إكتشفت أن زوجي متزوج ثانيه

[عطر الورد]

ارتجف وما عندي شي اقوله
ليش ليش
كان يحبني واحبه
ماظنيت ان احد سعيد مثلنا
اطلب الطلاق؟
اضحي .. اولادي .. حياتي
يقول انه يحبني اكثر
بصراحه انا ما ابغاه
اخلعه وافتك
حيرانه
ظاعت الذكريات الحلوه
ما اتخيله مع غيري
اشيرو علي
بموت قهر

 

[طيري الأخضر]

الله يعينج حبيبتي

هدي نفسج وفكري عدل

الريال تزوج وصار اللي صار لكن لا تستسلمين وترفعين الراية البيضا لها

راح تستانس وهي الكسبانة ،،، الزم ما عليج عيالج وبيتج ولج حق مثل مالها حق

انتي الحين زعلانة وحاقده لأنه تزوج ،،، ما سألتيه ليش ؟؟

 

[عنقود عنب]

الرجال تزوج وخلص

لا تتسرعين .. ما احد يلومك على اي ردة فعل

لكن لا تتهورين وتخربين بيتك

الله يكون في عونك وطمنينا عنك

 

[صــدى الصمـت]

الي صار صار

سواء كان لك ذنب ولا لا

شوفي لك حل تكوني فيه رابحه اكثر من ان تكوني خسرانه

الله يعينك

 

[درة الأكوان]

مثل ما قالوا لك البنات لازم تصبري بس في حلقة مفقودة
أنت وهو تحبون بعض كما تقولين؟!!!!!! ...أكيد في سبب وهذا السبب ليس بهين أوصغير؟!!!!!
انظري لنفسك بماذا قصرتي بحقه؟؟؟؟؟؟؟؟؟؟؟؟
وردي عليّ.

 

[بىبى]

الله يعينك يا عطر الورد إكثرى من الاستغفار والدعاء ...قلبى وياكى

 

[البسمه]

حسبنا الله ونعم الوكيل
نصيحتي لج اختي تصبرين دام ريلج كان زين معاج ويحترمج ويحبج, انتي الحين عليج بالاستغفار والدعاء وانتي الحين جدا تحتاجين للاستشارات الهاتفيه لازم وكلمي الدكتوره ناعمه وباذن من الله راح تعطيج راي, بس كوني قويه ولو اني حاسه فيج تحين مابيدج اي شي تسوينه. ما في الا انج ترددي 24 ساعه (حسبنا الله ونعم الوكيل) والله يكون بعونج يارب.

 

[ام الحلوين]

اللة يكون بعونك اذا مافي سبب مقنع لطلاق ترا ياختي مايجوز ومثل ماقالو لا تستسلمين لها وعيشي حياتك ولا تنكدين على نفسك وزوجك واحتسبي الاجر فيها

 

[قلب في جسدين]

[ALIGN=CENTER]

[CELL="filter:;"] [ALIGN=center]حبيبتي .. عطر الورد ...

الحمدلله على ماقضى وقدر .. وهذا ابتلاء من الله ليختبر صبرك أو ليمحصك من ذنوبك ..
لا تنسي حديث الرسول صلى الله عليه وسلم: "عجبا لأمر المؤمن إن أمره كله له خير إن أصابته سراء شكر فكان خيرا له وإن أصابته ضراء صبر فكان خيرا له" ..
رددي 7 مرات: (حسبي الله لاإله إلا هو عليه توكلت وهو رب العرش العظيم) يذهب الله حزنك بإذنه ..
تذكري دائما دعاء المكروب: ( لا إِلَه إِلاَّ اللَّه العظِيمُ الحلِيمُ ، لا إِله إِلاَّ اللَّه رَبُّ العَرْشِ العظِيمِ ، لا إِلَهَ إِلاَّ اللَّه رَبُّ السمَواتِ ، وربُّ الأَرْض ، ورَبُّ العرشِ الكريمِ) ..

الله يثبتك ويصبرك ويربط على قلبك ..

