ابنتي لم يتقدم لها عريس وعمرها26سنه

حرررررررررررررام هي صغيره تووها ؟؟؟؟والزواج ليس هو سر السعاده اهم شي الرضا والرزق يجي عقب لاتستعجلون عليها وبعدين تتطلق؟؟؟؟خليه تكمل وتشوف الناس ويشوفوها ولاتجيبين طاري العرس ابد
 
شوفي بهالزمن الشهادة هي التامين وهو السلاح للبنت وعلى فكرة يمكن مايتقدم لها الا واحد كفو بعد الماجستير والرجال ابد لاتخافين عليه الزواج بتتزوج بإذن الله فكوووا عنها شوي تراه مهوب كل شي دقة قديمة صارت وشوله تاخذه تصبر على مغاثه وتبلع قهر ولاتصرف عليه البنت قالت لكم تبي تكمل ليش توقفون عقبة قدام مستقبلها وتربطونها برجال ماتدرون وش مصيرها معه
 
من هو مقسم الأرزاق؟؟

أسأليه واطلبي منه فليس بينك وبينه حجاب !!

وموضوع الدراسة لا ضرر من انها تكمل حتى يجي نصيبها ومممكن تكمل بعد الزواج

اهم شي لا تحسسونها بمشاعركم امزحي معها بموضوع الزواج وكلميها عادي عشان تصير الأمور طبيعية

اللهم يا حي يا قيوم أسألك أن تبرها بأحب من تحب من خلقك وتسعدها وتفرح فيها والديها ياااااااااااارب
 
رزقها كاتبـه ربي وهي ببطن امها


الله يرزق كل وحده اللي تتمناه ​
 
الله يوفق بنتك ويزوجها الزوج الصالح يارب ..
طيب..
هل جاها خيب ولا لا ..
لانها ممكن تقول ما بي لانها تستحي ..
ولا بجواتها اكيد تبي ..
ردي على السؤال علشان نفهم الموضوع ...
هل سبق جاها خطيب ولا لا
 
نحيفه مره

اول شي اهي لازم تخرج من اليت البيوت متروسه بنات كيف الناس بتعرف ان عندك بنت ؟؟؟ لازم تخرج من البيت بس بدون ضغط عليها لازم تخرج برغبتها علشان تبين انها مرتاحه ومبسوطه متخرج بضغط وكلها هموم

ثاني شي لازم تسمن شوي ^_^ (نفس مشكلتي) تعمل خلطات للتسمين وترى ياما بنات اعرفهم نحاف وتزوجو بس المسأله مسألة نصيب..المهم اهي تعمل الاسباب وهي انها تخرج متشيكه واسلوبها يكون جذاب...وتحافظ على صلواتها وصدقيني صدقين يمكن يكون نصيبها من ال بيتكم فلاتدورين لها عريس ولا شي خلي الله يرزقها بدون ماتحتسب...
شوفي اختي الكبيره جاها من ابعد مكان وكلهم رفضناهم وخفنا عليها لايطوفها الزواج وسبحان الله نرفض واحد ورى الثاني فالاخير اخذت من العايله..سبحان الله خلي رزقها على الله ولايخوفينها انو بيطوفها الزواج ولاتحسسينها بشيء حرام...بس علميها انو لازم تتعملي الطبخ بكره بتزوجي مين بيعلمك في بيت زوجك وزي كذا بدون اجبار منك...

هذا رايي
 
شكرن كل اللي افادوني بصراحة الخوف هو اللي مخلينا نستعجل وارتحت من كلامكم انها باقي صغيرة والعمر قدامها والله يعيننا ويصبرنا ويختار الخيرة الطيبه لها ,,,


العشر الأوسط من رمضان وقت المغفرة الله يبارك لنا فيه..
 
ياقلبي بنتك فاقدة الثقة بنفسها
لازم انتي تساعديها على هذا الامر
ولا عمرها ماراح تتزوج ...
اعرف بنات مافيهم زود وتزوجوا
من ثقتهم الزايدة بنفسهم ... يجبرون غيرهم
على الاعجاب بهم ...
يا اختي لا تحطي موضوع ان بنتك مو ذاك الزود
ولا تسمعيها هذا الكلام ...
بالعكس لازم تثني عليها بكل شي
علشان تشعر بالثقة وتقدر تواجه نفسها
 
عيل انا اللي عمري فوق الثلاثين شوه اقول ؟؟


ادعو لي بس ايي اللي في بالي و يتزوجني والله ايسر امورنا ان شاءالله
ادعو لنا في ظهر الغيب خواتي والله يوفقكم
 
يارب يفرحك فيها قريب
بس غيري شخصيتها ولا تجيبون طاري الزواج عاااااااااادي ووديها اخصائية تغذية مو عشان احد عشان نفسها وخليها تخالط الناس تاخذ دورات تعيش حياتها عادي وتلبس وتكشخ وبلاش عزلة وعززي ثقتها بنفسها
والله كلام امي زمان عننا انا مانخطبنا وفلانه انخطبت وعلانة تزوجت احسه يوجعني ألى الأأأأأأأأأأن وانا تزوجت عمري 23 ودحين أم لأربعة يارب لك الحمد بس انتوا هدوا وخلوا الأرزاق لاتشيلون هم وربك بيفرحكم بها واعزمينا كلنا لا تنسين يارب يرزقها وأختي وصديقة عمري باالأزواج الاتقياء الأغنياء الأنقياء
 
مراحب خالتي

انزين ممكن تغيرين شي فيها مثلا غيري شكلها خذيها الكوافير وغيري قصة شعرها اشتريلها ملابس حلوة
وخليها تحط ميكب
صدقيني راح تفرفش

ومدحيها وقولي لها اشكثر لايق عليها اللوك الجديد وين كانت خاشه هالحلاه

هي مكتئبة نفسيا العلاج يبدا من البيت من عندك خصوصا يا ماما

والله يكتب اللي فيه الخير
 
love dubai قال:
عيل انا اللي عمري فوق الثلاثين شوه اقول ؟؟


ادعو لي بس ايي اللي في بالي و يتزوجني والله ايسر امورنا ان شاءالله
ادعو لنا في ظهر الغيب خواتي والله يوفقكم
أنقر للتوسيع...


امين يلغلا يجي نصيبك ونصيبي بعد


اللهم امين
 
حرب الأحساس قال:
يارب يفرحك فيها قريب
بس غيري شخصيتها ولا تجيبون طاري الزواج عاااااااااادي ووديها اخصائية تغذية مو عشان احد عشان نفسها وخليها تخالط الناس تاخذ دورات تعيش حياتها عادي وتلبس وتكشخ وبلاش عزلة وعززي ثقتها بنفسها
والله كلام امي زمان عننا انا مانخطبنا وفلانه انخطبت وعلانة تزوجت احسه يوجعني ألى الأأأأأأأأأأن وانا تزوجت عمري 23 ودحين أم لأربعة يارب لك الحمد بس انتوا هدوا وخلوا الأرزاق لاتشيلون هم وربك بيفرحكم بها واعزمينا كلنا لا تنسين يارب يرزقها وأختي وصديقة عمري باالأزواج الاتقياء الأغنياء الأنقياء
أنقر للتوسيع...





نفس امي انا من شهرين خلصت جامعه وهي تقول فلانه تزوجت وعلانه تزوجت وانتي ماتبين تتزوجين
وترفضي الخطاب

والله ما ارفض لاني متكبره اوبطرانه بس ماحسيت يناسبوني

وهذا حقي
 
عليك بالعاء لها في قيام الليل وحثيها بكثره الاستغفار وقراءه سورة البقره
 
خليها تكمل الدراسة ,. حرام والله
لو العريس جاه كان بها
لو ماجاها \ تكون ع الأقل عندها شهادتها ووظيفته

بعد عمر طويل لك ولأبوها محد بينفعها ولا بيعيشها


الله يريح خاطرك من ناحيتها
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل