ابغى حل مع زوجي والكذب ..!!

[زوجه ناجحه]

السلام عليكم ورحمة الله وبركاته

انا متزوجه من اكثر من 15 سنه

وفي صفات كثير في زوجي ماتعجبني بس ماتهمني يعني امشي الحال

بس لي فتره اكتشفت انه كذاب درجه اولى

يعني يكذب في اشياء كثيره

مثلا نبغى نروح للسوق يحلف مليون يمين ماعنده فلوس .. بعدين اكتشف انه عنده يافي البنك يافي جيبه

وترى هو اللي يغلط ويقول يعني مااعني نفسي وادور وراه ربي يفضحه

او يقول لي سالفه معينه طبعا يكون يكذب في بعض اجزائها

وبعد فتره نتكلم في نفس السالفه اكتشف انه زود اشياء كثييييير ويوم اقول له انت قلت كذا كذا ذاك اليوم يحلف ماقاله واني انا ماسمعت زي الناس

ياعالم حتى على امه اذا اتصلت عليه تبغى منه غرض اوشي يحلف يمين ماعندي فلوس اذا عندك ارسلي لي وابشري

طيب انا كيف اصدقه بعد كذا وهو مع امه كذا؟!!

احيانا اذا رحنا للمطعم ودقت عليه امه بالذات تقول وين انتم يقول في مطعم عزمتنا ام فلان ورحنا نتعشى(يقصدني) !!

طيب ليه؟؟!!

هذا الموقف صار قدام اولاده وانا من قبل قلت ابوكم اليوم عازمنا برا وش المطعم اللي تحبوه..

تخيلوا نظراتهم وهو يقول لجدتهم ان انا اللي عزمتهم؟!!

قمت ارقع واقول خرب الموضوع ابوكم الله يصلحه ماحبيت تعرفون اني انا اللي عازمتكم

اشياء كثييييير يكذب فيها واذا قلت له احلف اذا قال لي شي يزعل ويسبني ويسوي من الحبه قبه

انا من حقي اعرف هو صادق والا كذاب وانا ماعاد اصدقه من كثر المواقف اللي يكذب فيها اذا مو كلها يكذب فيها

ساعدوني تكفون

اقدر اعدل سلوكه او انا كيف اتعامل معاه ياعالم والله مااعرف كم راتبه للان

ومره قال لي بدل السكن 6 الاف

اكتشفت انه يوصل 9 الاف وهو بنفسه اللي قال .. والله العظيم محتاره

تعرفون اذا الرجال قال ماعندي تقصر الوحده منا على نفسها وعلى عيالها بس حرام اقصر على عيالي وهو عنده

وياريت انه يستفيد او شرى لعياله شي ينفعهم وينفعه

من يجي الراتب يقول راح اقساط او نزل الراتب بسالب يعني مانزل ولا هلله كله راح اقساط وكمان ماكفى الراتب بياخذون من راتب الشهر الجاي

دخيلكم لاتخلوني

 

[جنتي بيتي]

قوليله تكذب عيني عينك
وحبل الكذب قصير
الله يعينك حبيبتي
ماعندي شي اقوله لك غير الله يفك عنه ازمه الكذب
والاخوات ماراح يقصروا معاك

 

[محبه الدين]

الله يعينك صراحه موضوع صعب

 

[سموالذوق]

كل الرجال كذابين مشي انتي لا تدققين لانك راح تتعبين معه

 

[رازيا]

أختي الكريمة مما لا يخفى عليك، ولا على أحد من المسلمين، أن الكذب من عظائم الذنوب، وأنه من صفات المنافقين ، والعياذ بالله ، ولذا حذر منه النبي المصطفى عليه الصلاة والسلام، وبيَّن أن الرجل ليكذب ويتحرى الكذب حتى يكتب عند الله كذَّابا - عافانا الله وإياك - إلا أننا إذا نظرنا لحقيقة الأمر وجدنا أن الكثير ممن يكذبون هم في الأصل ضحايا تربية فاسدة، كثر فيها الكذب، حتى أصبح صفة ملازمة لهم، وإني على يقين أن كثيرين منهم حاولوا التخلص من تلك الصفة الذميمة لما يتعرضون له من مذمة وانتقاص واحتقار من الآخرين، والبعض الآخر - وهم قلة - ما زالوا على ما هم عليه دون أدنى رغبة في التغيير .



لذا أود أن تتعاملي مع زوجك كما لو كان مريضًا بأي مرضٍ من الأمراض العضوية، ماذا يحتاج منك ؟



يحتاج إلى الرفق والعطف والحنان والصبر وسعة الصدر، مع التنبيه اللطيف إذا كان من النوع الذي يتقبل النصح؛ لأن كثيرًا من الرجال لا يقبلون ذلك، فعليك بالنصح الطيب الهادئ بعيدًا عن التأنيب أو التوبيخ، حتى تأخذي بيد زوجك وتساعديه على الصدق، ولا مانع من الاتفاق على عمل برنامج يحدد الزوج من خلاله عدد المرات التي وقع فيها في الكذب، ويعدها عدًّا، ويحاول التخلص منها، أو الاستعانة ببعض الكتب في ذلك، مع العلم بأنني لا أريد مجرد الكتب الدينية التي تبين حكم الكذب، فالكل يعرف أنه حرام، وإنما أريد الكتب التربوية التي تساعد في التخلص من المشكلة وعلاجها والقضاء عليها، وهي متوفرة ولله الحمد .



فبهذه الطريقة قد نساعده في التخلص منها، مع التأكيد على ضرورة أن يكون ذلك بألطف أسلوب؛ لأن الموضوع حساس جدًّا، والكثير من الرجال لا يقبل مجرد الحديث عنه أو فيه .



مع حثِّ زوجك على الدعاء والإلحاح على الله تعالى أن يخلصه الله من تلك العادة المقيتة، ودعاؤك كذلك له من أهم وسائل العلاج، فأكثري من الدعاء خاصة في أوقات الإجابة، والأحوال الفاضلة، ولا مانع من تذكيره بحكم الحلف الكذب، وأنه من اليمين الغموس التي تغمس صاحبها في النار، وأُفَضِّلُ أن تستعيني في ذلك بالأخ الخطيب الذي يصلي عنده الجمعة ليتكلم عن حكم الحلف كذبًا، أو شراء بعض الأشرطة، أو الكتيبات أو المطويات التي تبين حكم ذلك .



فإذا كان من النوع الذي ينكر ولا يتقبل النصح فأنصحك بالصبر والدعاء، عسى الله أن يصلحه بفضله ورحمته، إنه جواد كريم. وبالله التوفيق .

 

[اه من برد الشتا]

الله يعينك يااااااااااااااااااارب

 

[زوجه ناجحه]

جزاكم الله خير

اختي اللي تقول كل الرجال كذابين يمكن ولو انه مستحيل كلهم

بس كذبهم وين يكون؟؟

يعني حتى في نزلات السوق ومقدار الراتب ؟؟!!

مااعتقد ..

واختي اللي تقول انصحه .. انا اذا تكلم بموضوع وطبعا كان فيه بعض الزيادات ورجع تكلم فيه وكان كلامه مخالف للمره السابقه وبينت له انه كلامه كان غير في المره السابقه على طول يغير الموضوع ويسكتني بانه ماسمعت زي الناس او انه عمره ماتكلم في هالموضوع معي

والله تعبت ماعرضت عليكم حكياتي الا بعد ماتعبت معاه ​

 

[الوحيدة1]

لاتكبرين الموظوع تغافلي
لاتحسسينه انك مخبر
الحياة يبغالهامرونه
لاتكثرين التدقيق علي سواليفه معك بتندمين
بعدين اذا سارمايقولك شي لانه بيقول لوفيه
كلمة نسيتها بتحاسبني خليني ساكت احسن
اكيدفيه ميزات حلوه ركزي عليهاوامدحيها
مافيه احد كامل

 

[زوجه ناجحه]

اختي الغاليه الوحيده

كلامك صحيح وفيه ميزات كثير والله حلوه

بس بالله مو صعب تشوفين زوجك يكذب على امه قدامك ؟؟

بالله عليك بتصدقينه بعد كذا؟؟

بعدين انا ماحكمت عليه الا بعد سنتين ..يعني السنتين اللي فاتوا صار فيها اشياء كثيييير من هالنوعيه

واكبر شي مايحبه انا نطلبه فلوس .!!

طيب من جبره يجيب عيال وكل مابغاني اجيب طفل يقول رزقه على الله .. امنت بالله وادري بها الشي بس اذا بنجيب اطفال مانلبي طلباتهم ليه نجيبهم من الاصل ؟!!

والله يالغلا مافي اصعب من انه اولادك يحتاجون شي للدراسه او يبون زي اللي عند عيال عمهم وانتي واقفه ماتقدرين تسوين شي

الله يكون بالعون

ومحد كامل ادري حتى انا فيني عيوب اكيد .. بس ماوصلت لهاالشي .. اني اكذب واخبي وعلى ايش؟!!!

مو مسوي ولاشي نستفيد منه لامشروع لاتجاره لا ارض لا بيت وحتى السياره شراها بالتقسيط كنه الراتب عاد متحمل اقساط جديده ...

محد يحس بالنار اللي انا فيها الا اللي جربت ...

اذا زوجك كل ماطلبتي شي قال لك ماعندي وين تروحين؟!!خليني انا ورب البيت اني مقصره على نفسي الشي الكثير بس الاولاد وش ذنبهم؟!!

والله العظيم اني انزل السوق عشان اجيب لي شي وارجع جايبه لاولادي وماافتكر نفسي بس خليها على ربك ..ماودي يحسون انهم اقل من اندادهم ..
وترى اولادي مو عشانهم اولادي مايطلبون ذاك الشي والله مانعرف لاماركات ولا جخ ولاغلا من اطرف شي ناخذ ونحمدالله ع النعمه ..​

 

[too much suger]

جعلت الخبائث كلها في صندوق
وجعل مفتاحها الكذب

الله يعينك ويهديه

 

[زوجه ناجحه]

امين يالغلا الله يجزاك الجنه ​

 

[عظيم الشوق]

افضل حل تواجهيه بكذبه في كل مره يكذب فيها لاتعديله شي ابدا طفشيه خليه يحس انك على طول تكذبيه وماعندك ثقه فيه من كثر مايذب-وصدقيني حتلاقيه هو صار يعدل في وضعه ويحاول مايكذب علشان يرجع ثقتك فيه-والله يكون في عونك

 

[زوجه ناجحه]

جزاك الله خير ياغاليه

اجرب واشوف

ولو اني مااحب احرجه حتى لو كنا لحالنا بس نجرب يمكن يبطل ​

 

[ana wa bas]

عادي ياختي عندنا وعندك خير
انا زوجي بعديكذب
بالاول كنت ابين له حكم الكذب وكان يبرر كذبه والحين خلاص مليت اتركيه ربك حسبيه

 

[تشكرات]

أصدميه بكذبه كبيره كبر رأسه خليه يحرم يكذب مره ثانيه ....واذا زعل من كذبك عليه >>>> قولي له بعض ما عندك عيوني ..خليه يخاف دائما من ردة فعلك ولا تخافي من عدم ثقته فيكي لا لا هو عارف أخلاقك زين ..بس أدبيه بكم كذبه وربيه ..ترى أحيانا المعامله بالمثل لها مفعولها السحري ...ههههههههه رجال على بالهم الكذب على الحريم حلال مالت عليهم ..