ابنتي وزوجة ابيها

شـتــاتـ

شـتــاتـ

New member
إنضم
2007/10/22
المشاركات
112
السلام عليكم

اخواتي المستشارات اريد استشارتكم بموضوع ابنتي البالغة من العمر 12 سنه هيا الان منهارة والسبب لان والدها تزوج قبل كم يوم بنت تبلغ من العمر 21 سنه وهوا عمرو 45 ويبغى يسافر بعد يومين لقضاء شهرالعسل بماليزيا وابنتي تسكن معهم واخوتها فوق في ملحق طبعا لانو انا ووالدها منفصليين والبنت جتني اخبار من اخوها الكبيير انها مره تعبانه بس تبكي وانا موقادره اسوي شي لانو ابوهم حارمني شوفتهم والكبير فين وفين اسمع اخبار منو يقول غيرانه من زوجتو مره وبس تدق عليهم الباب والا تتصل فيه وبس تبكي ولما يقولها ابوها ايش فيكي تقول ماما يصيح فيها ويقولها امكم تركتكم وشوفوني ماتركتكم والحقيقه اهو اللي حارمني ابنائي والبنت متاثره لانو يدلع زوجتو ويعاملها غير عنهم لانها كانت تشوف ابوها يسيئ معاملتي ومعاملتهم والحين شافت العكس وانا ابغى مشورتكم ويش اسوي خايفه عليها خايفة زوجة ابوها تحقد عليها لماتشوف غيرتها ويش اقدم لبنتي وكيف التعامل معها انا اقدر اروح مدرستها واتفاهم معاها
افيدوني وجزاكم الله الف خير
 
كلمي بنتج وقولي لها تصبر
هي تحتاجج في هذا الوقت لأنها مراهقة وصغيرة

خليها تكلمج بالتلفون وتقولج أخبارها
أو تكلمج بالمسن في أي وقت تحتاجج
هي في هذا الوقت تحتاج صديقة مقربة منها
بس أبداً لا تزيدين حقدها على ابوها وزوجته لأنه هذا في النهاية بيضرها هي وبيزيد من ألمها
قولي لها أنه تحترم ابوها وزوجته وتأدي واجباتها ودراستها على احسن وجه
وصبريها في الوقت الحاضر

خليها تتعرف على بنات مثل عمرها تزورهم ويزورونها
خليها تشترك بأندية وتسوي انشطة وتشغل وقتها
يعني شجعيها علشان تنسى اللي هي فيه

والأفضل انها تزورج ...بس أكيد هذا الموضوع متعلق بمحاكم...صح؟

الله يسهل عليها ويوفقها
ويعوضج إن شاء الله
 
الله يعينكم ويفرج عنكم ولله اتوقع لوتحاولين يكون لك زياره لو بالشهر مره حتى لو تلجاين للمحاكم انتي امهم ومو من حقه يحرمك
 
اكيد اختي انا ماراح ازيد حقدها على ابوها ولا على زوجته لانو موبمصلحتها انا عارفه هالشي بس اللي ابغى اعرفه كيف اتعامل معاها وانصحها فيه عشان ماتتعب نفسيتها
اخواتي انا لي تقريبا سنة ونص اطالب بزيارتهم بالمحاكم ويماطل ربي يعيننا ويصبرنا بس الحين ابغى طريقه اريح فيها بال بنتي لانها الحين تحرق في نفسها وماتنام يقول اخوها بس تبكي ويوم سالها وش فيكي قالت له ابغى ماما
 
حبيبتي طيب اذا ودك تشوفيها روحي لها بالمدرسه اللي تدرس فيها وخذيها وقت من الحصص
وكلميها بكذا ابوها ماراح يدريانك قلتي لها اي شي او حتى شفتيها
 
يابعد عمري عمرها .. انتي لاااااااازم تتكلمين مع بنتك وتعلمينها انك تحبينها وان ابوها يحبها بعد
وان ماحد يقدر ياخذ مكانها بقلوبكم ابد ..
وهدي بالها من ناحية ابوها وان هالشي من حقه ولازم يتزوج
وهي المفروض ماتزعل منه عشان لايزعل هو عليها بعد ..
انتي هديها وطيبي خاطرها من ابوها

لاتشدين معاها ابد يكفي ان نفسيتها تعبانه
ومحتاااجه لك الحين اكثر من اي وقت ثاني خليك جمبها
قد ماتقدرين لاتتركينها .. ولاتخلينها تشيل بخاطرها من ابوها ولا منك ..
فهميها ان هالشي عادي جدا ويصير كثير

وعلميها كيف تتعامل مع ابوها من اليوم ورايح وخليها تلح عليه انها تزورك ..
بالتمسكن والبكي والإقناع او اي طريقه ثانيه لازم يوافق على انها تشوفك دوريآ ..

الله يفرج همك ياقلبي
​
 
جزاكم الله الف خير على ردودكم ويفرج همنا وهم الجميع يارب

حسبناالله لااله الاهوا عليه توكلت وهوا رب العرش العظيم​
 
والله ما عندي خلفيه


الله يرد لك عيالك وتشبعين من شوفتهم
 
ياعمري والله قطعت قلبي بنتك والله اني بكيت عليها ادعي ربك يحنن قلب والدها عليها ويخليها تشوفك وتشوفيها يارب ويجمعك مع اولادك يارب
 

الله يهديه ليش يحرمك شوفتهم
وانتي ليش ماتدخلين احد يقنعه عيالك ياختي حرام مايشوفونك
استودعيها الله ربي يخليها لك ويردها لحضنك ويكفيها شر كل من اراد بها سوء
 
اااااااااااااااااااه انا مااقول الا حسبي الله على الرجال امثالهم مايعطيك بنتك وتفتكين لاهو اللي احسن معاملتها ولا هواللي عطاك اياها حبيبتي انتي حاولي انك تتحاورين انتي و ابوها تلاقون لكم حل مو حل انك ماتشوفين بنتك ترا ولله بيجيها شي
ولاتنسينها اذا ماقدرتي توصلين لها ادعي لها ادعي لها ادعي لها
ان الله يحميها وترجع لك
ولله على كل شي قدير
 
الله يحن قلب والدها عليها يااااارب

سبحان الله وبحمده سبحان الله العظيم
 
قولي هذى الدعاء وهو يقولك خذي بنتك ودعيلي بالله


اللهم سخرلي طليقي كما سخرت فرعون لموسي
ولين قلبه كم لينت الحديد لداود
فانه لاينطق الاباذنك نصيته في قبضتك قلبه في يدك جل
ثناءوجهك يارحم الرحمين​
 
بشرع مين واي قانون يحكمله يمنعك من ضناكي
ماتشوفي بنتك؟اولادك ماتشوفيهم وساكنين بالملحق لوحدهم مين بربيهم وبراقبهم هو مو خايف عليهم وعلى مشاعرهم؟؟؟؟؟؟؟
طبعا تتعب نفسيتها الله يعينها هو الان بده يسافر شهر العسل؟؟ان شاء الله روحه بدون رجعه...........شوفيها من وراه
اسعي اسعي ولاتملي الك الحق تشوفي اولادك لو مرتين بالاسبوع
دخلي وسايط بينكم قوليلهم البت تعبانه محتاجاني
الجأي للمحكمه اطلبي تشوفي اولادك لاتتركيهم ابوهم الان مشغول بالعروسه مو فاضيلهم.........
الله يطمنك عليهم ياااااااااااااارب
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل