ابني لا يحب الخروج من البيت

[جمانه111]

استاذتي نجوى مشكلتي ابني الاوسط ما يحب الخروج من البيت لاهلي او اهل ابوه يقعد في البيت لين ارجع عمره ثمان سنوات ذكي ومطيع حساس جدا اذا قلت له بنروح لاهلي يصيح ويبكي مرة لين اقول له خلاص مش رايحين اهلي يحبونه ومدلعينه لكن امي شديده على الصغار من ناحية التخريب اما ام زوجي لا ما تقول له شي ابد كان يروح مع اخوه يلعب في بيت اعمامه بس بطل ما كان كذاابد متغير من ثلاث شهور تقريبا اذا طلعنا اي مكان اول واحد يركب السياره بس للقرايب لا علاقته مع ابوه

 

[أ.نجوى ناجي]

طيب حبيبتي تفقدتي هل حدث شئ في بيت أهلكِ أو بيت أهل زوجكِ , من تحرش مثلا أو مضايقات أو أو ؟

 

[جمانه111]

اهلا استاذه نجوى حاولت انه اجرجره في الكلام واعلمه عن التحرش واقول له انه اذا تعرض لهاشي لازم يهرب ويتكلم
ونبهته ما يكلم احد مثل السواق او الطباخ او البقالي او حتى الاستاذ في مكان بعيد ومظلم وقلت له قصص بس ما قال شي الله يهديه بس اقول ان شا الله انه ما فيه شي
علاقته مع ابوه ما يعطيه وجه وكان يمدحه بعدين صار يؤنبه على عدم حل الواجبات ويهاوشه علما انه كان الدلوعه في البيت حتى رزقنا الله بطفلين بعده
حتى بيت عماته وخالاته ما يبغى يروح بس الاسواق او السوبرماركت
لا المشكله ولد عمته كبره ما عاد يبغاه يجي مدري ليه يقوله راسي يوجعني لا تجي
احالته مضيقه صدري لانه ما كان كذا اخاف انه رهاب اجتماعي

 

[أ.نجوى ناجي]

خلاص حبيبتي مادام لم يحدث شئ فلا تهتمي , الأطفال في بدايات المراهقة تتغير أحوالهم عشرات المرات , فلا تغصبي عليه الذهاب لمكان بعينه وعندما تلمحين له فقط ولا تطلبي منه الذهاب يصر هو على الذهاب