ابرة الظهر مشاكل وحلول دعوه للمشاركة

غاليتي لوك ايش استفدنا لو السالفة كذا 7 سم كلها نص ساعة تكوني والدة مايمديهم يعطوك شي

هاذي لما تروحي ويتاكدو ان معك ولادة مو دلع والا طلق كاذب
يعطوك الابرة وتجلسي تسولفي ومستانسة
بعد شوي يقلولك يللا دفي بعدين الحمد لله على السلامة ولدتي

يعني شي يسوى المغامرة
 
انا اخذتها ونمت بس ماقوموني ادفع لاني مزعجه على قولتهم خخخخخخخ

وسوو شفط للبيبي وكانت الخياطه كثيره وماعانيت من شي الا كثر الخياطه 13 غرزه من برى ومن داخل

وجلست سنه توجعني وما افكر اخذها لان وحده من جماعتنا اخذتها بنفس وقتي وجاها شلل وانا سجدت شكر لله اللي نجاني والف حمد وشكر لك ياربي

بس الحرمه اخذتها غصب لانهم ولدوها عمليه لاول مره وكانت اول مره تجرب البنج وماناسبها والله يعين

وهي عندها 6 من قبل كلهم طبيعي الله يشفيها يارب

اما انا اخذتها دلع والله سترررررر والحمدلله
 
اسمع كثير اخذوها بس انا عن نفسي مافكر ابدا وبعدين ممكن بغلطه اروح شلل لاوالله اتعب شوي ان شاء الله كله كم ساعه وانا خالصه وتروح سواليف و فيه وحده تقولي ليش اخاذ الابره واضيع علي الاجر
 
حبيبتي " انصحك ابتعدي عنها لان لها مضاعفات لو حتى بعد 6 اشهر من الولادة

لاسمح الله تسبب شلل وعدم مقدرة في الحركة

الله يهون عليك ولادتك واكثري من الدعاء والاستغفار وربك يهون ويخفف الالامك افضل من الابر

واكثري من التمر والعسل والادعية حقت الولادة
 
بنااااااااااااات المستشفى الي ولدت فيها واخذت الإبرة كان فيها زوجة واحد نعرفه اخذتها وللآن غيبوبة من 4 أشهر الله يعافيها ويشفيها قولوا امين
 
والله ماعندي علم حبيبتي
بس من كم يوم قرات موضوع وحده تقول قصتها مع الابره هذي وتمدحها
دوريها في القسم هنا

​
 
اذا ولاده طبيعيه نصيحه لاتاخذيها بالنسبه الي ماجربتها بس سلفتي جربتها لان ولادتها قيصريه ارتاحت عليها بكثير بس دكتورها كان استشاري اهم شيء اللي يضع المخدر يكون شاطر ومايغلط بمكانها والله يسر عليكي اليسر والخراج من الله قبل كل شيء
 
حبايبي الله يصلحكم قولو امين....
انا باحدى الدول الغربيه والمتقدم جدا بالطب..اوكي ..
انا حامل وعندي ولاداتي كلخا قيصريه ..تدرون وش تقول الدكتوره...كل الولادات الطبيعيه يستخدمو الابره مع كل الوالدات وتعرفت علىكثير من اصول عربيه متجنسين وقاعدين ياخذونفس حقوق المواطن وقالو فعلا جربنا وامرنا تمام كل وحده عندها اربعه او ثلاث اطفال ومالها اي اضرار ابد ....
وتقولي وحده منهم انتو العرب خوافين بشكل (وعلى فكره ترى الخواجات احرص منا على صحتهم وحياتهم بشكل عام)
الشي الى يخافو منه اش تتوقعو يحذرو كمان منه؟!
التخدير الكامل للولادات القيصريه ......!!!!!!!!!!!!!
تخيلو......واحنا عندنا التخدير الكامل بالدول العربيه فيري ازي نعتبره ومريح .....
وبالدول الغربيه حريصين انا اوالده قيصري تتخدر تخدير موضعي الى هيه نفس ابرة الظهر الى احنا نخاف منها.... وانا ولادتى اذا ربي تمملي ان شاالله رح تكون بالتخدير المضعي لاني بصراحه اخر ولاده لي كنت بروح فيها حصل معي نزيف اثناء العمليه ورب العالمين اراد لي السلامه وانكتب لي عمر جديد .... وهذا الشي الي يخافو منه بمستشفيات امريكا وبريطانيا وكندا انه لو صار نزيف اثناء العمليه بتخدير كامل يسبب الوفاه .....
 
خواتي العيب مو من الابره ....!
العيب من نفس الدكتور او انه المريضه لو تحركة نص سم رح يتأثر الحبل الشوكي عندها او اذا اخطاء كمان الدكتور ...
فلازم نتأكد من انه الدكتور استشاري تخدير مو حيالله واحد ...لازم يكون متمرس
وكل شي بيد رب العالمين ... واسأله سبحانه لي ولكل الحوامل انه يتمم لنا وييسر ولاداتنا ويرزقنا الذريه الصالحه كاملة الخلق والخلقه دون زياده او نقص...
 
اخت زوجي جربتها بالولادة القيصرية و الحمد لله ما شكت من اي مضاعفات ..و كمان متل ما قالو البنات لاااازم يكون طبيب التخدير قدير و يعرف وين يضربها ..
انا عني اذا حملت رح اجربها بولادتي ..
 
خذيها وتوكلي على الله

اخذتها بولادتي ولي شهر الحين والحمد لله مافي اي مضاعفات
 
تبغين اقولل لك ليه اخاف منها

لان يا قمر اول حمل لي بكريه وما ابي امر باللي مرو به
كل البنات
واقول لنفسي انا مالي ومال الهم هذا

طيب
ورحت المستشفى
واول ماجلست على سرير الولاده
على طول طلبت طبيب التخدير
مدري ليش حسيت القابله كنها كشت شوي هي والدكتوره
وانا ولا همي
اعطوني الابره وبكل ثقه
جاني المحروس
وجلس يتفلسف اول شي
وخلاني اجلس
وخلا وحده من الممراض تثبت راسي
وبدا يعطيني الابره

والله العظيم انو اللي حصل
انو رجلي اليمين قامت تنفض
كانو فيها كهرب
والم فيها ماهو طبيعي
المهم قال لي
الابره فشلت
ووالله اني بالولاده
والدكتوره والقابله كل شوي يقولون لي حركي رجولك
تقدرين تحركين رجلك
يعني تخيلي مع الم الولاده
احد كل شوي يقول لك حركي رجلك
طبعا وقتها والله ما فكرت بس لما صحصحت عرفت انو كانو خايفين علي من شلل والا شي

والشي الثاني انو جلست بحدود سنتين
وانا مكان الابره يعورني


طبعا
انا اظن حالتي كانت استثناء
او ان الدكتور غشيم جدا

لانو كثير اسمع انو
اخذوها بنات وعادي

لكن هذا اللي حصل معاي
يعني اذا تبين تاخذينها تاكدي
ان الدكتور اعطاها قبلك كثييييييييير
وانك ما تكوني حقل تجارب ​
 
انا اخذتها بس صراحه سببت لي الام في الظهر الحين لي والد اربع شهور وللحين احس بالم بس انا اضطريت اخذها لاني تعبت مافيني طاقه ادفع الطلق استمر معاي يومين والرحم جالس يفتح شوي شوي فاخذتها لما فتح الرحم عندي سبعه
 
والله ياحبيبتي انا لي اربعة اشهر والدة
وكانت الولادة الرابعة واول مرررة اخذ ابرة الظهر
واقول اني خبلة لما كنت اولد بدونها
يوميييين وانتي تتلوين من الالم تموتييين وتحييين من الطلق الصناعي
لكن اخر مررررة توكلت على الله واخذتها والله انها روعة وغير كذا كلها كمم يوم وانتي طيبة
مو قبل تجلسسسين عشر ايام ماتقدريين تتحركين والم خياط وسهر وترضييع
بس مع الابرة كم يوم وانتي مرتاحة لان عضلاتك وقت الولادة كانت ملرتاحة مو مثل الطلق تشدييين وترخييين لين تموتييين من الالم
واذا تبين اي معلومات عن المستشفى انا من الرياض راسليني على الخاص
 
واذا تبون معلومات عن المستشفى ممكن اقولها لكم لكن
اخاف انة غير مسموح ياليت تردون لي خبر علشان اقدر افيدكم
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل