ابغي افهم ريلي انه البيبي لازم ينام اف غرفه ابروحه

[عنونيه تذبح]

سلام عليكم
اشحالكم يا صبايا
ما ابي اقولكم حريم لانه اكيد شبعتو من هالكلمه

انا قبل فتره استوية ماما
وابغي افهم ريلي انه لازم يكون للبيبي غرفه
وريلي من النوع الي يصتصعب الامور
يعني بيقول شو الي يفهمه
وبيتمصخر
:schmoll::tears:
وابغي رايكم فالموضوع​

 

[ليلكيه]

ينقل للاستشارت الزوجية

 

[توليب88]

نفس المشكله ولدي عمره سنه ومو راضي يخليه بغر فه لحاله وعندي الثانيه عمرها شهر بس الصغيره عندي عادي ؟؟؟؟؟؟؟

 

[غدير الكويت]

أحسن شي انج اتطلعينه لمن يصير عمره 6 شهور وبغرفه قريبه من غرفتج ولازم يكون فيها الانتر كم علشان تسمعين صوته اذا قعد من النوم وتقدرين اتجهزين الغرفه من الحين وتحطين فيها العابه علشان يتقبلها ويحبها وذا على زوجج بيقتنع اذا شاف الولد مرتاح

 

[عرش قلبه]

انا اول مايبت ولدي بعد ماكمل شهر حطيته في غرفه بروحه
ريلي قالي ليش وحرام صغير .. قلتله ياحبيبي غرفتنا ندخل ونطلع
ونسوي له ازعاج فما يقدر ينام ع راحته .. وقلتله ان العطور وهيك تاثر ع البيبي
ونحن غرفتنا دوم معطره فاحسن له يرتاح بروحه فالغرفه اللي جنبنا وانا
بحط له الجهاز واذا قام من النوم بسمعه .. اول الامر استصعب الشي
وعقب خلاص اقتنع لان جد البيبي ارتاح في غرفه بروحه ^_^

 

[حبيبة ميرو]

جوووفي حببتي انا ولدي الحين صااار عمره سنة و3 شهووور والحين تونا مفكرين نسوووي له غرفة خاااصة وطبعا باخذ جهاز عشان اسمعه فالبعكس حتى زوجي الحين مؤؤيد للموضوع خصوصا انه الله يسلم عمره متحكم فينا ههه حتى لو خاطرنا نسووولف قبل النوووم من اتكلم مع زوجي وبالهمس يقعد يتقلب ويصيح لانه طالع علي نومه خفيف هههههههههههه

فبالعكس اقنعيه لان الياااهل يشيل حتى رووومانسية الزوجين

عدل وله لا



مع خالص تحياتي

 

[برد وشتـاء]

طيب واذا لاقدر الله اختنق البيبي أو انكتم النفس عنده وماقدر حتى يصيح وطبعا انتي بتكونين نايمه والنايم مرفوع عنه القلم
وماكو صوت تسمعينه
:tears:


حرام .. الطفل لحد عمر السنه ونص صغير على النوم بروحه

انا أحس قلبي مايطاوعني مع ان الفكره مغريه من عدة نواحي

لكن صعبه جداً ..
​

 

[الجواااان]

طيب واذا لاقدر الله اختنق البيبي أو انكتم النفس عنده وماقدر حتى يصيح وطبعا انتي بتكونين نايمه والنايم مرفوع عنه القلم

وماكو صوت تسمعينه
:tears:​

حرام .. الطفل لحد عمر السنه ونص صغير على النوم بروحه​

انا أحس قلبي مايطاوعني مع ان الفكره مغريه من عدة نواحي​

لكن صعبه جداً ..​

:icon30::icon30::icon30::icon30:وياكثرهم اللي شرق بحلقه والل نام على بطنه وانكتم انا اقول 3 سنوات حلو

 

[مغريه]

بس يكمل الطفل سنه ما عليه شر ان شاء الله كلميه علشان رومانسيتكم

 

[عنونيه تذبح]

انا الي قريته انه الياهل يفهم الي يدور بين الزوجين من سنه ونص وفوق
عسب جي طرح السأل
مع انه ع قولة وحده منكم الله يجزيها خير وذكرتني
انه كمن مره اسمعه يصيح ولما اشوفه ألاقي اللحاف امغطي ويهه
والحمدلله الحق عليه

 

[أحلام يتيمة]

يا بنتي خليه معاج شو بيضره يمكن يستوي عليه شي وين بتسمعين لا تقولين جهاز

والله يا حلات هالفتره قومي وارقدي وازعاج هههههههههه

تدرين انا عيالي يوم كانوا صغار وللحين انش اشوفهم يتنفسون والا لا وسواس محبه

خليه حبوبه عندج ولي كبر يصير خير

 

[أم ميثا]

الصراحة مادري كيف قلوبكن يا الأمهاااااااااااات
أذكر بكري يوم ولدته أسبوووووووع كامل ما رقدت بس أطااااااااااااااالعه وأراقبه لين بغيت أموت من المحاتاااة

ويييييييييييوم كبروا اليهال ودخلوا الروضة وفصلتهم والله قمت وانتقلت وياهم رقدت في غرفتهم شهر تقريباً لين ما عصب بو الشباب خخخخخخخخخخخخخخخخخخخخخخخخخخخ

وتميت شهر بعد أسهر أسير وأرد عليهم أسابرهم لين يطلع الصبح وأرقد عااااااااااااااااد من التعب

ولين يومكن والله مازلت أحاتي أنش في الليل أعدلهم وألحفهم وووو











سمعت واااااااااايد عن موت المهد فما أنصحج بالفصل من هالوقت المبكر حررررررررررررررام

 

[برائة]

حياتي اذا ما كل السنه ليش غرة برووحة الطفل ممكن يشرق ممكن اللحاف يكون على ويهه او يحلم ويصحى مزووووع ثاني شي خلي ريلج يتعود عالازعاااج شوي عشاان باااجر مايقوولج يالله احملي <<<<<<خخخخخخخخخخخخخخخخ شريرة

 

[عنونيه تذبح]

والله اني يالسه فالصاله لانه ولدي مزعج وهو ادرا فالموضوع
واتخيلين لما قلتله تبغي كم الفتره الي بين هالبيبي والي بعده قالي ماشي ابيهم ورا بعض
مت من القهر
اهئ اهئ اهئ
هو يدري انه ولده مزعج ولين اقنعته انه ولده حشري وانا تعبانه و متحملتنه لاني هب حامل واذا حملت يمكن اعصب عليه حرام هو صغنتوتي وهو حبيب الماما وقلبي ما يطاوعني اعصب عليه
لاني لما اكون حامل اولع الدنيه
هههه