ابي اتغير ...بس خايفة من الفشل :(

[لوناتا]

السلام عليكم..

انا متزوجة من ثلاث سنين ونص ... بعد ما تزوجت توقفت عن الدراسة ويلست في البيت مجابلة ولدي وزوجي وطلباتهم...بعدها حسيت اني استويت مثل الحرمة العيوز اللي ما تدري شو اللي يصير حواليها من تطورات :blushing: ... كانت لي صداقات وايدة ... طبعا بعد ما انشغلت بالريل والولد ... انقطعت عن العالم الخارجي ... بصورة شبه نهائية...:sadwalk:مثل ما يقولون نسيت نفسي واااايد

صراحة لاحظت ريلي قام يتغير علي.. مع اني والله احاول اني اوفرله كل سبل الراحة في البيت ... بس للاسف في فارق كبير بيني وبينه في المستوى الثقافي...


عشان جيه... ان شا الله وباذن رب العالمين ... قررت اني اتغير وبصورة كبيرة ...

بحاول اكمل دراستي هاذي السنة ... وبحاول اشوف نفسي من حيث الجمال والرياضة ...


انا اعرف ان ها الكلام كله مكرر من كثيرات ... بس ماعرف كيف ابدأ .... واخاف اني اذا بديت ما اكمل للنهاية؟؟:shutup:


تكفووون خواتي ... عطوني نصايحكم وابى استرد ثقتي بنفسي بس ماعرف كيف ؟؟؟



زوجي يحب اني اروح الدورات اللي اطور بها نفسي فاذا تعرفون اماكن معينة في دبي او الشارجة او عجمان ... خبروني الله يخليكم...


وبعد اذا تعرفون اماكن تعقد فيها محاضرات دينية بعد اتمنى تزويدي باماكنها ...وجزاكم الله خير:bye1:

 

[دلوعة الدوحه]

الله يوفقج اختي

 

[الحلى كله]

والله يااختي انا من الرياض بس انشاء الله البنات بالامارات يفيدونك وتتغيرين للاحسن والله يوفقك

 

[لوناتا]

جزاكم الله خير ... وينكم يا بنات الامارات؟؟؟

 

[لوناتا]

محد يشجعني اشوف.... تبوني افقد الثقة في نفسي ؟؟؟؟؟؟؟؟؟؟؟

الله يسامحكم

 

[روانه]

اختي عزيزتي هذي خطوه جيده منك :a084:

ومبادره في محلها وواضح ان زوجك كان ينتظر هالتغيير منك من زماااااااااااااان

فليش التردد.... توكلي على ربك وابدأي مشواااااااااار التغيير :c014:

كملي دراستك وادخلي نوادي واذا على الولد لاتشيين همه جيبي شغاله اذا ماعندك

او حاولي تحطينه في حضانه والله يوفقك.... :c016:

وبالنسبه للدورات انا مو من الامارات والا كان افدتك

بس انشاءالله بنات الامارات مايقصرون :dunno:

وبشرينا على حياتك الجديده ... وطمنينا عليك وعلى انطباعات زوجك.....:clap:

 

[عضو سابق]

السلام عليكم ورحمة الله وبركاته


الصراحه يا اختي / لوناتا

عجبتيني.. يعجبني الشخص الي يحب يطور من نفسه ..

بس حطي في بالك نقطه مهمه .. ان هالتغير مو عشان زوجك عشان اشوفك بمستوى ثقافي اكبر

افعلي ذلك من اجلك انتي .. اجل احبي نفسك كثر ما تستطيعين..

فاذا احببت نفسك ستفعلين المستحيل من اجلها.. سواء من الناحيه الثقافيه او من

الناحيه الجماليه او اي ناحيه اخرى.

وهناك اماكن كثيره ...

مثل الجمعيات الاصلاح.. يلقوون فيها محاضرات ودورات.. جميله..


استمري والله يوفقك يالغاليه



حفظك الرحمن

 

[وجه المرايا]

الواحد يوم يسوي شي في هالزمااان يسوي لعمره
انا الصراحه وحده قرفانه من الدراسه لاني ادرس تخصص ماادانيه
بس اخترته لانه مطلوووب وممشيه فيه بس ميولي شي ثاني
بس اجبر نفسي عشان في المستقبل مايكون فرق امبيني وامبين ريلي يعني انا جامعيه ومثقفه وعندي شهاده

اول شي حبيبي دوري معهد وخذي شهادة Icdlاذا ماعندج
وقوي عمرج في الانجليزي
هيه ادلعي عليه بكم كلمة
واذا فيه مجال اتكملين دراسه بعد حلووو
لانه متى ماانقطعتي عن الدراسه او الشغل
قل ارتباطج بالعالم الخارجي وتميتي حبيست البيت مااتدرين شو يستوي برااا
فاهم شي الوحده اطووور من عمرهااااا

وربي يوفقج ان شاء الله

 

[ام تركي]

الله يوفقج ا اختي

وشي طيب

والصراحه الريايل ينخاف منهم فلاتقصرين وطوري من نفسج وشدي حيلج

وبالتوفيق


والله ماعندي خبره عن الدورات ان شاء الله يفيدونج الخوات


والله يوفقج يارب وعجبتيني

 

[شـغـف]

الغالية..

التغيير يجب أن يبدأ من نفسك!

يعني إذا ما لقيتي حد يشجعج لا تقولين خلاص ما بسوي...

لا تعتمدين على الآخرين..

وخليج قوية بربج ومن ثم بنفسج..



وبالنسبة للمحاضرات..

اشتركي في الدورات اللي في المنتدى وايد حلوة..

في دورة يديدة شهر ستة.. اسمها دورة الحب إلى الأبد..

غير المجلة والدورات المطروحة الأخرى..


وفي بعد في جمعية النهضة النسائية.. اتصلي بهم وشوفيهم..

ومركز الراشد.. بعد..

الله يوفقج أختي لكل خير..

 

[فز الخفوق !]

بتوفيق حبيبتي
خطوه حلوه منك
والفشل محتمل قي كل المجالات
والنجاح مايجي الا من الفشل ..
وهذي خظوه للالف ميل

بتوفييييييييق

 

[لوناتا]

والله ماعرف شو اقول لكم غير جزاكم الله خير خواتي في الله


سبحان الله ... الواحد مهما قال بسوي وبسوي ... بس ما يقدر يسوي شي روحه اذا ماحصل تشجيع من غيره


فعلا لازم احط في بالي هذي النقطة... التغيير ان شا الله بيكون اولا لله وثانيا لنفسي انا ... ومن ثم غيري:clap:


بالنسبة للغة الانجليزية ... فلا تحاتون ... مستوااي الحمدلله وايد زين واحسن من زوجي بوايد:blush-anim-cl:


اما عن دورة الicdl المشكلة اني ما خطط لها من قبل وفترة الصيف قصيرة ... يعني ان شا الله بحاول اخذها وبحطيها في بالي....



اما عن تخصصي في الكلية فهي ما يخصه في تخصص زوجي ... عشان جيه اشوف ان في فرق شاسع في الثقافة بينا:detective2:

بشوف المراكز النسائية ومركز الراشد والاصلاح وان شاء الله الاقي عنهم شي مناسب في الصيف


جزاكم الله خير وبخبركم عن التغييرات اول باول :flex:



بصراحة انا ماعندي حد اصارحه بمشاكلي وهمومي ... واحس اني فرغت ولو جزء من الهم اللي شالتنه:icon30:



على بركة الله ببدا التغيير ... ودعواتكم:msn-wink: