ابغي اتعلم ارد علي الناس وحدة بوحدة

[shinyheart]

اليوم, 03:32 PM رقم المشاركة : [1] shinyheart
أميرة جديدة

http://www.niswh.com/vb/member.php?u=224885

كيف اتعلم ارد علي الناس لماتحرجني او تجرحني
السلام عليكم
احيانا لما اتكلم مع ناس يصير فيه لمز علي واحيانا تغلط علي وحد وانلخم واتفاجا واما مايحضرني الرد او استحي ارد عليها بشي يكون معنا ناس يشملهم الرد وهم محترمين ومالهم ذنب مثلا وحدة علقت علا قبيلتنا استحيت ارد عليها احتراما للباقيات اللي من قبيلتها هي يعني لو كانت لحالها رديت عليها
واحيانا يحضرني الرد بس بعدين واجلس مقهورة واقول ياليتني قلت كذا وكذا واتمني الموقف يتكرر عشان ارد
واحيانا اخاف النس تزعل خاااااصة الحمولة وبعض الناس ماتنسي وعلى قولة امي الكلمه اللي تطلع ماترجع ومن هالكلام
صراحه اعيش صراع الاخلاق والقوة خاصة الزمن تغير
باختصار شلون اعطيها وحدة بوحدة

​

 

[سفيرة الافكار]

ههههههههههههههه
نفس شعوووووري اذا وجدتي حل خبريني
الحمد لله يمكن كذا احسن
نعمه من ربي مانحب نكسر خاطر احد حتى لو غلط علينا
وحااالة الندم اللي تجي بعدين من الشيطان
نتعوذ منه ونطرده
فالصمت ابلغ من الكلام
وامك حكيمه الله يخليها لك يارب
تقبلي مروري
تحياتي لك سفيرة الافكااااااااااااااار

 

[خلآص...!]

يووووووه كنك تتكلمي عني
ياكثر ماينقط علي كلام عيني عينك ابقق عنوني متفاجئه وينربط لساني
ولما اجلس اقول لخواتي صار معي كذا وكذا وانا انطميت مره وحده
يقولون لسانك علينا بس تاخذي حقك ماتعرفي > وهم صادقين ماعرف ارد على اللي يغلط
ولا على اللي يصير بالاماكن العامه يعني مثلا اكون في البنك او صالون ويجي احد وياخذ دوري اقعد اتفرج وابقق عنوني ومنخرسه متى بتعدل واطلق العنان للساني هههههههه​

 

[امي نور حياتي]

نفس الحاااااااااااااااااااااال​

 

[الحياء طبعي]

يا قلبي عليكم

انا الحمد لله اعرف ارد واسكت اللي تلمزني بس بكل ذكاء يعني اديها تلميحة غالبا

و زوجي مستغرب ودايم يضحك يقول اهب على الحريم اللي زيك ما يفوتك شي !!

اقرب مثال : قالي اليوم على سبيل المزح المكروه هههههه

قال : اتان >>> يقصدني !

سألني بعدها تعرفي الاتان ؟!

قلت : ايوه زوجة الحمار ... >>> طبعا فهمها وضحك ومن ضمن كلامه ما احد يغلبك !

*****

يمكن مثال بايخ بس ابقولك دايم خليك سريعة البديهة وردك لا يكون عنيف او متحمس وخليه مختصر قد ما تقدري كلمتين ورد غطاها ..

المهم الهدؤ

مثلا اللي تكلمت عن قبيلتك ..

لو رديتي عليها : ان اللمز في القبايل دقه قديمة وممله وكلامها مستهلك >>> طبعا بضحكة والله راح تنحرج وتحس نفسها صغيرة وغيري الموضوع !!

اما لو رديتي بدفاع او سب لها ما راح تستفيدي غير الجدل لكن دايم ردي الكلام بدون ما ينقلب الحق عليك ...

واكثر شي استفدت منه قرأت كثييييييييييير عن سرعة البديهة والردود السريعة وفيه كتاب اعتقد اسمه 100 رد مسكت والله حتتعلمي لأني في يوم من الايام ما كنت اعرف ارد ...

وسوري كثرت هرج

ودمتم

 

[Empty_Heart]

اااااااااااااااااااااااااااااااااااااااااااااااااااااه نفس المشكله اعااااااني منها وتؤرقني كتييييييييييير يااااااااااااااااااااريت اصحاب الخبره يساعدووووووننا

 

[rciss]

الحياه طبعي
ماشاء الله عليكي
انا كنت مثل البنات بس عشت بين خوالي وهم من هالنوع فصرت اتعلم منهم
والحمدللله ماشي حالي

 

[قاروره مكسوره2]

حبيبتي هالزمن ماينفع تستحي فيه ردي وحده بوحده والله الناس تتجنبك ويعرفوا انك تردي كنت اعرف وحده زي حالتك والحين الناس بطلت تلمزها عشان صارت ترد بدل الواحد اثنين ووضحي قدام الحاضرين ان الكلام موجه لها

 

[أموره&دلوعه]

حبيبتي بقلك شغله ممكن تنفعك
انتي تخيلي ان نفسك ذي احد غالي عليك مثلاً انها بنتك دلوعتك
اي غلط او حتى تلميح لا تسكتين عنه ورديه بوقته ولو بنظرة استحقار
انا تراني زيك بس قاعده اتعدل كنت اسكت عن الكلام اقول انا اكبر من كذا بس هم مفكرينه ضعف
وسرت اعتبر نفسي شخص عزيز علي ومعد ارضى احد حتى ياخذ حق لي انا

والدعا ثم الدعا ادعي ربي دايم قولي
اللهم يامعلم ابراهيم علمني ويا مفقه سليمان فقهني
يارب نور بصري وبصيرتي .. والله معاك حبيبتي .

 

[روج احمرر]

اي والله حبيبتي انا مثلك بس صرت اقوى من عشت فبيت اهل زوجي الكل ينغز فيني الكلام من جنب وتنحيز وكلام مال امه داعي واول ماعشت معاهم استحي ارد واحرج احد بس مثل ماهم مايستحون ويحرجوني احرجهم
واي كلمه يقولونه لي ارد عليهم بعشر بعدها وربي يخافون منك

الناس في هالزمن ماينفع معهم طيب صيري نذله معهم يحترمونك << بس مو الكل بعضهم لبق حتى بتصرفهم وهذا النوع من الناس اللي يعجبني

 

[تشكرات]

اذا حدث موقف ما وماعرفتي تردّي عندها ألزمي الصمت الطويل

وبــوجه ( ســاكن خالـــي من التعابير ) ..حتى تربكي المخطئ..

والصمت أحيانآ يكون ابلغ من الكلام .....

ولا تستحي ولا تخافي أن تردّي بالكلام على المتطاول ..

( فمــن يقـــرع البــاب ,,,يـــســمع الجواب ) ...

من يكلّمك بأدب وباحترام ( ردّي عليه بمثله وأحسن )

ومن يتطاول عليكي ( ..أوّلآ..حسبني عليه ..ثمّ ..فكّري مليّآ بينك

وبين نفسك ...ومن بعد الصمت الطويــــل الذي ذكرتــه لك سابقآ

( ستجدين نفسك ...أحضرتي الرد الملائم ....لأنه الصمت يعطيكي

( فــــرصه ) ...لدراسة الوضع الراهن ...

وربنا يسعدك وينصرك ..

 

[يفداني بقلبه]

انا كذا بعد مايمر الموقف اقول ليتني قلت كذا وليتني رديت كذا
مايجي التفكير الا متاخر بعد مايطوف الموقف
ااااااااااه الله يعين

 

[حجازيه ذوق]

الحياء طبعي رررررهيبه يابت والله مررا اعجبتني زوجة الحمار قووووويه ههههههههههههههه

برضو انا مااعرف ارد ع الناس واذا رديت ارد باستهزاء قوووي يبين اني انقهررت

 

[sosocaty]

لقد قيل ( إذا تخاصم رجلان قلقد تشاركا المنزله )


يعني لو رديتي راخ تنزلي لمستواها