إلى كل بلقيسيه متأخره بالحمل ___ادخلووووووووووووا

[ألم الأمل]

السلام عليكم ورحمة الله وبركاته...

جبت لكم رقم ممرخه راااااااااااائعه تعرف وش في ارحامك من النظر الى أقدامك ماشااااااااااء الله____محترفه بالمرخ:showoff:.............الكل يمدحها وحملت حريم واجد على يديها بعد مشيئة الله .....
اسمها ام عبدالله السلمان يكفي انهاتطمنك وتوسع صدرك هي بالنسيم بأسواق الجوهره..............

أتمنى من المشرفه:clap: تسمح لي احط الرقم للفائده!!!!!!!!
تكفووووووووووووووووووون ادعولي أحمل هذا الشهر لي سنه متزوجه ماحملت...........اليوم اتصلت وحده من صديقاتي تبشرني بحملها والله اني بكييييييييييت الله يستر على قلبي ماهو حسد بس شعوووووووووور تحس فيه (كل متأخره بالحمل....:sadwalk

 

[papero0o]

الم جزاك الله الف خير ممكن ترسلين لي رقمها على الخاص..؟

 

[سر العشق]

حتى انا ارسليلي الرقم عالخاص الله يرزقنا وكل محرووووووووووووومه

 

[وصيت قلبي~~]

يعطيك العافيه يارب
ارسليه لي عالخاص
والله يرزقنا بالذريه الصالحه ولا يحدنا على احد

 

[ألم الأمل]

papero0o-سر العشق-وصيت قلبي
وصلكم الرقم؟؟؟؟؟؟؟؟؟

 

[دلوعة _ريلي]

مرحبـــا ألم الأمــــل ...​

حبيبتي لا تتضايقيـــــــــن ولا شـــــــــــــــــي .. صدقيــــــــــــــــــــــــني ربي كرييييييييييييييم كريـــــــــــــــــــــــــــــــــم ...

توكلـــــــــــــــــــــي على الله وانسي موضوع الحمل لا تفكرين فيه ... ادري ما تروميـــن لاني حاســه فيـــج ... بس حاولي ما تفكرين فيـــه وااايد .. واعرفي دووم انه الخيـــــره فيما اختاااره الله .. قولي الحمد لله على كل حاال ... وحطي الأمـــل دووم فدربج وقولي اذا ما حملت الحين بحمل ان شاء الله الشهر الياي ... لا تزعليـــــــــــــن ترا النفسيـــه تلعب دووور بعد ... واعرفي انه كل تأخيـــــــــــــره فيـــــــــــها خيـــــــــــــــــــــــــــــــــــــــــــــــــــــــــــــــــــره .. وكل ضيـــــــــــــــــق ايي عقبــــــــــــــه الفرج حبيبتي ...

والله اعرف وحده من أهل زوج خالتي 14 سنه ما حملت ويوم سارت قالولها انتي ما فيييج عيال يعني ما بتييبين عيــــــــــال تخيلي !! قالت حاولت انسى الموضوع انا وريلي وعرفنا انه هذا قضااء ربي وقدره .. قالت كانت حرمـــة اخو زوجها توها مربيــه ويابت بنت فراحت هي عندها وقالتلها خليني اربي بنتج وحرمة أخو زوجها ما اعترضت لانها كانت تدري بحالتهم .. قالت ربيتها من هي صغيره وحسبتها مثل بنتي ونسيييييييت سالفة الحمل ... تخيلي عقب ما صار عمر البنت يمكن 3 سنين انصدمت انه هي حااااااااااااااامل ... قالت كيــــــــــــــــف وانا قالولي الدكاتره ما فيني عياااااااااااااال .. شوفي ربـــــــــــــــج كيف كريـــــــــــــــــــــم ... والحين عندها 5 اولاد ما شاء الله ... والبنت اللي ربتها تمت عندها ما طاعت ترد لامها مع انها الحين كبيره ... ووحده من هلنا يلست سنتين وعقب حملت والحين عندها بنت وولد والثانيه يلست 4 سنوات والحين عندها ولد ... والله ربي كريــــــــــــم ... توكلي على الله لانه هذا الشي مب بيد الدكاتره ولا بيد حد بيــــــــــــــــد رب العالميـــــــــــــن وربي خير الراااااااازقيــــــــــــــن ...​

يعله ربي يرزقج ويرزقنــــي ويرزق كل محرووم ومحرومه يا رب العالمين فالعاجل القريب

ويفرح قلوبنا وقلوب أزواجنا ..

عليـــج

1_ بالدعااء

* ربي لا تذرني فردا وأنت خيــر الوارثيـــن وهب لي من لدنك ولدا صالحا يرثني في حياتي ويستغفر لي بعد موتي واجعله خلقا سويا ولا تجعل للشيطان فيه نصيبا يا ارحم الراحمين ...
* ربي أرزقنــي الحمل الطبيعي عاجلا غير آجلا وفرح قلبـــي وقلــب زوجـــي ... ربي لا تحرمنــي هذه النعمــه انك قادر على كل شي ...
* ربي إن لم أكن أهلا لبلوغ رحمتك فرحمتك أهل لأن تبلغني لانها قد وسعت كل شي ...
* يا أرحم الراحمين يا أرحم الراحمين يا أرحم الراحميــن إني اسالك وأتوجه اليك بحق قولــك هو اللذي يصوركم فالأرحام كيف يشاء لا اله الا هو العزيز الحكيم .. اللهم يا الله يا مصور صور في رحمــي ما تشاء إنك أنت القادر المقتدر إنك أنت المصور يا من قال وقوله الحق أفرأيتم ما تمنون أأنتم تخلقونه أم نحن الخالقون ... اللهم أخلق من مائي وماء زوجي ذريــة صالحة بفضلك وكرمك يا ارحم الراحمين ...

2_ صلاة قيااام الليـــل ان استطعتــي والدعااء فيـــها ..

3_ الاستغفااار ع الاقل فاليوم 500 مره ..


4_ قرآة سورة البقره لمدة 40 يوم او أكثر وقرآة سورة مريم كل يوم قبل أذان المغرب ...


5 _ الصدقــــــــــــــــــــــــــــه (( عن نفســي انا عندي حصالـــه احط فيها كل يوم وعقب يوم تتعبا أوديها الهلال الأحمر .. اذا سرنا مول وشفت مال التبرعات اسير اتبرع .. امرآه محتاجه .. عائله محتاجه .. وغيــره ....
بس حاولي تتصدقين كل يوم عالاقل ب 3 دراهم ))

اللي أعرفه قلتلج اياه وأتمنــى من العضوات الثانيات يسااعدونج

يعلــــــــــــــــــــــه ربي يرزقج ويرزقني ويرزق كل وحده تتمنـــــــــــــى هالشهر ويفرح قلوبنا يا رب العالميـــــــن ^_^​

 

[ألم الأمل]

ياحبيلك يا(دلوعة ريلي) الله يخليلك زوجك ويفرح قلبك بنونو عاجلا غير اجل ....اللهم ارزق غاليتي هذه طفلا يملئ حياتها سعاده ويفرج همها ويسعدها ياااااااااااااارب

 

[ألم الأمل]

يالله بنات تفاعلوا

​

 

[المنــــى]

ابي الرقم ارسلي لي الله لا يهينك

ويارب ماااحتاجها بصبر سنه بعد

وإذا ماصار شي لاسمح الله بعالج

الله كريم


دلوعه ريلي

وربي ارتاح لك وكلامك يشرح الصدر

 

[لووووز]

مساء الخير الله يسعدك انا من اول ادور رقم الحرمه هذي واتصلت عليها كنت ابا اروح لها وطلعت مغيرة رقمها ومرة يمدحونها اذا هي الي انا اعرفها اخت زوجي كان عندها الرحم مايل وعدلته لها بفضل الله وحملت الله يسعدك ابي الرقم ارسليه لي على الخاص الله يكتب اجرك ولا يحرمك الجر ويرزقك ويرزقني الحمل الطبيعي وكل من يتمنى اللهم امين يارب العالمين استغفر الله استغفر الله استغفر الله............................

 

[حور الحوارى]

ارسلى الرقم الله يعافيك او اكتبيه لانى خايفه ماتوصل

 

[نور*دبي]

انا يا حرام من سنتين معرسه ولا حملت

احسن فكه هههههههههه
استغفرالله

 

[مسائي]

الله يرزقك اختي ويرزقني ويرزق المسلمين اجمعين بالذرية الصالحة
ممكن رقمها الله يخليك

تشكررررررررررررررات

 

[أجمل عيوون]

الله يعافيكن يابلقيسات أبي رقم حرمة زينة وتخاف ربها في الرياض أبروح اتعالج عندها لي ثلاث سنوات من زواجي ماحملت وأهل الرجل مو نفس أهل الحرمة الاهل يدارون ومايحسسونك بالي بقلبهم أما أهل الزوج موال على الروحة والجية هذي ولدت هذي حامل هذي مع زواجكم عندها ولد وهذي بعدكم عندا ولد وحامل ووووووو الخ
تعبت نفسيتي جدا كل مابلغتني وحدة من صديقاتي بحملها اباركلها وأدعيلها وبعدها أصيح واكتأب حالتي جدا صعبة النفسية جدا سيئة والرجل عاجلا أم أجلا راح يتكلم ومايهمة تأخر الحمل أو تقدمة مو زي الحرمة كل سنة تكبر في العمر
الله يرزقني ويرزق كل محرومة ويفرحنا ياأرحم الراحمين يارب العالمين

 

[وحده شرقويه]

اللهم اذا كان في الحمل خيره لنا فيسره لنا وارزقنا الصالح من عبادك

واذا كان الحمل شر لنا فا اصرفه عنا واصرفنا عنه وارزقنا الخير حيث كان ثم رضنا به

 

[وصيت قلبي~~]

الم الامل الله يبارك فيك ما وصلنى الرقم


دلوعه ريلي الله يرزقنا الذريه ويعطيك على نيتك
النفس تشتاق ما اقدر اتحكم في نفسي ولا ياليت انسى
على الاقل ارتاااااااح من الهم
الله يرزقناااااااا قولو امين
ياااااااااااااااارب