ابغى حلا لمشكلتي مشكلتي كثير صعب بليز ساعدوني

[ام البنفسج]

بسم الله الرحمن الرحيم

مشكلتي اكثير معقده واحس اني في دوامه ومش قادره اطلع منها واريد الي يوقف جنبي ويساعدني
اني عمري 28وعندي طفلين وكنت متزوجه والحين مطلقه لي 7شهور
مشكلتي بدت معي زوجي من تقصير وعدم الاستمرار في الوظيفه بس كنت صابره عليه عشان عندنا اطفال
وكان يحترمني عمري ماشفت منه الا كل خير وهو جنوبي غربي
كنت احاول اصلح حاله بكل الطرق واغير في نفسية
اكتشفت خيانه لي طنتش مره مرتين قلت نزوه وتعدي وبس ماقدرت اتحمل
واجهته في البدايه انكر بس واجهته واعترف وصارات بينا مشاكل وصارت حياتي متذبذبه
وكل مره تصير مشاكل بس كنت احسه عنده خوف يفقدني ويحاول يغطي على اخطائه
كذا مره يقولي خلاص ماراح اسوي هذي الشي لحد ماوصلنا لحد حس انه راح يخسرني
اشوف الدمعه بعيونه يقولي والله ماعرف ليش اسوي هذي الشي وقالي احس بنار لما اكون
جالس معاكي ماحس براحه ومااحب ارجع للبيت
هنا ان شكيت في الامر وحطيت يدي على صدره من غير مايحس اني جاعده اقري عليه
قريت وطالع فيني نظره وقالي شو جاعده تسوين خنقتيني
تأكدت انه في شي مش طبيعي وقلت ووافق انه شيخ يشوفه
بعدين رفض هذي الشي
صرت ادعي ربي انه يصلح حالنا وكنت كل مره اصلي استخاره انه لومافيه خير لي
نبعد من بعض حالتنا مره تتعب صارت امي تدعيلي لما راحت الحجه انه لو كان في شي فينا يفكه
سبحان الله كان في صديق الوالد يعالج بالقران جاء زياره لاهلي
وان كمان رحت عندهم بالصدفه كان اطفالي احس عليهم كأنه يشوفون اشياء وهم صاحين
ويبكون ويصرخ ماما في وحش وكلب يبي ياخذهم
سال والدي الشيخ وقال لازم اشوفها دخلت وسألني كم اسأله ايش احس فيه
قال فيكم شي ولازم تتعالجين انتي وزوج
زوجي في البدايه رفض بعدين وافق بس ماستمر بالعلاج تعالجت انا لوحدي
ولما سمعني الرقيه جلست ابكي اكثير واحس بنار في جسمي استمريت على علاجي
لكن مع علاجي صار مايقدر يجلس معي وتعب وماحد حس بتعبي والضغط الي صار علي
وكل ماكنت اقري البقره اسمع حد يختنق عندي واصوات
وصار مشاكل بيني وبين زوجي صار مهمل لي وعيالي ولا وظيفه يريد يروح لها
وانا كنت مصره انه يتعالج وخلاص ماعاد تحملت اخذت ملابسي ورحت بيت اهلي
لانه نفسيتي تعبانه واهمال زوجي لي والبرود الي يحسه تجاهي مع اني عارفه انه يحبني

بعد فتره طلبت انه نتقابل ونتفاهم على الي صاير بينا وفعلا تقابلنا وكنت احاول بكل الطرق

انه يصطلح الحال كنت اتنازل اكثير لاني احسه فعلا تعبان
في نفس اليوم الي طالعنا فيه قالي خلاص ماقدر اكمل معاكي وانا اسف
حاولت اقنعه ومافي وهو جالس يبكي والله مااريد اذيكي لا انت ولا اولادي

وجلس يبكي وعمري ماشفته بهذي الحاله قبل ماارجع البيت عند اهلي قبل راسي
وقالي سامحني وطلقني مع العلم انه نحنا الاثنين نحب بعض

جلست فتره وهو يتصل عشان يطمن على الاولاد ويجب الي ناقصهم وياخذهم
معاه وماقصر معاهم بشي ولا حتي معي
وبعد فتره اتصل وقالي بعدك تحبني انا اريد ارجعك بس اريدك تعطيني فرصه
ارتب اموري واتعالح بس كل مايجي يتعالج مايكمل
عطيته الفرصه انه يعدل كل اموره
وجلست فتره وخلصت عدتي حتي الشهر الي فات جاء البيت هو والده
وكلم والدي انه نرجع لبعض واتفقنا على كذا لاني حسيته بدا يتغير
واتفقنا انه خلاص اسبوعين برجع البيت وارتب اموري وعطاني المهر
وعلى هذا الاساس اتفقنا وكانا مره مرتاح وفرحان قبل ماارجع بيومين
جاء بيت اهلي قالي اني مااقدر ارجعك الحين حاس نفسي مش مرتاح
وهو جالس معي اشوف ملامح وجه تتغير ويتضايق قلتله ايش فيك
مارد بعد مااصريت عليه قال لي اشوف اشياء موجوده معانا بالغرفه الحين
وشكلها تخوفة وهي مستمره اشوفها دائما من يوم قررت ارجعك وطلب مني انه
مانرجع الحين واصبر عليه شويه لانه مايريد يتعبني معاه وانه نرجع لبعض ونحنا اقوى

تعبت كثير لاني كنت مرتبه نفسي وكنت فرحانه وقال بعد عيد الفطر ان شاءالله
كل شي بيتغير



حسيته بدا يتقرب مني اكثر واحس انه يحبني بصدق
ويسأل علي والعيال ومرتاحين


قبل يومين فاجأني بشي ماكنت اتوقعه منه
قالي انا ماراح ارتاح الا اذا اعترفتلك بكل شي سويته
عشان ابدي حياتي من جديد

اعترفلي انه يخوني على علاقه بوحده من فتره وحتى بعد طلاقي مستمره علاقته فيها
هنا ان انهرت ومعد صرت اتحمل اي شي اسودت الدنيا في عيني وكرهت كل شي
وانا صنته وحلفلي انه تركه من يوم عطاني المهر ونوى يرجعلي وعرف قيمتي
وقدري واني مااستاهل كل الي سواه فيني وانه لازم يعترف بكل شي
وانه كان يقدر يخبي علي بس مايرد يبدي حياته بغلط ومايريد يظلمني معاه
واهون عليه يخسرني وهو يقول الصدق ولا يخسرني هو يكذب علي ويخوني
واليوم راح اشوفه ويعترف لي بكل شي وبعدها اقرر اكمل معاه اولا


تعبانه حيل والدنيا سوده وفي وجهي ماتوقعت يطلع كل هذا الشي منه
واريد حد ينصحني لانه قال ان اريد اتوب
مش عارفه كيف اتصرف اتركه خلاص واعيش حياتي ولا اسامحه**

 

[ام البنفسج]

ياريت حد يساعدني
لاني بجد محتاجه النصح ما احدة
وحالتي تعبانه مره عيالي برقبتي وحتي طليقي
يقول لاتخليني وخايف يخسرني
وانا محتاره ومش عارفه شو اسوي
رحمتك يارب

 

[رندا كووول]

يالغاليه واضح ان زوجك صادق ف توبته واعترفلك بكل شيئ .واللي يسويه خارج عن ارادته .ربما كان مسحور .
.اعطيه فرصه ثانيه .وساعديه يكمل علاجه.وساعديه ع التوبه والتقرب لله ..لو تتخلي عنه حيمشي ف طريق الغلط ويكبروا اولادك ويلوموكي لانك ماسامحتيه بعد اعتذاره ..
وعليك بالدعاء والاستغفار والصدقه لو بالقليل بنية اصلاح احوالكم
ربي يهديه ويشفيه ويسخره لكم ..استخيري ربي يكتب لك الخير حيثما كان .

 

[ميمي البغدادي]

ياقلبي باين انة زوجك امسوالة عمل او عين لكن نصيحة لاتستسلمي وخللي عندك قوة ارادة حتى تعالجية

 

[أملي في خالقي]

هلا بام البنفسج

حبيبتي ربنا يهون عليك ويفرج كربك عاجل غير آجل

ارجعيله واضح أنه فيه سحر الظاهر ما بخوفك بس عليك بالبقرة استمري عليها 40 يوم

وخلاص من بعدها انتبهي لكل شيء وخليه قدامك يمسح كل شيء متعلق بعلاقته بهذي البنت

وأنتي غيري من شكلك كأنكم توكم متزوجين اصبغي وقصي واهتمي بلبسك عنده كثيييير

لاتطلقي عشان عيالك ترى الوحد مالها إلا زوجها

وممكن هذي فرصة لك كمان أنك تغيري من حياتك وتحطي شروط معينه عليه مثلًا يجيبلك شغاله تساعدك يحددلك مصروف أو تكملي تعليمك لأنه لازم تشغلي نفسك وما تحددي حياتك بزوج فقط

ولازم يكون توظف كيف بيصرف عليك وعلى عيالك وهو من دون شغل لاترجعي للبيت إلا اذا اشتغل واستمر أسبوعين

بس أوعديه أني راح أرجع عشا يهيأ نفسه

وممكن تقترحي عليه كمان تسافروا لأي مكان تغيروا جو مو شرط دوله خارجيه عشان تجددوا حياتكم

ربنا يهدي سركم ويسعدكم ويجعل حياتكم رغده وهنيه

وادعي ربك للي فيه الخير

 

[ام البنفسج]

اشكر كل من رد علي وخفف علي
ودعا لي بالخير

انا متأكده انه فيه سحر عشان نفترق
وانا مطلقه صار لي 7 اشهر
واليوم كلمني وقال لي لك مطلق الحريه في قرارك
وانا غلطان ومااستاهلك بس اريدك تقدرين اعترافي لك وشجاعتي اني اعترف لك بكل شي
مع اني اقدر اخبي عليك ونرجع لبعض بس ضميري تاعبني ولازم اقول لك كل شي
وهو الحين متوظف وعنده وظيفه وكويسه
بس انا مش قادره انسى الي سواه فيني وفي نفس الوقت مش عاوزه اظلمه
ويرجع للي كان فيه
افكاري متذبذبه وتعبانه كثير جرح كبير في قلبي

 

[ام صبا الاموره]

الله يكون بعونك يد وحده ماتصفق بس من توكل علي ربه ماخاب

 

[ام البنفسج]

اريد حد يساعدني كيف اقوله
واسامحه لكن من غير مايحس انه انا بسامح كل مره ويستسهل الامر

وايش اشطرط عليه

 

[عزتي فيه]

شوفي قلبو احس ماينفع ترجعي ذحين لانو الادمي قلبو مو عندك فراح ترجع مشاكلكم ونفرتو منك
بس استخيري ترجعي والا لا
مشكلة الجنوبي الغربي ماتعرفي صدقو من كذبو من كثر الاكششن اللي يسوويه والله بس الله يفرج همك

 

[يالوردي]

شروطك يستمر بعمله
مبلغ وقدره
وتعلميه ان هذي اخرفرصه له بي اي غلط منه
قولي رديت عشان اطفالي
والشرط الاهم علاجه مايقعدكذا من دون علاج..

 

[الاميرة ميرال]

اسال الله ان يفرج همك همي حبيبتي ممكن زي ما قالوا لك البنات انه مسحور انتي اعطيه فرصه اخيرة وعليك بالدعاء والاستغفار وسورة البقرة وشوفي الله يكتب لك الخير دائما

 

[ميوره الاموره1]

قصتك مشاااابه لقصتي بالمرررررررررره طليقي كان بيرجعني كذا مره بس ماقدر صاااااار تحت سيطرتها حسبي الله ونعم الوكييل
لطالما هو معاها انتبهي
امااااانه عليييييييكي لاترجعي له الا انتي ع يقيييين انه تعاااااالج تمااااااما
نصييحه نصيييحه لانك راح تنضريين لاقدر الله انتي واولادك

طليقك مسحور تماما مثل طليقي ويكدب كثيير عشان مايزعلك وهو مو من نفسه لانه مو قادر ويخاف ع مشاعرك اتاكدي انه يعاالج ويروح العمره والحرم ويصلي هداك الساعه اتوكلي ع الله وارجعي له والله العظييم عن تجربه انتي طلبتي المشوره وهذه نصييحتي لكي وان شاء الله ربي يكتب لك فيه الخير

 

[امل لايموت]

زوجك مسحوور عالجوة قبل مايذبح نفسه

 

[ماتبينه م عيوني]

الله يفرج همك

ويزيل غمك

وينزل عليك وعلى زوجك رحمة وشفاء عاجلا غير اجلا