ابغى افكاركم ياحلوات !!

[سما الخير]

السلام عليكم ورحمة الله وبركاته ,,مساكم عطر يابلقيسيات
انا بصراحة اول مره اكتب في المنتدى بس لاني لاحظت فيه مبدعات كثير
حبيت انكم تفيدوني بافكاركم المميزة
ابغى اهدي لزوجي الشمالي الغربي بمناسبة مرور 11 سنة على زواجنا بس ماني عارفه وش اجيب السنة هذي لاني تقريبا استنفذت افكاري خلال العشر سنوات الماضية
وش تنصحوني فيه جزاكم الله خير وسخر لكم قلوب ازواجكم

 

[الجده الصغيره]

اللهم سخر لها زوجها واجمع قلبيهما على طاعتك....مشكلة الهدايا الرجاليه محدوده ومكرره...

 

[ادمنتـ حبكـ k>>]

امممم حطي له بووكس فيه عطوراات منووعه من العربيه والفرنسيه وها السواالف وفي نصها سااعه وبكس صغير فيه باتشي واحجززي في فندق برووحكم ^^ ..

انشاا الله البناات يفيدوونج ااكثرر ها الي سوويته في اوول عيد زوااج لي ^ــ^ ..

 

[خارج السرب]

طيب وش ميووول زوجك وش اهتماماته
اممم
ووشو اكثر شي يلفت انتباه زوجك في الاشياء اثاث ولا ادوات ولا اي شي يشوفه بالاعلانات
عشان تكون هديتك مميزه وبجد تسعده
شوفي هو وش اللي يحبه
من الاخير
سولفي لنا عن زوجك >>> فاضيه ههههههه

الله يسعدكم ويهنيكم ببعض

 

[تشكرات]

الله يوفقكم ويسعدكم ويبعد الشيطان عن حياتكم قولي آمين ....هذه مقدمه لما هو قادم هههههههه وأستعدي لأفكار تشكرات الخارقه هههههههههه ( مادح نفسه كذاب ) هههههههه ...شوفي عيوني بما انك قدمتي له الكثير من الهدايا طيلة هذه السنوات والآن محتاره ماعليكي الا ان تقدمي له هذه المره شيئآ مميزآ وهو >>>>> أعزميه على ( مفطح حاشي ) ايه مفطح حاشي ولا تتعجبي من كلامي >>>>أغلب الرجال يموتوا على المفطحات وبالذات في هذا الجو البارد >>>>>تعطيهم طاقه وقوه ....والمثل يقول ( أقرب طريق لقلب الرجل معدته )) وربنا يوفقكم ..

 

[*..الحلوة..*]

انا اقول احلى هدية تهدينه اكسسوارات للسيارة مثلا طاولة اكل للسيارة ولا حامل للنظارة ولا مكنسة السيارة يعني اشياء غريبة ومفيدة

 

[سما الخير]

الجدة الصغيرة ,,جزيت خيرا ياغالية وجعلك من سكان الفردوس الاعلى ,اااامين

 

[سما الخير]

ادمنت حبك ,,تسلمن يالغلا افكارك روعة بس مشكلة الفندق ان عندي بنت عمرها 3 سنوات وابوها يموت عليها لايمكن يتركها وهي ماشاء الله عليها حقت سهر اذا ابوها معاها

 

[ام مصعب]

شماغ جوراب بجامه شتويه كيكه وحطيه عليه كل سنه واحنا مع بعض

 

[وهم79]

يالغاليه برغم ان الشمالي الغربي ما تهمه الهدايه لكن ممكن
عطر
معطر لسيارته
نظاره شمسيه
قلم
عشا في مطعم او سهره حلوة
مساج وليله حلوة
شي عملي تخبري الشمالي الغربي انسان عملي بحت
ورح اعطيكي رابطه لموضوع روعه عن الشمالي رح يفيدك بالاشياء الي يحبها

http://www.niswh.com/vb/showthread.php?t=283761

 

[سما الخير]

خارج السرب ,,ياعزيزتي تبغين اسولف عنه معناته حتطول السالفة
هوه يحب التقنية بشكل فظيع بس المشكلة ماخلا شي من التقنية ماشراه
انسان عملي يحب سياراته كثير ويحب السفر ومبدع في المفاجات عشان كذا ودي افاجأه المرة ذي بهديه مايتخيلها

 

[سما الخير]

تشكرات .والله الفكرة مرررررررررررة خطيرة بس ماكأنها مكلفة شوي ؟

 

[سما الخير]

الحلوة ,,,افكارك حلوةبس من فين اجيب هذي الاكسسوارات

 

[سما الخير]

ام مصعب ,,الله يوفقك ويجزاك عني خير الجزاء

 

[خارج السرب]

اممممم

ماادري انا مااحب الهدايا التقليديه
احب شي يفررررح
طيب
وش رايك تروحي نبشين في اشياءه القديمه >>> مو اللي عنده
عند اهله مثلآ صووور قديمه له او لاصدقائه وهم صغار
او شهادة من حقات الابتدائي
دفتر قديم له
اذا زوجك من النوع اللي يحب هالاشياء >>> يعني دايم يتذكر

ههههههههههههه
اعرف اني شطحت بس انا ماعرفت ابتكرلك شي من اللي ذكرتيه عن زوجك
قلت نشوف الاشياء القديمه
خبرينا اذا رسيتي على بر >>> تحب تمشي مع الموضوع لنهايته ههه

 

[سما الخير]

وهم 79 ,,مشكورة يالغلا
انا بالعكس احس ان الشمالي الغربي يحب الهدايا بس هومو من النوع اللي يبدي مشاعره بشكل مباشر
بس والله اي حركة حلوة تسوينها معاه ينبسط ويرد عليك لكن بطريقة عملية يعني مثلا اليوم الثاني يطلعك او يرتب لسفرية حلوة وغير ذلك من الردود العمليةوالمفاجات السارة

 

[سما الخير]

غاليتي خارج السرب,,اشكر لك تفاعلك جزاك الله خيرا اوعدك ان شاء الله اذا الله كتب لنا عمر اقول لك وش سويت ,,لان ذكرى زواجنا اخر الشهر

 

[سما الخير]

شكرا لكم ياأجمل بلقيسيات من جد انكم رائعات تفاعلكم حسسني بجميل اخوتكم
على فكرة انا بنت وحيدة بين اولاد عشان كذا افتقد مشورة الاخت وابحث عنها دائما
الله يخلي لكم اخواتكم ترون الاخت نعمة عظييييييييمة ,,
سوف اذهب لصلاة العشاء ولي عودة معكم ان شاء الله

 

[تشكرات]

تشكرات .والله الفكرة مرررررررررررة خطيرة بس ماكأنها مكلفة شوي ؟

حبيبتي سما الخير ...أطلبي من أي مطعم مميز بكذا شغلات وخلي الطلبيه لشخصين فقط ...اذا انتي سعوديه >>>>>بتكلفك 200 ريال ...وسوي بجنبها كم نوع من السلطه اللي يحبها زوجك وأتفنني فيها ....وسهره سعيده ...

 

[رهف ورهش]

السلام عليكم
الله يخليكم لبعض........ عندي فكره تحجزين تذكرتين لاي دوله قريبه مثل دبي او قطر او البحرين والاهم يكون حجزج للفندق يعني مثلا اذا البحرين عندج العرين واذا دبي عندج فندق وستن واذا قطر عندج منتجع الشرق .... والخطوه الثانيه انج تجهزين جنطتكم من غير ما يدري وتحطينها بالسياره من غير مايدري يعني يكون نايم او يتغدى ..الخوبعدين تطلبين منه يوديج للمطار واختاري العذر اللي تبينه : اما عشان انتي حاجزه جنطه ماركه واتصلوا عليج عشان تستلمينها او تعزمينه على الغدى بالمطار او.....الخ....واذا وصلتوا للمطار قوليله ادخل مواقف المسافرين بيسالج ليش احنا مو مسافرين فاجئيه بالتذاكر وطبعا العيال تكونين مضبطه مع والدتج او اختج او اللي بتخلينهم عندها وتوصين عيالج اذا هم كبار وانهم اذا صاروا مؤدبين راح تجيبيلهم هدايا حلوه........................واتمنى تكون فكرتي اعجبتكم ولاتقولون مستحيله لان ماكو شي مستحيل وخصوصا ان كل شي راح يكون مع زوجج حلالج وبعدين كل وحده ادرى بوضعها مع زوجها وطبعه.............................
وياريت تزودينا بافكارج اللي سويتيها يمكن نكون احنا ما سويناها عشان الكل يفيد ويستفيد .........نقدر نخلي هذا الموضوع حق الهدايا والمفاجات