ابي أتعرف على استاذتي

[اميره 21]

السلام عليكم انا طالبه جامعيه حبيت استاذه وأتمنى أتعرف عليها اكثر فكرت اروح أكلمها وأقولها انا مرتاحتلك نفسيا ابيك تصيرين مثل صديقتي واي شي تحتاجينه تبين أوصله للبنات اختبار او اي شي قولي لي وعادي نتواصل باي طريقه تحبينها لحد يقسي علي بالكلام بس أشغلت بالي ووقتي صرت اروح الجامعه وأحس مالي خلق شي غير أدورها ودي التفاهم معها بالي قلته فوق عشان لو ماتقبلتني يصير من البدايه فهمتوني

 

[لوحه خواطر فنان]

عزيزتي من الاخر والخلاصه هي لاتضعي نفسك بمواقف فممكن تتضايق منك او تصدك وممكن تظن انك معجبه او يحصل موقف وتزعل منك وتخليك تحملين الماده
معلمات الجامعه ممكن يكونون سبب في نجاحك وممكن يكونون سبب في تعاستك وفشلك الدراسي برايي اتركي الامور على ماهي عليه
ولاتفرحي بكل من يعاملك باسلوب وذوق فبالاخر بتكبرين وتدركين انك كنتي غلط واضح انك مالقيتي احد يحتويك فصرتي تفسرين كل تصرف على انه حب واعجاب
ولو ارتحتي لمعلمتك طبيعي جدآ حنا ارتحنا وحبينا معلمات لكن مافكرنا نصادقهم لأنهم مرحله خطر ممكن ينجحونا او يرسبونا لذلك لاتجازفين واكتفي فقط باللي بسنك
ولاتدخلي نفسك متاهات انتي موا اول مره تتكلمين بامور مثل كذا عزيزتي الخلل فيك واضح الفراغ العاطفي اللي فيك وواضح انك ماتحسين باحتواء ومحبه بوسط اهلك ولكن كنصيحتي لاتجعلي هذا الامر حجه لك انا نصحتك كذا مره ولا زلتي تعيدين نفس موال الاعجاب او الحب بطرق مختلفه لاتضعي نفسك بمواقف غبيه ولا تفكري باعجاب او حب ركزي على مستقبلك الدراسي فهو من سيفيدك مستقبلا
دمتي بحفظ الله