معلومات سونيا الأردن
ابشركم يا بنات ولدت وكانت قصة ولادتي عجيبة
احلى مسا وصباح على كل الكروشات والملكات والاميرات بمملكة بلقيس الغالية
ولدت يوم 26 \10 والحمدلله والله رزقني بنوته زي القمر ولله الحمد بس كانت قصة ولادتي عجيبة غريبة راح احكيلكم اياها بالتفصيل
يوم 25 \10 صحيت من النوم دخلت الحمام الله يعزكم لقيت افرازات مخاطية بس ما أخذت بالموضوع وبعدها صرت أحس بمغص يجيني كل نص ساعة بس كان خفيف المهم اتصلت بوالدتي وحكتلي احتمال يكون طلق وانا بالعادة ما بيجيني طلق حامي طلقي بارد بس منتظم المهم قررت انو اصبر على حالي نظفت بيتي وطبخت ودرست اولادي وحممتهم وإجا زوجي من الشغل وتغدينا وانا حاسه بنفس الالم وما خبرت زوجي غير لما تغدى وصلى المغرب حكيتله انا عندي وجع احتمال يكون طلق حكالي بنصلي العشا وبنروح على المستشفى المهم صلينا ورحنا على المستشفى وتركت اولادي عند اهل زوجي وانا قلبي بيتقطع عليهم لانو ابني الكبير كانت حرارته مرتفعة وابني الصغير صار يبكي المهم وصلنا المستشفى بعد عناء من ازمة السير وانتظرت شوي لبين ما دخلت غرفة الفحص ولما فحصتني الدكتورة حكتلي عندك توسع 3اصابع ولازم تدخلي لأنك في حالة المخاض وعمل زوجي اجراءات الدخول وخبرت اهلي ودخلت المستشفى وحطوني بغرفة خاصة للطلق وحطولي جهاز قياس الطلق ونبض البيبي كانت الساعة 8 مسا تقريبا وكانت الدكتورة تيجي تفحصني كل ساعة تقريبا تحكيلي التوسع ما زاد وكان نظام المستشفى ما بيسمح بالطلق الصناعي بالليل حتى ما يزعجوا الدكتور المولد ويجيبوه بنص الليل المهم مر هذا اليوم ونام زوجي عندي بالمستشفى وعلى الساعة 2ونص بعد نص الليل جت الممرضة اعطتني مسكن حتى انام وفعلا نمت ساعة وصحيت على طلقة كانت قوية بس محتملة وبعدها ما عرفت ارجع انام وكل شوي انادي الممرضة علشان تنادي الدكتورة تفحصني واجت الدكتورة وفحصتني حكتلي انو التوسع لسا 3اصابع طبعا فكري صار يودي ويجيب وبلشت اخاف وعلى الساعة 8 الصبح اجت الممرضة وخبرتني انو راح يحطولي طلق صناعي وعلى 8 ونص حطولي اياه وبلش مفعوله يسري بجسمي وبلش الوجع الحامي الله يهونها على كل الحوامل يارب ضليت بالطلق الصناعي واصرخ من الوجع وادعي ربي انو الله يهونها علي المهم اجت الدكتورة فحصتني حكتلي انو التوسع صار 4 اصابع انفرجت شوي وحكيت بداية منيحة وبعد ساعة رجعت فحصتني حكتلي انو التوسع لسا 4 اصابع عصبت ونرفزت على الدكتورة وحكتلها انا مش قادرة استحمل الوجع فحكتلي الحل هو القيصرية انا انصدمت من ردة فعلها وطلعت الدكتورة من هون وانا حسيت نفس بدي ادخل الحمام الله يعزكم ما وافقوا ينزلوني اجت الممرضة وسحبتلي بول من المثانة وبعدها سمعت صوت زي البالون لما بينفجر ونزلت مية الراس انا اول مره بشوف كانت كمية كبيرة وبعدها اجت الدكتورة وفحصتني حكتلي التوسع صار 5 اصابع فرحت كانت الساعة 10 تقريبا وبعد ربع ساعة حسيت بالدفع وحكيت لاهلي الموجودين معي ينادوا الدكتورة حاسة اني راح اولد ما رضيت الدكتورة وحكتلهم انو من راس البيبي بيضغط لس ما صار الوقت انا انجنيت واجتني طلقة صرخت فيها هزيت المستشفى هز لدرجة انو الممرضات والدكتورات تجمعوا عندي بالغرفة وكشفت علي الدكتورة كان راس البيبي مبين وعلى طول نقلوني على تخت الولادو والدكتورة بتحكيلي ما تدفعي بدها توصلني لغرفة الولادة وطلعوني من الغرفة ودخلوني المصعد الكهربائي واجتني الطلقة اللي صرختها كانت اعلى من الصرخة الاولى اللي نزل البيبي فيها يعني انا ولدت بنتي بالمصعد الكهربائي وقصولها الحبل السري بالمصعد وبعدين اخذوها على الحاضنة وانا نزلوني على غرفة العمليات حتى تنزل الخلاصة وينظفوني وانا سامعة الدكتور المولد بيبهدل الدكتورة اللي كانت تفحصني لانها السبب بولادتي بالمصعد وانا احكيلهم بدي بنج ما حدا يمد ايده علي بدون بنج وفعل بنجوني وبعد نص ساعة طلعوني على الغرفة وجابولي بنتي علشان احضنها وارضعها والحمدلله كانت 16 ساعة من المعاناة بس والله العظيم لما شفت بنتي نسيت كل الالم وعلى فكرة سميتها لين
وسامحوني اذا طولت عليكم وسامحوني اذا الافكار مش مترابطة بس بسرق الوقت سرقة على نومة لين الله يخليها ويحفظها .
ولدت يوم 26 \10 والحمدلله والله رزقني بنوته زي القمر ولله الحمد بس كانت قصة ولادتي عجيبة غريبة راح احكيلكم اياها بالتفصيل
يوم 25 \10 صحيت من النوم دخلت الحمام الله يعزكم لقيت افرازات مخاطية بس ما أخذت بالموضوع وبعدها صرت أحس بمغص يجيني كل نص ساعة بس كان خفيف المهم اتصلت بوالدتي وحكتلي احتمال يكون طلق وانا بالعادة ما بيجيني طلق حامي طلقي بارد بس منتظم المهم قررت انو اصبر على حالي نظفت بيتي وطبخت ودرست اولادي وحممتهم وإجا زوجي من الشغل وتغدينا وانا حاسه بنفس الالم وما خبرت زوجي غير لما تغدى وصلى المغرب حكيتله انا عندي وجع احتمال يكون طلق حكالي بنصلي العشا وبنروح على المستشفى المهم صلينا ورحنا على المستشفى وتركت اولادي عند اهل زوجي وانا قلبي بيتقطع عليهم لانو ابني الكبير كانت حرارته مرتفعة وابني الصغير صار يبكي المهم وصلنا المستشفى بعد عناء من ازمة السير وانتظرت شوي لبين ما دخلت غرفة الفحص ولما فحصتني الدكتورة حكتلي عندك توسع 3اصابع ولازم تدخلي لأنك في حالة المخاض وعمل زوجي اجراءات الدخول وخبرت اهلي ودخلت المستشفى وحطوني بغرفة خاصة للطلق وحطولي جهاز قياس الطلق ونبض البيبي كانت الساعة 8 مسا تقريبا وكانت الدكتورة تيجي تفحصني كل ساعة تقريبا تحكيلي التوسع ما زاد وكان نظام المستشفى ما بيسمح بالطلق الصناعي بالليل حتى ما يزعجوا الدكتور المولد ويجيبوه بنص الليل المهم مر هذا اليوم ونام زوجي عندي بالمستشفى وعلى الساعة 2ونص بعد نص الليل جت الممرضة اعطتني مسكن حتى انام وفعلا نمت ساعة وصحيت على طلقة كانت قوية بس محتملة وبعدها ما عرفت ارجع انام وكل شوي انادي الممرضة علشان تنادي الدكتورة تفحصني واجت الدكتورة وفحصتني حكتلي انو التوسع لسا 3اصابع طبعا فكري صار يودي ويجيب وبلشت اخاف وعلى الساعة 8 الصبح اجت الممرضة وخبرتني انو راح يحطولي طلق صناعي وعلى 8 ونص حطولي اياه وبلش مفعوله يسري بجسمي وبلش الوجع الحامي الله يهونها على كل الحوامل يارب ضليت بالطلق الصناعي واصرخ من الوجع وادعي ربي انو الله يهونها علي المهم اجت الدكتورة فحصتني حكتلي انو التوسع صار 4 اصابع انفرجت شوي وحكيت بداية منيحة وبعد ساعة رجعت فحصتني حكتلي انو التوسع لسا 4 اصابع عصبت ونرفزت على الدكتورة وحكتلها انا مش قادرة استحمل الوجع فحكتلي الحل هو القيصرية انا انصدمت من ردة فعلها وطلعت الدكتورة من هون وانا حسيت نفس بدي ادخل الحمام الله يعزكم ما وافقوا ينزلوني اجت الممرضة وسحبتلي بول من المثانة وبعدها سمعت صوت زي البالون لما بينفجر ونزلت مية الراس انا اول مره بشوف كانت كمية كبيرة وبعدها اجت الدكتورة وفحصتني حكتلي التوسع صار 5 اصابع فرحت كانت الساعة 10 تقريبا وبعد ربع ساعة حسيت بالدفع وحكيت لاهلي الموجودين معي ينادوا الدكتورة حاسة اني راح اولد ما رضيت الدكتورة وحكتلهم انو من راس البيبي بيضغط لس ما صار الوقت انا انجنيت واجتني طلقة صرخت فيها هزيت المستشفى هز لدرجة انو الممرضات والدكتورات تجمعوا عندي بالغرفة وكشفت علي الدكتورة كان راس البيبي مبين وعلى طول نقلوني على تخت الولادو والدكتورة بتحكيلي ما تدفعي بدها توصلني لغرفة الولادة وطلعوني من الغرفة ودخلوني المصعد الكهربائي واجتني الطلقة اللي صرختها كانت اعلى من الصرخة الاولى اللي نزل البيبي فيها يعني انا ولدت بنتي بالمصعد الكهربائي وقصولها الحبل السري بالمصعد وبعدين اخذوها على الحاضنة وانا نزلوني على غرفة العمليات حتى تنزل الخلاصة وينظفوني وانا سامعة الدكتور المولد بيبهدل الدكتورة اللي كانت تفحصني لانها السبب بولادتي بالمصعد وانا احكيلهم بدي بنج ما حدا يمد ايده علي بدون بنج وفعل بنجوني وبعد نص ساعة طلعوني على الغرفة وجابولي بنتي علشان احضنها وارضعها والحمدلله كانت 16 ساعة من المعاناة بس والله العظيم لما شفت بنتي نسيت كل الالم وعلى فكرة سميتها لين
وسامحوني اذا طولت عليكم وسامحوني اذا الافكار مش مترابطة بس بسرق الوقت سرقة على نومة لين الله يخليها ويحفظها .
اسم الموضوع : ابشركم يا بنات ولدت وكانت قصة ولادتي عجيبة
|
المصدر : الحمل والولادة
