إل بي جي

[نوتي]

سلام عليكم ورحمت الله وبركاته
بنات وش اخباركم عساكم طيبين وبخير
السالفه ومافيها اني الحين اسوي جلسات ع إل بي جي واليوم كانت رابع جلسه لي وماحس بفرق:thumbdown:
وخايفه تروح قروشي على الفاضي:frown: من قد جربت وفاد معها تعلمني بعد كم جلسه حست بفرق
عاد الي مظيق صدري ان زوجي متحديني وحلف انه ماراح يتغير فيني شي :e088: والله حاله شايله هم التهزيئ بلله قولولي وش السوي لوماضبط وش يفكني من لسانه عاد هو مره مايبيله شي:e136:

 

[من اجل غدي]

حبيبتي الله يخيب ضن زوجك ويساعدك في جلساتك بس والله ماني فاهمة اش هي نوع الجلسات؟؟؟؟؟؟؟
ممكن تشرحي السالفة عشان اللي مثلي موفاهم

 

[ملكة بعيونه]

حبيبتي قمت بالبحث لك وهذى النتيجه وان شاء الله تفيدك موفقه غلاتي

السلام عليكم ورحمه الله وبركاته .............. كيفكم يا بنات .... مشتاقه لكم خاصه بعد الغيبه الطويله...

طبعا الكل هلايام قاعد يتبع حميه عشان ينحف ويعدل جسمه خاصه ان هالوقت وقت المناسبات واالاستعراضات صح

بس الواحد ينسى شي مهم جدا وهو .... الجلد الزائد .... الترهل ... السليوليت ....... شلون كل هذولي يختفون .. طبعا اكيد كل وحده راح تضطر تمارس مجهود حركي عنيف عشان ينشد الجسم ويطلع بصوره حلوه ..... بس طبعا مع تطور العلم اكيد صار فيه حلول بديله خاصه الكثير من اللي يجون مثلا للعياده عندي عندهم موانع من المشي مثلا او بذل مجهود يتعبهم بسبب حاله مرضيه لا سمح الله او مثلا احتكاك او اصابه بالركبه ... وموانع كثيره
طبعا شفت الكثير من اللي يكتبون يتهاونون ب موضوع شد الجسم وهذي للاسف ماراح توصل لنتيجه مرضيه ابداااااا من ناحيه التناسق لانها مثلا ( مستصعبه انها تادي تمارين او مافيه وقت )
الحل البديل هو اخر ماتوصل له المكتشفون وهو . جهاز (LPG)
وهو عباره عن جهاز مع يد تمشي على الجسم ( ببكرات) وتعمل تدليك عميق وهو يفيد بلآتي :


- تكسير واذابه الدهون المتركزه في بعض مناطق الجسم
-ازاله السليوليت ( ازاله الطبقه الشبيه ب قشر البرتقال)
- تحسين الدوره الدمويه ( يعمل ك مساج )
-تنعيم بشره الجسم.
- اعاده رسم الجسم ( يعني المناطق الزائده التي تتركز فيها الدهون مثل البطن ( الكرش ) الافخاذ , الارداف , اليدين , ومناطق كثيره يصعب الوصول لها عن طريق الرياضه ) ...)
- شد الجسم المترهل
... هذا الجهاز يتوفر في المراكز الطبيه والانديه الرياضيه المتقدمه بس طبعا نادر جدا والبعض منهم عندهم الجهاز القديم ...

طبعا بعد كثير من اللي جو بالعياده واتبعو عندي البرنامج اللي يشمل الحميه وعدة جلسات على جهاز LPG طلعو بنتائج مذهله جدا وغير متوقعه بالنسبه لهم ... يعني الحميه تشتغل على حرق الدهون من الداخل والجهاز يرتب لهم الجسم ويشده خلالجلسات انزال الوزن وطبعا راح تلاحظين فرق راااااااائع بالمقاسات ... راح تصغر اكيد وتبدلين من لارج ل ميديم وان شاء الله مع الاراده توصلين ل المقاس الصغير

وهذا كل شي يتعلق بهذا الجهاز ... اتمنى اني افدتكم بأذن الله

 

[نوتي]

حبيبتي الله يخيب ضن زوجك ويساعدك في جلساتك بس والله ماني فاهمة اش هي نوع الجلسات؟؟؟؟؟؟؟
ممكن تشرحي السالفة عشان اللي مثلي موفاهم

حبيبتي هو جهاز مثل ما قالت الأخت ملكه بعيونه الله يجزاها خير ولها مني تحيه خاصه حب وحترام الله يوفقها ويوفق الجميع
هو جهاز كنه مكنسه يشفط الجلد شفط لين تحسين عيونك بتطلع طبعا يعور اول جلستين كذا وبعدين عادي معد تحسين بشي يقولون يفتت الدهون ويحولها لسوائل وتطلع مع البول ونتم بكرامه
بس انا خايفه اتفشل قدامه :e052:الله يعيني عليه بلله الي قد جربت من خوياتنا الي هنا تعلمنى وتفيدنى

 

[كسرني الالم]

الله ينحفنا ع خير من غير شر يارب ... ​

 

[lovely-1]

هلا خيتوو

أنا جربت الجهاز 12 جلسة

تغيرت بعض مقاساتي مثلا الافخاذ صغرت كم سم

أتوقع اللي يستفيد من هالجهاز اللي عندهم زيادة مو كثيرة بالوزن

لك ودي

 

[من اجل غدي]

هلحين يا نوتي فهمت عليك
ومشكورة ياقلبي يا ملكة بعيونة
احب اقولك توكلي على الله ولا تشيلين هم
صدقيني ان يمكن ماعرفت الاسم العلمي بس بعطيك امل والامل بالله
انتي شايفة الممثلات والفنانات
وانا شفت بعيوني في النت عن وحدة عليها جسم خقاق بس لانها تستعمل هذي الاجهزة وبحكم توفرها في بلادهم الله يخلف علينا احنا هنا اذا دخلو جهاز ضربو ضربتهم فينا وحطو السعر دبل الدبل
الموهم انتي استمري ولاعليك موفقة بأذن الله انتي تتزنين عشان زوجك وبطريقة حلال
ليش خايفة بعدبن خلك يا عسل ذكية حتى لو لا قدر الله ما نفع معاك لاي سبب
سوى ايحاء ايجابي لزوجك ورددية انك اخر منقهة====
ان كيدهن عظيم
وهذي الاخت اللي ردت كمان قالت لك انها استفادت ونقصت كم مقاس ويارب عقبالك وعقبالي يارب يا كريم
سلامي لك واعطينا النتايج اول باول

 

[نوتي]

هلحين يا نوتي فهمت عليك
ومشكورة ياقلبي يا ملكة بعيونة
احب اقولك توكلي على الله ولا تشيلين هم
صدقيني ان يمكن ماعرفت الاسم العلمي بس بعطيك امل والامل بالله
انتي شايفة الممثلات والفنانات
وانا شفت بعيوني في النت عن وحدة عليها جسم خقاق بس لانها تستعمل هذي الاجهزة وبحكم توفرها في بلادهم الله يخلف علينا احنا هنا اذا دخلو جهاز ضربو ضربتهم فينا وحطو السعر دبل الدبل
الموهم انتي استمري ولاعليك موفقة بأذن الله انتي تتزنين عشان زوجك وبطريقة حلال
ليش خايفة بعدبن خلك يا عسل ذكية حتى لو لا قدر الله ما نفع معاك لاي سبب
سوى ايحاء ايجابي لزوجك ورددية انك اخر منقهة====
ان كيدهن عظيم
وهذي الاخت اللي ردت كمان قالت لك انها استفادت ونقصت كم مقاس ويارب عقبالك وعقبالي يارب يا كريم
سلامي لك واعطينا النتايج اول باول

الله يسمع منك يارب ومشكوره على إهتمامك جزاك الله خير وابد النتايج بتوصلكم اول بأول

 

[مهره قطر]

والله حتى انا افكر اسويه لبطني بس سوال هو يظر اذا انا عمليه قيصريه ؟؟

 

[مهره قطر]

اااايه نسيت سؤال مهم يعووورررر ؟؟؟؟؟؟؟؟؟؟

 

[نوتي]

والله حتى انا افكر اسويه لبطني بس سوال هو يظر اذا انا عمليه قيصريه ؟؟

هلا اختي من ناحية العمليه لازم يكون مر عليك 6شهور بعدين عادي ترى حتى انا عيالي كلهم قيصريه ماضرني
ومن ناحية الألم يعور اول مرتين تقريبا وبعدين عادي ماتحسين فيه بس نصيحه ما ابيكم تتخسرون وتعبون نفوسكم على الفاضي
خلوني اشوف النتائج دامي بديت فالموضوع وعلمكم اذامنه فايده ولا لا لئن الحين الجلسه الخامسه ولا حسيت بشي باقي 7جلسات وانشالله خير بس انتو ادعولي