ابني الكبير والغيرة الغريبه ؟؟؟

[شمالية شرقية]

احب اعدل بين عيالي واتقي الله فيهم حتى بالنظره والبسمه!
الكبير ......... احس فيه غيره من اخوه ويحب يضربه لأتفه سبب وضرب شديد ومتوحش

مع العلم اني نادرا اضربهم
ويحب يحتفظ بأشياءه بدرجة كبيره ومحرم احد يلمسها وياويل من تسول له نفسة فتح الدرج لتفرج فقط

يستخدم اغراض اخوه الصغير برضاه طبعا

ولما اطلب منه يطلع الوانه او العابه يقول ... هو سمحلي استخدم اغراضه اغراضي بحتفظ فيها مرتبه

مو متسامح ابدا ومو كريم
عكس
الصغير يحياتي متساااااااااااااااامح لأبعد حد وكريم بشكل كبير يكسر خاطري الصغير

وخايفه على الكبير انه يكون اناني ومادي بحت اجتهد حيل في توجيهه

امي تقول
........... لاتعبين نفسك ابنك مثل اعمامه هذي جينات وراثيه مهما ربيتي ووجهتي هذي خلقته .............

ماني قادره استحمل انه يكون بخيل واناني وانتهازي احبه وخايفه عليه توه عمره 4 سنوات ونص واخوه3 سنوات شنو الحل

 

[ثموري حياتي]

ان شاء الله تلقين الحل عند الأخوات والمتخصصات ولكن عليك بالدعاء والإستغفار فهو دواء لكل داء

 

[ريحانه76]

اختي الكريمه انتي ممكن تغيري بعض الطباع عند ابنك لانه لسه بيكون شخصيته حاولي انك لما تاخذيه الدكان او
السوق عشان تشتريله شي انك اتذكريه باخوه وانه لازم يشتري لاخوه وجوليله الحمدلله عندك اخ حبيبك تلعب معاه
ولما تاخدي اخوه يشتري قوليله شوف اخوك كم يحبك اشتزالك مثله لانه يحبك ولانك اخوه الكبير التحبه وتنتبهله
وذكريه انه احنا مسلمين والمسلم كريم ويعطي الناس عشان الله يحبه ويروح الجنه الفيها كل شي يتمناه