ابي السنع تكفون

[سحر الحوار]

يابنات ولله مليت من الكسل ابي اكون سنعه زي الحريم ودي بيتي يكون ديم نظيف وريحته حلوه ولله انا ارهق نفسي يوم تجيني السناعه كلها اغسل واكنس وانظف الشبابك وعشره لااااااااااا تعبت من نفسي شوفوا وحده سنعه تستلمني وانا ابي اكون تحت امرها وتعاقبني زي ماتبي بس اتغييييييير الله يخليكم ولله كنت عند اهلي سنعه حيل بس مدري ايش صارلي بعد الزواج صرت كسوله:icon30:

 

[سحر الحوار]

يااااااااااالسنعات كلمه ولو جبير خااااااااااطر

 

[لمسة فن]

مرحبا بك ..

تنظيف وترتيب المنزل يحتاج فقط تنظيم للوقت ويحتاج لتوزيع المهام من الأهم إلى المهم
يعني ترتيب اولياتك ..
أنصحك بعمل جدول متكامل لأعمال المنزل اليومية، الأسبوعية والشهرية ..
وعن تجربة شخصية .... انا من سنين معتمدة على جدول والحمدلله مرتاحة جدا ..

على سبيل المثال لا الحصر :
الأعمال اليومية :
* كنس ومسح المطبخ .
* مسح الحمامات بشكل خفيف (يعني بدون شطف ، فقط مسح )
* ترتيب غرف الأولاد بمساعدتهم ( حتى يتعلموا الإعتماد على النفس )
* غسل الأواني والصحون اليومية .
* إخراج -عزكم الله - القمامة ويفضل في اللحظات الأخيرة قبل النوم .

الأعمال الأسبوعية :
* تنظيف وغسل الحمامات .
* كنس ومسح الدرج.
* تنظيف شبابيك المنزل .
* تغيير الشراشف .ومناشف الإستحمام .

الأعمال الشهرية :
* تنظسف شامل للمطبخ .
* غسيل فناء المنزل


طبعا تلك أمثلة سريعة .... وكل واحدة من تلك المهام تحددين لها وقت محدد.
ولا تنسين من ضمن الجدول تخصصين وقت ولو ساعة واحدة تكون لك أنت فقط
( تمارسين فيها هواياتك ، ممارسة رياضة خفيفة ،قراءة جزء من المصحف ... الخ )

صدقيني بعد عمل جدول منظم لمهامك اليومية لن يتسلل الكسل أبدا ... بل يحدث العكس
ستحبين تلك الأعمال أكثر خاصة مع استحضار نيتك بأن تكون تلك الأعمال خالصة لله
ولنيل الأجر والثواب منه سبحانه بتهيئة نفسك وبيتك لزوجك وأفراد أسرتك ...

أتمنى أني ساعدتك ولو بشي بسيط ............... والله يوفقك .:blush-anim-cl:

 

[انا حياته]

 

[نهروان]

سولي لك جدول للتنظيف مثل ما تفضلت الاخت لمسة فن واهم شي العزيمة وبعدين اذا عندك فراغ تفرغي للعبادة ولزوجك والله يعينك ترى حنا يالحريم ماعندنا وقت ولو حصل نظل نفكر وشي الواجبات الي نقوم بها لليوم الثاني (خوش سنع صححححححححح)وترى شغل البيت فيه تعب بسسسسسسسسسس فيه رضى لله عزوجل ورضى للزوج بعد##بالتوفيق##

 

[سحر الحوار]

ياروحي يا لمسة فن و بعد انتي يا نهروان المشكله العزيمه ماتجي الا بطلعت الروح ما عندي عزم يبيلي تكفيخ عشان اتسنع

 

[لمسة فن]

العزيمة ستظهر فورا ....... فقط اذا فكرتي على الأقل بينك وبين نفسك
أن نتيجة ما ستقومين به في بيتك سترين أثرها الطيب عليك أولا ثم على زوجك واولادك ...
عندها فقط سيذهب التعب كله وتحل السعادة وراحة البال والرضا في النفس بشكل كبير..
وستجدين لذة وطعم ليومك فوق ما تتصورين لأنك حددتي اولوياتك وأهدافك وقمت بها بقدر وسعك
ونصيحة .............. لا ترهقي نفسك أبدا ... بل استشعري المتعة وأنت تعملين واستشعري الأجر من رب العباد وما ينتظرك في الآخرة من نعيم ... لا تستصغري عملك في بيتك وتهيئته لأفراد أسرتك ...
فأنت في جهاد ستثابين عليه بلاشك بإذن الله .....
...

فقط تخيلي نتائج عملك في نهاية كل يوم ......... عندها الإصرار والعزيمة ستظهر بكل يسر وسهولة
ولك مني كل محبة وتقدير ......:bye1:

 

[سحر الحوار]

الله يصلح الحال قبل ما يعرس الرجل ويكفخني بالعقال ويقولي حلك هاذا ماهو حال