ابغى حـــــــــــــــــــل!!!

حبيبتي انتي ليش ماقلتي لاهلك
هوطلب منك ماتقولين ؟؟؟

احسه مو من صالحك لوصار اشكاليه بشي
مستقبلا" راح ينحرج الوالد لان زوجك
بيقول كانت تدري بوجود خواتي قبل ؟؟
وبالعكس اكيد انك تحين اهله بس من حقك
ياقلبي تاخذين راحتك وانتي عروووس وما
تكونيين مرتبطه بغير زوجك ......

مادامك متضايقه من هالموضوع انصحك
تريحي نفسك وتكوني صريحه بس بذووق
مبرروك مقدما" الله يسعدك ...
 
حبيبتي انا فاهمه موقفك


اعلمك وش تقولين لزوجك



قولي انا استحي ..مرره مدري وشلون ابقابل اخواتك واعيش معهم شايله هم لاني استحي مرره


وهو بيبدا يهون عليك



ثم فصي عليه قصه خرافيه من تاليفك عن موقف صار لك وانتي نايمه عند ناس يقربون لك وكيف كنتي مستحيه وزي كذا ..وان شالله يفهمها
 
السلام حبيبتي
كيفك اليوم؟
حبيبتي قلتي ان زوجك تضايق من شرط السكن فبيت مستقل هذا دليل انه ناوي يسكن خواته من زمان عشان كذا هو الحين يستغل حيائك منه لكن عادي من الحين قوليله انك فكرتي بالموضوع وانك ماتبغين هذا الشي بغض النظر عن الاسباب قولي حنا شرطنا وخلاص وخليك جديه وقولي لابوك انك متضايقه من هذا الشي عشان يعدل الوضع قبل الزواج لانه يختبرك بخواته واذا وافقتي على هذا الشي شوي شوي بيخليك تتنازلين عن حقوقكوياليت تعتزين قدامه بابوك عشان يخاف منك وشكرا
 
مع احترامي لزوجك مو من حقه ينتقد ويزعل لانك شرطي ووافق عليه اسمعي الكلام اذا تنازلتي من الاول ماراح ينفع بعدين ممكن تبيني له بطريقة انه اهلك وجماعتك متعودين بسكن بناتهم لحالهم وانه انتي والدك شرط بكذا لانه هذا طبعكم ولازم تعطي خبر لابوكي من الاول انه حيجيب اخته عشان بعد كده لما لا سمح الله لو حصل مشاكل لايقول ما اعطيتيني خبر وعادي بيني لزوجك انك تحبيهم واصلا لسه ما في شي يدعي انك تكرهيهم بس شرطك انه تسكنس لحالك لاتتنازلي ابدااااا
 
جود الحزن 11
حبيبتي الله يسعدكم ويوفقكم ويخليكم لبعض ويسخركم لبعض يارب العالمين
معليش حياتي تحملي أخت زوجك اللي جايه تدرس وخصصي لها مكان كذا بالبيت عشان تاخذ راحتها
وانتي خلي امورك واغلب جلستك وسوالفك مع زوجك بغرفة نومكم أحسن لك { واتفقي معاه من اللحين اذا يبي شيء منك يكلمك لوحدك مايطلب قدام احد ومن هالامور}
أما صراحه بالنسبه لأخته اللي بس جايه كذا { والله من رأي مالها داعي أنتي ماراح تاكلين أختها أو تلعبين عليها أو تظلميها حتى لأن أخوها{زوجك} عندها وراح ينتبه لأخته}
كلمي زوجك بحب وهدوء وعقلانيه أنك بس متقبله أخته اللي جايه تدرس وبس والثانيه مالها داعي { بيني له أنك يادوب بادين حياتكم واجمل اللحظات بداية الحياه وانه أخته الاولى راح تنشغل بدراستها أما الثانيه ماعندهاشيء وش بتسوي عندك} حددي موقفك من البدايه وحتى أنتي خلي لك رأي هذا بيتك كمان....
وأرجع وأقول حبيبتي بالتفاهم كل شيء يصير والله العظيم...
أختي أعذريني طولت عليكي بالكلام,,,يشهد علي ربي أتمنى السعاده لكل الناس كبير وصغير,,,
{{{دعواتك حياتي لي الله يفرج همي يااارب}}}
 
