ابي اعرف اللي انا فيه شو بالضبط ؟!

[السحاب الهتون]

السلام عليكم ورحمة الله وبركاته
مب عارفه من وين ابدا ،،، حياتي ما صار لها طعم بسبب اللي انا فيه من توتر وخوف وقلق ..
كله اخاف اني امرض اخاف اني اموت اخاف يصير لي شي فاي وقت واي مكان ؟
اذا حسيت بوجع فجسمي تسيطر علي فكرة الموت وانه اللي فيني هذا كله لاني بموت ،،، صرت اكره اطلع مكان واكره ايلس فالبيت واكره اركب السياره او بالاحرى اخاف اسوي كل هالشغلات ...
واذا سمعت انه احد مريض من اهلي او اي احد اقول اكيد بيموت عشلن جي مريض ..
مع اني ولله الحمد اصلي واذكر ربي واستغفر باستمرار ولله الحمد بس مب عارفه شسوي كيف اطلع من اللي انا فيه نفسيتي وايد تعبانه دايما احس برجفة فالجسم ودقات فالقلب واخااف خوف مب طبيعي ،، كل يوم عن يوم يزيد فيني هالشي احس حياتي مالها طعم ...كيف اتخلص من هالفكره او هالافكار اللي بتينني ؟؟!
ودايما اطرافي بارده وريولي احسها ثقيله ما تشيلني ،،، مع انه ولله الحمد كل فحوصاتي سليمه وما فيها شي ...
بس انا وايد خايفه من المستقبل من المرض من كل شي حوولي
والحمدالله رب العالمين دايما ادعي ربي ومؤمنه انه الله ما يخيب احد..
بس يا ترى الخوف والقلق يسوي هالاشياء ؟؟ يهد الحيل ويتعب الجسم ويضعف الانسان ؟؟
والا انا مب عارفه شو فيني بالضبط؟؟؟؟؟

 

[السحاب الهتون]

وينكم يا بنات محتاجه افضفض اكثر من اني احتاج الحل

 

[روزحياتي]

الحل يااختي انك تعرضي نفسك على طبيب نفسي لان هذا الي عنك مرض الرعب فيه ناس تخاف من الطياره او الاماكن المرتفعه او الموت او المرض وهو نوع من انواع الوسواس اكثري من الاذكار ولازم تروحي لطبيب اذا كنت تو والده او من اشهر احتمال اكتاب مابعد الولاده ويعطي نفس اعراضك والله اعلم

 

[السحاب الهتون]

تسلمين اختي روز على الرد
بصراحه ما جربت اروح لدكتور نفسي لانه حالتي مب مستقره مرات احس بهالعوارض تزيد فيني بشكل مب طبيعي ومرات تروح ولا جنه فيني شي...
وبصراحه حتى يوم يجيني ضيق نفس او الم او اكون اصارخ وتعبانه من هالحاله بس اوصل جدام باب المستشفى يروح عني كل شي ولما ادخل عند الدكتور ما اعرف شو اقوله ما احس باي شي يختفي كل شي وارجع البيت ترجع لي نفس الحاله

 

[احلام لم تكتمل]

والله اختي هل هذا الشي صار لك من فتره

او لسببب ؟

يعني صار لك موقف بديتي تحسين بهالشي

وانا اشوف من الافضل تستشيري دكتور بدالك بالبدايه وعندك استعداد تتكلمي لااحد

 

[اخر ايامي]

الحل انك تعرضين نفسك على راقي متمكن وبعد 3 جلسات اذا ماظهر معك اعراض اذهبي الى استشاري نفسي وخوذي جلسات سلوكيه وليست ادويه لان الادويه انا مجربتها تخليك مثل السكرانه والعياذ بالله
لان من اعراض العين الشعور بالموت والخوف الشديد منه وسواس الموت القهري من ابرز عراض العين