ابغى نصحيه من كل مطلقه

لا لا لا ياختي لا تفكرين بطلاق انا بنت عمي تطلقت ومامعه اطفال وموظفه عني مو محتاجه لاحد بس تقول انها ندمانه لو ترجعبها الدنيا وراء كا تمسكت فيه وحاولت تتقالم معه عليك بصلاة اليلل والدعاء وشلي من بالك اطباعه وركزي بدعا وبعيالك وحاولي انك تنسين اطباعه
 
شي طيب
شفتي كيف الانسان يشوف من عده اتجاهات ما يطلع المشكله من جهه وحل وااحد شفتي شو استوا يوم غيرتي تفكيرج كيف لو حياتج في كل شي اكيد بتتغير فيه امور كثيره
وهالشي مذكور ف القران " لا يغير الله بقوما حتى يغيروا ما انفسهم " شفتي هالكلام العظيم لو طبقناه في حياتنا لاثرنا ع وااايد ناس وقدرنا نختصر السنوات والطرق في تغييرهم بس نحن ناس ما نطالع نفسنا بس نطالع ع الطرف الثاني .....نصيحه خلي التغير من داخلج من رغبتج انتي تتغيرين مش بس لريلج لان التطور مطلوب في حياه اي شخص
حبيبتي الخطوة الثانيه انج تستمرين ع الي قلتله عليج دام هدا واثرت عليه القراءه والماي فيعني حد يمكن ضاربنه بعين او وازنه اوو طبيعه الشحنات الي فيه تخف تمتصه القرءه والماء وعليج بالدعاء الخروج تراه ووووايد مهم ما تعرفين شو برع يستويله ودامج قدرتي او عرفتي تمتصين غضبه استمري
المهم احين غيري من شكلج والله مهم حسيسيه بشبابج بتصرفاتج واسلوبج وملابسج حتى بالاكل نوعيله وكل شي وحسسيه انه هو شباب ترا الشمالي يكبر عمره اربعين سنه قدام انتي بس اي ريال يبغي حرمه تحسسسه بشبابه وشبابها وغيري بترتيب البيت وسويله مره مساج ومره تنظيف ريول ومره سهره تلفزيونيه يعني لا تخلينه يفكر بس بمسووليه وعصبيه وتعصب لا غيريه خليه يعرف ان الحياه لها جانب اسمه الاسترخاء والتجدد والتغيير لان الشمالي روتيني فلازم تتغيرين انتي باستمرار علشان تاثرين عليه مش هو موثر عليج بروتينياته حاليا لا غيري انتي صدقيني بيتاثر
اما السوق كتبيه بورقه قبل لسيرين علشان تخلصين بسرعه وخذي رايه في الشرا وشكريه ع كل شي وقوليله اانا افرح يوم اطلع وياك احس ان الدنيا كلها بين ايديني لاني عدالك واخلوا فيك ونتكلم ع راحتنا ونشوف الناس والجو معاك ومن هالكلمات وعاد زين لو تسوين شي يحبه ف اسياره او تعزمينه ع اكل وبعدين قوليله من زمان ما شفت الورود واللون الاخضر خاطري نسير حديقه معاك يا حياتي ونشوف السما والحيوانات ونيلس ع العشب نريح ونرفهه العيال نكافئهم ع تعبهم في المدارس
بدي باامور البسيطه وشوي وشوي بيتغير
اتمنى لج التوفيق وننتظر نتايج طيه
 
والله اذا تبين تعيشين حياتك طبيعيه قولي له ليه رافض تطلعني ابي اطلع والا اتطلق لانها مو حياة اذا هو مريض شك خليه يعالج وبعدها تطلعين واذارفض يتعالج خليه وتطلقي لانها مو عيشه والله يعينك
 
اختي شاي اخضر
لو كانت الحياه بهذه السهوله ياكدا يابلاش ما لقيتينا نفر بالمنتديات ندور حلول استراتيجيه لمشاكلنا
 
اختي مها البوادي
كلامك لامس قلبي فعلا
وانا والله باحاول اغير قد مااقدر في شخصيتي وابتعد عن الكابه واتحول لشخصيه مرحه
صحيح هذا الشئ ابدا مو سهل مع الضغوط الا احس فيها لكن الله يعينني
حبيت موضوع اني احسسه انه لسا شباب باذن الله ابدا اطبقها قريب
الله يبارك لك في اولادك وزوجك ويسعدك يارب
 
يا اختي انا بقولك على تجربت اخت زوجي وانتي احكمي اخت زوجي كانت عايشه في نعمه كانت عايشه مع زوج رجال بمعنى الكلمه وهي كانت قويه عليه مره وكانت احب بنت على قلب امها واخواتها لدرجت كانو يروحون بيتها وينامون عنده با اليومين والثلاثه والله حتى بعض الاحيان كانو ينامون عنده با الاسابيع وزوجه عادي با العكس كان موجبهم ويطلعهم وترا امها ساكنه في نفس المدينه يعني ما تقولين بعيده عنها وهي تجي تنام عنده علشانها بعيده لا صارت مشكله بينها وبين زوجها وهي كبرت السالفه وعاندتت وراحت عند اهلها حاول يراضيها بس هي قامت تتغلا تدرين وش صار راح وتزوج عليها وطلاقها وهي جلست عند اهلها اهاه لو تشوفين عيشتها الحين والله انها تكسر الخاطر هي وعياله صارت مكسوره ولا له اي راي ومنبوذه لدرجت انهم حطوها في الملحق الي في السطح هي وعياله والله يا اختي هاذا الي صار لها وامه دايم تتشك منها حتى اخواتها تركوها يا اختي صدقيني المطلقه عندنا ما لها كرامه مع الاسف هاذا مجتمنا اذا الحرمه تطلقت كانها سوات جريمه والمجتمع ينبذها هاذي الحقيقه انتي فكري زين قبل تسوين شي تندمين عليه طول حياتك واسفه على الاطاله
 
المهره الاصيله
جزاك الله خير يااختي
والله المشكله ان الوحده فينا خلاص بعض الاحيان يفيض بيها وما تلاقي حل امامها الا الطلاق
وترجع تخاف من العواقب
وبعض الاحيان رغم اني انا الا اطلب الطلاق,اخاف وافكر والله بس عشان اولادي والا لو انا لحالي والله ما افكر لا في اهل ولا في مجتمع
الله يختار الا فيه الخير ويغير حالنا لاحسن حال
 
مابعد الصبر الا الفرج الي صبرك 18 سنه قادر انه يعوضك خير بعد صبرك الطلاق مو حل انتبهي
 
مها البوادي ممكن اعرض عليكي مشكله بسيطه في حياتي وابغاكي توضحينها لي
لان احس من كلامك ارتياح وعقلانيه وحكيمه بعد اذا كان ردك اوكي راح اقولك معاناتي
الله يجزاكي الجنه ويسخرلك زوجك واولادك ويحقق لك كل الي في بالك والي تتمنينه
 
انت تقدرين تصبرين عنه يعنى ايش يعنى لك هو؟؟
تقدرين تتحملي اطفال ومسؤوليتهم ؟؟
نوع شخصيتك قياديه ؟؟
المجتمع وتكيفك معه لكِ قدره على المواجهه ؟؟
اذن حسب الجواب انتي ممكن تقرري ..
تدرين انا حاسه انك ماتبي الطلاق اطلاقا لان اللي يبي الطلاق يروح المحكمه مو يستشير
زوجك يجيه فتره يكون كريم واكثر الاحيان يشمت فيك؟؟ سؤال
تحياتي لك​
 
حبيبتي أنا مطلقه والحمدلله ماعندي أطفال وصراحه ألمرأة هي بنفسها تقرر أذا تقدر تعيش بدون زوج أو بدون أطفالها..أسألي نفسك مليون مره هذا السؤال كيف راح تكون حياتي بعد الطلاق هل فيه أحد راح يتحملني ويتحمل أطفالي ...هل أنا راح أتقبل نفسيآ فكرة الطلاق...هل أنا مستعده لهذه الخطوة الكبيره والنقله الكبيره حبيبتي صدقيني أنا مااقولك هذا الكلام عشان اعقدك من الطلاق بالعكس الطلاق لبعض النساء فرج لكن هنا الوضع يختلف أنتي زوجك عصبي ومن النوع اللي ينشغل عنك كثير طيب أنا معااك كم تحملتي كم صبرتي وعشان مين عشان عيالك...طيب أرجعي أسألي نفسك زوجي وشهي عيوبه وشهي حسناته..عيالي راح يتحملون البعد عنه..حيبيبتي الطلاق ماانكر ومن تجربه شخصيه لي انا كان فرج لي بس ظروفي غير أنتي ظروفك هنا تحكمك ..حاولي مثل ماكنتي تسوين تشغلين نفسك حاولي تبرمجين نفسك وتقولين لنفسك انا أقدر أغير في زوجي أقدر أغير من أسلوبه لو حاجه بسيطه وممكن هذه الحاجه البسيطه تقدر تخليني أكمل معاه...حبيبتي حاولي تأقلمين نفسك على تقبل حياتك عيشي يومك وأذا كان ممكن تقدرين تقنيعينه أنك تدخلين تحفيظ للقرآن ادخلي ...
معليش مدري يمكن كلامي يكون قوي عليك لكن تأكدي أن الطلاق مو هين ولاهو سهل خاصه للي عندها أطفال...أسأل الله العلي العظيم أن يفرج همك ويشرح صدرك ويسخر زوجك لك يارب..
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل