ابغى حل .. مشكلتي ساعدوني

غ

غلاتي شي اكيد

New member
إنضم
2009/10/06
المشاركات
15
السلام عليكم ..

اخبار الكل ..

انا عندي مشكله واريد حلها منكم ..

طبعاً انا بنوته في ثانوي عندي صديقات وأعمارهم من كبري .. الصديقات هذول يقربون لي .. يعني من اهلي .. الي بنت عمتي والي بنت خالي شي هيك ..طيب

نتجمع جميع في بيت الاهل طبعا ..

كل وحده والثانيه يموووتون على بعض الا انا واختي يحسسونا ان احنا ولا شي ومايبغونا في جمعاتهم

كم مره يتجمعون ..من دون ماندري

اسئلهم ليه ماتقولون لي وانا اضحك طبعا .. علشان اللطف الجو وعلشان لا يقولو اني مهتمه.. وعاد انا صحيح ترى مومهتمه .. بس يمكن اهم يقولو اني اهتم ولا شي

كل مره يدورون لهم عذر.. مره يقولو تجمعنا بالصدفه ومره ماتردين على الموبايل.. الخ

تدرون ليه كذا العلاقه الي بينهم .. لان اي شي بيننا احنا الصديقات والي اهم اقربائي بالاخص

اختي على طول تنشر الخبر لـ خواتي .. وتدرون كل واحد يقول لـ ثاني ليما يدرون انوو من اختي .. وياليت بس على اختي حتى انا .. يعني انو اختي تروح تنشر الخبر الي بينا .. اهم يظنون انو حتى انا .

لانو واناا تقريبا ببتدائي كلشي اروح اقوله لامي واهم خذو عللي فكره الى الان ..

بس وربي انا واختي خلاص كبرنا ووعينا لهذا الشي نموووووووت عليهم بس اهم للاسف يمثلون الحب..

وبعيوونهم اشوف ..

اطالعهم فيما بينهم اشووف كل وحده تقول لثاني اسرارها اشوف كل وحده تضحك لثاني

واشوف كل وحده تحضن لثاني... وانقهرررر موت اقول ليش انا مومثلهم

لدرجة ان بنت خالتي كانت جايه من فرنسا راحت شهر ورجعت .. سلمتت عليها وحظنتهاا .. حتى ماكلفت تقوم لي قاعده ومتربعه ..

ويوم كانو اهم يجون يسلمون عليها .. ماشاءالله الا حظن وبوسات مالها حد ..


حتى كانو بيتجمعون .. وقالو لي .. كانو بيروحن كآفي ومجمع يتمشون ..

وبيجيبون كم واحد من عيال العم ((يعني شباب علشان مانكون حنا البنات بروحناا)) بس اهم صغار الشباب يعني اعمارهم حوالي 16...

رحت لامي وقلت لها انهم راح يتجمعون في كافي او مجمع يروحو يتمشون ..

قالت لي لا ماتروحي بنات بروحكم انتوا .. قلت لها معانا شباب .. قالت لا انا اعتبر ذولي اطفال اعمارهم 16..

رحت وقلت لهم امي مارضت ... حسيت انهم فرحانين .. حتى ماطيبو خاطري وقالو يكلمون امي يمكن ترضى..

لان اهم فيما بينهم إذا ام وحده منهم مارضت على طووول يروحن ركض يكلمونها .. وإذا هم مارضت مايسون الجمعه

ابي حل انا ابييهم يموتون علللي مايشكون الخيط بأبره الابشووري شالحل ؟؟

ابييي حل ..

لاتقولون واجيهيهم او اعترفي لهم سوووووووري.. ابي طرق ثانيه .. ابيهم يكسبوني في أسرع وقت ممكن ..

ولاتقوولون تركييهم والي مايبيك لاتبينه هم سوووووري

لانو اذا تركتهم راح يفرحو وتكون الدنيا ماوسعتهم ..

لا انا هالشي هذذا ماابغااه ..

ابييي حلللللللللللل​
 
ياحياتي لا يضيق صدرك ابدا :schmoll:​

شوفي انا طيوبه وحبوبه ومااتدخل بخصوصيات الثانيات :in_love:
بس في ناس يفهمون ع كيفهم انا لي برضوا صاحبات كثير ​

اللي من اهلي واللي بالمدرسه واللي بالمشغل
بس الناس تتعامل من جواتهم لاني انا اتعامل مع الجميع
بنيه وحده :icon26:
وكل وحده تتعامل معي بشكل :icon28:
بس اكتشفت ان طيبتي سر الغباء:shutup:​

بحكي لك سالفه الا اللحين مو عارفه لها جواب
مره وحده من بنات المشغل كانت بتروح لاسواق نسائيه
وجلست تتجهز وتبي تروح بس ماذكرت لي انها بتروح للسوق
قالت بروح لجمعه عند صديقتي !!
يعني على بالها بقول يلا انا ابي اروح معك :icon28:
صحيح انا احس بالوحده لان مالي خوات كبار اطلع معهم
بس انا ماعمري فرضت نفسي :blushing:
المهم ياقلبي جلست تسولف عن قلم كحل وعن مسك
تقول وحده جابته معها من اسواق ... وتقول ماتلاقونه الا في هذا السوق
المهم بعد كم يوم انا رحت ومعي عشاي ورحت لها البيت هي واختها وانا متعرفه عليهم
المهم جلست تقول ان مسك العروسه شفته لما كنت بالسوق جابته وحده اللين طاولتنا وتقول تعالوا المحل
شوفوه:sly: وذكرت انها راحت للسوق ونست هي وش قالت لي:harhar1:
بس اللي ابي افهمه هي ليه خبت علي والله لو قايله لي ماراح اروح
انا مااحب اروح الا لما يقولون لي :icon28:وعلشاني طيوبه واحبهم والله وماارفض الطلعه معهم يحسبوني
ام هفه :fish:ههههههههههههههههه
مع اني جداااا طيبه ومسالمه وكلامي مثمن لا اهاوش ولا احب اجرح احد
:cupidarrow:
المهم نفس البنت هي واختها وصديقتنا الثالثه
رحنا للفيصليه وطلبت من اخوي يودينا
مقابل مبلغ 80 ريال اوكي
يعني كل وحده منا تدفعت 20 هم اعطوني 60
يعني 10 رايح 10 جاي ويننا ووين الفيصليه
اقل شي من بيتنا 40 رايح 40 جاي ​

المهم ماعلينا لان في النهايه اخوي رفض ياخذها وانا راح ارجعها
بس مو نقدا يمكن اشتري فيها اي شي لهم عشااا مثلا ​

المهم السالفه ان اخوي ودانا
بس قبل لا نروح
تاخرنا عليهم الاسباب كانت
نظف السياره بـ 20 وغسلها بـ 10
وراح عباها بـ 10 بس كان بنزين 91
وماينفع لسيارتنا وهذي مشكله
وراح يصرف من الصراف لي وكل تاخيرنا على بعضه كان ساعه فقط
طبعا دقوا علي يلا ليه تاخرتوا وماادري وشو وخلاص فلانه امها تقول خذوو سواق وروحواا
علشان ترجعين 11 بالليل و...الخ
وانا مازلت اتكلم بلطف واقول لهم والله خلاص كنا عند المحطه بس اللحسن جاييييين
واخذناهم مديت يدي لهم اصافحهم قاموا يقبصوون يدي ويقولون حسابنا معك بعدين
مافي اي مراعاه لمشاعر الاخرين قابلتها بأبتسامه وانا من الداخل اغلي
ومشينااا وقفنا عن المحطه مره ثانيه علشان نعبي بنزين 95 بـ 20 ريال
وقامت وحده قالت هذي 3 محطة بنزين بوقفون عندها يعني اني كذابه
ومشيتهاااا وانا فيني غصه لاني صح طيبه بس حساااااااسه جداااااا
ورحنا بسرعه ولما وصلنا لففنا وتعشينا وبعدين نبي نرجع قلت لاخوي
قال خلاص انا بجيكم وصار لصديقه حادث وابوي كان بالعمل
وصار عندهم مشكله بالعمل وتاخروا الاثنين المهم ان خلصنا الساعه 12 ونص
دقيت عل اخوي مااعطاني خبر بأي شي عشان يعرفون اني خوافه
وادق على اخوي يقول انا بجيكم والا ابوي كلنا بالطريق
المهم البنات اعطوني 60ريال وقالوا خلاص بنصير نروح مع اخوك بس
مو كل مشوار تروحن معناااا !!! والله حاله ماادري مين فهمهم اني احب القطه
الحمد لله انا مو من هالنوع ولما صارت الساعه 12 و 50 دقيقه
قالوا لا تعطينه الفلوس مايستاهل اخرنا انا هنا انكسر خاطري
لانهم صاروا يقولون كلام ماله داعي
اللي تقول ناخذ سواق واللي تقول خايفه وكانوا مركزين على 60 ريال ياحسره
ماتسوى كلها راحت في السياره وفي الاخير مااخذها
المهم خلاص صارت الساعه 1 وقاموا علي الثلاث احنا كل مره نجي
نستانس ونرجع اول مره يصير معنا كذا واللي تقول ان كل
وناستها خربت وحاطين اللوم علي والساعه 1 بالرياض لسى بدري
المهم ان الفيصليه فضت وباقي السكيورتي ينتظرنا
وصل بابا الساعه 1 و ربع يعني انتظرنا نص ساعه بالضبط بس كرهوني عمري
وركبنا ورجعنا البيت وانا قلت لبابا يسرع علشان لا يتاخرون ع امهاتهم وتصير مشكله ثانيه​
 
التعديل الأخير:
بس اكتشفت

ان مثل كذا ماينفع معهم الا تدخلين في وجههم :sly:
وتدافعين عن نفسك بأطول لسااان عندك :harhar1:
وش عندهم هذولي وهم اهلك يسوون كذااا
انا يمكن لو ماتكلمت مايضرني بس انتي هذولي اهلك
وضحي كل شي بخاطرك لهم
اذا مستحيه ارسلي كلامك بأيميل وشوفي كيف راح يتغيرون ​
 
ياليت المشرفه المسؤوله عن هالقسم تنقل لنا الموضوع للإستشارات البناتيه .. لاهانت .. : )



حبيبة قلبي احييك ع صفاوة قلبك الطاهر , واحس فيك والله لإن مافي اصعب من انك تشوفين جماعة تتحيز ضدك لأسباب ابدا مش منطقيه ..

لكن استغربت سبب رفضك من المواجهه .. ؟؟؟
للأسف ياعزيزتي مثل ماهو واضح ان هالقروب ينفر منك والسبب بالدرجه الأولى هو عدم مبالاتك لهم ! ..

لما تكون لي صديقه ويكون وجودي وعدمه واحد بالنسبه لها .. يعني ماتعاتبني ولا تسألني وين كنت عنها بفهم انها مابتهتم لي وطبيعي بتجاهلها وبدور ع الي يهتم لي ويفقدني (بالعربي يحاسبني) !!


يقول المثل [ لو تبغى حبيبك دوم حاسبه كل يوم ] .. : )

لما تواجهينهم راح تبينين لهم اشياء كثيره .. اولها ان طبعك لما كنتي طفله تغير تماما ً وتلغي فكرتهم عنك ..

ثانيا ً بيحسون انك تهتمين لهم وشاريه صداقتهم ولا تبغين تخسرينهم ..

ثالثا ً بيحسون بشعورك ويتوقفون عن تجاهلك اكيد ..
ويعرفون ان تصرفاتهم تضايقك ولا تهون عليك عشرتهم
وهذا المطلوب :)

اما لو ماواجهتيهم راح يقولون على أقل تقدير .. هذي مو مهتمه ولا فارقه معاها سواء اهتمينا لها او طنشنا

الحين المطلوب منك انه لما تجتمعون تتكلمين وتقولين كل الي بقلبك .. اسأليهم وش الي مضايقهم بصراحه .. وأطلبي منهم الإجابه كيف ماكانت !
وقولي انا لو كان فيني غلط ساعدوني على أني اتجاوزه لكن لاتتجاهلوني وتجرحوني .. انتم صديقاتي وانا محتاجه لوجودكم معي ! ..

تكلمي عن الي بقلبك بكل صراحه وبدون احراج

وقفي عن المكابره وتصنع الا مبالات لإنك مابتجنين منها غير الحسره :(

لو كان فيه بينكم ثغره ثقي انه مالها اي حل سوى النقاش فيها .. ولو بقيتي متحامله عليهم وهم متضايقين منك صدقيني عزيزتي .. اقولك اياها وانا واثقه 100% منها ....

راح تخسرينهم للأبد !!!

لاتعتقدين انك لما تصارحينهم او تواجهينهم راح ينقص قدرك او تجرحي كبريائك بالعكس انتي طلبتي منهم وضع النقاط على الحروف وكنتي السبب في اعادة تأسيس صداقتك وكسبها من جديد وهالشي مايخجل ابد الا يرفع الراس وراح تنعمين (مع هالأسلوب) بصداقات تمتد العمر كله بإذن الله ..
 
همس العذاري ..

مشكوووووره على التعقيب وحبيت اعلق على كلامك

انتي ماتعرفينهم .. يعني اللحين انا لو واجهتهم .. تدرين شراح يكون ردة فعلهم ان هاذي مسخره ومالها داعي كللش واني حساااااسه الى ابعد الحدود ..

اهم تراهم كباااااااار بالجامعه .. بس في منهم بالثانويه وبعد عندهم ازواج بس مابعد يتزوجون .. بس عقد ملكوو .. يعني هذا بالله عليك شنو ينتسمى غير القلوب السووده والحقد والمررض

شوفي انا ابغى حل .. بدون ما أواجههم .. ابيهم يشوفون بعينهم التغيير الي فيني وبس

يعطيكي العافيه حبيبتي
 
حبيت اوضح لكم نقطه اهم يمكن يحبوني وعآدي عندهم ان يكون الوضع انو انا مع اختي نكون معاهم في الجمعات او شي هيك..

بس في منهم اهما ثنتين بس يقولو كلمه البااقي على طوول تم واكي ..

لو هالثنتين بس يقولو ان انا واختي ,, بالعكس حنا حبوبين ماننقل حكي ماحكي

الباقي يقولو تم ..

بس هالثنتين هذوول مخربين الجماعه كلهم ..

اهم هذول الثنتين هم اساس البلا .. مايطيقوناا في الجمعات .. بمعنى انوو خلاص

اخذو الفكره خذووووهاا ..!
 


اختي انتي عرفتي المشكله بقي الحل


هما يتجنبوكم لأنهم بيظنو أنكم مازلتو تنقلو حكيهم للآخرين وتخبرون امكم بها

والبنات مهما كان يريدون خصوصية وحرية لهم

بحيث لا يشعرو ان كلامهم سيصل للأمهات وللآخرين

فسوالف البنات ليس لأمك علاقة بها


*
*

الحل

أنك تثبتي لهم أنك تغيرتي وكبرتي على هيك تصرفات

بدون ماتجرحي كرامتك في رجاءهم والبكاء لإثبات ذلك لهم

*
*

أنا عندي فكره كويسه

كبداية إختاري لك وحده منهم حبوبه

وأبدأي بالسوالف معها بما تحب .. كالماكياج كالأسواق .. سولفي وياها بسوالف تمتعها وابتعدي عن اي حديث في الآخريييين كي تتاكد أنك لم تعودي تتحدثي عن احد.

سيروكم باقي الفتيات منسجمات ومبسوطات وسيعتريهم الفضووووول

واهي راح توصل لهم بانك تغيرتي وماعادك مثل أول

وشوي شوي راح تدخلي مع باقي المجموعه

وكذلك فالتفعل اختك


*
*

بالتوفيق
 
اختي حلولو..

مشكووره على التعقيب والمشاركه ..

وإنشاءالله اكون اقدر على الي قلتي لي..:)
 
اذا هم ماخذين فكره عنك انك نقاله كلام فصعب انهم يتقبلونك
بس انتي لازم تحسسيهم بعكس هالكلام
انتي واختك حاولي ادخلي فيهم واكسبي حبهم
والبنتين الي تقولي عنهم ماعليك فيهم وطنشيهم وخلي علاقتك حلوه مع الباقي
 
حبيبتي انا اعرف ها الاشكال زين هذولي بايعينك ليه انتي تبينهم وبكلامك باين انك مره متعلقه فيهم وهم مايسون شي واللي يعاملك مثلهم يمكن رح يتحسن شوي بعدين اضمن لك انا انه رح يرجع زي اول او اشين

انا كثير كان لي بمراحل دراستي زي ذي الاشكال بس خلاص لو انتي مو قاصرك شي انك تتركينهم وتروحين تصادقين بنات حبوبات يمكن تقولين مافيه بس اضمن لك انك لو تشوفين البنات زين رح تلقين الف صديقه تتمناك حبيبتي واذا صار على القرابه انا يمكن 8 بنات من اقاربي معاي بنفس الجامعه بس مابيني وبينهم الا سلام وبس لاتقولون اني انا مستكبره عليهم بس ولله انا شفت شي منهم الله يعلم به وذلحين هم يتمنون انهم يتكلمون ماي بس انا ما اعطيهم وجه انا من يوم شفت كلامك على طول تذكرتهم يوم كنا بالثانوي

نصيحه لوجه الله من مجربتها اللي مايبيك لاتبينه وش عاد اذا كان من الاقارب اهم شي كرامتي

اه ذكرتيني بــ نفسي من زمان بس ولله انا اتمنا اني ماشفت حتى وجيههم

حبيبتي انتي لازم تغيرينهم لازم خلال جلوسك معاهم دوري لك صديقات جداد وسحبي عليهم

اصلا اذا كانوا بيحسون انك رايحه >>هذى الواقع
ماراح يلاحضون انك غايبه عنهم الا باول شهر او اسبوع او او او سنـــــــــــــــــه على حسب

يمكن يكون كلامي قاسي عليك بس ولله حبيبتي تاه طالع من قلب
تقبلي مروري <<<<واسمعي نصيحتي
 
انسه طفشانه ..

مشكووره على التعقيب
Miss glamorous

مشكووره على هيك كلام درررررر

وخلاص انا كثيييير تعبت منهم .. وراح اسمع بكلامك ...

بس انا مابغى احسسهم اني ابتعدت عنهم او كذا .. علشان مابي لهم الفرحه ..

الجمعات الي يتجمعونها مآرح اروحهم ولا شي .. بس ماعدا بيت اهلي وهذا شي طبيعي

يعطييكي العافيه​
 
لا ادرى لماذا احسست ان هذة الغروب من البنات واعتذر لانهم اقرابءك تافهات او متكبرات
فانا وصلني احساس انك مهما فعلت فهم بشكل او باخر لا يريدون الاحتكاك معك مباشرة او غير مباشرة
حت اخوك عملولو حكاية والاخر لا تقولي كان يقل سوالفهم.....
لا الموضوع برايي شي تاني
يمكن تكون اسبابه عائلية
 
حلوه هذي هاتولي حل يحبوني غصب

حبيبتي المحبة مب بالغصب

ومع احترامي لك انتي لو ربيعتي كان تركتك

تعرفي ليش لانك تريدي تجبري الناس تحبك ثانيا تنقلي حكي (لاتقولي تغيرت هم شو دراهم)

ثالثا تقولي عليهم ثنتين منهم قلبهم اسود؟؟؟؟ ترضي حد يقول كذا من وراج؟؟؟؟

اذا كنتي تشوفي قلبهم اسود ليش تركضي وراهم

خليهم بقلوبهم السودا وعيشي انتي بقلب ابيض ويياااااا كثر الصديقات تعرفي على غيرهم

اختي كبري مخج شوي .. لا تفرضي نفسج على الناس واذا ماقبلوج قلتي قلوبهم سودا

الرسول عليه الصلاة والسلام قال الأرواح جنود مجنده

اذا هم كثير تقربي من وحده أو ثنتين منهم الأقرب الى نفسج وخلي الباقي في حالهم

كل واحد حر في نفسه يحب اللي على مزاجه

ولا عاد تطلبي من احد يعملك خطط علشان تخلي فلانه تحبك وعلانه تبوسك وتحضنك لو شافتك

هالشي بيحطك في قبضة الشيطان وبتوصلي لمواصيل لا يحمد عقباها​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل