انا بصراحه ما اهتم فيه وما احبه واستغرب من الحريم اللي يشتاقون لازواجهم وكل يوم ليلة وحركات لاني ما احس بهالشغلات
كل البنات بعايلتنا مدلعات وازواجهم متفهمين وكل يوم سفره و فرش وصبغ واثاث جديد وبدل الخدامه خدامتين الا انا والمشكله يقولي الحريم احسن منج انتي لو عند واحد ثاني ما يصبر عليج مو قلت لكم صار فرعون علي واذا بدافع عن نفسي ما يرضى يطلع ويخليني او يصرررخ ويفضحني عند اخوانه وامه
بس ابي الطلاق وامي كل ساعة تردني له وصار فرعون عباله ميته عليه والحين امي يوم قلت لها ابي الطلاق بغت تبجي تقولي ردي له ولا تخربين على خواتج باجر الناس شنو تقول !!! وطبعا تعبت وضغطها ارتفع والله احتريت ليش امي تسوي فيني جذي قلت لها انتي ما تحسين فيني انا وين موقعي من الاعراب انا استانس عندكم اكثر انا عمر ما انطقيت وانهنت في بيت ابوي ليش محد حس فيني ؟؟؟ ليش مالي حق اكون سعيده ...مليييييييييييييييت و حلفت علي اني ارد له !! مو حرامممم صرت مثل الطاوله يشيلونها ويحطونها وين ما يبون وكلساعه لما ارد اللوم والعتب علي وهو محد يفهمه او يقوله ترى انت غلطت على زوجتك احس ما وراي سند
والحين امه كل يوم جايتنا وتسوي مؤتمر هي وامي يبوني ارد وانا مابي الرده والمصيبه قايل حجي كله جذب لامه وطبعا لما عصبت عادي عندهم امه تقول الرجال لو يدوس المره بالنعال عادي تطوف له احنا قبل صبرنا على ضيم الرياجيل قلت انتوا زمانكم غيرررررر الحين الرجال متفهم راح عصر الهمجيه انا موظفة وبخير الله يخليلي ابوي
بس تكفون شنو اسوي الحين انا تعبتتتتت مالي حظ بالدنيا مدري ليش الدنيا تعاندني
والله العظيم يا بنات اني مريت بحاله نفسيه محد يعلم فيها غير الله بجي طول الليل ووسواس واكتئاب وتهيؤات حاشني مرض نفسي وخايفه الحين يردلي المرض والتعب والله اني آكل في نفسي والهم ذبحني حتى ما قمت اركز بالحجي مع احد ...
بذمتكم الطلاق مو نعمه في بعض الاحيان ؟ ليش الله أحل الطلاق مو لراحة الانسان ؟
اسم الموضوع : ابي الطلاق وامي حالفه ارد لزوجي..ساعدوني احس حاشني اكتئاب
|
المصدر : الأستشارات الزوجية العامة