ابيكم تنصحوني

[ام سارهـ]

السلام عليكم ورحمة الله وبركاته

اخواتي الحبيبات
جيتكم ابي اخذ رأيكم لثقتي بما تقولون
اعرف اني اضع ثقتي في اخوات صادقات ومخلصات في النصيحة
طبعا اكثركم عارفين ان زوجي متزوج غيري
الهانم ولدت ........
بس بغيت اشاوركم اروح ازورها او لا ؟
طبعا انا ماابغى اروح ولا اقدر اصلا احس اني بموت يوم افكر بهذي الروحه
بس هي زارتني في ولادتي حسبي الله ونعم الوكيل
اخاف مااروح ويفسرو عدم روحتي غيره وقهر منها واني حاسدتها
وانا مالي نفس اروح
ابيكم تنصحوني

الله لايوريكم هم ولا حزن ويسعدكم في الدنيا والاخرة

 

[خارج السرب]

روحي يابنت الحلال
الحرمه وجبتك وزارتك بولادتك
روحي واحتسبي الاجر
انسي انها ضرتك
واعتبريها جاره لك وراح تسوين معها الواجب وبس
غمضي عيووونك وكلهااا ساعة زمان
وتنتهي السالفه ولك الاجر ان شاء الله

بالتوووفيق

 

[مزايا انسانه]

طالما انها قامت بزيارتك فردي لها الزياره
ولاتطولين عندها اكثر من ساعتين والاقل هو الافضل
واذا ابدا ليس لديك رغبه وهذا الشعور شديد جدا فلاتزوريها لربما حصل شئ لايسرك
اما ياعزيزتي ان كلام الناس تحملين له هما .............يااختي
انتي امراه عاااقله اتركي عنك الناس فليس لديهم شئ لك
وفقك الله

 

[مزوح وتروح]

ما ادري ايش اقلك !!
بس اذا حاسه انها طيبه وبنت حلال _ بغض النظر انها زارتك في ولادتك او لا _ روحي لها وأدي الواجب والله يقويك ويساعدك

 

[ام سارهـ]

انا مو قادرة اروح احس اني مربطه ولا اقدر
مدري يارب هونها علي

الله يسعد كل من ردت علي

 

[هيلينا]

زي ماهي وجبتك وزارتك اتعوذي م الشيطان وزوريها

والله اني اعرف ضرات كانهم اخوات

او اقل شي كل وحده تزور التانيه عادي

ياحبيبتي زوجك تزوج بلحلال احسن من بعض الرجال الي يروحون بلحرام

 

[الحب والعطاء]

لا كلف الله نفسن لا وسعها حبيبتي سمي الله وذكرية هذي حال الدنيا بعض الاحيان ندخل بيوت غصب عنا ونصبر ونحتسب ونصيحة محبة لا تعطين الامور اكبر من حجمها هونيها تهون افتكري ان ام المؤمنين عائشة رضي الله عنها كانت لديها زوجات وشريكات في رسول الله كانت اصغرهم واجملهم واحب زوجات الرسول الية وكانت هناك غيرة لكن الايمان الصادق والايمان بلقضاء والقدر هون عليهم لا تروحين ذحين استني شوي لين تهدل نفسيتكي

 

[تشكرات]

أقرئي آية الكرسي والمعوذتين وصلي على النبي >>>وروحي لها وأدي الواجب وقولي لها الحمد لله على السلامه واتقهوي واضحكي وفرررررررررررررررررررررررررررررررررررررررررررررررررررررررررررررررررررررررر على بيتك . وبس

 

[دلوعة عمرو]

روحي لها وخذي هديه للبيبي وسوي صينيه حلا وثلاجه قهوه

واقري على نفسك وتوكلي على الله وزي ما قالو البنات اضحكي وابسطي وما عليك فيها

 

[انا الملكة]

روحي دام هي زارتج

 

[كان الحب لك]

اول ماقريت رسالتك يام ساره على طول ابي اكتب لك لاتزورينها--وقفلي هذا الباب

بنت عمي زارتها شريكتها مره وثنتين وهي مطنشه

تدرين ليه--لانها فاهمه حركاتها--وما تبي المشاكل


كلهم قالو روحي

وانا اقول لاتروحين--بتفتحي على نفسك مواضيع مقفله

خلي القطعه منك--عشان خلاص ماتجي

اول شي --اذا شفتي شي حلو عندها -او حركه بتتضايقين
وممكن يصير زعل بينك وبين زوجك بسبب شي شفتيه او سمعتيه



لا تروحين--------------

 

[الشتاء الدافئ]

لاتجبرين نفسك على شئ... ماتبين تروحين لا تروحين..
هي متزوجه زوجك وداخله حياتك عرض ومهيأه نفسها ومتقبله وجودك ..
اما انتي فدخولها حياتك كان صدمه لك ورغم ارادتك ...ويوم فرحها كان اتعس يوم في حياتك
وليلة دخلتها كانت ليلة حسره واسى عليك...
ليش مانعترف بالحقيقه وننمق الامور ونحمل انفسنا فوق طاقتها..
زيارتها لك اما عشان تكسب زوجك لانه يحبك وتتقرب له عن طريقك(استغلال)
او عشان تشوفك في اضعف حالاتك وتتطلع على وضعك وتصير احسن منك ..(شماته وتجسس)
اما انتي ماانتي مجبوره تروحين لها زوجك وباركي له وبس ..
.تذكري دائما انك الاقوى وانك الاولى والأولىفلا تضعفي موقفك وتتعبي نفسيتك على ناس ماتستاهل...
نصيحه...
المفروض اي زوجه اولى تشترط على زوجها ان لايذكر حتى اسم زوجته قدامها
ولايكون لها اي تعامل معها نهائيا ..
الضغط النفسي على المرأه يسبب السكته القلبيه والجلطه الله يكفينا الشر
وهذا اللي صار لاختنا وليفة الحيره بسبب زوجها وضرتها ...
رجاجيل اول العادلين اللي كلهم نخوه وشهامه ورجوله وحريمهم مثل الخوات ولى عصرهم
مابقى لنا الا رجاجيل النت والمسن والخنبقه ...الله يعوضنا الجنه