إذا أرسلت هالرسالة لزوجك في جواله وش تتوقعين يرد عليك ( تجــــــــــــارب )

[ASA]

بجرب أرسلها إن شاءالله

 

[جوودالسعوديه]

بااااااااااك
ارسلتها له بعد عيني مااخذ نصف ساعه ورد علي مع انه بالدوام

رده(انتي كل شيء بالنسبه لي)
بنااااااااااااات بليييييييز دعواتكم لنا
ان الله يتمم علينا ويجمعنا على خير ويوفقنا مع بعض ويكفينا شر من فيه شر

 

[عفركوشه]

جاري الإرسال

 

[lulucaty]

اكيد راح اجرب!!!!!!!!!!

 

[ام رودين]

جاري التنفيذ
وبرد واقول لكم ايش يصير

 

[حنانوو]

سالته وانا اقولها له بدلع
حنامخطوبين زواجنا بعدسنه يعني متعذبين بقوه
ورد علي
انتي كل شي كل شي كل شي لي بهالدنيا
انتي اهلي وعالمي كله
وقال وربي مااقدراعيش من دونك طلبتك لويصير ايش ابيك دوم تكوني قريبه مني
والله احبك وكمل الحكي

بصراحه رده اعجبني
الله لايحرمني منه ويخليه لي دوم وويسر امورنا ويجمعنا يارب
وربي احبه

 

[مجروحة من قلبي]

اللحين ابو الشباب زعلان لرضي
ان شاء الله ارسلها واقول الرد
اللـــــــــــــــــــــ يهديه ـــــــــــــــه

 

[&*ميريام فارس*&]

السلام عليكم صراحه طرحك حلووووووو جربته وارسلتها ورد علي مشكوره حبيبتي @الله يخلينا لبعض ولا يفرقنا عن بعض وانا كذا لك مع وعك الحياة @@@انا ام اثنين ولد وبنت

 

[رفيقه الحزن]

حلووووووووووووووووه الفكره جاري التنفيذ

 

[ديالا2]

يله رح ابعتها استنوا شوي ..............

 

[عز ودلال]

للاسف ما رد على وللاسف انا مريضه في البيت وحتى ما فكر يتصل يسال على مع اننا مو زعلانين

 

[*فديت بلادي*]

مشكوورة عالموضوووع الحلوو حتى لو منقول..
انا طرشت لريلي الرسالة ياني فضووووول ابي اعرف كيف بيكون رده..
رد علي كاتب

(انتي كل شي فحياتي..وانا بدونج ولا شي يا قلبي)

:blush-anim-cl::blush-anim-cl: فديته ..كلامه الحلو مب شي يديد علي ..لانه جنوووبي:icon31:

 

[سناالفضه]

اعرف وش بيرد وماابي ارسلها لاني زعلانه منه وهو مايحسب بيكتب معلقه اعرف كله خرطي وتروح الزعله بهالرساله ويضيع حقي معاه

 

[وتين حبيبي]

قال انتي كـــــــــــــــل شي

وبعده رزعني بكم كلمه انتي فاضيه وانتي وانتي .........صراحه ماتسوىعلي
ههههههههه

 

[n@n!i]

يااي حلووة الحركة بس مو متزوجه لو اتزوجت سويتها وقلتلكم ردو هههههه

 

[حكايه حنين]

كتب لي وانتي كل شي بحياتي بعد

 

[انحناء السنبلة]

والله يا بنات فطستوني ضحك

سؤال خطير وحساس

انا بعد شوي برسلها له

الله يستر من الجواب اخاف يطنش

يعني بيننا عشرة لا سنة ولا سنتين <<< 15 سنة

يارب يجي الجواب على قد السنين اللي عشناها مع بعض

 

[ثلجه ورديه]

هو بدوامه مااتوقع يرد علي بس بجرب واقولكم

 

[انحناء السنبلة]

ارسلت له الرسالة

طبعاً بسرعه رد خلال دقيقتين

وهذا جوابه

( كل ما تقولي لي ما راح اكمل معاك جد ما اقدر أتخيل الفكرة ... هذا جوابي )

وقت الزعل دائماً تجيني فكرة اني ما اقدر استمر معاه

شو رايكم

 

[ستيتا]

رسلتها


دوبني مره حلوه