ابي ابدى من جديد

[(جريحه الامس)]

معرف من وين ابدا بس كل الي اعرفه اني محتاجه احد يوقف معي لان حالتي كثير تعبانه مب محصله احد معي لا اهل ولا احد انا اصغر وحده بالبيت الوحده ملازمتني ماندي احد اسولف عنده
واشكي له
واهلي كثييييييييييييير عصبيين وفي فرق كثير بالعمر بينا
انا عمري 21 سنه مب متزوجه وحدتي ودتني لكثير من العلاقات مع الشباب وكانت نهايتها اني انفضحت مع اهلي بس الحمدلله تبت بس الحين مب قادره ابدا حياه جديده
اشوف النبز من كل مكان ماحد يجلس عندي ماحد يكلمني وطول الوقت بروحي .. اهلي وايد متفكيين كلن عايش بروحه ساعه المشاكل احصلهم عمره ماحد قالي شو تبين اختنا اهمااال فظيع لي من كل حد احسني مخنوقه وايد بموت من الوحده ولا حد حاس
ادري غلطانه وايد بس همه الي خلوني كذا اسوي ما اعرف شو اسوي ساعدوني مابي احد يقولي غلطانه وغلطانه ادري هشي
ادري بس ابي اطلع من هالحياه ابيهم يتقبلوني اهما من قبل كذا تعاملهم بس الحين لجوا عذر كانو همه السبب فيه ...
استغفر الله بس​

 

[(جريحه الامس)]

وينكم؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[غـربه مشاعــــر]

حبيبتي اهم شي تبتي وعرفتي غلطتج

وان شاء الله ربي يفرج همج ويسعدج ...

ولايلعب الشيطان براسج مره ثانيه وتردين للغلط

..



​

 

[ملاك المستحيل]

الله يساعدك..ويسعدك..
عادي كثير من البنات يعيشون كذا..أو تكون وحده بين اولاد..
بس عادي حاولي تتعودين على بنات خالاتك وعمك واهلك..
صادقي بنات ملتزمات تتعودين وتتأثرين فيهم..
خليك بارة بأمك تتقربي منها..
الله يوفقك بحيااتك كلها ياارب..​

 

[يابعدها سماي]

ياعزيزتي ..

أنت الحين خلاص تائبه لا ترجعين للي مضى ولا تتحدثين عن غلطك
انت مو ملاك ولا احد من البشر منزه عن الاخطاء الاهم هو الرجوع قبل فوات الاوان

وانت مشاء الله تركتي طريق الخطا فلا تهتمين بالماضي

رتبي اوضاع حياتك وغيريها لأفضل
لا تضيعين عمرك في التحسر على اهلك وعلاقتهم ولا على اخطائك
غيري نفسك وحياتك
الوحدة شي متعب جداً وانت اعتقد انك طالبه فاليه مالك صديقات ؟!!
كوني لك علاقات طيبه في كل مجالات حياتك
صديقات دراسه ..علاقات جيده مع القريبات ..ابدي في التعرف على بنات في الاماكن العامه

اشغلي نفسك في الامور اللي تحبينها وباللي يفيدك
اخوانك حاولي تتغاضين عن اخطائهم والامور اللي تمشي مشيها
اثبتي لهم انك تغيرتي فعلا
لا تثرين شكهم في اي امر من مكالمات ومسن وغيره
كوني واضحه دائما

ابتهجي ..انظري للجانب الايجابي في الحياة
اقرئي وسجلي في دورات تطوير الشخصيه

اذا بضيعين عمرك في التحسر على اهلك وعلى الماضي رح تعانين الامرين وانت توك بنت 21 !!!​

 

[(جريحه الامس)]

مشكور ات عالكلام والله فرحتني

 

[(جريحه الامس)]

انا فعلا بديت اغير حياتي صاير مايهمني غير ابوي وامي والباقي مامهم

 

[غ’ـلآ الـقلپ]

ماافيه انساان مو معصووم من غلط فديتج

اهم شي لززم تعرفين انج غلطاانه يالغلاا

وربي يووفقج ويستر عليج ياربي ^_^​

 

[يارب يفهمني]

استغفري الله
وبارك الله فيكي
اصلا انتى فيكي الخير وربي يحبك وان شاء الله خاتمتك تكون على التوبه
وانتى اقري قصص البنات هنا والحلول اللي كاتبينه لهم نفس مشكلتك وياااااااارب تستر عليكي

 

[الزين القصيمي]

ياقلبي أنتي ... صدقيني مافي مبرر ابدا للمعصيه ...

الحين ع قولتك ابدي حياتك من جديد مالك إلا ربك اكثري من الإستغفار وتعرفي ع بنات صالحات تلقينهم في المصلى وانشغلي بهواياتك وانسي ماضييك ..

خلاص الحمدلله طبيعة البشر يخطوون وطبيعتهم ينسوون ...


والحمدلله ع رجعتك بالسلامه وانا أول صديقة لك ..