إذا انا صح أكيد بتأيدوني

[مودعة الحب]

صباح الخير
مودعة الحب ترحب بكم من برجها العاجي
ماعندي زود كلام
بس لقيت روحي وبديت احس فيها عدل لمن حبيت نفسي
اول كنت كل الي اسويه اني اهدي غيري من الناس واهتم بيهم واتنازل كثيير
وكانت هي حوبتي لمن تزوجت تنازلت ان يكون لي زواج تنازلت ان يكون زوجي لي لحالي تنازلت عن الحب والرومنسية وكل الي اسويه اني اعطي في ذي الهدايا عشان رضاه
أكيد رضا الزوج مطلب اساسي بس لمن يكون فيه تبادل
الزواج يعني آمان موقلق يحبني ولا لاء؟
أنا زينة بعيونه ولا لاء؟
هو خطبني وشافني يوم الشوفه اجل لابد يرضى فيني زي ما انا
ولازم يعرف اني بشر مو ملاك نازل من السما
ولازم يتقبل عيوبي وانا اتقبل عيوبه
اناالانتقاد الكثير عمال على بطال ماله داعي
وكون انه يحطني في دايره اختبارات ماتنتهي مالها داعي
حلوه الحياة الي يكون دافعها الحب طبيعية زي ماخلقها ربي
بيني وبينكم مليت خواتي وانا اقرا في ذي المواضيع
اشلون تكسبين قلبه
حركه تخلي زوجك يذوب عندك ومايفارقك
الخخخ..........................................
الحين مودعة غير تقرا عن
كيف احب نفسي
كيف احترمها
كيف احقق احلامها مو ادفنها
اعتني بنفسي بجسمي خلطات تنظيفات عطور ملابس شنط اكسسوار ذهب ديكور مو بس اجمع عشان اهديه
انا لو ماحبيت نفسي عمره مارح يحبني لو رميت له كنوز الدنيا تحت رجلينه
والله اني احب زوجي واموت عليه
بس تعبت اذا مالقيت الدلال منه خليني ادلل انا نفسي يعني بالله اموت مرتين مره من اهماله لي واكتفي بجرعات الحب القليله
ومره من اهمالي لنفسي؟
طبعا لاء
العمر مره وحده رح نعيشه يانعيشه صح او لاء
ولو كنا ضعيفين بنكون مداس ( وانتو بكرامة )
مشاعر اختلطت بقلبي كثير اكتب لكم ودموعي تجري على خدي اعتقد الي فات من عمري لغيري كفاية
لازم اعيش لنفسي
والي يبي يسميني انانية (ياكل هوى)
يارب سخر زوجي لي
يارب اجعلني قرة عين له واجعله قرة عين لي
يارب رضني به ورضه بي
يارب استر عني عيوبه واستر عيوبي عنه
الي تأيد كلامي ترفع من معنوياي والي تشوف ان كلامي غلط انا اتقبل رايا بصدر رحب ومنكم نستفيد
محبتكم ( للاسف مودعة للحب الي كنت ارتجيه طول العمر)

 

[عاشقةالطبيعه]

نفس حالتي لاكن انتي الان على الصح
حبي نفسك ودلليها واهم شئ ثقتك بنفسك

 

[مودعة الحب]

نفس حالتي لاكن انتي الان على الصح
حبي نفسك ودلليها واهم شئ ثقتك بنفسك

الله يسلمك يارب
بس تعرفي القرارات ذي كلها وهو بعيد مادرى بحالي
اما عاد ثقتي بنفسي هي مشكلتي يارب ريح قلبي

 

[مودعة الحب]

شكلكم خواتي ولا وحده فيكم مؤيده للي انا وصلت له من قناعة ​

 

[ليتك لي وحدي]

ربي يوفقك ويسخر لك زوجك

صحيح ياعمري لازم الوحدة فينا تحب نفسها وأنا مؤيدة لك وبقوة

 

[اي فونه]

اجل كلامك صح
انا زمان قبل ما اتزوج لما كنت اسمع الحريم و شكاويهم و شكوكهم و أسألتهم وااااي كنت اقول ذولا معطين الرجال اكبر من حجمهم و بدأت حياتي الحمد لله و انا واثقه بربي ثم بنفسي و يوم عن يوم احس اني صرت بين البين مو مثل قبل و الله يعين

 

[@الحب@]

كلااامك عين العقل

حبي نفسك عشان الناس تحبك مو بس زوجك

كل ماكان الانسان يحب نفسه ويثق بمقدراته النس بعد تحبه

والعكس ايضا