ابغى حل مليت؟؟

[مس رسم]

السلام عليكم ورحمة الله وبركاتة
اخواتي انا زوجي طيب ومحترم ويحبني والحمدلله وانا كذلك ابادله نفس الشعور :icon26:
بس فيه مشكلة صغيرة بحياتنا دايما" تكرر وتتوتر علاقتنا بسببها وهي انه لما اعصب على اولادي يطلع صوتي طبعا يكون فيه سبب مثلا ولدي الكبير يلعب بتوصيلة الكهربا ءوابغى انقذ الموقف فاصرخ علية او يلعب كورة بمكان فية تحف واخاف يكسر شي ويطلع صوتي بعدين ينفعل زوجي ويزعل ويقول لايطلع صوتك بالشكل هذا وكم مرة حذرني وقلت طييب انت وريهم الصح من الخطاء اذاما تبيني اتدخل وشوي بعد الزعل اللي يقعد 3 ايام او 4 احيانا وابدا انا واراضية 0اليوم تكرر نفس الموقف مع ولدي الشيطان وطلع بالشارع بدون ما يقول وانفعلت غصب وطلع صوتي:blushing: بس بعد اي ايش كان ابوه داخل من الباب وقعد يزعق علي بشكل جديد غير عن كل مرة وانت ما تربيتي وماتتوبين وانت ما تستحين صوتك طلع بالشارع ومن الكلام اللي يجرح واول مرة اسمعه يقول عني كذا انا ما قدرت ارد طبعا كلام قاسي جدا :icon28:انفعلت من داخل وسكت بس اللحين هو زعلان وانا محتارة ماابي المشكلة تكبر مع طول الوقت انا حاسه بخطاي لان واعدتة قبل اني مازعق عليهم ثاني مرة واخلفت الوعد بس اللحيييييييييييييييييييييين وش رايكم بلقيسات حبيباتي اراضية والا اطنش؟؟

 

[فقيرة الحب]

إلا ياعمري طبعا راضيه وراضيه وراضيه بقوة بعد أولا لأنك فعلا على خطأ ثانيا لأنك واعدته ثالثا لأنه طاعته هي اللي بتدخلك الجنة هو جنتك ونارك وما طلب منك المسكين منكر كيف تقولين اطنش. إلا راضيه بقوة وقوليله هالمرة من جد بتشوف مني إنسانة ثانية وفعلا صيري له إنسانة ثانية ، حطي بين عيونك الهمس ثم الهمس ثم الهمس في البيت حتى وهو خارج البيت وترى حبيبتي العلم بالتعلم والحلم بالتحلم يعني مثلي انك حليمة وبالك طويييييييييل على ولدك وهدي معه وبتصيرين حليمة وهادية بإذن الله ولا تنسي الدعاء ، لأنه فعل السبب بدون الدعاء ما ينفع ، وبإذن الله بتشوفين كيف نظرة زوجك لك بتتغير وتصير كله حب وامتنان وبتدعينلي بإذن الله.

 

[الوفــ طبعي ـا]

الله يسخركم لبعض

 

[مس رسم]

الله يجزاك خير اختي (على خير) لاني بجد ودي اراضيه واخاف يقولي بايخة كل مرة تتاسف وترجع والا انا خلاص تعلمت ما اطول صوتي ابدا شكرا لك من كل قلبي جزمتيني اللحين بروح اراضية 0
الله يسخر لك زوجك دنيا وآخرة

 

[ناناسي]

الله يهديكم لبعض

 

[ضياء القمر]

لا تخافين المسالة بسيطة

بس مرة ثانية كوني حذرة اكثر

 

[انا الرياض]

طبيعي مافيه احد يحب الصراخ والصوت العالي لانه مو من سمات الانثى!!!!!!!!!!!!!
حاولي تضبطين نفسك وتتحكمين باعصابك

 

[سلام سلام]

الله بهديك الرجال أبغض ماعندهم ان احد يزعق وعلى عيالهم بعد حتى لو كانت اللي تزعق عليهم هي امهم
انا ماارتحت من المشاكل مع رجلي الا يوم فهمت ذا النقطة
والا كان يقول عني انت وحش
انت شرسة
انت مجرمة

وكان قصدي أربي عيالي واعلمهم بس كنت غلطانة مو بهالشكل يفهمون الرجال الموضوع

 

[مس رسم]

الله يجزاكم الف خير اخواتي جميعا على الردود ويبلغكم رمضان مسرورين البال والخاطر
انا فعلا تعلمت من الدرس هالمرة وجلست معاه واعتذرت وقلت نجلس باجتماع عائلي نوضح للاولاد كيف يتعلموا قوانين البيت عشان نتجنب المشاكل جميعا مع ماما بابا وافق والليلة ان شاء اجتماعنا ادعولي
احبكم يا احلا اخوات بالدنيا كله