( ابرة الظهر ) ... خبراااااتكم ؟؟ارجو الدخول لنستفيد

[موسوعية]

المطلوب واضح من العنوااااان









انا افكر استخدمها وهذا حملي الثالث الاول كان قيصري

والثاني طبيعي بس تعسرررت وتعبت وبغيت اروح فيها من النزيف

عشان كذا افكر المرة هذه استخدمها هو بدري التفكير فيها

لكن عشان يكون فيه وقت استخير واستشير مع الدعاااااء بالتسهيل

وعشان بااااقي الاخوااات يستفيدون

وجزا ربي كل اخت كتبت تجربتها مع ابرة الظهر بصدق خير الجزاء

وياليت تعطينا نصيحتها هل نقدم عليها ام لااااا

ومشكوراااات حبايب البي والله يقوم كل حامل بالسلامة

وتثبت على كل حامل حملها

ويرزق كل وحدة تنتظر الحمل بالحمل السليم ياكريم


والسلام عليكم

 

[نــ ووو ف]

ما جربتها ابد وناويه ليها في الحمله الجايه
ننتظر ردود الاخوات

 

[شمعة الإسلام]

من وجهة نظري أنك ما تاخذينها
لأنها يحتاج لها طبيب جدآ دقيق في معرفة المكان لأن لا قدر الله أذا ما دق الأبره في نفس المكان
يسبب لك
شلل بعيد الشر ..
وأنتي لك حرية الأختيار
أعرف وحده دقتها
تقول ما حسيت با الطلق أطــــــــــلاق ولا حسية بآلم
ما دريت الإ والطفل في حضني
وقالت لها الطبيبه لا تحركين رجولك عشان أي حركه تصيبك شلل لا قدر الله ..
النهايه
الله يتمم عليك بخير ويسهل ولادتك
هذا ما أملكه من معلومات عن الأبره حبيت أفيدك ..

 

[موسوعية]

صحيح اختي شمعة هذا اللي نسمعه كلنا

لكن انا سمعت كمان انها ناتسبب شلل ولا شي

الدكاترة يقولون كذا عشان يخوفن الوحدة وما تتحرك

اعرف وحدة صاحبتي اخذتها ومازبطت في مكانها

لكن ماصابها شي غير انها ماتبنجت تمام وحست بكل شي عادي

وما قد شفت في المنتديات ان فيه وحدة انشلت منها

ما اصدق الين اشوف معاناة وحدة مجربة وانها سببتلها شلل لاقدر الله

ولا ايش رايكم يا بنااات!!!!

 

[طير الحب]

ما جربها جربت الكمام

 

[معاني الحب]

انا جربتها
في اول ولاده
لاني كنت خايفه ...
والحريم ماقصرو خوفوني اكثر واكثر!!!
طبعا طلبو مني ماتحرك’لان في خطوره
لدرجة اني اذا حسيت بالطلق يوقفون شغلهم.....
ولاتحسين بالولاده ابدا
لكن اضرارها بالنسبه لي: الم في الظهر مو طبيعي مع الوقت يخف الالم..........
وارجولي اتالم منها اذا مشيت كثير
وبنت عمي جربتها ولا شافت اضرار
طبعا الي يخوف انه اذا طلبتيها توقعين على ورقه مش مسؤلين على اي ضرر .......وان كان شلل
انا ان شالله بحمل ادعولي بالولد
ويهون علي بالولاده لاني ماجربتها ولا ادري كيف الالم فيها..........
رجااااااااااااء لاتخوفوني

 

[أم جوود]

أنا جربتها في ولادتي
كانت قيصرية و عطوني اياها (هي نفسها التخدير النصفي)
مرررررررره ممتازه

لكن ضروووووووري إنك ما تسويها إلا عند دكتور ممتاز و خبرته طويلة

لأنها تعتمد على الدكتور اللي يحطها

 

[la esperanza]

انا بكريه وجربتهاا
والحمد لله ارتحت عليها وماحسيت بأي الم غير ان ولادتي
تأخرت اكثر من 13 ساعه وكنت احس في نصفي الايمن
فيه الالم يعني صار بنج نص ونص عندي
مااخوفك واقولك لاتتحركين او شي وهي ماتأذي
يعني انتي وشطارتك تحاولين ماتتحركين
انا صراااحه انصح فيهااا
مفعولها سريع وتخليك ماشاء الله تنططين وانتي مو حاسه بشيء
اذا حاسه نفسك مافيك على الم الطلق احسن الك ابرة الظهر

 

[الدر المكنون]

دائماً أسمع عنها

وإن شاء الله بجربها

بس يا ليت كل وحدة جربتها تكتب تكلفة الإبرة وعند أي مستشفى​

 

[أسرتي دنيتي]

جربيها نصيحة مني...

انا جربتها في حملي الثالث
في مستشفى الحرس بعد ما استشرت دكتورتي وطمنتني واستخرت لاني كنت متخوفه منها من كثر ما سمعت بخطورتها واللي طمني أكثر ان وحدة من الجماعة تاخذها في كل ولاداتها وما ضرها ماشاء الله تبارك الله...
ما تحسين بآلام الطلق نهائي شي بسيييط
بس تحسين بتنميل في النصف السفلي وبرودة حتى انني انتفض من البرد واقول كل شوي للسستر لحفيني
حتى نهاية الولادة
اما عن الألم بعد الولادة...في مكان الابرة أحس بالألم خاصة اثناء المشي او الاجهاد حوالي شهرين وانتهى قولوا ما شاء الله :shiny: ​

 

[ام غيث]

اختى اذا بتحتاجينها جربى وان شاء الله تفيدك و تخفف الكثير من الاالام

انا سويتها فى حملى الاول والان انا فى اسابيعى الاخيره اذا اضطريت اسويها بسويها

لان الا بيقوم بالتخدير بهذه الابره دكتور او دكتوره متخصصين للقيام بها وهى بتجعل نصفك الاسفل مخدر تماما وما تحسى باى الم

وانا كنت جدا متخوفه اول مره ومتردده كثيييييييييير بس لان شفت انى طولت اكثر من 7 ساعات ولسه ما انفتح الرحم الا 4 من 10 ولما عملتها الحمد لله بعد اقل من ساعتين كنت ولدت

والحقيقه ان اكثر الا اعرفهم وعملوا الابره فى الظهر ما صار عندهم شى وانا كذلك الحمد لله


فلا تخوف ان شاء الله والله يسهلك ويسهل لنا ايضا بالولاده السهله

 

[موسوعية]

اميييييييييييييييييييين يارب

الف الف شكر لكن اخواتي

انا راح استخير والين يجي ذاك اليوم الله يكتب اللي فيه الخير

 

[ياليت اني]

والله انا عندي بنت الله يحفظها ويوم ولادتها اخذتها
بس للأسف ما نفعت معي ابد ابد بالعكس بغيت اموووت من الالم
وخصوصا ان الطلق كان صناعي
ومن يومها لين اليوم وانا ظهري يعوووورني اذا سويت اجهاد او مشيت كثير او صحيت من النوم
ما ادري يمكن الدكتور ما كان شاطر اللي عطاني اياها
بس انا قلت والله ما عاد اخذها ابي الشئ يجي من ربي احسن واعظم للأجر ان شاء الله
وانتي استخيري والله يهون عليك

 

[امل حياتي]

انا جربت ابرة الظهر في الولادة الاخيرة عشانهم توأم بس يبالها دكتور شاطروبصراحة ماحسيت بأي شي الا الدكتورة اطلع واحد وعقبة الثاني وانا قاعد اطالع شو قاعد يصير

 

[سمرلاند]

انا اقول لج
لاااااا تخافييييييييييييييييييييييييييييييييين
توكلي على الله
انا ما جربت طبيعي بس كفاية علي الصراخ اللي سمعته من غرف الولادة المجاورة..
عطاني اياها دكتور هندي وما تحسين الا والبيبي في حضنج ولله الحمد..!!
والله راااااااااااااحة
ولا تسمعينن اللي يقول لج شلل وما شلل
انا كلمت الدكتور بنفسي وقال لي مستحيييييييييييييييييييل تسبب شلل...الا اذا كانت المريضة تعاني من مرض واحد الا وهو "التهاب العمود الفقري"
وقال حتى مرضى الشلل "القديم" نعطيهم اما مرضى الشلل الجديد ما نعطيهم
هذا الدكتور "مونقا" استشاري معرووووف جدا" في قطر...ويعطي الابرة لزوجات كبار الشخصيات عندنا بقطر..
واتذكر يوم عطاني اياها مااااااا حسيت بشي لانه يحط لج ابرة صغيره تخدر المكان وبعدها الابرة الكبيرة اللي يدخلها بالظهر فما تحسين بالابرة الكبيرة وهي تدخل اطلاااااااقا"..
واذكر اني قلت له عقب ما حط الابرة"دكتور عادي اتحرك ولا في خطر؟"
قال لي "بابا..ما في مشكله..انت لو يبي يقدر يرقص بعد!!!":bleh: خخخخخخخخخخخخخخخ
توكلي على الله وخذيها بلا ولادة طبيعية بلا هم...في القرن الحادي عشر وللحين نتألم مثل ولادات العصر الحجري..!!:santa_1:

 

[¤©§] ملكة القلوب[§©¤]

خدي أبرة الظهر وأنتي مغمضة

وش حادك على الالام اللي ماتنطاق

والصراخ وتعسر الولادة ..........

الأبرة رحمة من رب العالمين وأغلب معارفي وخواتي

أخدوها ليهم سنوات ولا حصلهم لا مضاعفات ولا شي

وأنا واللله لأبيع دمي وأشتريها في ولاداتي المستقبلية

ياأختي توكلي على الواحد الأحد واطلبيها


...............

 

[زوجة وأم]

عزيزتي

من تجربة طالما أنت من الممكن جدا ان تلدي قيصري فهي افضل من نواحي كثيرة

ومع احترامي فهي لا تسب شلل أو غيره ربما كان ذلك قديما

هذه الابرة لا يعطيها سوى مختص وان شاء الله لن يصيبك الا كل خير
وغالبا سيكون لك لقاء مع طبيب التخدير يشرح لك فيها عن الابرة كل شيئ
واما الم الظهر فهناك نساء كثيرااااااااات تصاب بألم الظهر بدون أخدذ الإبرة وهذا دليل ان الابرة لا دخل لها بالالم
وان كانت ولادتك قيصري فهي جيدة لك ولطفلك وان كانت طبيعي فهل تخفف عنك الألم

انا ولادتي قيصري والحمد لله مافيي الا العافية تبارك الله وجربت البنج الكامل والبنج النصفي توكلي على الله واستخيري وناقشي الموضوع مع طبيبتك

وبالسلامة يارب​

 

[أحب بناتي]

الله يكتبلك ساعة السلامه ياموسوعيه

الله لايحرمنا الأجر

 

[موسوعية]

مشكوررراااات لكم كلكم افدتوني كثيييييير

وطمنتوني لكن بستخير برضو

 

[أم عيالي]

انا جربتها لكن الصدق ما استفد منها مرة لأن مفعولها راح قبل الولادة بوقبس وقت ما يضعونها تألم ولازم ما تتحركين