ااااااة ياناس مكتومة واحس عيني بتطلع من راسي

[رغم الالم]

وش اقول وش اكتب خلاص يابنات انا مليت قسم بالله اني اكتب لكم من كل قلبي ولا كذبت عليكم في شي بنات احس مكتومة وعيني توجعني ماعد اتحمل حماقة زوجي ونكد اهلة والبيئة الوسخة اللي هم عايشين فيها انا يبنات احس قيني كتمة زي مريض الربو انا طفشت من حياتي وين اروح حتى اهلي ماقدر اروح لهم بسبب مشاكل حرمة ابوي ساكنة في نفس البيت اللي فية امي وخواتي طفشت من فقر زوجي وياليت على الفقر وبس نكد اهلة والقرية اللي اهم ساكنين فيها المشكلة لنا فترة نقلنا وسكنا عندهم بنات الحقو علي قولوا عاي شي بموتتتتتتتت مكتومة يالله اتنفس والله مايصحيني من النوم الا الكتمة والضيقة اةةةةةةة قولوا لي وش اسوي بيت مثل الناس ماعندي ملابس مالبس مثل الناس ولا حتى اقدر اطبخ بسبب امة اذا جيت بطبخ قامت تهاوش عيالي حتى مو حاسين بالاستقرار بسبب الضرب اللي يجيهم من اعمامهم بالله قولوا لي هذي عيشة هذي حياة ماسميها الا حياة بهيمية ردو علي قولوا اي شي خففو عني لاتقولون وظيفة انا ساكنة بقرية الحيوانات ماتسكنها اةةةةةة والله ودي اهرب بس وين اروح احس بنفجر من داخلي

 

[محبة مكة]

الصبر
والدعاء
والاستغفار
الله يفرج كربتك

 

[رغم الالم]

يعطك عافية اختي محبة مكة صبرت الين مامليت من الصبر والصبر مل مني

 

[كالفورنيا]

أختي الله يصبرك على بلواك
أنصحك بمصارحة والدك أو أخوك الكبير
من حقك الحصول على بيت شرعي لوحدك
أصبري على فقره الفقر مو عيب
شكلك متضايقه يومك ساكنه مع أهله
من حقك تسكنين ببيت لوحدك
يجب أن يفهم هذا الشيء
أهلك سندك مهما كان لن يتخلوا عنك
بس أنت يجب ان تكلمينهم بتعقل وثقه في حقك المشروع​

 

[رغم الالم]

اختي انا صابرة على الفقر من تزوجتة لكن انا اللي جنني سكني مع اهلة قسم ميتة جوع وبستنى ام زوجي تنام علشان اسوي عشاي انا وعيالي واهلي مستحيل يلزمون يستاجر لي بيت واخو كبير للاسف ماعندي

 

[قمر بلامنازع]

اولا .. يااختى الله يفك ضيقتك .. ويفرج همك وكربك .. ويسر طريقك .. ويعينك ياقلبي ..

اختي ...>لا بد من وقفةوأقصد بهذه الوقفة وقفة تحدي ووقفة قويه وعدم الاستمرار في هذه المهزلة أبدًا،الذي انتي تعيشين فيه..

ولذلك يكون أولاً ~~>بأن تستعدي أن تتوقفي عن تقديم أي خدمات له، وهذا ما أنصح به الآن، وإن كنتُ اتمنى أنا أقول الآن اجعلي هذه النقطة الثانية ولتكن النقطة الأولى الحوار مع زوجك اذا كان يفيد، أتمنى انك تجلسي معه جلسة، وأن تقولي له: (أريد أن نتكلم قليلاً، لو سمحت من فضلك، إن هذا الذي تفعله واحد اثنين ثلاثة أربعة خمسة) تعددين له تلك الأخطاء، وتدخل أهله،وحياتك وطفشك وكل الي يضايقك بقوه منك (هذا الأمر لا يجوز شرعًا، ولا أستطيع أن أقبله، لقد صبرت بما فيه الكفاية، وأصبحت غير قادرة على الصبر على المزيد. ياشيخ زهقت .. كرهت حياتي ... أنا لا أشعر لا بالأمن ولا بالأمان ولا بالراحة ولا الاستقرار، لأني أرى بأن هناك من يتدخل في حياتي، في حين أني لا أتدخل في حياة أحد، وعدم اهتمامك فياا , لماذا اذا تزوجت هذا الذي تفعله ليس صحيحًا، خلينا الحين نضع النقاط على الحروف، وخليناا نتفق على طريقة نتعامل بها فيما .. عشان نستمر مع بعض).

حاولي أن تظهري له كل ما في نفسك بلا مجاملة، ولا تخفي شيئًا، ولكن بأدب وهدوء، وأن تكون الجلسة جلسة فيها نوع من الشفافية، ولا تتخيري أوقاتا يكون فيها متوترًا، وإنما تخيري وقتًا يكون فيه معتدل المزاج مستريحًا نفسيًا، واجلسي معه ما دام البيت يسمح بأن تتكلما معًا دون تدخل من أحد.

يارب أكون قد ساعدتك .. واتمنى من قلبي لكي العيشه الهنيئه ..

ولاتنسي ... لاتنسي صلتك بالله .. وتمسكك بامور دينك ليسهل معك ... حلى الامور

اختك ....> القمر بلامنازع


​

 

[رغم الالم]

يعطيك الف عافية اختي قمر بلا منازع والله يشوف بعينة اهلة وش يسوون فيني وقلت لة نطلع بيت قال المشكلة مامعي مقدم الاجار والله بنتي عمرها سنتين تنضرب ضرب كانها عمرها خمس طعش وتتحاسب على اي حركة حتى اذا قالو لها تعالي وماجت تنطرد من البيت الين مايرضون عليها طبعا اقصد تنطرد من بيت حرمة عمي مرت ابو زوجي لان عمي متزوج حرمتين ونفس البيت كل الثنتين بس بينهم باب

 

[رغم الالم]

قسم بالله يابنات ميتة جوع وام زوجي شكلها مو جايها نوم اسمعها تقول بصلي واتعشى واغسل ملابسي اةةةةةةةةةةةةةةةةةةةةةةةةة

 

[رغم الالم]

تصدقون يابنات ولدي اولى ابتدائي مسوينة شغالة يجيب لهم اغراضهم وقت الغداء والعشاء يجيب ملاعق وماء وعصير واذا قال لا قالو اطلع من بيتنا