طمنينا عليك يالحبيبة ..[/ALIGN] [/CELL]

[/ALIGN]

 

[زهرة البوادي2006]

كان الله في عونك اختي ومثل ما قالت ام ريما كلامها عجبني وحاولي شوفي الدكتورة او حكاوينا ويش ينصحوك لانهم ماشاالله عليهم يعرفن يوصلنك لطريق البر وتوكلي على الله في كل امورك مادام هو ما قصر فيك وكثير رجال مهما سويت الزوجة واعطته حقوقه بعده مادام يفكر يتزوج بيتزوج يعني ما تحسسي نفسك انك قصرتي مادمتي ما قصرتي واهتمي بنفسك وعيالك وبيتك ولا تدمري نفسك والله الموفق

 

[Fairy Tale]

حبيبتي .. أول شي اهدي وصلي على النبي عليه أفضل الصلاة والتسليم ..

حبيبتي .. أعرف شعورك جيدا .. أعرف الرجفة التي تسري في جسمك والغثيان الذي ينتابك والدوار وفوران الدم .. أعرفه تماما فزوجي مثل زوجك تزوج .,,

اهدي شوي .. أدري صعب .. لكن بالهدوء تحل الأمور ..

أول شي شيلي فكرة الطلاق من راسك .. أدري انك مقهورة منه وانه ما يستاهلك وانه خانك ووو .. بس استني عطي نفسك فرصة عشان ما تندمين .. لا تقولين ما بندم لأ ما تعرفين وش بيصير .. طلاقك هدفها .. كل وحدة تجي زوجة ثانية تحلم وترسم على انها بتقدر تاكل عقل الرجال وتخليه ينسى الأولى ويبقى لها بس .. وهذا طبعا لأن الرجال اسم الله عليهم دايما حريمهم منكدين عليهم ومضايقينهم وكاتمين على انفاسهم !!! المهم .. انت اذا تطلقتي او خلعتي بتكونين عطيتيها كل اللي تتمناه .. ليه ؟ ولا تزعلين لو سمعتي بعد فترة انه طلقها .. وش بتكون ردة فعلك ذاك الوقت ؟ ليتني صبرت شوي .. الحين شلون برجع الأمور مثل ما كانت ؟ عشان كذا انسي الطلاق حاليا لسبب أخر وهو انك قلتي انكم تحبون بعض .. وانه ما فيه مثلكم سعيدين دايما .. طيب .. هذا شي حلو مرة .. خليكي عليه .. صحيح زواجه يحسسك ان الحب والسعادة انلغوا .. لكن اصبري ..

حاولي تتجاهلين الموضوع تماااااما .. صعب برضو أدري .. أنا احتجت وقت طويل عشان اتجاهل .. لكن انتي خليك احسن مني واستفيدي من تجربة وحده مرت باللي مريتي فيه من فترة بسيطة بس .. حاليا الرجال ما يسمع ولا شي منك .. ولا يشوف شي .. تخيليه انه أعمى أو أصم .. من جد .. قد ما تبكين وقد ما تصارخين وتهددين ما يسمع ولا يشوف !! لا تستغربين لكن من جد .. اذا على البكا .. ما فيه احد بكا كثري .. اذا على الصراخ برضو ما فيه مثلي :showoff: لكن وش اللي فاد معه ؟؟ ولا شي .. كما هو .. وآخر حلاوة حياته .. بالعكس لا تعطينيه فرصة انه يهرب منك ويروح لها .. خليك عادي .. برضو بتقولين شلون اكون عادي .. حاولي .. والله الإرادة تسوي المعجزات والله ما تتخيلين .. توكلي على ربك .. وخلي عندك هدف انك ما تنكسرين قدامه .. وادعي وربي بيفرجها ان شاء الله ..

ما ادري اذا هو صحيح انك تحاولين تعرفين هو تزوج ليش ؟ لكن بما انك تقولين انكم تحبون بعض ومبسوطين وهذا بالضبط مثلي ما كنت اشوف احد مبسوط في الدنيا مثلي ( الحمد لله على كل حال ) وصار اللي صار .. لكن انا اتوقع انه ما راح يقول لك ليه تزوج .. عجزت اعرف ليه تزوج ولا قال لي .. احس انه ما عندهم سبب تزوجت لأني ابي اتزوج بس كذا الشغله عندهم !!! مدري انتي حاولي بس بهدوء مو تنكدين على نفسك لأنه ما يجيب نتيجة ريحي نفسك من عوار الراس ..

تجاهلي زواجه .. وحاولي ترتبين حياتك من جديد .. طبعا اذا فيه امور تخصكم مشتركة مثل مبيته هناك وكيف وقته بيكون بينكم ومن هالأشياء .. رتبي أفكارك واكتبيها عشان ما تنسين شي .. واجلسي معه ووضحي رغباتك بهدوء .. وبوضوح .. وباصرار يبان في نبرتك وتعابير وجهك مو بالصراخ والتهديد بالهدوء اللي يعررف منه انك جادة وما بتتنازلين ..

بعدين التفتي لنفسك .. ما شاء الله الموقع هنا مليان شغلات حلوة .. ارجعي لهواياتك .. اطفالك عطيهم وقت زيادة .. تخيليه مسافر .. لا تقصرين بواجباته ولكن خليك ثقيله شوي معاه عشان ما يفكر ان الموضوع عادي عندك ..

أختي الحبيبة .. أدري اني ثقلت عليك بالكلام .. ويمكن في حالتك ما تقدرين تستوعبيه كله وتحسين انه صعب جدا .. لكن والله قلبي عورني من جد عليك .. أكره هذا الشعور اللي يخلينا نندم على كل شي .. على كل لحظة .. لكن .. الانسان يتعلم من التجارب .. وصدقيني بكرة أحلى بس ابتسمي ..

حاولي ترجعين لكلامي وانتي هاديه شوي عشان تقدرين تفكرين فيه وتتماسكين من جديد .. دعواتي القلبيه ان ربي يريح بالك ويفرج همك ويرفع عنك عاجلا غير آجل ..

 

[طيري الأخضر]

الله يعطيج الف عافية يا بلاك توليب

والله يفرج همنا وهمكم يارب

 

[some1]

الله يصبرك ، و الرجال ما فيهم أمان ، يعني مش ضروري يكون فيكي نقص علشان الرجال يتطلع في غيرك ، هم طبيعة فيهم ونقص فيهم أيضا" ،،،،

 

[نسائيات]

احس بمشاعرك المتضاربه المقهوره لانه تزوج عليك
لكن ارغب ان اطلب منك طلبا ربما تظنين انه غريب
لكن اطلب منك الهدوء والسكينه
اقرئي القران فهو كفيل بان يجعلك تشعرين بالهدوء اكثري من الاتغفار
زواجه من غيرك لن يقتلك ولن يدمرك فقط راجعي نفسك وراجعي حساباتك فانتي محتاجه ان تعلمي على اي ارض تقفين
اطلبي التعويض ولا تستقلي شيء على نفسك
غيري شخصيتك فهو لم يعد لك وحدك
ولا يكذب ويقول انت المحبوبه فكلامه للاخرى كذلك لكن اجعلي من نفسك المحبوبه عندما يكون لديك
واخلقي لنفسك حياة مستقله عنه

 

[الجرح النازف]

ماشاء الله البنات كفوا ووفوا وخاصة بلاك توليب

انصحك اختي ان تشيلي كلمة لماذا تزوج علي لانه مافي سبب والحين صارت موضه عند الرياييل الله يصبرنا عليهم

ثقي في نفسك ومثل ماقالت الاخت بلاك اشغلي نفسك كثير علشان ماتفكري

تعرفي ان الزعل يتلف خلايا في المخ والله مايستاهل دمعه من عينك تخرج ولا خليه تتلف لاجله

كرري دائما اللهم اجرني في مصيبتي واخلفلي خيرا منها

واذا حسيت بقهر وظلم الجئي لله واشتكي له وحده ابكي بين يديه

واطلب منه وحده ان ينصفك ممن ظلمك والله سترين العجب بس بقلب موقن بالاجابه

ودائما اربط مصيبتك بمحبة الله لك لانه اذا الله احب عبدا ابتلاه

وانصحك بالاكثار من قراْة سورة يوسف فلقد سمعتها من الشيخ عمر عبد الكافي

اجعلي نصب عينيك انك ملكه وانه ماعمله زوجك لن ينقص من مقدارك عند نفسك اولاوعند الناس ثانيا

زوجك كان رفيق دربك وليس هدف حياتك ان فقد الصاحب فما فقد الهدف الذي انت عايشه لاجله

عيشي حياتك بالطول والعرض مرات اكشخي لنفسك امرحي تعلمي من الاخت المهاكيف تكونين انانيه

اسعدي نفسك تسعدي ابتمسي ولو كنت في عين العاصفه لاتتنازلي عن حق من حقوقك

من بعد اليوم تقدري على الشئ تسويه سويه ماتقدري لاتسويه لاتضغطي على اعصابك كثيرا

في الاخير سادعولك فأمني

اللهم ارزق عطر الود حبك وحب من يحبك وحب كل عمل يقربها الى حبك

الله اني ادعوك بدعوةسيدنا سليمان عليه السلام(ربي هب لي ملكا لاينبغي لاحد بعدي)وان ادعوك واقول:

اللهم هب لعطر الودملكا وحبا وامن وسكنافي قلب زوجها لاينيغي لاية امرأة غيرها

اللهم صب محبتها في قلب زوجها

صبا صبا واريها ذلك واصرف قلب زوجهاعن فتنة النساءحميع النساءالافتنة عطر الودوسحرها الحلال

اللهم الف بين قلبيهماكما الفت بين قلوب عبادك اللهم اجعل بينهم من الموده والرحمه افضلهاوارزقها الصبر الحلم اكمله

اللهم اجعلها من الصابرات الصبر الجميل واجعلها من الشاكرات الراضيات بقضائك وقدرك اللهم اجعلهافي عينها صغيره

وفي عين زوجها واعين الناس كبيره اللهم اجعل لها زوجها ابا لها في الحنان واخا لها في الطاعه

وحبيبا لها في الفراش اللهم اصلح مابينها وبين زوجهاواهدي لها زوجهاوصبرها على زوجهااللهم انها تشكو اليك ضعف

قوتهاوقلة حيلتهاوهوانها على زوجهااللهم اعطهاعلى الضعف قوةوارحم ضعفهاواجرها في مصيبتها وافتح لها ابواب

رحمتك وفرج عليها من اوسع ابوابك واربط على قلبها بلاحولا ولاقوة الا بالله امين

 

[@ بسمة أمل @]

ماشاء الله البنات كفوا ووفوا


اللهم اعنها يارب وفرج هما واربط على قلبها وييسر جميع امورها ياااااااااااااااااااااااااااارب


والله شئ يعور القلب ويحسس بعدم الامان مع هالرجاجيل

 

[عوشي]

اختي الفاضلة عطر الورد ، انا مثلك كنت وزوجي أحسن زوجين ومو مقصر معاي بشي ولا آنا بس زوجي تزوج ثانيةوطلقها وتزوج بعدين ثالثة وصبرت عشان ولدي بس عمري ماطلبت الطلاق وخليت الساحة حق زوجته الثانية، وترى على فكرة دائماً الزوجة الثانية تغار من الزوجه الاولى إذا كان زوجها يعدل بينهم ويبات عندها
ملاحظة : الزوج إذا حط براسه الزواج الثاني يتزوج حتى لو ما في سبب مقنع أو انه ماعنده فلوس زايدة بس يحب يثبت رجولته امام اصدقائه

 

[Fairy Tale]

والله كلامك صدق يا عوشي .. لو حط الزواج في راسه والله لو ايش ما صار ..

حبيبتي عطر الورد .. حاولي انك ما تفكرين بالأسباب اللي خلته يتزوج ولا تضعفين ثقتك بنفسك أرجوك .. زواجه لا يعني ان فيك نقص ولا عيب ولا شي .. انكاره لك ولحياتكم الحلوة نقص فيه هو .. انسيه .. او خلينا نقول تجاهليه مؤقتا ..

حاولي تسترخين قد ما تقدرين .. احنا معاك ولا راح نخليك وان شاء الله ربي يقدرنا نساعد بعض بكل اللي نقدر عليه .. اول شي نفسك وعيالك .. اتركيه هو .. وعسى ربي يهديه ..

أدعي لك من قلبي والله ..

 

[غاليه]

الله يعينك اختي والله حاسه فيك لاني جربت هذا الشي ولاتسألين ليش تزوج؟؟؟ ولاتفكرين انه فيك عيب عشان كذا تزوج الرجل اذا حط براسه الزواج اتزوج بدون سبب

اكثري من قراءة القران والدعاء في السجود واخر الليل وبين الاذان والاقامه وألجأي الى ربك وكرري حسبي الله لااله الا هو عليه توكلت وهو رب العرش العظيم سبع مرات صباحا ومساء

الله يربط على قلبك ويرزقك الصبر ويجعل لك من كل هما فرجا ومن كل ضيق مخرجا

 

[عطر الورد]

حبيباتي كل ردودكم تبين حبكم لي
وهذا عزائي
لكن نار قلبي موعارفه شلون بتنطفي
معتزله الحياه
حتى الاكل والشرب ما لي خاطر
لولاكم ما فتحت الكمبيوتر
ما ابي اشوف نفسي