ابي اكتب قصتي مع الحمل واتمنى تتفاعلو معي وتصبروني

  • بادئ الموضوع بادئ الموضوع ام همسه
  • تاريخ البدء تاريخ البدء
ا

ام همسه

New member
إنضم
2010/01/08
المشاركات
40
السلام عليكم ورحمة الله وبركاته
كيف حالكم انشاءالله تكونو بأتم الصحه والعافيه
حبيت اكتب لكم قصتي واللي عندها اي خلفيه لاتبخل علي..​

انا لي سنه وشهرين متزوجه وماكتب الله لي الحمل واخذت قبل فتره منشط كلوميد والشهر اللي بعده حللت والحمدلله طلعت(حااامل)
وماتتصورون فرحتي وفرحة زوجي
رحت للمستشفى وسويت التحاليل والفحوصات اللازمه والحمدلله كل شي سليم
وعطتني الدكتوره حمض الفوليك وقالت تعالي بعد اسبوعين عشان اشعه الصوتيه
ولما رحت لها بعد اسبوعين
سوتلي اشعه صوتيه وقالت فيه كيس ولكن بدون جنين قالت يمكن مو واضح تعالي بعد اسبوعين نتأكد والحين سوي تحليل لهرمون الحمل وسويته وطلعت,,,
رجعتلها بعد اسبوعين قالت الهرمون كويس وعملتلي اشعه صوتيه ع البطن وقالت نفس الكلام الجنين مو واضح وسوتلي اشعه مهبليه وكمان مافي جنين وكان وقتها انا حامل لي9 اسابيع ومااحس بالوحم ابد وكان وقتها تنزل علي افرازات بنيه الله يكرمكم مع قطع جامده سوداء وقلت للدكتوره قالت هذا دليل اسقاط قلت كيف ؟ والهرمون مرتفع ؟؟قالت عادي تصير,,
بحولك لطوارئ تسوين عملية تنظيف بس مارحت والافرازات البنيه لسى تنزل معي
منو عندها خبره وايش تنصحوني فيه...
واللي ماتعرف اتمنى تدعيلي ان الله يصبرني ويعوضني اذا كان اجهاض
وآســــفه على الاطاله​
 
والله ياقلبي ما عندي علم

بس لاتستعجلي اذا 9 اسابيع ماتحتاجين عملية تنظيف اذا ربي كتب ينزل ينزل من حاله والله اعلم

 
مشكوره اختي انا ماراح اسوي عملية تنظيف بشرب شي ينزله
بس ماودي استعجل وش رايكم؟؟
 
المفروض ماخليتيها تسويلك اشعه مهبليه لانها اهي الي تسوي اجهاض مبكر والجنين كثير مايبين معهم الا متاخر بس قدر الله وما شاء فعل الحين اصبري اسبوع اذا نزل او اشربي شي ينزله
واذا حملتي مره ثانيه اصبري لاتروحين تسوين اشعه ولاغيرها الا بعد ثلاث شهور والله يرزقنا وياك يارب بذريه اصالحه
 
السلام عليكم
اولا اختي انا بقولك اللي صار معي
انتي كنك تتكلمين عن قصة حملي بالضبط
واول حمل وفرحانه فيه ومابي اسوي التنظيف
ورحت شربت اشياء فالبيت والله بعدها بكم يوم شفت الموت بعيني
ورجعت للمستشفى وسويت التنظيف وشفت الراحه بعده
اخذي نصيحتي وتوكلي على ربك سوي التنظيف
طبعا راح تكوني مخدره كاملا ماراح تحسي بشي
وسبحان الله المبايض بعد الاجهاض والتنظيف تصير نشطه لان الرحم نظيف
ونسبه الحمل بعده كبيره
سوى التنظيف وروحي لاهلك واتبعي نظام نفاس 15 يوم
وارجعي لزوجك باذن واحد احد راح تجيك الدوره مره وحده وبعدها بتحملين ويمكن ماتجيك بعد
متن غير شر
والسونار المهبلي فعلا يسبب اجهاض فحالة الحمل الطبيعي مو الكيس بدون جنين او مافي نبض
وترى عادي كثير نفس حالتك بحملهم الاول لاتخافين
وايه نسيت اقول لك الحمل الجاي لاتنسنين سورة البقره
اقريها شبه يومي لايمر يوم الا قاريه منها كم صفحه اذا كنتي ماتقدرين تختمينها,,,,
الله يكتب لك اللي فيه الخيره
 
التنظيف اسهل واريح لك بكثيرررررررر
انا مجربته
 
انصحك اختي اصبرررررررررري يمكن يبان ياكثر من قالوا لها كيس بدون جنين وبااااااااااان بعد شهرين وانا اعرفها وهذا معها الان ولد ماشاءالله
اصبري وانا مجربه التسقيط والتنظيف سويته بس صبرت اول بالبيت الين كثر معي الدم والقطع وعرفت ان ما فيه جنين وفيه اسقاط رحت سووا لي تنظيف
تكفيييييين اختي صبري حرااااااااااااااام يروح جنين وانتي ماتدري كثير بعد ثلاث او شهرين يبين معهم اصبري مادام مافيه دم كثير بعدين انصحك لاتاخذين شي ينزله اصبري واذا زادت الحاله روحي بالتوفيق
 
مشكورين حبيبااتي ع التفاعل والردود والله ريحتوني شوي

بس اليوم رحت لدكتوره ثانيه وقالت كمان كيس بدون جنين بس لك 6 اسابيع مو 9 وهذا الغريب

وتقول الوضع طبيعي وعطتني موعد بعد اسبوع دعواتكم
 
حبيبتي انا باقولك قصتي
انا بحملي الثاني ماحسيت لا وحام ولا شيء ولا كاني حامل وطلعنا نتمشى وانا على حساب الدوره شهريييين ونص وطلبت الحمام ونزل مني دم
رحت الطواري طلبو مني اتنوم رفضت وقوف الدم واليوم الثاني رجع ليبكثره رحت الطواري لكن هالمره صلحو لي اشعه لاني غيرت المستشفى وطلع كيس بدون جنين وتنويم مباشرة وبدات اوجاع مثل الدوره
اليوم الثاني جاتني الاستشاريه وصلحت لي اشعه مهبليه وسونار واكدت ي الكلام وقالت اعطيك طلق صناعي لحد مينزل الكيس رفضت وطلبت خروج ورحت على طول على دكتوره ثانيه وماقلت لها ايش قالو لي في المستشفى وكشفت عليوقالت نفس الكلام واقالت بااعطيك تحويله على الطواري ورفضت ما ابي طلق صناعي يكسر العظام
قالت خلاص كلي حب الرشاد مع زبادي او عسل ورجعت على البيت واستخدمتها واليوم الثاني بدا الطلق الحقيقي والام فضيعه واتحملت لحد مانزل الكيس ولله الحمد وبعدها باسبوع رحت لها قالت ماشاء الله الرحم نظيف ماتحتاجين عمليه وبعدها باقل منشهريين طلعت حامل وانا اللحين في الخامس
دعواتك لي ان الله يسهل لي حملي وولادتي
​
 
اختي حالتك مثل حالتي وقالت الدكتوره لازم تنظيف وهو كان له 6 اسابيع والحمد لله الان انتضر احمل مره ثانيه دعواتك الله يجزاك خير ويشفيك ويعافيك ونسيت اقولك انه جاني كيس عاى المبيض وقالت الدكتور عادي هذا يجي بعد العمليه واخذت علاج له والحمد لله على كل حال
 
انا ماحس بالوحم ابد وانا قلبي يقولي خلاص ودي انزله لان عندي دوام السبت
بس ام زوجي تقول انتظري شوي لما نتأكد ماالومها ودها تشوف ضنى ابنها الوحيد
بس لسى الدم ماوقف,,,

الحمد لله على كل حاااال الله يعوضني ويعوضكم خواتي خير
ويتمم على كل حامل وتلد طفلا سليما معافى واشكر لكن تفاعلكن واهتمامكن
وادعولي امانه اني احمل بسرعه بتؤام سليمين واولد بالسلامه,,,
 
الله يرزقك اختي وتحملي بسرعه وبااحلى تؤام لكن اعطينا اخبارك
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل