ابغى رايكم في اخوات زوجي تكفون ادخلووا واعطوني حل

[مدام ليمونه]

السلام عليكم وكل عام وانتم بخير

بنات انا مشكلتي مع اخوات زوجي وخاصه الصغيره <<--كبيره بس ماتزوجت مستقعده لي
انا ساكنه في مجمع جنب اهله ودائما مستلمين زوجي بالطلبات جب معك وحط معك وخذ هذا رجعه واشتر لنا كذا
وش يقهرني زود انه طول اليوم عندهم واذا طلعت انا وهو كل شي يزين يدقون عليه جب معك والا اخته ترسله انا مشتهيه .... جب معك وانت جاي الله يعافيك تكفى وياحبيبي وياعمري ...
لا تقولون عندهم سواق والا ماعندهم كله واحد عندهم ماتفرق

انا تعبت نفسيا منهم صرت اكرهههم حيل ولا ادري وش اسوي :crazy:

 

[(شمس النور)]

حبيبتي هونيها وتهون ... يمكن هم متعودين يجيب لهم طلباتهم قبل لا تتزوجون

 

[واثقه ومتفائله]

والله انا اقول هم اهله ولهم حق عليه يلبي طلباتهم يمكن هم متعودين عليه من قبل يجيب طلباتهم

واذا هالموضوع جديد عليهم صدقيني مصيرهم بيملون بس اول وتالي هذول اهله ويمكن اخته تدلع عليه خليها تدلعه ودايم قوليله حرام جيبلهم ودلهم والله تكبرين بعينه ويحبك انتي اكثر

 

[بدوووره]

وش فيها لاجاب لخواته ياحريم اتركن عنكن الحسسسسسسسسسسد ربي يصلحكن

 

[أمل ضائع]

اش المشكلة يعني واذا جاب لهم ؟
يكون بمعلومك هو اخوهم قبل ماتكوني انتي زوجته !!
واكيد له حق عليهم مو يعني تزوجتيه صار ملك لك !
هم اهله وهم الي عااشو ومعه وتربو معه واختاروك أنتي كزوجة له !!
تجين الحين تبغينه يرفض طلباتهم؟
الله يصلحك بس ويهديك تدرين عاد انتبهي بس لآيدرون عن كرهك لهم
عشان لاتنقلب حياتك هم ونكد بسبب مشتريات !!

وسوري عن القسوة بردي بس حبيت انبهك

 

[الأمل العائم]

العرض غير تام .. لم تذكري هل لديهم اخوة غيره .. وترتيبه الاسري .. وعلاقته بهم بصفه عامه
ووضعك معه .. وتلبيته لطلباتك ...... الكثير من الامور تعيق التعليق .. ولكن
اختي هل هذه الطلبات تضره ؟!
بنظري ان كان زوجي قريب لاخواته .. فسيكون قريب مني
وان عاملهم بجفاء من اجلي سيأتي يوما ويعاملني كما رضيت ان يعاملهم به ..
دعيه يلبي طلباتهم .. واعينيه على ذلك فعلاقته معهم قدرية غير قابلة لاي شعور !
وابتعدي عن التشنج والمشاعر السلبية فهي ستنعكس على حياتك .. وعلى علاقتك بهم .. وبزوجك
هم اهل اطفالك .. وانظري لطلباتهم .. وكأن اختك من طلبت .. هل سيكون شعورك تجاهها اسودا
لامه وابيه واخته واخيه حق فيه كما لك ..
اتمنى ان يزول ذلك الاحساس من صدرك .. فالخسارة ستكون من نصيبك نفسيا .. وجسديا .. واجتماعيا (لاسمح الله)

اتمنى لك راحة بال .. واطمئنان حال

​

 

[دنيا حظوظ]

الله يصلح الحال انا اعاني من نفس مشكلتك
كوني بخير

 

[بحر الحنين]

عادي اذا يجيب طلباتك وش المشكلة هو بيمل من كثر الطلبات

 

[وطـــن]

ياحبيبتي لاتعصبي وتحرقي نفسك..


إللي مافيه خير لأهله مافيه خير في مرته..


وخليكي ريلاكس عاااااادي..


وأعتبريهم أخواتك..


وريحي القرعه من كد الامشاط..

 

[رمز العطاء]

المفروض تفرحين وبعدين الي به خير فى اهله فيه خير بالناس
وعزيزتي اذا هم مايتدخلون في حياتك ماعليك منهم اما ولدهم حق عليه يقوم بواجبتهم

 

[البدر المدفون]

أحمدي ربك ياليت بس طلبات تجنننننننن الطلبات البلوة لو يلزقون عندك وينامون بالايام وكل شهر كذل أحمدي ربك ودائما أدعي في الصلاة (اللهم أكفينهم بما شئت )( وردّ كيدهم في نحرهم) وليش تتعبين نفسك خليك ملكة وأطلبي عادي زيهم وزيدي في الدلع لزوجك وخليهم يموتون بغيضهم لان الله مع المظلوم وانتي أنصحك بالتطنيش ولاتجيبي سيرة لزوجك _(نصييييييييييييحة )

 

[شووكوو]

ياحبيتي انتي بعد حاولي اذا جى يودي لهم اشياء روحي معاه وتنقصي لام زوجك
ووديه انتي براس الخدمه واهم بيستقربون وشوفي النتيجه وانا مجربه

 

[um_noora]

ربي يفرج همك