ابــي حل بسسسرعه" ضاقة فيني الدنيا

[بنت كويتيه]

السلام عليكم اخواتي منتدى بلقيس​

حبيت اعرض مشكلتي وآمل اني القى حل او اي اقتراح يساعدني , هذا بعد ماجربة كل محاولاتي وتغيير اسلوبي مع زوجي على امل ان يتغيير , بس القى بالنهاية اصل لنفس البداية من غير اي تغييير,,,​

انا بنت كويتيه عمري 22 سنة متزوجة من شهر ونص تقريبا , انا ماعندي مشكلة مع زوجي بمعنى المشكله " لأ" في شغلات بمخ زوجي واشياء ماني قادره افهمها ولا قادره اتعامل معاها, " وعلشان جذي بعرض مشكلتي بشي من التفصيل علشان تقدرون تساعدوني فيها​

انا بنت بقمة الجمال ولله الحمد وقمة الاناقه والانوثه والدلع " يعني بالنسبة لزوجي نعمة يوميا يحمد ربه ان الله ارزقه فيني "واهوه بنفسه يقولي يوميا هالحجي", وطالبة للحين ادرس بالجامعه وعقليتي متفتحه ومثقفه ومستوى الاجتماعي لأهلي زيين ومتطور , اما بالنسبة لأهل زوجي في نوع من التحفظ والتقاليد " وكانت اول مشكله اواجها من اول اربع ايام من عرسي هيا مشكلة النقاب" مع العلم ان زوجي شاب ودارس ومتفتح ويهتم بشكله ومظهره ويحب الكشخه , وانا كنت مرتاحه بالهشي منه علشان ما احس بفرق بحياتي معاه وبحياتي قبل مع اهلي​

بس انصدمة ان من طريقته يبي ينسيني حياتي اللي قبل ويبيني اعيش حياة اهله التقليديه؟؟ اقوم العصر اكشخ انزل لأهله واقعد معاهم للعشى وبليل اقعد معاه؟؟ " ولا جني عروس ومفروض اني اطلع واستانس او حتى اسافر او اقضي جم يوم بفندق ؟؟​

وموقفي معاه اني كنت طول الجم يوم من عرسي ساكته على امل ان يجيني بقولي وين ودج تطلعين او وين تبين تروحين , ليما انا قمت افاتحه بهالأمور واتناقش معاه بنوع من الابتسامه " وقعدت احن بطريقه غير مباشره ولما طلعنا نتعشى يوديني مطعم مو ذاك المستوى " على الرغم يعرف كل الاماكن الراقيه والكشخه؟؟
والطلعه صارة علي بالحسره ويطلع الف عذر وعذر عشان ما نطلع
اللي فهمته ان يبي يفرض راييه علي " ولا يبيني اكلمه او اقوله " يبيني اقعد لما اهوه بنفسه يقولي خل نطلع
المهم قعدت شهر بس اجامل ولا قمت اجيب طاري الطلعه او سفر او اي شي " بس كل يوم انزل عند اهله " واستانس زوجي وعاش احلى وناسه " على امل ان يحن قلبه علي وسويت وصبرت كل هذا علشان بكسبه ولا ابي المشاكل " وتعلق فيني اكثر واهله يمووتون فيني​

وقبل اربع ايام كلمت اختي مسافره مع اهلي كلهم وقعدت اسولف معاها بالانترنت وزوجي معاي " جذي من غير مقدمات قعدت ادمع وبجيت " وسألني قالي اشتقتي لأهلج"""
وبعدها صكتني نفسيه موطبيعيه قعدت ابجي واتذكر كل شي من اول يوم عرسي لي اليوم " ان شكثر ضحيت وصبرت " وان على كثر الحب اللي يحبني " مايكلف خاطره يقولي شتامرين عليه يالغاليه؟ او شنو بخاطرج فيه " وحس ان ودي اسافر " بس فهمني ان ميزانيته ماتسمح وانا ماضغت عليه بهالشغله " بس حاسه نفسي من قبل الاربع ايام لي اليوم اني عاشه مع واحد على كثر الحب واعجابه فيني مو حاس بقيمتي ولا مقدرني ولا احس ان كفو ويستاهلني " لدرجة قاعده احس اني بديت اكرهه​

اللي سويته اني قلبت نومي ولا اطلب منه شي , لما حس ان مو قادر يتحملني جذي زعلانه وما اضحك معاه قام يجيني يقولي شتبين " بس ما اجاوبه " لان المفروض مايسألني كل شي واضح " ما اتحمل طريقته معاي ولا قاعده احس ان مقدرني "ومثل ماعرفتوا اهلي مسافرين ولا اقدر اروح بيتنا " ونفس الوقت متضايقه وماني عارفه شالحل"
جربة ببداية الزواج اني اراضيه واسوي كل اللي يبيه وصبرت مع ان طريقة الحياة عند اهله مو متعوده عليها وهم مانفع" والحين جربة اني اتحاشى اكلمه ولا حتى اطلب منه شي " يمكن يتغيير ؟؟​

وقبل اي شي احب كل من يقرأ قصتي " لايقول عني اتدلع او حتى ماعندي سالفه "لان كل شي له حد " خصوصا لما قاعده احس اني عايشه مع زوج وادري يموووت فيني بس ما احس ان مقدرني وعارفة قيمتي او حتى يراضيني اذا زعلت " هالشي وااااااايد صعب يخليني حتى اكره الزواج نفسه​

اتمنى تعطوني راييكم او حتى اللي حاولت تفهم شنو شخصية زوجي تفيدني او شنو المفروض اسويه​

وناطره ردودكم على احر من الجمر" خصوصا صارلي اربع ايام قاعده بشقتي بروحي وقالبه نومي ,,,​