السلام عليكم

يشهد علي ربي اني من شفت ردودكم

حسيت ان عندي خوات قلوبهم معي بس ماشوفهم ولا اسمعهم

(الله يهــوّن عليكم كل صعب ويفرج عنكم كل هم وكرب)


اطمنكم امس كلمني زوجي وقال انه استأجر الشقه خلاص بس انها 3 غرف

انا استغليت الوقت وقلت له الغرف ماتكفي وخواتك بيجون وش بتسوي؟لازم تشوف شقه اكبر,,

قال لي احتمال مايجون,,حسيت انه يبي يسكتني,,بس هالشي عطاني امل شوي

والله اني احب اهله كلهم رغم اني مااعرفهم,,بس اخته لو جتني بعد سنه من زواجي وربي العين اوسع من البيت
لكن تجي بعد زواجي على طول وربي مااتخيل,,بالذات اني بسكن في مدينه بعيده عن اهلي,,يعني لو ماتكلمت من الحين احس ان مافيه احد بيوقف جنبي
لكن
الله ييسر كل معسر ويكتب اللي فيه الخير​
 
اتمنى لك التوفيق من اعماق قلبي .....وخوذي بنصيحه البنات.......واحب اشير االنقطه انك بتسكنين بمنطقه غير منطقه اهلك واشوف انك مستصعبه الموضوع.......تطمني حبيبتي الوضع بيصير احسن وعلاقتك بزوجك بتصير قويه بعيد عن اهله واهلك وانا اقولك الكلام هذا عن تجربه ..لي سنه منتزوجه وساكنه بمنطقه غير منطقه اهلي والحمدلله مرتاحه وتصدقين ان زوجي طالب نقل وانا ما ودي يجي النقل ...لان الزوج اذا صار عند اهله نفسيته تتغير وكل شي يتغير ..فرررررررق عن اذا كان بمنطقه غير...تقبلي مروري مع تمنياتي لك بحياه سعيده
 
كل بنت تحب يكون لهااا استغلاليه وشلون اذا كنتي عروس الله يعينك بغض النظر عن الحب والكره ولو كانو اخوات زوجك بمكانك رح يقولون مثلك
بس لا تستعجلين ربك بيفرجهااا يمكن يتزوجون لا تستعجلين اكسبي زوجك اللحين وبعدين يحلهااا ربك ماتدرين شيصير
 
الحمدلله انهم ماراح يسكنوا معاكي بس برضه لازم تنتبهي يمكن يسكتك , وتكرري انك تحبي تعيشي بلحالك وهذا اهم شي عندك بالحياة يعني تقوليلوه هي بطريقة غير مباشرة عشان تعرفوا تستمتعوا مع بعض وشوقيه وقوليله عشان راح تشوف الدلع والحركات والليالي الومانسية وهكذا والله يوفقك
 
معليش اخواته عل عيني وراسي بس من بداية الزواج مره مالها داعي والله لوتسحب سنه ولا ترم...عيب بصراحه هادي احلى ايام ... وبعدين المنطقه مو بعيده ساعه ماهي شي انا في الجامعه كل زميلاتي من برا جده مشوار كل يوم وعادي مبسوطين... يعني مافي سبب مقنع حتى للاولى اما الثانيه اللي يهديها جايه لغرض عزول بس مره مالها داعي جيتها...
 
حبيبتي صح بيكون لك أجر إنك ساعدتيها تكمل دراستها لكن فعلا والله من بداية الزواج مره صعبه كلمي زوجك بوقت مناسب واشرحي له الوضع قولي له هذي احلى ايآمنا مع بعض ولها طعم غير ومحتاجه خصوصيه كبيره عشان نقدر نفهم بعض وننسجم وانا والله احط اهلك بعيوني لكن اعطيني فتره توني عرووسه ابي اكون معك بروحنا على الاقل الشهور الاولى بعدين الله يحييهم سنوات الدراسه كلها بعيوني ولازم بعدين تفهمينه لا جوو عندكم يكوون في خصوصيه بعلاقتكم ومماحد يعرف ولا شي عن حياتكم انا والله حاسه فيك يعني العروسه تبي تتدلع وتاخذ حريتها وتلبس قصير وتستقبل زوجها وتودعه بضمه وقبله تخليه يتعود عليها تبي تاخذ حريتها بكل ركن في البيت يعني من البدايه مالها داعي المجامله بس قولي له بطريقه حلوه تخليه ما يزعل من كلامك او انك ماتبين اهله والله يحنن قلبه عليك يارب وبعدين واالله انااشوفها قلة ذوق صراحه من ناحية اهله يعني عروسه شلون يعيشون معها الله يهديهم
 
انا فاهمه شعورك وتفكيرك لكن لاتستبقين الاحداث وانتي ماتعرفين اطباعهم وشخصياتهم 00افهميهم وافهمي طبائعهم 00وتعاملي معهم بنيه صافيه واحتفظي بخصوصياتك وابتعدي عن المجاملات لان المجاملات دائما تحرجك وتطلعك عن طبيعتك وتبدين تتصرفين وانتي غير مقتنعه ومجامله على مجامله وموقف على موقف تتراكم ثم يبدا المشحنات وتتراكم
ويصير انفجار ومشاكل ويبدا زوجك محتار بينك وبين اخواته

لذلك ضعي لك برنامج معين تديرين فيه حياتك مع اخوات زوجك بذكاء وحكمه00ويكون مبني قوامه على التفاهم والمصارحه00

واخيرا لابد ان تفهمين ان الوضع هذا وقتي ومحدد بزمن معين ولاتدرين عن الايام 00لذلك لاتكبرين الموضوع ويصبح مشكله تقلقك وانتي في بداية حياتك الزوجيه وتؤثر على علاقتك بزوجك 00وبعدين ماتدرين يمكن يرزق الله اخوات زوجك بالزوج 00ادعي لهن بالزوج الصالح ذو الخلق والدين00
 
اختي من جد الحمدلله انهم ما رح يجو بس زي ما قالو الاخوات يمكن يسكتك صراحة ادا هم اخوان ويتضاربو ما بالك اهل زوج صراحة لاززززززززززززم تكلمي زوجك من البداية عشان ما تدخلي في مشاكل ويقول انت رضيتي كلمية انك غيرتي رايك وفكرتي انك ما تاخدي راحتك وخلي اهللك علي علم عشان ما يلوموك حتا اختة الاتبي تدرس خلية يدبرها هو مو مشكلتك لو ملحق المهم ما تدخلي بي مشاكل منجد كثر الاحتكاك يولد مشاكل بيت شرعي يعني بيت شرعي مو علي الورق خلي الامور واضحة من بدري بلاش مجاملات تجر مشاكل زيارة علي عيني كم يوم برضة علي عيني هو يستحمل اهللك معاك لا بلا كلام فاضي علي العموم الله يسعدك والف مبروك
 
البنات ماقصروه ونا معاهم بالعكس ياليت خوات زوجي يجون يسكنون عندي وناسه بقوي علاقتي معاهم وبحاول اكسبهم وبعاملهم مثل خواتي وذا هم يغارون هذا معناته ان زوجك مدللهم وقل اهتمامه فيهم وبحاول اكسر هالحاجز وبالاخير انتي الكسبانه انتبهي اذا كرهوج بتخسرين السعاده لان الزوج اذا اهله مارضوه عن زوجته لو يموت فيها مابيعرف كيف يسعدها او بيحس بالنقص وهذي البدايه ومن قالج الريال اذا مرته ماطبخت عادي اوغيره ترى هذي بتكون نقاط ضدك حاولي تسوين واجباتك ويمكن يساعدونك
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل