ابشركم رجعت لزوجي بس يا فرحة ما تمت شكلي بتطلق من جديد

[المواجهه]

الان ابدئي حياة جديده واشغلي يومك بقراءة القرآن والاستغفار والدعاء في كل وقت وقوي شخصيتك امام زوجك ولاتنسي الصبر لان بيجي يوم ويتغير بيكون احسن بس اصبري والحي بالدعاء والله بفرج همك وهم المسلمين

 

[المواجهه]

الان ابدئي حياة جديده واشغلي يومك بقراءة القرآن والاستغفار والدعاء في كل وقت وقوي شخصيتك امام زوجك ولاتنسي الصبر لان بيجي يوم ويتغير بيكون احسن بس اصبري والحي بالدعاء والله بفرج همك وهم المسلمين

انا مع الاخت مئة بالمئة

 

[&الماس&]

البنات ماقصروا ... لكن اريد أأكد على الاستغفار والدعاء بأستمرار .... ننتظر تكملة قصتك... الله يفرج همك ويصلح حالك يارب.

 

[ام الرشد]

هذا هو الكلام السليم

الجأي الى رب العالمين يا ابنتي

استغفري كثيرا بنية ان ربي يحنن قلب زوجك عليك ...1000 ...2000 مرة في اليوم واذا تقدرين اكثر

وانت تشتغلين وانت جالسة وانت تتحركي ...الهجي بالاستغفار

على طول خلي على لسانك الاية الكريمة (امن يجيب المضطر اذا دعاة ويكشف السوء)) ربي انا المضطرة وانت المجيب ...استجب لي دعائي

الهي ...امرتنا بالدعاء وضمنت لنا الاجابة ..هأنا يا الهي ادعوك كما امرتني ...فاستجب لي كما وعدتني انك لا تخلف الميعاد

تصدقي يوميا بما تيسر منك بنية ان ربي يفرج همك

اخواتي البنات .... لا تلومونها انها بكت تحت رجله

هي موقفها ضعيف و صعب .... تبغونها تكابر ؟؟؟؟

هي غلطت ....وهذا نتيجة غلطها لازم تتحملها

يا ريت البنات يتعضون ...

ويا ريت الاهالي ينتبهون ...اذا البنت ما حصلت على الحب والحنان والرعاية من الابوين

وين تروح تعوض ؟؟؟

في بنات ربي هاديهم ...تعوض النقص في الدراسة ...في هواية مفيدة

لكن في بنات ايمانهم ضعيف ....تلجأ للحرام

عزيزتي مليار ....انت تبتي ...وهذا امتحان ...انتبهي لنفسك

لا تضعفين وتقولين بروح ادور الحنان عند احد غير زوجي

انت جربتي الخطا و وش نتيجته

الان لو تكرري الغلط نفسة ...راح تكون نهايتك

انت الان ام و زوجة ...وذنبك لن يغتفر

انتبهي لنفسك

وجهي حبك لله الواحد المنقذ

وجهي حبك لابنتك

واعتبري ما تمرين به تكفير لذنوبك

عزيزتي ...احنا كلنا معك ...فضفضي ...وكلنا اذان صاغية

وربي معك

صح لسانك عنقود عنب وانتي يا مليار اله يكون في عوونك والله حاسه فيييج:no:

 

[نورالهادي]

ننتظر تكملة قصتك... الله يفرج همك ويصلح حالك يارب.

 

[ممددة بالصالة]

الله يسخر لك زوجك ويثبتك على طاعته ننتظر التكمله

 

[ليتني احتويك]

الله ييسر امووورك ويحنن قلبه عليكِ

 

[حقل اللؤلؤ]

الله يفرج همك ياقلبي
بانتظار باقي قصتك

 

[أم الغالي*]

ننتظر باقي القصه

والله يكبر حظك

 

[سحرالعيون]

الله يهدي سرك ويفرج همك

 

[إيمان2009]

خلك معاي وأسمعي مني:bigsmile:

السلام عليكم ورحمة الله وبركاته

عزيزتي ... الحمدلله اللي ربي وقف معاك .. سبحان الله ربي ماينسى أحد من خلقه ...:tears:

لا تيأسي مهما كان الرجال مثل البزر يعني طفل مع الايام بيحن لك وبيتقبل دخولك بحياته ... وأهله مصيرهم بيتقبلونك لــــــــــــــــــــــــــــــكــــــــــــــــــــــــــــــن بشرط أنك توقفين على باب الكريم وماتيأسين من الدعوه ... والحمدلله جبتي بنت على الاقل تسليك بوحدتك وتملي فراغك العاطفي اللي خلفوه لك اهلك الله يسامحهم وبعدها زوجك الله يهديه لك ويصلحه ياااارب ...

واللي صدق معاك من البدايه أكيد أن هالإنسان فيه خير ... في ناس اللي تسلم نفسها له وهي بذمته لاحضوا بذمته وقت الملكه ومو تسليم كامل يعني تعطيه كل اللي يبي على خفيف يطلقها يقول عنها مطيوره فمابالك مثل حالتك قبل الملكه كنتي تكلمينه اعتبريها تجربه مرت وانسي هالموضوع انا احس ان زوجك فيه خير للناس ولنفسه فلا تيأسي


الله يفرج همك ويسر أمرك وأتمنى كلامي يصير لك كالبلسم وربي يوفقك:icon31::shiny:​

 

[مليار]

الله يسعدكم على هالردود اللي تثلج الصدر والله انكم عسل على قلبي ربي يرزقكم دنيا وآخرة آمين
نكمل القصة
لما صار عمر بنتي 8 شهور اكتشفت اني حامل يالله على كثر ما احب الاطفال بس هالحمل جاء بوقت انا مو مستعدة له نهائيا وكنت ابكي مو من الحمل كنت ابكي على حالي انا وطفلين معي
وحدة وشايلة همها شلون عاد اثنين المهم ظلت علاقتنا زي ماهي ما تغير شي بس الحمد لله ردت فعله لما عرف بالحمل اهون من لما عرف بحملي الاول
لما صار حملي في بطني 4 شهور قررت ادخل معهد كمبيوتر تسليه لي واخذ شهادة على الاقل وبما اني ما معي غير ثانوية فلا وظيفة تقبلني ولا مال معي الحمد لله على كل حال
وبما ان بنتي صغيرة قعدت عند اهلي شهرين مدة دورة الكمبيوتر وكنت اروح للبيت يوم الاربعاء وارجع لأهلي الجمعة صحيح اني اشتاق له كثيييييييييير بس هو عادي صحيح لما ارجع له يكون متعطش جنسيا ولما يخلص عادي عنده ونرجع لحالتنا تعبت منه ومن وضعي وصبرت
للمعلومية انا وحدة احب المرح والاستهبال والوناسة ومن تزوحته راحت هالروح اللي فيني بس تخيلوا لما اروح للمعهد احس اني بعالم ثاني كنت مستانسة ورجعت روحي المرحة لي وكانوا البنات يستانسون من سوالفي وتعليقاتي الله يذكرهن بالخير المهم حسيت نفسي وحدة ثانية
وانتهت دورة الكمبيوتر على ابواب شهر الحج وبنفس الوقت زوجي جاله انتداب عمل مدتها اسبوعين ويجي بعد العيد بيوم
قلت في نفسي يا بنت اعملي جو رومانسي وعيشي معاه هالجو وريحيه
وش سويت كان وقتها ما معي فلوس الاغراض اللي زينت بها البيت وقيمة الهديه اللي بهديه اياه
قمت تسلفت قيمتها ورحت للبيت وزينت غرفة النوم وغيرت ستايلها وغلفت هديته
ولما قرر يجي رحت للبيت ولبست وكشخت ونومت بنتي وجاء ودخلته غرفة النوم على ضوء الشموع
وشاف هالشي وقال والله حركات انبسطت وخلص حاجته وراح لغرفته وطبعا قدمت له الهدية والله والله والله ما فتحها ولا شاف اللي داخلها جاني قهر على ضيقة على حرقة قلب
وبما اني تعبانة وحامل كنت انام بدري ومرة صحيت على الساعة 11 بالليل ورحت لحد غرفته وما يدري اني صاحية وسمعته يكلم بالجوال بصوت عالي عادي ويستهبل معها ويقول لها اعشيك بمطعم البيك ويضحك ضحكة آآآآآآآآآآآآآآآه بس
دخلت عليه وهو ماسك الجوال <<<< هذي غلطتي
وقلت من تكلم تلعثم وما قدر يكمل كلامه وش سوى اخذ الجوال وهي على الخط وراح يكلمها برى ومسوي نفسه بريء ولما رجع قام يهاوشني وان هذا رجال قلت له تكذبني انا سامعتك تكلم بنت وبكيت عنده
هو عاد بكى ما ادري بكى على وشو وقلب السالفة علي وقال اتركوني بحالي بعيش لحالي انتم ما تبوني خلوني ومن هالكلام وكان يقصد ناس ثانين معي بس ما ادري مين بعدين عرفت انه يقصد اخوانه
وهو فيه طبع سيرة اهله ما يجيبها ابد ابد ابد
طبعا زعلت واخذت اغراضي ورحت لبيت اهلي زعلانه وقعدت كم يوم وبعدين رجعت له من نفسي
<<<<<<<< لا تلوموني يا بنات انا مالي سند مالي عضيد اخواني وابوي ما يحبون البنات واختي مطلقة عندهم مبهذلينها ومعذبين عيالها وانا عندي بنت صغيرة وعلى وشك ولادة لو مرضت بنتي ما احد يوديني مهما صار عذااااااااااااااااااااااب الحمد لله على كل حال
ورجعت المياه لمجاريها مع زوجي وبعد يومين سمعته بالليل يكلم ودخلت عليه وعلى طول سكر الجوال وقال انا اكلم خويي قلت له خويك تكلمه بصوت واطي وفي اخر الليل من متى المهم زعلت وتهاوشنا وصرنا ما نكلم بعض بس ما طلعت من البيت
وهكذا كل شوي والثاني اصيده يكلم واحيانا يطلع يكلم برى علشان ما اصيده
آآآآآآآآآآآآآآه يا عزوتي وينكم عني آآآآآآآآآآآه يا بوي خليتني انذل له وانت السبب آآآآآآآآآىه يا اخواني انا اختكم ليييييييييييييه تسوون فيني كذا
زوجي لو لقى لي ظهر والله ما تجرىء يسوي فيني كذا خليتوه يلعب فيني برضاكم
قولولي القاها منكم ولا من زوجي:tears:
وبعدها بفترة ولدت وجبت ولد وقعدت نفاس عند اهلي وكانت امي واختي المطلقة يهتمون فيني ويراعوني بعدين رحت لبيتي وعلاقتي زي ماهي جيته باللين يابن الناس انت تكلم فلانة وعلانة وانا عندك محتاجة لك ولا كلمة اسمعها منك لييييييييييييه تسوي فيني كذا وش قصرت معك فيه قول لي وانا والله لاشيل التقصير قال ما قصرتي بس انا تعبان وانا مريض نفسي وانا وانا وقمت انا ضحكت من كلامه
قلت له المريض النفسي يكلم التعبان يسولف مع البنات وضحك سبحان الله ومادام هذا متنفسك هذاني عند سو فيني وانا حلالك وقام عصب علي وهاوشني اذا موعاجبك روحي لبيت اهلك
في هذي اللحظة كان عارف عن اخواني ومعاملتهم لي واضحة وضوح الشمس ما كان احد يزورني منهم بس امي واختي واذا رحنا لهم ما احد استقبل زوجي ولا قدروه ينتظر برى عند الباب لحد ما يروح وما احد عبره ومن هنا كرههم ولا يشوفهم شي ولا يقدرهم وانا شايفة وساكتة
قلت بقلبي هم ما قدروا بنتهم بيقدرونك انت
ولاحظت عليه شي خلاني استغرب منه الرجال ما يراقب جوالي ولا يفتش فيه انصدمت قلت هذا شكله ما يغير علي ولا وش سالفته وانحرق قلبي منه
وش سويت صرت اكلم صديقاتي واذا مر اسوي نفسي مرتبكة او اسكر الجوال بشوف وش ردة فعله تدرون وش سوى طنشني وكأنه ما عليه منه وعرفت بعدين ليه يسوي كذا
لأنه مو متقبلني كزوجة وانا عنده ام لعياله آآآآآآآآآآآآه يالقهر الحمد لله
حتى لما نطلع لمشوار لعياله ما يهاوشني على غلط يبدر مني لو فيه رجال
بس الحييييييييييييييين تغير صار يهاوشني اذا فيه رجال او طاحت الطرحة بس الجوال ما يفتش يقول معطيك الثقة وهو كذاااااااااااااااااااااب يبيني ما افتش جواله بالمقابل علشان ياخذ راحته مع صاحباته
مرت الايام والشهور وانا وضعي على ماهو بس ما كنت اسكت اجيه بين فترة والثانية واقول له انا محتاجتك وانا وانا بس لا حياة لمن تنادي واللي قهرني اكثر كان ما يحب النقاش نهائيا ويقعد يقلب السالفة علي ايا كانت وياخذني بالصراخ والهواش
ويعمل معي حرمان من الطلعات ومن اغراض البيت اللي اطلبها منه مع اني ما اطلع الا لبيت اهلي ولبيت صديقتي بس
بتسألوني كيف علاقته مع عياله كان يحبهم موووووووووت ويلاعبهم ويشتري لهم كل اللي يبونه يعني ما يقصر عليهم بشي بس اللي قاهرني انا مهمشة والله ما يفكر فيني ولو اقعد كم يوم في الغرفة ما اطلع منها ما يخاف علي ولا يقول اكيد صار لها شي واذا طولت بنومي ما يجي يصحيني يتطمن علي ولا شي الحمد لله على كل حال
لحد ما جاء العام الماضي في شهر ذو الحجة كان يراسل وحدة وزعلت مرة وطلبت الطلاق وخلاص لاعت كبدي منه ومن بلاويه وانا صابرة على ايش على معاملته ولا تصرفاته معي ورحت لاهلي وسافر هو لانتداب العمل وتهاوشنا طبعا كانت الرسايل كثييييييييييرة بينهم واخذت رقمها ودقيت عليها علشان اتأكد انها بنت وما اظلمه وردت علي بصوت ناااااااااااااااااعم ألو وسألت عن وحدة بالغلط وسكرت السماعة وارسلت لزوجي وقلت له كلمت البنت
للعلم زوجي ما يعترف بهالشي حتى لو اكشفه عيني عينك يقلب السالفة ويجحد البنت
وطبعا قلت لبنت اختي السالفة وكانت معي بهالموضوع وقام يعصب علي ويهاوش ويقول والله لأخذ عيالي واعلقك واحرمك من عيالك واادبك ومن هالكلام ويهاوشني ليه تكلمين هذي قريبتي <<<<< استغل النقطة هذي علشان انا ما اعرف عن اهله شي
بنت اختي لما سمعت كلامه وعصبيته قالت يا مليار حرام عليك شكله مظلوم انتي ظلمتيه طبعا ضحكت عليها قلت زوجي واعرفه ولهالحظة بنت اختي واقفة بصفه لحد ما علمتها بعدين بالسالفة وانهبلت قالت زوجك داهية
اي والله زوجي داهية
اكمل
قلت له تستهبل انت اختك اللي هي اختك ما تراسلها كل هالرسايل مو عاد في اخر الليل
ودقيت على البنت مرة ثانية واعترفت انها تعرفه وانه عزوبي ومن هالكلام وقالت لي كلمة والله يا بنات كلمتها للحين ببالي تقول اذا انتي زوجته زي ما تقولين شلون يراسلني بكل الاوقات وعادي لو زوجته اكيد بتكونين عنده وما يقدر يرسل بكل اريحية
قلت بنفسي الله لا يلومك انا زوجة مع وقف التنفيذ
صديقته هذي متزوجة وتعاني من مشاكل مع زوجها وتشتكي وضعها لزوجي وزوجي المنقذ لها وينصحها ويقول سوي كذا ولا تسوين كذا
صحيح اللي قال بيت النجار مخلوع
بدال ما تصلح حالك مع زوجتك تروح تفتح مكتب استشاريه لبنات خلق الله
بعدين ارسلت لزوجي رساله وانا اضحك فيها وقلت صديقتك اعترفت عليك اجل تقول انت عزوبي
زوجي انقهر منها وزعل ليه تفضحه عندي وانا اللي ما قدرت امسك عليه تجي هذي تسلمه لي بالجرم المشهود وقتها زعل منها وقال لها اللي كلمتك اختي مو زوجتي وانا ما تزوجت ومن هالكلام وتركها ورجع بعد السفر ورجعت له ووراني رسايلها ورسايله وقال خلاص تركتها وانها غبية ومن هالكلام
ووعدني انه يبعد عن هالخرابيط ويتركها وبيتحسن معي
صحيح تحسن كم يوم بس وبعدين رجع لعوايده اللي هو الاهمال
وبصراحة ما كنت افتش جواله ولا اراقبه معطته الثقة في سبيل التغيير
اكتشفت قبل كم شهر انه رجع لها اكيد من الرسايل اشوف السجل فيه ولا هو ماسح الرسايل
وكتبت موضوع عن هالسالفة
بعدها خلاص كرهته وللعلم يا بنات كنت في العلاقة الخاصة اعطيه اللي يبي واريحه مع اني اعاني من برود بسبب حبوب منع الحمل وكنت له بالفراش بائعة هوى وكان ينبسط بالجنس ويكيف بس بعد ما يخلص يروح للحقيرة ويتراسلون
انا انقهرت يعني تثيره ويشتهيها ويطفي حاجته فيني انا بس صورة وهي الاصل وقررت اتغير
صار لما يطلب الجماع من نفسه واذا ما طلب ما اجيه ادوره وصار الجماع بارد جدا يعني اخليه يخلص بدون مقبلات وبدون ما اسوي شي معه لحد ما لاحظ اني تغيرت غليه قال مليار وش فيك متغيرة قلت ليييييييه قال انام معك كأني انام مع وحدة ميتة الا الميتة احسن منك
قلت ما اعتقد ان فيه مشكلة عادي الوضع ليه مكبر الموضوع
<<< انقلب السحر على الساحر كل يوم والثاني اترجاه يتغير ويترك الهجران وهو ولا معبر
المهم زعل زعلة من قلب اكيد بيزعل لأن هالشي الوحيد اللي يبيه وقلت له اسمع يا ابن الناس راح اظل كذا عاجبك كان بها مو عاجبك لا عاد تدور جنس من وراي قال ليه انقلبتي
قلت للحين تقول انقلبت انا يا ابن الناس مو بائعة هوى لك بآخر الليل والكلام الحلو والعسل للحيوانة هذي
مادام تبي جنس روح دوره عند صديقتك واتركني بحالي
للعلم صديقته تبعد عنا اكثر من الف كيلو ومستحيل يتقابلون بسبب ضروفها
المهم انقهر من كلامي وصار يقول انا بس اتسلى معها وانتي اللي احبك ومن هالكلام
ضحكت وقلت ليه ما تتسلى معي انا حتى نص رسالة ما اشوفها منك قال والله رسايل عاديه اللي بيننا قلت له انا اولى منها انا حلالك قال مستعد اسوي لك اللي تبين واسفرك واعطيك مصروف وادلعك بس مالك علاقة بعلاقاتي بالبنات
قلت اسفة ما ابي هالشي وتزاعلنا فترة ورجعنا لبعض ورجعت ادلعه بالجنس بس ما نفذ وعوده لي وراقبت جواله لقيته ماسح رقمها ومافي اي رسايل له
وكتبت موضوع قبل العيد انه بيطلقني وانا مظلومة ورجع لي الحمد لله
بس استجد شي خلاني افكر بالطلاق جديا
كان زواج اخوه ثاني ايام العيد اللي قبل كم يوم وبما اني متزوجه بالسر راح لوحده واخوه اللي تزوج اصغر من زوجي وامه والله ما راح تسكت لزوجي بتزوجه بتزوجه ما دام تزوج اخوه بتجبر زوجي على الزواج
رجع زوجي من زواج اخوه وقلت له متى تصارح اهلك بزواجنا قال ماراح اصارحهم قلت ليييييييييه انت قايل لي اذا تعدلت الظروف قال انتي بنظر اهلي( قح....) وبيخلوني اطلقك ومايبونك قلت ماراح يطلقوني الامر بيدك واذا على جيتهم لا يجون اهم شي يعرفون عن زواجك وعن عيالك لي متى وانا عايشه بالظلام معك
قال مستحيل قلت خلاص يا تعلمهم انت يا انا اعلمهم قال والله لو تعلمينهم لاطلقك وارميك على اهلك
قلت راح اعلمهم 5 سنين عايشة معك ولا شفت تقدم وامك ماهي مخليتك بتزوجك قال ماراح اعلمهم انتي بنظرهم( .... )احلمي اني اعلمهم
وانا مقررة اعلمهم علشان عيالي حتى لو طلقني ما عاد همني بكثر ما هموني عيالي
لو سكت يا بنات امه بتصر عليه انه يتزوج وبيرضخ لكلام امه وبيتزوج وبدال ما اصير متزوجة بالسر بتحول الى زواج مسيار وماراح يجيني الا مرة بالاسبوع علشان زوجته ما تدري لأنه اكيد بيتزوج من جماعته وصدقوني يا بنات ان امه ماراح تخليه من بعد ما تزوج اخوه خلاص العيون على زوجي لازم يتزوج وزوجي ما يقدر يكسر كلام امه لو قالت تزوج بيتزوج
وانا قايلة لزوجي اذا قرر يتزوج يطلقني ولا انه يجيب ضرة على راسي ويا زين وضعي معاه عاد
طبعا هذي آخر التطورات وانا ما اكلمه ولا هو يكلمني
احس ما عاد فيني صبر اصبر على هجرانه ولا خياناته ولا الزواج السري ولا زواجه بعدين والا ايش ولا ايش
للعلم اول ما تزوج وعدني يعلم اهله ولو كنت ادري انه ما راح يعلم كان فتحت فمي من زمان وخلصت
فيه اشياء ما تعرفونها زين
سالفة علاقتي معه قعدت 3 سنين بعدها تملكت وقعدت الملكة 3 سنين بعدين تزوجنا ولي الحين 5 سنين من زواجنا وبنتي عمرها 4 سنين وولدي 2 سنة ونص
هذي حياتي معه
ودي اقول تفاصيل اكثر عن اهلي بس الكلام عنهم بيتعبني مرة فعلشان كذا بسكت
ارائكم تهمني ودعواتكم لي بتفريج الهم وتسخيره لي
ولا تنسون فيه ملك يقول ولكم بالمثل

 

[um_noora]

ربي يفرج همك

 

[بلوط]

الله يفرجها عليكي ويسخرلك زوجك واهله
وتكوني في عيونهم احسن الناس
واكثري من ( لا اله الا انت سبحانك اني كنت من الظالمين)
ان شاءالله تشوفي خير

 

[ز هر ة اللوتس]

اقتباس:

الكاتب : ,,,,واثقة,,,,

ربي يعينك


عندك اراده وقوه وعزيمه لتغيير حياتك؟؟؟


اذا ايه,, ردي علي وأساعدك مع البنات هنا..


زوجك معدنه حلو وطيب وفيه شهامه..


وكسبه سهل ان شاء الله




بانتظارك...

يسلمك ربي يا الواثقه :icon30:
ننتظر ردك عليها
عليكى بالاستغفار وباذن الله ربي يسخر لك زوجك ​

 

[مليار]

اسفة نسيت ارد على واثقة
عندك اراده وقوه وعزيمه لتغيير حياتك؟؟

ااااااااااكيد عندي ونص بس ياليت تكملين قصتي وتشوفين الخلل فيها وبعدين تحكمين
مشكورات على الدعاء
الله لا يحوجكن لاحد

 

[سنية وافتخر]

الله يفرررررررررج همك لكن عيوووووب حياتك كلها من سندك اهلك ادعي ربي يسخر اخووانك وابووووك لك عشان تعرررفين تصرررررفين وغلطتي لما خليتي زواجك سرررررررررر وغلطتي لما كنتي تكلميييي زوجك قبل الزواج كلها اخطاء لازم تتجنينها في حياتك اعذريني لاتزعلين لان كلامي هو الواقع وهو سبب بهذلتك لكن مااقول لك الا الجئي الى ربك وادعيه من كل قلبك واستغفرررري وتوبي وتعبدي وصدقيني ربي مايخليك وش درراك يمكن اهل زوجك يتقبلونك بسبب دعواتك بس اخلصي النية دمتي يوووووووووووووووود الله يفررررج همك ويجعلك من المقبولين في الدنيا والاخرررررة

 

[قطـــــريه]

حبيبتي ان علمتي هله بيقلون له يطلقج ويمكن ما يعترفون بعيالج .. من رايي تسكتين واذا زوجوه ابركها من ساعه انتي شجعيه يتزوج منها بترتاحين منه من فتره والثانيه ومنها خلي الثانيه تشيل معاج خياناته يمكن تأدبه لج ..

 

[أم ألودي]

ما أدري أحس أن زوجك أحسن من ناس كثير على الأقل مايضربك ولا مقصر على عياله بشئ وبعدين ليه تتطلقي عشان تروحي تتبهدلني عند أهلك صراحة نار زوجك ولا جنة أهلك هذا إذا كانوا جنة فعلا حتى لو ما قال لأهله خلاص هذا زرع بيدينك زرعتيه وحان قطافه بس للعلم مافي شئ يتخبئ على طول مصيره خبر زواجه ينكشف معقولة ولا أحد يعرف من أهله ولا أحد شك حتى , وترى واضح زوجك أنه يحبك بس حكاية أهله مبعداه عنك ونفسي أعرف اهلك كيف يزوجوا واحد بدون أهله يعني اللي بينكم كان مكالمات وبس ولا في شئ ثاني يعني ديتها علقة وبس وبعدين أهله كيف عرفوا بعلاقتكم قولي أهلك ممكن شكوا فيك بس أهله كيف ( معليش أختي سامحيني تسأولاتي كثيرة ) بس انصحك زوجك لا تفرطي فيه حاولي استعادته بحكمة ولو أراد الزواج لتزوج من زمان وهذا أكبر دليل على حبه لك (شكلي هذرت كثير )

 

[مليار]

برد على التسأولات
اولا مسألة اني ارضى بضرة لا والله ما ارضاها مو معقولة هذي بتكون اخرتها
ومسألة زوجي ما تزوج من قبل لأنه ما يقدر ماديا شبه مفلس عرفتوا والحين لما قربت تخلص ديونه صار يطري هالسالفة بين فترة و فترة
ومسأله ضربه لي من قال لكم انه مايضربني والله انه اكثر من مرة ضربني ومرة شدني من شعري يبي يطلعني من الشقة وانا بملابس البيت ولا بعد حامل تخيلوا هالشي ولا الساعة وحدة من الليل وقتها جاني رعب للحين من هالشي
تغافلت عن هالنقطة علشان عندي هم اكبر من ضربه لي او بمعنى آخر متعودة على ضرب ابوي واخواني وجاني تبلد احساس
صحيح انه طيب مع عياله بس مو معناها خلاص هذولي عياله مو عيال واحد ثاني وملزوم فيهم غصب عليه مو برضاه
واهلي معتبرين علاقتي فيه عاااااااااااااااااااار بحد ذاتها لأني بنت والشي الثاني هم يكرهون البنات من غير سبب مو عاد بسبب
واهله عرفوا من اهلي جابوا عنوانهم وراحوا يشرشحون اهله عشانه
انا لو عندي وظيفة اعيش منها ولو عندي بيت كان اخذت عيالي وامي واختي وعشنا بعيد عنهم
والله والله والله ما صبرني غير انه ما عندي دخل مادي او بيت ملك ولا كان انحشت من زمااااااااااااااان