الأمورة الحلوة
New member
- إنضم
- 2009/11/14
- المشاركات
- 142
في الفترة الاخيرة رحت المحكمة بعد ماحلف علي زوجي بالطلاق وزهقت من العيشة معاه بعد زواجه بالثانية .
والله انا مارحت المحكمة عشان اتطلق انا رحت لانه كثير التهديد بالطلاق واخاف اكون معاه بالحرام وهذا مايجوز في الشرع .
المهم رحنا عند القاضي وسال زوجي هاي اول مرة تطلق قال نعم بس هو مش اول مرة يهدد بس قال اول مرة احلف عليها والمرات اللي قبل ماكان يحلف .
المهم القاضي ساله مارجعتها قال لا قال جدامك فرصة قال لا ماشي احترام .
ورجعنا البيت وشفته هدأ شوية وبعد كم من يوم وبعد الضغوطات اللي يتني وقالو لي عشان خاطر بنتج ردي له ولا انا ماكنت ناوية ابدا اتكلم معاه لاني اشوفه انسان اناني مايفكر الا في نفسه والله يوم اشوف نظرات بنتي يحترق قلبي عليها .
كلمته وذليت نفسي عشانه وبرد ولان معاي وايد حتى لمسني وقبلني بس قال عطيني فرصة افكر في الامر ، وسافر مع الزوجة الثانية وبعده بكم من يوم رد علي بمسج انه خلاص يبا ينهي علاقته معاي ولاتطرشين اي مسج والله يسعدج في حياتج وحلفته بالله قلت انت جاد قال نعم جاد .
انا سويت اللي علي عشان باجر بنتي يوم تكبر ماتلومني ليش انا عايشة بعيد عن ابوها وهو غايص مع الزوجة الثانية وقاعدة تصرف عليه شو يبغي اكثر عن جي وحدة مغرقتنه بالمادة ويفكر في سعادة نفسه مايهمه لاعيال ولاعشرة .
خلاص قررت اني انفصل عنه لانه انسان بايع واللي يبيعني ببيعه ماراح اشتريه ولاراح اركض وراه خلاص الله كريم وراح يعوضني باللي احسن منه ان شاء الله .
بس شورو علي هل اللي انا سويته غلط ولا صح وهل احاول معاه مرة ثانية ولا خلاص
والله انا مارحت المحكمة عشان اتطلق انا رحت لانه كثير التهديد بالطلاق واخاف اكون معاه بالحرام وهذا مايجوز في الشرع .
المهم رحنا عند القاضي وسال زوجي هاي اول مرة تطلق قال نعم بس هو مش اول مرة يهدد بس قال اول مرة احلف عليها والمرات اللي قبل ماكان يحلف .
المهم القاضي ساله مارجعتها قال لا قال جدامك فرصة قال لا ماشي احترام .
ورجعنا البيت وشفته هدأ شوية وبعد كم من يوم وبعد الضغوطات اللي يتني وقالو لي عشان خاطر بنتج ردي له ولا انا ماكنت ناوية ابدا اتكلم معاه لاني اشوفه انسان اناني مايفكر الا في نفسه والله يوم اشوف نظرات بنتي يحترق قلبي عليها .
كلمته وذليت نفسي عشانه وبرد ولان معاي وايد حتى لمسني وقبلني بس قال عطيني فرصة افكر في الامر ، وسافر مع الزوجة الثانية وبعده بكم من يوم رد علي بمسج انه خلاص يبا ينهي علاقته معاي ولاتطرشين اي مسج والله يسعدج في حياتج وحلفته بالله قلت انت جاد قال نعم جاد .
انا سويت اللي علي عشان باجر بنتي يوم تكبر ماتلومني ليش انا عايشة بعيد عن ابوها وهو غايص مع الزوجة الثانية وقاعدة تصرف عليه شو يبغي اكثر عن جي وحدة مغرقتنه بالمادة ويفكر في سعادة نفسه مايهمه لاعيال ولاعشرة .
خلاص قررت اني انفصل عنه لانه انسان بايع واللي يبيعني ببيعه ماراح اشتريه ولاراح اركض وراه خلاص الله كريم وراح يعوضني باللي احسن منه ان شاء الله .
بس شورو علي هل اللي انا سويته غلط ولا صح وهل احاول معاه مرة ثانية ولا خلاص
